啖啖燕窩 (駿運工業大廈)

營業中

休息中

開始秋涼，皮膚又開始乾燥，喉龍又乾，真係要搵啲好野食補補。朋友介紹左呢間專門賣燉品既~啖啖燕窩~比我，見觀塘咁方便我，今日去睇下有乜好野補下先。鋪頭有好多好野選擇，燉湯、甜品、小食都有。全部食材都係女士至愛，雪燕、花膠、鮑魚，我一見到都心心眼。椰皇竹笙烏雞燉花膠湯個湯好清甜，花膠又大又舊，又竹笙又烏雞，真材實料，無得頂呀。蒜香花膠我自己好鐘意食花膠，好鐘意個質感，爽口軟滑，又有咬口，最重要係夠骨膠原，啱哂咁貪靚既我。呢個花膠勁蒜香，整熱用埋啲汁撈啲菜食，好正。燉蛋白同燉蛋，兩款口感幼滑，淡淡奶香，滋潤養顏。蜂蜜菊花杞子 & 椰青 雪燕飲雪燕飲有好多雪燕係入面，椰青雪燕飲粒粒椰青，食多啲椰肉皮膚靚啲; 蜂蜜菊花杞子，清甜解渴，有啲似涼茶。呢度好鬼多人幫襯，黎拎貨既人不斷有，原來訂滿350蚊免費送九龍，新界港島補錢就得。

打卡able嘅升級燉品專門店，佈置非常少女風，專營燕窩花膠塗膠雪燕燉品。呢間嘅產品用咗好多年研究，養生首選，每日鮮製，品質非常高！❤️蒜香花膠（$108）：花膠都幾大塊、厚身，唔似出面有部分薄身嘅花膠，令到成個花膠入口好滑、有口感。估唔到蒜味同花膠好夾！呢個仲可以係真空包裝，方便客人外賣返去整熱嚟食，平日當加餸都幾好。椰皇竹笙烏雞燉花膠湯（碗）250ML：啖啖椰香，極之足料，好濃郁，精華出哂黎，飲完個身都暖哂！有助安神。3.6牛奶紅棗杞子燉雪燕（$58）：3.6牛奶味好夠，配上雪燕嘅味道同層次更加豐富，簡直perfect match，加上有紅棗杞子等等嘅材料，非常補身滋潤，令口感唔會太單調。特濃4.3牛乳燉蛋（$18）：燉蛋口感比較creamy，奶香味濃郁，入口即溶。加上唔會太甜，令成個甜品入口一d都唔會覺得膩。驚唔夠飽？No worry，呢度仲有唔同小食，我試左黑椒味慢煮雞胸（$28）、衰仔雞翼尖（$48），雞胸肉滑嫩多汁，好惹味，又夠大份。記得即食飲品需要3小時內食用。#damdambirdnest #hkfood #hkfoodie #foodhk #hkfoodies #hkfo

啖啖燕窩觀塘駿業街60號駿運工業大廈1樓B1室Room B1, 1/F, Tsun Win Factory Building, 60 Tsun Yip Street, Kwun Tong約了去左整眉同做FACIAL, 上去前先醫一醫肚啦, 工廈入面有好多小店都好食又抵食架!我做得FACAIL都知我是貪靚之人啦, 去食下滋潤架野, 令到皮膚更靚。“啖啖燕窩”專食滋補湯水同甜品架, 女人架恩物哦, 養生又美味。開始入秋天氣乾,要了碗 滋補一下。螺頭元貝豬展燉花膠清甜, 調味都是以清淡為主, 加上花膠令到湯有點黏,這都是溶在湯中的糊華哦。蒜香花膠煮到好腍身, 花膠本身就是充滿COLLAGE骨膠原架啦, COLLAGE弓令到皮膚更有彈性同光澤, 小小蒜香調味很好吃。$28 慢煮雞胸肉，黑椒味幾香好惹味，有即食包幾岩買返去整雞胸沙律$48 雞翼尖超惹味,拍得住元朗雞翼尖。$48桃膠冰糖紅棗杞子燉，滋潤好味清甜,桃膠qq食完鹹食下甜架先,$ 18 北海道3.6 牛奶燉蛋白個樽仔好可愛, 是人氣物之一, 我見有客一次過買了十幾個外賣回去食, 店家話好多附近OFFICE OL都喜歡來買甜品同湯水架,

