唐宮小聚 (新城市廣場三期)

營業中

休息中

酒醉蟶子一定要encore 早放工所以6點半前就去到餐廳，唔使等位直入，坐得好舒服一直以來都好喜歡唐宮小聚既醉蟹，但店員姨姨話蟹唔啱季節，所以冇出，叫我地試下酒醉蟶子。另外仲叫左兩隻招牌沙田乳鴿，紅油抄手，脆蝦多士，以為期間限定既黑胡椒大虎蝦。酒醉蟶子大概有7-8隻，蟶子好飽滿，冇沙，亦醃得非常夠味，咬落去啖啖酒香，絕對推介沙田乳鴿保持水準，皮脆鴿肥，咬落啖啖肉，鴿油流出，做緊優惠39蚊一隻脆蝦多士炸到香脆乾身，上面有啲松露醬，包住原隻蝦，如果份量可以多一個就更好，三個唔夠分紅油抄手正常發揮，不過不失，不過我覺得比較辣黑胡椒大虎蝦消費滿200蚊就可以用69蚊追加呢個蝦，兩隻大大隻虎蝦，上菜時會連埋個爐，一邊熱住，啲醬汁就唔會凍左，好貼心。黑胡椒味夠，又帶有少少甜味，蝦肉新鮮，蝦頭部分都食到啖啖肉，可以再試

之前已經食過幾次唐宮小聚，唔同分店亦都食過，不過次次都係晏晝飲茶，今次係第一次喺度食晚餐😁 一行二人，放工想食中菜，又諗唔到有咩出色嘅中菜食，而之前喺度飲過茶都幾滿意，咁就不如試吓晚飯啦😛 我哋兩個人order咗5樣嘢食，又眼闊肚窄咗😂🙈 肉鬆抓餅🌮 $49熱辣辣食幾好味，餅皮偏軟身，唔使好用力咬都咬得開，肉鬆加蔥簡單美味，不過手抓餅都係要配埋芝士同蛋先至最好味，如果有就好了😝 紅油抄手🥟 $59呢碟紅油抄手份量都多，不過每一粒都比較細粒，但咁樣仲好，一口就食到，調味亦唔錯，如果再辣啲就好啦。 煸四季豆🥗 89有家的味道😂😂 同媽媽煮的四季豆有得揮！調味很好，豬肉碎又夠多，撈飯好好味😋😋😋 水煮魚春卷🫔 $59好有創意！之前已經食過，我哋好鍾意食，辣辣地好開胃，春卷炸得夠脆口👍🏻👍🏻👍🏻 蠟味煲仔飯🍚 $79原價$89，堂食減$10！二人份量剛剛好，蠟味味道一般，條辣腸太咸😖 我最鍾意食潤腸，不過佢條潤腸無論口感定味道都係好一般。飯算香且夠入味，唔加甜豉油都OK。 員工服務態度OK，不過執位執得好慢，明明入面好多位都要等15分鐘，可能人手唔夠？？🙈🙈 店舖較大，尚算闊落，坐得舒適，茶位

咁岩去到沙田shopping又係要煩惱晚餐既食店之前見呢間店都好多人排隊 難得今次無人等緊所以一於入去試試咁我地3個人就點左沙田乳鴿辣滷乳鴿大肚婆炒飯鹹雞煲仔飯麻辣蜆麵個人覺得乳鴿係佢地招牌 所以味道都唔錯既但如果係飯同麵就真係整得麻麻地因為我食左幾啖既時候 就要問下樓面會唔會豉油可以拎比我所以建議大家要慎重考慮叫唔叫飯麵類既食物不過對我黎講 唔會再去試 始終試過要用豉油撈飯先食得完即是話個廚房都麻麻地 服務態度OK既 但食物真係不太掂總括而言:如果想食乳鴿去幫襯 我會推薦其他既食物 你地可以去體驗下或者係我本身食既口味太濃 食唔慣淡既野

