唐記包點 (華園閣)

今日lunch time，熱到溶溶爛爛咁，真係唔想行太遠搵食。是但啦，求其喺公司樓下嘅唐記包點搞掂佢算數！人山人海嘅唐記，阿姐們手腳快到好似打功夫咁，好快就攞到外賣，勁！👍## 章魚肉餅飯首先講下個章魚肉餅飯，嘩，一打開盒飯，香噴噴嘅肉餅味即刻湧出嚟！肉餅大大塊，上面鋪滿章魚粒，咬落去彈牙又juicy，撈埋啲飯一齊食，真係perfect match！佢哋仲好nice咁俾多咗椰菜，食多啲菜都健康啲嘛！🥬 不過如果豉油可以再香啲就perfect池啦！整體嚟講，抵食又飽肚，正！😋## 咖喱牛筋腩飯跟住試埋個咖喱牛筋腩飯，嘩！咖喱味勁香濃，聞到都流口水！牛腩炆到好冧，牛筋又夠彈牙，仲有薯仔同紅蘿蔔，撈埋啲咖喱汁，簡直係一流！🍛 佢哋嘅咖喱係屬於香辣嗰種，食到成頭汗，但係又好過癮！🌶️ 份量又足，三十幾蚊有咁多料，真係冇得輸！## 奶皇包最後，點可以唔試埋佢哋嘅奶皇包呢？大大個，熱辣辣，一咬開，啲奶皇餡就湧出嚟，幼滑香甜，真係好好味！🤤 個包皮又夠鬆軟，食完一個都覺得好滿足！6蚊雞一個，真係抵到爛！總括嚟講，唐記包點真係平靚正嘅選擇！無論係飯定係包，都夠晒足料，而且味道唔錯，絕對係lunch嘅好選擇！下次一定會再嚟幫襯！😎…查看更多

又到晚饭时间了，在花园街揾食。这家唐记包点位于花园街和烟厂街交界，店外有人龙在排队买外卖。他们的蒸饭很受欢迎，煎炸食品也在做特价。由于不想吃米饭和热气食物，最后买了其他东西。这份拼盘包括肠粉、烧卖和魚旦，连饮料才20元。价钱比很多专卖街头的小食店还便宜，而且包装很卫生。吃完的感觉是很不错，下次会要求多点甜酱和麻酱。蒸包比其他店贵，每个6元，买3个没有优惠。但水准保持着，除了份量外，馅料也是可以的。以上是一人份晚餐，不到40元可以解决了。…查看更多

唐記包點出名賣包同點心之餘，基本款有鳳爪排骨飯，之後慢慢有唔同款式既飯賣，有咖哩牛腩飯，肉餅飯仲分左梅菜肉餅，鹹蛋肉餅同埋章魚肉餅。今次午餐外賣自取左個章魚肉餅飯，加支豆漿。多數落單都叫佢多菜唔該。因為佢地個菜係椰菜，營養價值高，而椰菜有菜王稱號。有硫同維生素C，硫對傷口療癒有益，加上維生素C，有幫助排毒的特性。食多d都唔怕，混合肉餅再加飯食，滿足又飽肚。所以中午都多人排隊買飯。再配埋佢地自家品牌濃郁一級大豆，又香又滑既豆漿，正！…查看更多

由於疫情關係，個個都驚出街食野，但聽講食咖喱可以對抗病毒，因為咖喱有黃薑素，又有洋蔥，所以食咖喱冇咁易病都好似有d根據，所以今次先想搵d又平又好食既咖喱，聽人講係要辣咖喱抗病毒效果先勁，仲要可以辣到出汗果隻！經過我再三挑選後，終於揀好左，揀左試唐記包點既咖喱牛筋腩飯試下，聽好多人講又平又好食！仲成日好快賣曬！因為唐記係外賣自取，冇堂食，所以我就買左返去食，未食一開蓋一陣陣濃香咖喱味撲埋黎，未食聞到陣咁香既咖喱味已經流曬口水，佢用料都好足，牛腩唔會太大塊，牛腩係有少肥唔會太瘦，肉質鬆軟好有質感，已經好入咖喱味，仲有重點個牛筋，牛筋都有幾塊，佢d牛牛筋好鬼正，食落口好軟好滑好似食緊花膠咁，另外仲有洋蔥同紅蘿蔔同薯仔，尼幾樣都係我至愛，成個飯唔會剩得肉，有軟有鬆有硬有韌，有各種唔同層次口感既一個飯多種質感體驗，而味覺方面，佢d汁真係冇得頂，可以食到你出曬汗，應該係d薑辣味，仲有洋蔥，辣椒油既辣，尼三樣加埋既辣唔係一般既香辣，係有層次有溫度有深度既辣，但辣完出完成頭汗又好快唔覺得辣，之後會好享受辣完留下那一陣餘溫，紅蘿蔔同薯仔都有配搭好好，令成個飯既味覺層次再昇華到一個境界，紅蘿蔔既甜味配合薯仔既甜味，再加上牛腩同牛筋既鹹味，好似兩pair情侶既組合，尼一盒咖喱牛筋腩飯，可以激發你無窮靈感同想像力，睇得出係有心思同有質素既配搭設計，一盒先三十幾蚊咁鬼死抵，真係好食到冇得頂…查看更多

