唐龍記車仔麵 (已結業)

餸菜飲品都算多選擇，鍾意食味精既人一定喜歡，因為湯底有好多唔同既味可以加入去並可以重複，想清d，一樣ok,可選清湯一見到d色水絕對唔會令冇味精不歡既人價錢不過不失

好耐無食過車仔麵，而且亦未幫襯過尼間舖。其實配料($8－個)也有很多選擇，飲品加$6,冷飲特飲等等再附加。想唔到紅薯粉同其他麵一樣價錢，那我就選了紅薯粉、豬皮、筋腩配牛腩汁。粉不太淋，份量可以，豬皮中規中矩沒有意外，筋腩太肥了，份量也少。我覺得$8是浪費了。另外，整碗粉都有些油浮在湯面，不知是否牛腩汁很肥？所以，回到office, 喝了一大杯濃茶去一下肥腻。朋友吃了他們的扎肉和油麵則覺得唔錯。當然，$24一大碗兩餸車仔麵，係好少有。

話咁快就到Boxing Day，食左咁多日好嘢又係時間俾自己個胃抖抖喇！見呢間車仔開左一段時間平日又好似幾多人咁就走入去試吓先。一入到去都幾好招呼，我哋話咁就點兩碗麵加兩杯飲品。麵到了，沙嗲湯頭香而不辣，餸都唔錯，一塊塊的豬耳，唔係豬耳絲，咁食落去咁先過癮。豬腸夠味又冧，入口即化，相信用左唔少心機。不過牛筋腩就好有進步空間喇！牛腩唔夠冧同唔夠入味。至於，麵呢？有梘水味，不過尚可接受。最後有一樣要講吓，就係地面不太乾淨，希望佢哋日後可以改善。

已經好多年沒有食果車仔麵了，車仔麵係香港特色之一，見這間係觀塘開了不久，心血來潮，就去試一下。正直晚飯事時間，7點幾，店裡只有幾個客人，心裡覺得不妙，為何當旺的時間只有寥寥幾個客人？麵底$8/款，我們叫了紅薯粉，河粉，粗麵。老實說三款都麻麻，紅薯粉很淋，不煙嗯，粗麵我以為是上海粗麵，卻是扁扁的蛋麵，面質不好食，有部分沒有煮好，是硬的，河粉就比較正常，還可以接受。餸$8/款，很令人失望。墨魚丸沒有丁點墨魚，只是一團粉。魚片頭也是劣質貨。雲吞有蝦，不新鮮，有豬肉，梅梅的。魯肉，半肥瘦，味道這個最正常。韮菜正常。豬紅ok啦，已經沒有要求豬手$10有兩件，不過不失。最可憐是連餐飲凍檸賓也不好喝。檸檬味道好似就嚟壞，很不新鮮，利賓納味道淡到好像水。如此質素，確實很難有下次😑😑

一入到去已經聽到等緊外賣嗰個話落漏野，諗住間中一個半個。點知我都有份我係外賣返到去先知係漏，但佢地都好好服務送返上嚟比我，呢個值得一讚！講返個味道。。。雖然外賣但對面就返到屋企。返到去已經即食。嗌左一個粗麵一個幼麵林到不得了，d餸份量勁少。行上d斜路嗰間仲好，我太懶下次唔敢！

要煮一碗好味道嘅車仔麵，係呢間絕對找不到。叫咗兩餸薯粉辣土魷魚(份量少，個辣汁唔香唔辣)蘿白4 件(全部有渣)薯粉還可以車仔麵最重要係食材新鮮(要揀選過) ✙汁醬好味(要有心調味，夠特別)兩樣都找不到相信我不會再來

叫左兩碗 第一碗：幼麵唔夠爽，魚皮餃佳寶仲好食d, 蟹柳最精彩 見到隻色打個突 ，食左一啖，好似過期味，極難食！第二碗： 米粉無言，腩肉賣相已經差，食落硬過石頭，芝士腸就係無特別既芝士腸，魚蛋唔想講，零分！總結：簡單既車仔都做成咁 真心 免費請我食我都唔會再試！

其實咁多年黎觀塘既車仔麵都做得幾出色！無返咁上下都幾難立足！但唯獨呢間最突出。。。今日睇戲夜左，無野乜野食，見12點幾仲未收，咁就入去叫個外賣返屋企食下啦！唔好阻住人收工麻！點知後悔無食老麥。。。先第一碗:冬菇無冬茹味，只有咸味。豬腸又唔夠淋，魚皮餃起佳x凍肉店買自己煮仲好味！河粉好似佢地既魚皮餃既皮咁鞋啊 沙嗲又無沙嗲味好難得！第二碗:紫菜都幾爽，但有好多沙。魚片頭都比較硬，魷魚。。。點解唔係平時食開透透地既蝦肉色既？好似死左好耐既粉實白色咁。。。食得好唔舒服！雞中亦仲最好味酸菜。。。點解咁辣既？好似用左一條辣椒去整一片酸菜。。。烏冬，好硬啊！好明顯好流既烏冬。腩汁無味既？收呢個價錢食到d咁既味道。。。仲要起觀塘真係好難得。我唔會再食多一次！

Lunch時間嗌左碗筋腩蘿蔔河加辣汁，食飯時間黎講都係三四分鐘黎到， 廚房速度唔錯，不過班阿姐又悠悠閒又低一點就搞到啲單亂曬， 我碗粉食左十分鐘，已經聽到兩次有人嗌碗粉黎錯左喎，阿姐。先飲一啖湯，清左啲，有牛腩有二兩腩汁喺度都完全唔會幫到個湯提味，個牛腩味道都可以，牛筋亦都炆得夠哂淋，不過得嗰一舊腩同兩舊筋就似乎少左啲，個蘿蔔亦都炆得夠淋不過又係無乜味，大佬點都會有少少甜味掛應該，個辣汁可有可無，加左只不過係多左一啲辣椒籽楔喺啲牙罅入面，反而見到隔離枱個沙爹汁好似似樣好多。不過黎講27蚊可以喺呢條街度食到個筋腩河仲有幾舊蘿蔔喺入面我相信都經已係最平架啦。