朋友生日去咗觀塘朋友家慶祝，網上睇到呢間啖啖燕窩評語幾好，就買咗幾款野食上去送禮💕3.6牛乳奶凍奶凍香滑唔易散開，牛奶味香濃，質感細滑好好味😋蒜香花膠見到蒜香花膠既口味幾特別就試吓，粒粒蒜蓉配上花膠，入口軟身而且帶爽口冰糖紅棗杞子雪燕飲點左呢款冰糖紅棗杞子雪燕飲味道唔錯，感覺很養生又健康，加左冰糖會帶點甜椰皇竹笙烏雞燉花膠湯花膠湯好足料，有瑤柱粒、竹笙和烏雞一齊煲既，好鮮甜味👍🏻花膠又大片，入口很滑又可口😋😋😋

秋冬兩季開始同大家講經講養生是咪好老土？叼，唔識養生嘅人就真係老嘞！咁你想畀人話老土定老？燕窩養顏，加埋木瓜牛奶嘅組合我諗男女都好難抗拒。一碗份量食到真材實料足料燕絲，重點係全部甜品都係dayday 鮮製！
蒜香好入味，花膠好軟淋，口感好正😋😋唔食辣之選蒜香花膠CLS正，🧄濃郁蒜蓉浸住大大件厚實花膠，入口啖啖都好實在，個汁直情想打包返去撈麵！呢間除咗甜品，湯都出名係無鹽、無糖、無味精同防腐劑。花膠系列嘅湯水都有好多選擇，清潤之選有椰皇竹笙烏雞燉花膠湯，椰香同烏雞熬製，清甜無添加，重點係唔會去油膩，同樣大大嚿花膠冇欺場！

呢日同閨密聚舊，響觀塘食完飯佢帶咗我去呢間專門食燕窩花膠燉湯嘅小店。主要係做外賣居多，入面亦有少量座位，佈置得相當有少女風。養生滋潤野都冇乜邊個女人會抗拒，我哋點咗個螺頭元貝蟲草花三黃雞燉花膠湯，北海道3.6牛奶燉花膠同蒜香花膠。螺頭元貝蟲草花三黃雞燉花膠湯- 極之足料，味道濃郁，花膠好厚身大隻，仲有好多螺頭元貝，食完真係大滿足。北海道3.6牛奶燉花膠- 入口好滑，食到香濃嘅牛奶味同花膠味，真係好滋潤，啱晒呢個天氣。蒜香花膠- 呢個相當有驚喜，蒜味好香，估唔到同花膠味道咁夾，我哋食到停唔到口。值得一提，餐廳嘅甜品係每日新鮮製造。臨走前見有明治4.3牛乳燉蛋同特濃3.6鮮奶凍，忍唔住買咗幾杯返屋企人食。呢個小店嘅燉湯同甜品好足料，滋潤養顏，啱晒女士們補一補。朋友話佢間唔中就會落單訂，有送貨上門服務，又真係幾方便。

黎到係觀塘既即食燉品專門店啖啖燕窩，主打甜品，但都有其他野買，好似近期嘅大閘蟹，月餅等等，所以都有好多唔同嘅產品。近排轉天氣特別想食甜品，呢度嘅產品好多都好補身，叫咗椰皇竹笙烏雞燉花膠湯，花膠好大塊，冇取巧，而且燉湯，椰皇烏雞竹笙呢啲精華出晒黎，好甜好暖身既感覺。招牌椰汁燉桃膠又係好足料，成半兜都係大大粒既桃膠，而唔係細細粒既桃膠碎，真係招牌菜。舖頭名叫做淡淡燕窩，所以就試吓佢嘅燕窩，叫咗蜂蜜3.6牛奶燉燕窩。果然顧名思義淡淡燕窩真係淡淡燕窩，佢收得呢個價錢真係比返咁多料你，每淡都係燕窩，而且個蜂蜜唔會太甜，好補身。蒜香花膠就係真空包裝，都幾方便，一打開勁香蒜味，而且花膠份量都好多，如果煮飯多一個餸都可以。店員有提醒每樣食物可以擺幾耐，大概一日至兩日，所以睇得出佢哋嘅糖水好多都係新鮮即製，唔會話好多防腐劑，所以食落又健康又補身。

去朋友屋企聚會，冇理由兩手空空乜都唔買嘅🤭，知道觀塘有間《啖啖燕窩》燉品專門店，入面有齊花膠、燕窩、燉湯、小食等等．．各類養生食品，加上甜品都係每日新鮮製作，絕對啱晒佢哋有老有嫩嘅屋企人🥰🥰！🐔椰皇竹笙烏雞燉花膠湯 $380700ml 大約有三碗既分量，飲湯要食埋湯料先至夠真材實料👍🏻飲落香濃，淡淡椰子香氣，有助清熱安神😍😍！🥛牛奶燉蛋白/特濃3.6鮮奶凍見到寫住北海道3.6牛奶，🥰小朋友至愛當然即刻買啦！一百蚊有六杯，即場開咗一杯嚟食😋牛奶味果然超級濃厚！🧄蒜香花膠 $108朋友至愛蒜香味，所以買咗呢包超多蒜蓉粒粒既花膠比佢，滿滿骨膠原，店員話喺雪櫃攞出來放入沸水細火浸8分鐘就食得，十分方便👍🏻👍🏻！慢煮雞胸肉 $28知道朋友近排要減肥增肌，所以順便買咗兩包雞胸肉俾佢，有黑椒味和鹽焗味，見佢食完都話嫩滑多汁，果然慢煮係好食D😋😋！