今日天氣非常熱，麻麻地想食正餐，最後決定同同事買唐記包點作為午餐撞正lunch時間，見到唐記生意非常好，但每位職員都各有分工，非常快手，所以吾使等好耐，已經可以將外賣攞走我地叫左以下飯，點心同包，一齊share:豉椒排骨飯飯既份量好多，入面有埋椰菜，感覺比較菜肉均衡。排骨都好滑同入味，吾會全部係骨。如果飯既豉油落多小小，會比較好。不過每人口味吾同，如果想落多小小，記得落單時要同佢地講明。燒賣燒賣真係好好味，每粒上面都加左杞子去蒸 ，感覺非常養生。而且份量十分之足料，因為每粒都係用豬肉同蝦新鮮去製作，口感十分彈牙。豉汁鳳爪鳳爪都幾大隻下，同埋都好淋好入味。加埋係排骨飯入面食，就變左鳳爪排骨飯了，哈哈😂鮮竹卷一盒有三條，都幾淋幾鮮甜。可惜略嫌稍為油膩。落少啲油，相信會更好。咖哩魚蛋魚蛋好彈牙，咖哩同辣椒汁係額外淋上去的，姐係如果走醬，就係淨魚蛋來。岩曬食吾到辣既朋友仔。香菇雞包$6一個大大既包，而且入面既餡料十分足。香菇既味道完全溶入左個雞肉入面，識食緊係要趁熱食！包皮係甜甜地，而且好軟熟。簡直係平靚正！菜肉包菜肉包都係$6一個，係招牌包來。入面吾只有肉，仲有菜，簡直係菜肉均衡。每款包都十分足料，而且價錢非常便宜。唐記擔心食客叫得太多包，吾識分，每款包既下面張紙，都寫有包既名稱，甘就吾怕食錯啦👍店舖有多個蒸爐，保證每個包點同飯都熱辣辣！因為好多包都想試，決定外賣個凍包，留返來第二天做早餐😋…查看更多

早餐食得太飽，晏晝嗰餐食唔落飯，決定去唐記買D”輕食”…買左個菜圃肉包加個豆腐花，但同行同事驚我唔夠飽叫我買定個包返去做下午茶…但我唔想室溫攤凍個包驚會酸臭，唐記包點個姐姐聽到我地嘅對話就建議我買個凍飽，話可以拎到返公司擺雪櫃，到想食時先叮熱，咁就隨時都可以食到個熱辣辣嘅包喎菜圃肉包就食左好多年架啦，係我最中意嘅唐記包～內餡嘅菜圃唔太咸，而且好好咬，增加成個包的口感；肉餡唔太硬，鬆鬆軟軟咁唔錯～豆腐花有豆香味得黎唔算太甜，口感順滑又唔易散同事買嘅鳳爪排骨飯都好吸引，忍唔住偷左佢兩啖試下，排骨係正常質素，反而個飯嘅口感好有驚喜，乾濕度剛剛好！完全無出面食開D蒸飯太多水搞到成PAT野嘅感覺～廿蚊飯黎講真在唔錯下午都係食唔落個凍飽，喺雪櫃擺到第二朝先拎黎做早餐；叮返熱個包都唔乾身，而且叮完嗰下拎上手仲係熱辣辣，感覺上仲好食過尋日買完拎返公司食個包～6蚊一個包做早餐真係抵到爛～…查看更多

每次經過唐記包點都大排長龍，今天有點時間，望一望，發現各款包點原價$8，做緊優惠價$6，各款蒸飯原價$27，做緊優惠價$20，真心抵，決定幫襯一下！包點選擇超多，今次試左奶皇包，大大個，熱辣辣，奶皇餡好幼滑，而且超多，正！另外足料糯米雞既餡料真係好足，有雞翼、叉燒、肥肉、瘦肉、肉碎、冬菇等等，足夠2個人食！鹹蛋肉餅飯，大大舊肉餅，而且食落肉發現餅內竟然有馬蹄，好有口感，如果加多點豉油就更美味！另外買左個紅豆砵仔糕做下午茶。紅豆遍佈成個砵仔糕面，$6真係好抵食。砵仔糕香甜唔黏牙，又唔會太甜，口感軟滑，值得一試👍🏻仲有豆腐花，同樣熱辣辣，又香又滑！…查看更多

