影片
以上資料只供參考, 請與餐廳確認詳情
在荃灣食飽晚飯，見時間尚早，便到如心地下間酒吧飲下野，即係出面街望入去有隻巨熊坐低咗嗰間。先睇餐牌，唔……尖東價錢但容量減半，即係無"好嘉頓"成litre咁大杯，但勝在有西班牙啤酒可以試下。呢度環境唔錯，人少少坐得舒服，又有外國金髮美女唱歌俾你聽，唔係街巿啊姐開口埋口叫靚女嗰款，環境幽暗之下都算幾sharp。講下杯西班牙啤酒，無留意叫乜名，但飲落清清地，又帶少少酸，易入口。朋友點了英國啤，味濃少少苦，唔錯。一杯啤酒連加一，一舊水有找，仲有nuts食。Nuts唔係普通細細兜，食碗西餐周打魚湯咁嘅份量，一讚。有英文歌聽，又relax，值得再來，下次試杯XO先！
繼續閱讀
同朋友係新天地行完街睇完戲過左黎食黎食下午茶 見到88蚊特色麵餐 就試左雜錦肉丸龍蝦湯底烏冬 我朋友就試天婦羅蝦龍蝦湯底闊麵 上到黎 啲湯好鮮甜同好香 仲好大碗添！呢度環境唔錯 好寧靜 服務態度好 一試無妨！
繼續閱讀
早排經過餐廳門口，睇緊happy hour價錢既時候，見到有tea食，終於等到依日得閒去試試！餐廳環境舒服，加上閒日好少人，邊食tea邊hea真係一個好地方！場內伴上柔和音樂，食完坐坐下…舒服到真係有D睡意！我點個cake set"藍莓芝士蛋糕伴熱咖啡"整體食物都ok…不過不失，服務有禮貌，環境夠幽静（入去果陣只有2枱客，走後變左我包場^^）
繼續閱讀
朋友帶我來這裏吃下午茶。 恰好是星期六初秋的下午，陽光十分柔和，透過玻璃射進來，很開陽很舒服的澄明感。加上室內的桌椅的色調皆為白色，更顯得光亮潔淨。 光顧的食客以外國人較多，也有不少是夫婦和家庭，為數不多，他們在低聲閒談，或者在翻書報，靜靜地享受下午茶時間。我和朋友只想找個地方聊天，這裏的環境似乎是個不錯的選擇。 我們要了兩個下午茶餐，熱咖啡配藍莓芝士凍餅。 服務方面，甫坐下便有侍應招呼，週到而有禮貌。食物送來的速度也很快，但奇怪的是，我一共向他們要了三次兩杯暖水，他們搞了很久才給我弄來，這一點使我頗為失望。 咖啡方面，夠大杯，也夠熱，但味道過濃，偏苦，色澤偏黑，香氣也欠奉。 藍莓芝士餅方面，賣相極佳，先是夠小巧精緻，圓形的餅底，外面是芝士，內餡是有很多層，一層芝士一層藍莓，可見極為用心，餅面還鋪滿了藍莓，再以直立的一塊巧克力為裝飾。 味道方面，因為真材實料，藍莓是出奇地多，夠甜，芝士蛋糕也夠厚和滑，但吃起來並沒有太膩的感覺。可謂恰到好處。值得一讚！
繼續閱讀
一行11人去荃灣一聚, 本來想食放題, 但之前一日至BOOK位, 唔得.跟住係OPENRICE見到呢間如心酒店嘅新開BUFFET. 但當時未有食評. 不過都去試試... 一去到, 係典型酒店餐廳FEEL , 就係昏暗昏暗, 好似好有氣氛咁. 但入邊嘅電視居然播緊"國家地理雜誌" , 影緊一群野獸係度追位D象嚟咬.呢個不合氣氛!! -_-!!入正題, 行咗個圈, 發現選擇不多. 普通3,4樣魚生. 沙律咁. 熟食就十幾樣咁. 跟住甜品就15至20樣.飲品都唔多: COFFEE , APPLE JUICE , ORANGE JUICE , 花茶.dinner : 1830 - 2130. 時間就夠長, but 選擇少. 但平日一定要一,兩日前book位.味道: 味道都過得去 , 無咩話太難食(可能選擇少).甜品嘅味道就幾好. 好似有d湯飲, 不過無試.buffet 嚟講呢個水準, 呢個價位都接受到嘅~~
繼續閱讀