秋風起，個人乾乾哋好想飲啲湯水滋補吓。唔係同呀媽住都係滾湯多燉湯少，因為買料煩又剩🥲今日放工就係觀塘附近搵咗間身邊都幾多人試過好評嘅啖啖燕窩試吓啲燉湯！舖頭喺工廈，唔難搵，入到去個感覺好young好靚，打卡一流👍🏻但我係買外賣，因為想同老婆happy share🥰本身見佢啲甜品每日鮮製都好吸引，但理智叫停左我🐽🥲我當日揀咗兩款燉湯同麻辣花膠試。先講麻辣花膠，佢啲花膠份量十足，每舊都啖啖肉，又厚，估唔到花膠都做到咁掛汁嘅感覺😨👍🏻汁料唔算辣，好香蒜香味，搞到我忍唔到煮咗個麵嚟撈，真係好正🤣到主角燉湯，老婆叫咗椰皇竹笙烏雞燉花膠湯，佢話一入口就極之清甜，每一啖都有好香嘅椰皇味🤤👍🏻用烏雞燉湯，甜而不膩，又唔會油，而且極為足料，花膠十分厚肉，有微微鮮香，真係好滿足！老婆非常滿意🤭🤭我自己就對自己好啲😝叫咗個富貴雞鮑素翅，一睇色澤已經覺得正，因為用咗好香嘅三黃雞，湯水顏色金黃，但絕不油膩，鮑魚大大粒🤤估唔到燉完湯都仲保留到鮮香味，花膠同老婆碗湯嘅一樣咁大咁厚，大塊到想拎出嚟用刀叉嘆🤭佢哋個保溫袋有寫，一個月對自己好一次都唔過分，的確依個湯，真係令我想對自己好多幾次🤣

秋天涼涼地🍂🍂又有少少乾燥最岩就食糖水滋潤一下嫁啦BB快D 落ORDER 🫣🫣我要一齊食 蜂蜜3.6牛奶木瓜燉桃膠 , 招牌椰汁燉燕窩 同埋特濃3.6鮮奶凍啊!蜂蜜3.6牛奶木瓜燉桃膠 (HKD 48.00)依個真係好岩秋天食啊🥰🍯蜂蜜加3.6牛奶甜度岩岩好滋潤又香濃順滑既牛奶口感再配上木瓜燉桃膠大大粒既木瓜不但有豐富營養，而且多汁再食埋桃膠,☺️今次依個甜品真係又有營養+美顏+滋潤!招牌椰汁燉燕窩 ( HKD 128.00 ) 從來椰汁燉燕窩都係皇牌既配搭 ,🤭一打開包裝就聞到椰汁既香味, 營養價值高既滋潤糖水,滿滿既燕窩唔單只可以滋潤肺臟，協助營養補充而且仲可以有美顏攻效🥰今次依碗仲要有咁多燕窩, 我都梗係要食埋一份啦果然無失望, 100%推薦啊!!👍🏻👍🏻特濃3.6鮮奶凍 ( HKD 18.00 )用咗3.6 牛奶 整既鮮奶凍當然係香濃奶香味, 而且甜甜地仲好香滑,細細樽, 份量岩岩好, 兩個人食一人一啖, 甜得黎又好滋潤😽啖啖燕窩 觀塘駿業街60號駿運工業大廈1樓B1室

最舒服梗係喺屋企慢慢嘆～ 啖啖燕窩除咗有燕窩，仲可以order 大閘蟹送到屋企～ 鍾意佢好方便，咩材料都包，有紫蘇葉、蟹醋及薑茶。仲有鉸剪等工具！唔使另外自己買！大閘蟹超多膏，橙色膏非常甘香，食到好滿足！食完仲可以飲返個薑茶驅寒！另外仲一次過訂埋日本山梨縣水蜜桃配清甜冰糖燉桃膠雪燕！啱晒鍾意食水蜜桃嘅我，又可以配桃膠雪燕滋潤養顏一下😍 水蜜桃桃香濃郁，又甜又好食！再加埋蒜香花膠，只需要加熱就可以即刻食！蒜蓉味非常香，花膠夠腍滑，輕輕鬆鬆就可以補充骨膠原！送貨準時，而且食物質素高！真係值得再推介！