收工好累，晚飯唔想出街食就過左黎唐記包點買外賣。唐記包點蒸飯非常經濟實惠，款款$20！蒸包只售$6近期見到出左煎餃同香煎牛肉包。買左支果黑芝麻豆漿$9 好飲有豆味而且唔太甜。兩人食飯每款都哪少少，$100都唔洗已經好豐富。香煎牛肉包 $5.5 賣相討好，肉餡都多。但比蒸包皮無甘鬆軟。招牌煎餃 $15/3 隻皮薄大大隻、餡料又夠紮實。椰菜豬肉餡調味恰當，有驚喜。沙嗲牛肉包 $6 牛肉比其他豬肉餡相對乾身d, 但調味亦不錯。鳳爪排骨飯 $20 大大盒，經濟抵食之選。足料糯米雞 $20成斤重勁足料都只不過$20， 有雞中翼、冬菇、叉燒仲有半隻蛋黃。極級推介。…查看更多

$20買個蒸飯方便快捷，今天就試一個之前沒有食過的蒸飯款式。多買蒸包和蒸飯配搭點心有優惠，但今天吃不了那麼多就只叫一個蒸飯。跟其他蒸飯一樣，章魚肉餅飯($20)除了白飯和餸外，還有一些椰菜在底下，不怕只有肉沒有蔬菜。不要看肉餅只有一碗蒸飯的圓周這樣大，肉餅有一定的厚度，肉質厚實分量足。肉餅有豬肉味不算濃，裡面有少量的章魚、少量冬菇還有兩粒馬蹄，算是不錯的了。發覺原來現在可以買凍的包，好讓客人可以買回家放進雪櫃隔天再蒸當早餐，加上有$16/3個蒸包優惠，真的方便又抵吃！…查看更多

當日太餓，所以索性買外賣。大大盒飯十分抵食，鹹魚肉餅看似簡單，但要質量好都不易。肉餅彈性十足，而且份量不少，吃起來亦不會油膩。我頗喜歡肉餅飯，因為簡單的美味是百吃不厭的。再配上燒賣，這頓飯便豐富多了！燒賣質量是不錯的，但畢竟與在茶樓品嚐的有點差異。味道雖好，但質感及層次比較單一。最後，還有一個砵仔糕作為甜品。砵仔糕煙煙靭靭，鋪滿了紅豆，我十分喜歡。但我覺得如果將它放入雪櫃凍一會，砵仔糕應該會更有彈性，更加美味！…查看更多

行完街發現今晚無人煮飯，媽咪下令買飯返去，好啦我買。黑麻蓉包 $6第一次食，灰黑色包皮真係黑麻蓉風味。黑麻蓉係包既大半，估佢唔到。有芝麻既沙沙口感，甜度唔高比哂面芝麻發味。麥皮饅頭 $4.5依款係幾常食既素包，有時想又平又飽又最健康就會擇選佢。佢夠大夠厚，熱就唔會乾食，親熱食！有麥皮片係包當中，要咬一咬咁，咬開有少少麥香。香煎菜肉包 $5.5因為香口得嚟又有菜健康，所以都常叫。皮唔會太硬有水潤，當中肉夠份量菜算多，比有d上海外賣店買既仲好唔會冰冰又皮硬。足料糯米雞 $20媽咪指定要，係酒樓一籠三件合併既份量。糯米煙un好好咬口，又有少少汁係入味好juicy咁。爆肉粒料至好，有荷葉香，酒樓風味。蒸飯加1點心係32蚊咋，勁抵！即叫兩個，兩飯兩點心。北菇雞飯冬菇係必須的，估唔到做足有薑絲仲有菜。六件雞件粉粉嫩嫩，雞皮不顯眼最好，可以偷雞食，哈哈。豉椒排骨飯肉既份量比北菇雞飯多，紅辣椒無因為蒸過要過左辣氣，keep到辣。蒸飯覺得依個比較抵，夠多肉嘛！排骨有骨位會好食d，咬開爽。燒賣杞子四粒齊聚，正正常常一口完成！入味既肉都幾實無偷雞！鮮竹卷汁點飯好味，唔會感又有腐皮味。腐皮係有豆味，外皮好多汁。一咬卞就流汁去入面既蘿蔔木耳絲咁，素點心都多元化。…查看更多

有時趕或想食平、靚、正食物，我總會幫襯「唐記包點」，唔講唔覺「唐記包點」總有一間係你區內，在香港、九龍、新界，遠至南區總會見到，超級方便。每次來到必定首選“菜肉包”，菜肉包，每個包都蒸櫃裡面，keep住熱，即order即在蒸櫃取出，快而準，味道方面包面甜甜地，裡面餡料足料，食到啖啖肉加菜香甜，食極都唔討厭。驚喜位係竟然有埋“香煎風味”$15蚊3件，$5.5有1件，我急不及待要了蔥油餅兩件鍋貼， 蔥油餅相當香脆， 鍋貼煎得邊都很脆口，裡面豬肉餡料都好夠味。鳳爪排骨飯是不能缺少，想起食蒸飯時必定會叫，價錢都係＄27蚊超值，而且份量十足，味道夠晒經典同傳統酒樓差不多。點心我較為喜歡燒賣，$17蚊有4粒，有豬肉味加蝦肉都彈牙，至於山竹牛肉都係$17蚊，都算可以啦。…查看更多