本人位於沙田市中心分店，非常好的用餐體驗，很有特色的時尚中餐，乳鴿名副其實的平靚正，也有很多特色小菜，甜品也都嘗試，比預期中好，唯一可以評價就係如果有多一啲正常中式選擇變更好了。順帶一提，沙田分店一些服務員樓面都很有禮貌及專業，特別值得稱讚一位經理，佢個名叫Kyle. 非常專業的服務，有禮，亦都很細心地幫忙下單！ 值得再試👍👍 當日餐廳晚市都比較忙碌，見這位經理都很用心地帶領著樓面安排我嘅同客人嘅需要👍👍 就算有一些食物還未到，經理Kyle 居然都記得我點了些什麼還主動地幫我跟進🙏🙏，這些用餐經驗有時連酒店都畀唔到😅

食物好好，叫咗兩款乳鴿，水煮魚春卷，和牛卑利，蝦餃，龍躉魚雲吞，西蘭花苗，流心皮蛋，酒醉蟶子，很合口味。但服務真係好差，問佢大肚婆炒飯（好野味）係咩，只答轉頭攞個menu俾你睇，menu最終都無俾到。收碟收一半，什麼操作，食唔晒嘅飯叫打包，服務員：外賣盒要加2蚊，語氣令人感覺不良好，2蚊我俾得起嘅😂後嚟都係專登叫啲有禮貌嘅服務員埋單。總括嚟講，會想去再食其他未點過嘅食物，但服務態度會令人卻步！！

父親節11點半去排隊，第一輪入完叫門口職員話冇位了，要等多陣，呢個時候11點45分.就乘有時間帶小朋友去一去洗手間，點知突然11點58分叫號，由19號連住兩分鐘叫到35號，廁所即刻衝出來，就一分鐘，話我地27號過號，呢個時候12點，即使一分鐘，話冇得補飛，在旁仲有其他食客都遇到呢種情況，門口職員完全唔理，仲黑面話我地去廁所係我地嘅問題，仲不斷反白眼。

經常晚飯時間勁多人等位。同事曾講過佢嘅乳鴿好食。終於鼓起勇氣一試。今日晚上7點15分星期六唔多人。奇怪～😊一入去見到透明又濶嘅玻璃窗原來係廚房，望入少少見到六層左右乳鴿無遮掩放在廚房枱等上菜。即係佢哋一早造好乳鴿，客人下單了，去一翻熱便可上枱。沙田乳鴿好似有南乳味，熱辣辣。有手套供應。無香味，越食越咸，有少少火爐味。沙薑豬手沙薑考刀功? 一粒粒。整體味道較疏離。但比起其他幾樣菜，已經比較正常。蘿蔔蝴蝶酥以前食北x樓嘅蘿蔔絲酥勁正。呢間味道可以，芝麻味香，但發現牛油紙好油，又可惜一啖咬落去表面有點靱，原來條紫菜和表面酥皮叠埋左一齊就靱了。鳳梨饅頭呢個造得都幾好，外脆，內裡是鳳梨，第一次食唔太甜。小聚梅酒 200ml本身味道唔錯，食咸野再飲佢就應該舒服哂，可惜唔能夠keep住有冰。個杯應該大d再加3，4粒中型方冰就正，依家咁就太甜。臘味煲仔飯好多油，臘鴨，臘肉，麻辣潤腸勁咸。麻辣潤腸勁咸又肥又粗。加瘦臘腸以美x貨。潤腸味一般。好唔明點解食店要用呢款木架? 又無安排2人上菜。個煲勁熱要1人上菜。請問1隻手拿著托盤 另1隻手可以點樣攞佢上枱? 真的不好拿。感覺傳菜員好辛苦，易生工業意外。食店真

聽講呢到既乳鴿好抵食，所以黎呢到一試。環境幾得意碗碟一如既往既特色。沙田乳鴿，原價HKD 177三隻，堂食有優惠HKD 39一隻。都幾熱辣辣，唔算超多肉但可接受，呢個價錢算幾抵。煸四季豆，HKD 89。全晚最好食係呢碟，豆角同豬肉都好入味，必點，推薦！水煮魚春卷，HKD 59。我只可以話佢係一個幾有特色嘅點心，一咬落去裏面啲麻辣汁就會爆出黎，好濃郁嘅水煮魚香味，要小心啲食如果唔係會搞到周圍都係，裏面又真係有一舊魚。不過我自己食開鹹/甜嘅春卷，唔係好適應呢隻味，反而同行嘅友人好鍾意食。大肚婆炒飯，HKD 109。純粹係用嚟填飽個肚，冇乜特別。有四隻蝦、少少蔥花、超級無敵少既蛋碎，肉鬆、超級無敵少嘅蟹柳。可愛南瓜，HKD 39。食完飯就食甜品啦，入面係豆沙餡，佢嘅表皮類似湯圓，但係唔彈牙的，比較黏牙，不過不失咁啦。原價HKD 520埋單，不過乳鴿有個折扣同埋如果down 佢個app 都有優惠券，所以埋單四百幾蚊。