女生一定要懂得寵自己，之前去觀塘幫襯過啖啖燕窩。晚上11點前都安排到直送到家適逢 大閘蟹季節仲可以order埋一齊 直送府上，車錢時間都慳番望落都幾新鮮～～幫襯開 啖啖燕窩 足料有保証3.6牛奶芒果桃膠雪燕分700ml/1060ml 兩個size~食唔晒都可存放雪櫃兩天內食用3.6牛奶順滑加入了芒果都唔會過甜，啖啖都食到雪燕同大量嘅桃膠，滋補養顏蒜香花膠啖啖燕窩新出品，原包放入沸水細火浸8分鐘即可食用！花膠口感軟滑有彈性，蒜蓉醬汁亦夠惹味，用黎拌麵食岩晒～麻辣杏鮑菇️同樣原包放入沸水細火浸8分鐘，麻辣都幾有後勁，係中意食辣人士嘅 #佐酒良伴 #涼拌菜Dainties x 芒果醬鮮奶凍用左來自台灣的Dainities手作果醬，果香天然唔太甜，綜和濃郁奶味恰度好處！ 最後唔少得 大閘蟹同老公兩個人都係想過下口癮，Order 燕窩順便訂兩隻fit晒～ 圖中：4兩-4兩半蟹公蟹乸各一足料重秤，爆膏甘甜！貼心位跟埋用具、蟹醋、紫蘇葉同薑茶

工廈永遠都好多臥虎藏龍，呢間店主打係滋補湯品同甜品。3.6牛奶紅棗杞子燉桃膠桃膠勁多，又大大粒，養生之選。冰糖木瓜燉雪燕清甜，雪燕密密麻麻，滋補之選。特濃4.3牛乳燉蛋一打開個盒，聞到好香既蛋味。燉蛋燉得好靚同好滑身，食落口啖啖蛋香。特濃3.6鮮奶凍質感好滑同Creamy，奶味重，正🥰椰皇竹笙烏雞燉花膠湯（碗）250ML一打開個碗，好大舊花膠😍，好足料，有鮮椰肉、竹笙、烏雞同瑤柱，勁清甜。蒜香花膠裡面爆多蒜蓉，花膠都好大塊，除左就咁食，都可以順便加d材料當一道菜，好方便。佢會送埋保溫袋，安心拎番屋企。

二次回訪，自己冇時間煲就要嚟買現成嘅🥣椰皇烏雞竹笙燉花膠湯飲落好甜，以為自己食緊糖水！其實係椰皇烏雞煲出嚟嘅清甜味，好足料，好滋潤🥢蒜香花膠花膠又係滋補嘢，加埋蒜香好惹味，買定放屋企可隨時加餸🥣蜂蜜3.6牛奶木瓜燉雪燕💰$58好多雪燕啱晒我，似燕窩口感，雪燕可補水補濕、潤腸通便整體味道唔會太甜，都係蜂蜜清甜感覺，加埋木瓜嘅天然甜味，木瓜又煲到腍晒非常好食🥣冰糖紅棗杞子燉桃膠💰$48紅棗杞子對女生十分好，補氣補血，桃膠又係對女生好，可暢便美顏🥣特濃4.3牛奶燉桃膠💰$484.3牛奶真係好濃，一樣好食，牛奶配桃膠好夾🚩啖啖燕窩 (駿運工業大廈) (觀塘) @damdambirdnest 📍觀塘駿業街60號駿運工業大廈1樓B1室

一般人對補品店嘅印象，都係街邊傳統小店偏偏喺觀塘，就有好kawaii嘅工廈燕窩店，簡直一反傳統，啱晒要進補嘅新人類呢度除咗燕窩，仲有其他補品選擇，有花膠、桃膠、雪蓮子、雪燕等等當中雪燕一樣可以美顏保濕又通便，細路哥更可以補埋腦𠻹口味方面，有成45款湯底選擇，大胃揀咗比較受歡迎嘅蜂蜜3.6牛奶木瓜燉，味道果然好夠奶香同蜂蜜幽香，仲有好多木瓜喺入面，舀起嚟羹羹都好多雪燕，相當足料舀完一碗仲剩好大壺，700ml都夠你舀3碗半㗎！每日新鮮製造，唔怪味道咁fresh啦除咗甜點，都有好補嘅湯水提供，花膠燉湯好多湯料，每一羹都有唔同食材，有好大塊花膠，仲有竹笙同烏雞肉等等雖然多料，但湯水保持清澈，味道舒坦，飲完身體感覺好咗咁飲嘢之餘，都有嘢食。花膠唔只用嚟煲湯，仲可以化為小食用勁爆香嘅蒜醬撈花膠食，味道非常過癮，香口又彈牙