唐記開到成行成市，總有一區見到佢。久而久之，已變為我嘅每日早餐點。今日放工OT，係只有外賣嘅選擇下，又嚟左呢個飯堂😋😋選擇好多，有點心，蒸飯同包。價錢又非常平民，份量又多。簡直就係打工仔必選👍👍燒賣❤️杞子好大粒，豬肉入味彈牙。燒賣皮唔會太厚，高質!金錢肚❤️入口淋身無根，蘿白鮮甜亦無渣~ 味道好過大酒樓。 鳳爪排骨飯❤️份量非常多，又有椰菜，夠哂健康~ 飯粒有咬口唔會太硬，剛剛好👍豆漿❤️新鮮制造，豆味濃郁~菜肉包❤️新鮮出爐熱辣辣，包皮唔會過厚，餡料充足。就算第二日當早餐食，包身都唔會變硬👍…查看更多

香港地地少人多，尤其是在旺區，入餐廳食飯果餐飯有一部分的價錢係用黎比左鋪租。既然係食快飯唔坐得耐，不如搵專做外賣的小食店買野食，今日記去左唐記買外賣，一家4個人一百蚊就攪掂一餐，食物平一大半之餘仲可以買番屋企慢慢食tim。蒸包類在蒸氣爐入面拿出來，熱騰騰的。（蒸）沙嗲牛肉包唐記的沙嗲牛肉包係 用中式包皮，沙嗲牛肉甜甜的， 有少許洋蔥在入面， 香味撲鼻。-菜肉包豬肉不算肥，混和高麗菜，格外清甜好吃。-糯米卷去茶樓飲茶最愛吃就是糯米卷， 饅頭皮厚薄適中， 糯米飯口感軟糯煙韌， 帶點蠟腸的香味，好吃。香煎牛肉包即是沙爹牛肉包， 不過是煎香了的。牛肉以沙嗲醬炒過，加上煎過了的包皮，非常香口-煎鍋貼大大隻，不算肥膩-蔥油餅口感厚實，香蔥滿滿-另外我覺得最抵食嘅係蒸飯加點心套餐， 只需32蚊就有蒸飯及點心抵過去酒樓食煎蛋牛肉飯 加潤腸 牛肉係點心山竹牛肉， 煎蛋雖然唔係流心， 但係加埋甜豉油一齊食， 完全係酒樓嘅感覺。老豆大食要食多條潤腸，size剛剛好。燒賣杞子豬肉燒賣，咬下彈牙，味道同酒樓水準差不多-章魚肉餅飯白飯蒸得靚，肉餅口感挺而不實，還吃到粒粒馬蹄和章魚肉粒呢鵪鶉蛋燒賣買少見少的點心，豬肉部份依然好味， 鵪鶉蛋還好大粒呢！…查看更多

今日母親大人決定罷工唔煮飯，所以我就去買咗唐記返屋企！唐記包點近來愈開愈多，可以話係總有一間喺你附近！平時有時返工我會買返個菜肉包做早餐🙈🙈🙈今日就叫咗糯米雞同埋雞蛋牛肉飯，仲嗌左兩個點心返嚟happy share😋😋首先講吓糯米雞真係同佢餐牌上面寫嘅一樣非常足料，有冬菇有雞翼喺入邊😍😍糯米亦都煮得啱啱好唔會太淋，而且每粒飯都有荷葉嘅香味，真係物超所值！👍🏻👍🏻👍🏻雞蛋牛肉飯嘅牛肉亦煮得好淋，仲好入味，唔覺唔覺食哂d飯添😂😂😂點心方面我哋就帶嗌咗金錢肚同鵪鶉蛋燒賣😎😎金錢肚好惹味煮得甚至乎好過好多大酒樓！鵪鶉蛋燒賣懷舊得來又好味！耐唔耐食下真係回味無窮！😍😍😍貪心嘅我仲買咗我平時最鍾意食嘅香煎菜肉包🍞🍗保持一貫嘅水準，肉汁鮮嫩可口！👍🏻我哋仲叫咗砵仔糕做飯後甜品，砵仔糕有好多紅豆係上面滿足晒鍾意食紅豆嘅朋友亦都唔會太甜，絕對係女士減肥之選🙆🏻‍🙆🏻‍🙆🏻‍…查看更多