唯一冰室 (已結業)

呢日同家人經過順道入嚟食早餐。見餐牌入面嘅港式早餐個樣唔錯，就點咗個港式早餐入面嘅“四蔬蕃茄濃湯牛肉通粉”配煙肉蛋多士熱奶茶 (HK$34)試下。個“四蔬蕃茄濃湯牛肉通粉”望落幾深色，以為好濃味，點知一食落口發現個蕃茄湯只有酸味，蕃茄味淡到幾乎飲唔出；而D牛肉就“嗱”過頭，雖然爽爽地，但已經“嗱”到無牛味；通粉亦太腍。煙肉蛋多士嘅煙肉煎得好油，唔夾多士食會感覺成口油。呢餐除咗杯熱奶茶ok，其他食物都好睇唔好食，…查看更多

係元朗搵左間冰室食早餐，冰室有2層，空間都幾迫，由於下層已經坐滿左，我地上左去上層。上層空氣有少少唔流通。叫左個雪菜米，漢堡扒同煎蛋。味道不過不失，熱朱古力就比較淡味，價錢都幾幾實惠$30幾蚊食個早餐，好多地方都做唔到。…查看更多

工作完路過，見到呢間小店裝修幾特別，就入去食個late lunch，見到餐牌個生炸雞脾幅相好吸引，每人叫咗一份，一個跟飯，一個跟沙律， 雖然佢啲芝士撈丁好似好正咁，可惜食唔落，下次肚餓d先再黎試下!個餐黎到嚇我一跳......好大隻呀!賣相又靚仔!仲幾好食喎!普通嘅價錢，幾好嘅質數!仲有...杯奶茶幾得!各位有機會路過，不防一試!好耐冇寫食評，支持一下香港小店吧😊…查看更多

［吉列豬扒配餐肉煎蛋］$43吉列豬扒比想像中大份😅，係好事嚟，抵食丫嘛，但係一起身都未訓醒，就要瘋狂用力咬野，諗起都攰😆btw塊扒係幾好食，唔算太肥餐肉就煎得好香口，又夠大塊🤤煎蛋ok…查看更多

呢日一行二人嚟到元朗建業街嘅《唯一冰室》食個 bunch。揀咗精選餐入面嘅照燒汁豬頸肉拼茄子飯配熱奶茶 及 黑椒汁吉列豬扒拼火腿飯飲凍咖啡，一共$105。照燒汁豬頸肉拼茄子飯 - 豬頸肉外面帶少許香脆，肉質爽口，夠入味；茄子走油後顏色十分漂亮，口感軟熟。照燒汁味道亦相當唔錯。唯一美中不足係飯比較硬身，不過整體味道相當滿意。同行友人嘅黑椒汁吉列豬扒拼火腿飯，吉列豬扒外層香脆，豬扒爽口。黑椒汁味道亦唔錯，只係醬汁太過杰身及飯偏硬。味道方便亦算唔錯。凍咖啡，咖啡味夠濃，冇酸味，如果加多啲奶會更好飲。熱奶茶，不論茶色、茶味及奶嘅比例，都算係我近期飲過嘅熱奶茶中比較出色嘅，而且口感滑溜，對於我呢個鍾意飲熱奶茶嘅人嚟講，光憑這杯奶茶，我已經會返嚟幫襯。…查看更多