啖啖燕窩 (永顯工業大廈)

營業中

休息中

朋友介紹永顯工業大廈地下的「啖啖米線」，有米線但聽講甜品係好正，所以lunch後外賣俾同事試吓！招牌椰汁西米露西米份量適中、口感煙韌，椰汁唔會過甜，帶微微鹹香，配合西米嘅滑溜質地，每啖都感受到香濃與清爽嘅完美平衡，好正！3.6牛奶木瓜燉雪燕，入口濃郁滑順，木瓜熟得啱啱好，雪燕質地細滑透明，食落好似啫喱咁但更有咬口，加上3.6牛奶帶出奶香層次，整體清甜唔膩，啱晒怕甜但又想滋潤下嘅人。另外試咗自家製3.6牛奶鮮奶凍，質地好滑溜似豆腐花，奶味重，凍食一流，夏天一定必備。

三點幾路過新蒲崗，見這間燕窩糖水專門店翻新咗，仲加咗米線！ 而家唔止外賣，仲可以堂食，裝修超可愛～粉紅色牆、企鵝公仔、潮語打卡位，超有童趣！新蒲崗又多一個可以舒適地坐一個下午的地方了。今次點咗兩款糖水和一款小食，米線留番下次～🍧 冰糖木瓜燉雪燕（$45） — 清潤唔膩，啖啖雪燕好滑 ，同時超足料🥭 牛奶芒果桃膠（$45 ）— 香甜濃郁，芒果控必試 🍗 蒜辣雞翼（$25 ）— 蒜香味濃，微辣惹味，有點唔夠喉，想叫多一份

想食燕窩，除咗香港老字號之外，仲有品牌Young，活力豐富嘅啖啖燕窩！除咗燕窩甜品選擇豐富之外，仲有奶凍, 西米露, 楊枝甘露, 桃膠其他等等, 好受年輕人歡迎嘅甜品. 想食鹹嘢仲可以叫碗米線或者雞翼尖, 一次過滿足晒幾個願望😇💕3.6牛奶木瓜燉雪燕💕牛奶芒果雪燕奶凍💕3.6牛奶芒果西米露老闆好了解受眾嘅喜愛，除咗經典椰汁燉雪燕, 仲有我個人最愛美顏3.6牛奶. 可以選擇芒果, 木瓜等等, 非常滋補. 牛奶味非常濃郁, 木瓜同水果都好鮮甜. 另外奶凍都好出色, 仲有超多雪燕, 幾時都係我至愛🥰🥰

以前成日幫襯啖啖燕窩嘅燉湯同即食燕窩貪佢每日鮮製仲要直送到屋企門口超方便估唔到而家響新蒲崗仲開咗門市😲嗰日響附近想食甜品二話不說入去試下餐廳門面係好夢幻嘅粉紅色好似糖果屋咁可愛🩷牆上面仲有好多潮語金句同卡通公仔真係超級打卡friendly👍🏻👍🏻👍🏻🍯 蜂蜜3.6牛奶燉桃膠絕對係賣飛佛蜂蜜嘅香甜加埋3.6牛奶真係超香滑桃膠好養顏不過自己整就好煩呢碗燉桃膠份量簡直驚人食極都仲有桃膠😂 真係超滋補！🥭 3.6牛奶芒果燉雪燕雪燕出名係可以補充膠原蛋白食完啲皮膚實靚曬加埋超香甜嘅芒果牛奶一齊食真係正而且一樣係超足料👍🏻👍🏻🥥 芒椰奶西呢碗就啱晒囡囡食😋入面有芒果粒粒加埋椰汁好香佢話細細粒西米咬落去會啵啵聲超有趣呢度除咗每日新鮮製造嘅滋補糖水仲有米線食下次想正餐+甜品直落絕對應該再嚟幫襯！

放工同朋友同同事食返碗糖水呢間一直好足料 已經回訪幾次😍糖水亦唔會過甜 ～非常岩養生嘅我環境十分chill 可以慢慢傾下計仲有少量湯麵可選擇🥛牛奶芒果西米露西米粒粒分明😍勁大粒有咬口浸泡冰涼鮮奶 口感滑順芒果果肉厚實 又甜～仲有啫喱咬下✨牛奶木瓜燉桃膠桃膠燉得晶瑩剔透 膠質感十足木瓜甜味自然滲入糖水裡面質地綿密近乎融化 十分滋補😳✨冰糖紅棗杞子燉雪燕紅棗燉至釋放甜味 仲有杞子點綴整體滋補唔會太膩 適合潤燥🤤

估唔到呢間做燕窩嘅會開埋米線佢哋都係集中喺工業區呢次親身過嚟試一試米線、燕窩、甜品各一款介紹嘢食就生動啲🧏🏻‍♀️🍜 牛肋條米線牛肋條燜得軟腍入味，湯底鮮甜濃郁，米線滑溜彈牙，每一啖都充滿肉香，絕對係暖胃之選～ 鮮燉燕窩招牌之作！燕窩晶瑩剔透，口感滑嫩，配上清甜嘅冰糖水，滋潤又養顏，女士們一定鍾意😍 🥭 楊枝甘露經典港式甜品，芒果香甜，柚子微酸，加上西米同椰奶，口感豐富，飯後食一碗超滿足✨ 最後想講佢哋裝修咗有粉紅色嘅主題好似Cafe咁，過嚟食嘢順便打卡都唔錯💁🏻‍♀️

