唐記包點 (富亨商場)

營業中

休息中

$15/3 燶到黑嘅煎韭菜包叫你地員工食返俾我睇！黑色嘅 一打開燶到聞得到咁都可以賣俾人 有冇搞錯！？推廣就可以賣垃圾？係外賣就可以搏大霧？你地啲員工係咪玩嘢？黑到咁都仲賣俾客以後都唔會再買你地嘅煎包咁樣玩人我唔係住附近 如果唔係一定返轉頭離哂大譜$15買3樣嘢得一樣食得煎包煎到黑色我真係第一次見你地有指引煎包要煎到黑色？可唔可以食到次俾我睇錢我照俾 但你喺我面前食丫唔該你以後大家買唐記一定要檢查清楚！唔係食哂啲致癌物都唔知

真係去到邊都有我最鍾意嘅點心蒸飯專門店，今次就去到大埔富亨邨買晒一家大細嘅份量，返屋企同屋企人食飯。啱啱做完嘢就有一間唐記包點在附近，就根據家人的指示買了幾款蒸飯和包類、點心。餐牌非常清晰，分門別類列明食物及圖片，原來包類都有超過十多款，多款選擇。我們就一口氣點了差不多$200的美食，非常豐富！奶皇包表面都見到係奶黃色，一眼就認得出佢。食落去奶黃帶一點流心質感，味道香濃。蒸飯一共有八款選擇，我們分別叫了四款，當中的梅菜肉餅飯的肉餅非常大塊，整盒飯是滿滿的，肉餅質感滑嫩，味道很新鮮。原來另外仲有特式客飯供應，我就點了滷肉滷蛋飯，簡直撈飯一流。最後我和家人都食到捧住肚，非常飽及滿足！

收工後想買啲快餐返屋企食飯休息一下，經過大埔富亨邨商場的唐記包點睇吓有乜嘢食。同樣地餐牌清晰可見，圖文並茂。先不忘叫了這裏出名的點心，鮮竹卷和燒賣都是我至愛的點心🥧。鮮竹卷一份有三件，而且外皮非常入味。這裏還有套餐選擇，只需以優惠價錢就可以換購各款的飲品，好抵食！還有點了凍包-菜肉包、叉燒包和馬拉糕，可以隨時隨地蒸來食，店員仲溫馨提示我們隔水要蒸8分鐘才可吃！熱賣的糯米雞很大隻，荷葉味道濃郁，而且入面真係食到大大件雞肉架，足料！這一餐飯我和家人都很滿足，而且食物款式多，很快我們會再幫襯！

大埔頌雅路6號富亨商場地下4號舖－－－唐記包點平價消費非唐記莫屬！上班時候很多打工仔都會買唐記包點 方便又快食！一定會點香芋包 黑芝麻包 菜肉 同 香雞包食  食包又飽肚 個包又熱騰騰 質素好好！ 唐記最近推出一系列飯  個咖喱牛腩飯幾好食！星期一至日都有唔同特價飯！＄18 抵食啊!!!!!!!!!!!!!!!!!!!!!!!!!但日日食包做早餐都可以～但正餐都係食多D食好D啦～唔好只係食個包啊！

我哋生活在一個 繁華都市，大人工作忙碌 小朋友學業沉重， 雖然如此 ， 大家爲左生活繼續努力打拼， 每日趕返工趕返學， 生活節奏（快  ） 食個早餐或午餐都要快食，相信呢D就係香港呢度ge文化特色， 講到快食 ，不得不提呢間【唐記包點 】， 記得好耐好耐之前 淨係賣包點後期賣埋蒸飯，而家仲有埋【特色客 飯】我就係畀佢嘅，【特色客飯】menu圖片吸引住， 於是 買咗兩款客飯試下，仲有超抵食嘅（每日精選），衹糸$17元一盒蒸飯，超平呀，今時今日用$17元就買到一盒蒸版， 除咗唐記， 別無他選， 分店遍佈港九新界， 梗有一間喺左近，滷蛋滷肉飯$29 雖然好肥膩， 但腩肉切到好細粒， 撈埋啲飯一齊食 好香，正豬軟骨飯$29呢盒 豬軟骨餸實在太少啦，打開發現得半盒， 有啲失望，特價$15元3個凍包，抵食

之前都間中會經過大埔富亨邨的這間唐記包點，但其實最近除了包點先生之外，都很少光顧唐記包點。😪之前在包點先生吃過的麻蓉包，是黃黃的麻蓉，與蓮蓉有所分別。但是這兒的麻蓉包，卻好像芝麻一樣，面頭黑白灰，又不算磨得非常之幼細。這間唐記的店員阿姐，服務態度都算不錯，最少承認自己比較新手，因此在收銀位置不太熟練，自己先表示不好意思。之後，另一名比較熟手的店員，就立即前來收款。鮮竹卷，都算正常，見到三件鮮竹卷，太大件，腐皮不會太過軟林，中間的肉亦都充滿大量汁醬。不知因為現在比較少機會到唐記定還是什麼，因此我好像幾次經過這間唐記都發現有不少新的菜式，例如這個豬軟骨飯，又或是粟米粥等等。

唐記一個我們熟悉的名字，讀書時代開始已經是我最喜愛的外賣店舖之一。因為我喜歡相對健康的食物，所以選擇快餐的時候都會避免煎炸或多鹽多油的種類。一盅蒸飯經常是我的飯餐，本身喜歡吃雞蛋的我，特別喜歡這裏的雞蛋牛肉飯。份量十足，而且有酒樓水準，是唐記的盅頭飯之致勝關鍵。厚厚的牛肉餅，新鮮嫩滑；味濃鮮香的豉油，配上煎得恰到好處的雞蛋，提升了整盅飯的香味，整體配合得宜。生活急促的我們，忙碌中未必能到酒樓坐下來慢活一下。勞碌後的一天，趕著路的兩分鐘，順手帶一個熱騰騰的滿足回家。