支持小店系列😛有個夢幻，充滿粉紅色嘅堂食位食完lunch先過嚟發現竟然有米線食😯！？下次我會留肚食埋麻辣花膠米線🥹✨3.6牛奶木瓜燉雪燕 $45推薦! 甜度適中，奶味香濃食到雪燕既口感木瓜甜甜的，軟腍入味口感同味道都相當唔錯✨蜂蜜菊花杞子雪燕飲 $48好啱炎炎夏日嘅飲品~蜂蜜菊花杞子，清熱降火配雪燕會帶點滑滑黏稠嘅口感唔算好甜，啱香港人嘅口味✨ 3.6牛乳鮮奶凍 $18又係消暑之選當係下午茶同宵夜，開心der!

社交平台見到啖啖燕窩都好耐啦，終於忍唔住今日親身試一試！原本以為佢哋只係專注糖水，點知仲有米線食🤤，價錢仲要好親民！只可惜今日已經食到飽飽，只好留返下次再試佢哋嘅米線啦！🍜🙈今日重點當然係糖水同飲品啦！試咗3款，真係每款都令人回味無窮～🌟 蜂蜜3.6牛奶燉雪燕蜂蜜同牛奶簡直係天作之合，濃郁香甜又滑順，每一啖都好治癒～💛✨🌟 冰糖紅棗杞子雪燕飲佢哋用嘅係印尼一級燕窩，純天然無添加！燕窩滑到好似會溶化咁，紅棗杞子食落仲有陣陣暖意，養生之選！🫙❤️🌟啖啖芒果Shake Shake飲 呢杯真係芒果控必試！芒果粒香甜又Juicy，仲有Q彈西米，飲到最後一啖都係滿滿幸福感～🥭🍹真心推介俾鍾意養生又鍾意甜品嘅朋友！下次我一定要試埋佢哋嘅米線～😍🍜

相信大家都有試過呢一間舖頭嘅糖水，絕對係散水餅首選，次次買親同事都讚好！近排發現佢哋新蒲崗嘅分店，除咗有唔同款式嘅糖水之外，竟然仲推出咗啖啖米線，而且價錢都幾相宜，所以就決定試吓！我今次揀咗金蒜豬骨濃湯米線🧄🍜，湯底蒜味非常香，直程係齒頰留香嘅效果，令人一試難忘，勁推介附近嘅居民/打工仔過嚟試吓！配料方面，我哋就揀咗職員推介嘅魚腐竹卷🐟 、美國特級肥牛🐮 、秘製牛肋條，魚腐竹卷非常脆口，令人驚艷，大家嚟到一定要試吓！話晒呢度都係賣甜品起家嘅，當然要叫返啲甜品試吓啦！我就揀咗芒椰奶西🥭 同埋 3.6牛乳鮮奶凍🍼，芒椰奶西嘅芒果好甜，好足料！至於3.6牛乳鮮奶凍奶味非常濃郁，係下午茶必備小食！

🚩啖啖燕窩〰️〰️〰️〰️〰️〰️〰️〰️〰️〰️〰️〰️〰️女仔真係最緊要識得滋補‼️平時返工咁鬼忙｜返屋企仲要煲糖水No啦依間燕窩糖水專門店就幫到大家～除咗可以堂食之外｜仲有直送到家嘅服務啱晒我依個懶人啊(⁎⁍̴̛ᴗ⁍̴̛⁎)‎♡蜂蜜菊花杞子燉雪燕 $48‎♡啖啖芒果shake Shake飲 $48‎♡‎北海道3.6牛奶芒果西米露 $28‎♡北海道3.6牛奶燉桃膠 $45燕窩佢哋用嘅都係純天然無添加印尼一級燕窩睇得出係完全冇雜質好乾淨入口非常嫩滑幼細ʚ •͈˽•͈ ིྀɞ除咗燕窩之外仲有桃膠俾大家揀佢哋嘅牛奶底都非常香濃｜好推薦大家叫

今日下午自己一個出到新蒲崗，偶然遇到這小店，看到這店合米線與甜品於一身，感到特別。入到店內，裝修美觀舒適，燈光、冷氣充足。自選米線（金蒜豬骨濃湯$32）（美國特級肥牛$12）（秘製牛肋條$14）（魚腐$8）這個湯底意外地好味，蒜香味道濃郁，還帶點花椒八角的香味。特別喜歡這秘製牛肋條，不但醃製入味，而且筋肉參半，肉質軟腍。米線的軟硬度適中，吸取湯底的味道，十分滿足。3.6牛奶芒果燉桃膠 （$45）牛奶的順滑、芒果的香味、桃膠的滋潤完全在這甜品中融合在一起。午餐過後吃碗甜品，十分完美。盒裝綠茶（跟餐$3）

Peach gum in 3.6 milk and honey 🍯 蜂蜜3.6牛奶燉桃膠 $45滋潤又健康嘅蜂蜜3.6牛奶燉桃膠真係唔錯，牛奶裏面加入天然🌿又甜甜地嘅蜂蜜，仲有好多充滿骨膠原嘅晶瑩剔透桃膠，啱晒女士食，相當有口感，值得推介👍🏻Bird nest in 3.6 Hokkaido milk 🇯🇵🥛 北海道3.6牛奶燉雪燕 $45呢一款招牌嘅北海道3.6牛奶燉雪燕係最受歡迎甜品之一✨，裏面用咗質素嘅北海道牛奶，加入大量矜貴又滋補養顏嘅燕窩絲😋，味道唔會太甜，絕對係一款高質素嘅甜品Mango pearl sago with 3.6 milk 🥭 3.6牛奶芒果西米露 $28大大碗嘅3.6牛奶芒果西米露性價比好高，芒果肉清甜又唔酸，另外有好多粒粒西米露勁有口感🤤，連埋一齊食有香濃芒果味，幾正呀3.6 milk pudding 🍮 3.6牛乳鮮奶凍 $18夠晒滑捋捋嘅3.6牛乳鮮奶凍用咗有品質保證嘅北海道牛奶🐮，牛奶味超級香濃，滑到有少少入口即溶嘅感覺，係個好食嘅小甜品！

啖啖燕窩除咗提供燕窩及養生甜品外，原來近排仲踩過界提供正餐自選米線添😆餐廳的裝潢以粉紅色為主仲有唔少公仔🧸啱哂喜歡打卡嘅少女們🤗甜品款式繁多，凍熱都有齊，養顏美容之顏桃膠雪燕選擇眾多，仲有西米露同自創胖胖杯😎我們品嚐了「3.6牛乳鮮奶凍」。這道甜品的外觀滑嘟嘟，輕輕一撥就能感受到其綿密的質地。牛奶的香醇與鮮奶凍的滑嫩相結合，入口即化，帶來一種極致的享受。每一口都能感受到牛奶的天然甘甜，無需過多的糖分，讓人回味無窮。我就叫咗哩款「3.6牛奶木瓜燉桃膠」。這道甜品色彩鮮豔，木瓜的天然嘅甜味及香氣與大大粒桃膠相當夾檔🤭，加入3.6牛奶🥛燉煮得恰到好處，保持了食材的原汁原味，讓人感受到一種天然的滋補效果，十分適合各位女士們🤗另外仲點選了「冰糖紅棗杞子雪燕飲」。這款飲品清涼可口，雪燕的口感滑嫩，冰糖的甜味恰到好處，紅棗與枸杞的搭配更是增添了養生的效果，還具有潤燥的功效。我們最後都多點了兩個「3.6牛乳鮮奶凍」外賣返屋企添。鮮奶凍相當滑嫩加上奶香味濃郁，每一口都能感受到牛奶的天然甘甜，無需額外添加糖分，已經讓人回味無窮。

生完小朋友當然要補一補啦，一向都有食開燕窩嘅我😋。今日同朋友敘舊之餘， 亦都不會遺忘要對自己好一點。（5⭐️最高）滷水雞髀米線（5⭐️）大大隻滷水雞髀🍗，咬落多汁、嫩口。 仲好Juicy添💓。米線吸收了特濃的蕃茄汁湯底，所以食落份米線吸收了特濃的蕃茄汁湯底，所以食落份外滋味😋。 金蒜豬骨湯花膠米線（5⭐️）花膠吸收了豬骨濃湯的精華，所以入口特別爽口彈牙👍🏻，豬骨湯底亦都十分濃郁食，落除了有香濃的蒜粒味之餘😋亦有少少微辣🥰。 所以十分惹味。牛乳木瓜西米露（5⭐️）牛乳木瓜有助增強人奶的奶量🤩。當然要食多一點中size的西米露配合牛乳，所以入口甘香可口，是初夏的必選糖水🤤。

一次黎都一年前lu🙈今次出開黎新蒲崗就同埋糯米仔一齊食下😋餐廳既甜品是每日鮮製✨好足料咖👍🏻🐝 蜂蜜菊花杞子燉雪燕同樣地雪燕份量都係好多,一黎到已經聞到好香既菊花味,食落去好清甜同埋好解辣🤣食完之後覺得喉嚨都好滋潤🌼🍬冰糖紅棗杞子燉桃膠每啖都係滿滿既桃膠,入口即化.配合埋紅棗同杞子非常清甜💕🥛牛奶木瓜雪燕奶凍好重牛奶味🥰雪燕奶凍料都非常足料🥰食完仲有木瓜果陣淡香味😍真係好清甜❤️果然水準仍然冇變😍下次要食埋佢地既米線先得💕