🥢🍵黑金流沙 | 朱古力小熊 | 和牛啤梨 | 蟹肉山竹 | 花雕醉雞 | 小豬草莓乳酪凍👅🔹️黑金絕對有流沙香口效果，小熊更是一咬就爆朱古力汁，兩款味道均不會過甜🔹️啤梨內的和牛肉和山竹內的蟹肉份量較少，但都好有咬口🔹️醉雞夠入味，略嫌肉質不夠嫩🔹️小豬草莓乳酪主要用來影相同玩，味道也可口的

之前有幾次想幫襯，但是都沒緣份。第一次用OpenRice訂外賣，今晚試了唐宮小聚的外賣二人套餐C，內有子薑鹹雞煲仔飯、菠蘿咕嚕、黑金流沙，另加了醉雞和沙薑豬手，我們全都吃得津津有味😋😋包裝很考究，煲仔飯用錫紙包住再用保溫袋，其他的餐盒用一個環保袋裝着，非常整齊。👍🏻👍🏻所有餸的份量都很充足合適，不過，煲仔飯的份量只有一人份，幸好我們自己煲了白飯，剛剛好。我們會再光顧，去試試他們的其他菜式及點心😃😃

小小熊仔得意到不得了 😍 而且個餡都好match佢嘅外型～ 流心朱古力！朱古力香得來又唔算太甜，甜品黎講甜得黎但又唔會好漏 👍🏻鳳梨金豬係鳳梨餡嘅炸饅頭！個樣超得意 🤤 鳳梨餡夠香但唔算甜，呢間處理餡料算幾好，但美中不足嘅係個饅頭炸得有少少油 🙈擔擔拉麵不過不失，幾香口，但都幾辣 😂糟滷醉蝦呢個得！有酒香有麻香，同一般醉蝦唔同，而且 d 蝦大大隻，滷得好入味 👍🏻肉鬆抓餅香香脆脆，肉鬆有炒過幾香，但食嘅時候 d 肉鬆會四圍跌，有啲麻煩 🙈大肚婆炒飯有薑米、蝦、蟹、脆豆同粟米，夠鑊氣，而且份量好足，好香口好好食，最正嘅係佢個炒飯有藜麥，加強左個口感之餘，又會香啲健康啲 👍🏻 沙田乳鴿炸得好香，調味做得好好，唔會炸得好乾，依然保留到肉汁，強烈建議一人一隻 🙈冰鎮咕嚕肉呢個簡直每枱都一定會叫 😂 賣相好之餘味道又唔差，新鮮炸起嘅咕嚕肉加上冰塊，有一種冰火嘅感覺 🙈 而且佢嘅配菜除咗一般嘅菠蘿，仲有哈密瓜，好得意好清新 😍果汁酸酸甜甜，又唔會太杰，食落完全冇嗰種油膩感～🪄 其他點評餐廳環境幾好，坐得舒服張枱又夠大，我哋仲坐咗窗邊位，景觀比較開揚！不過可能因為比較旺場，服務有少少甩漏，有樣嘢落咗

叫咗2個套餐，Set A and C ，4人食晚餐6-7成飽就好，所以對於我屋企嚟講足夠。Set A $175龍躉煲仔飯+冰梅欖角骨(好似5件)+黑金流沙2件Set B $161子薑鹹雞煲仔飯+鳳梨咕嚕+黑金流沙優惠加購$59 沙薑豬手$9 黑豆漿2款煲仔飯嘅飯都比較煙韌，完全冇飯蕉，喜愛飯蕉的話會失望，但米好有米香，料唔多，2款料都係4件，但套餐有餸所以都冇問題。龍躉啱啱好熟係唔錯嘅，而鹹雞唔係方間食開個隻味，比正常鹹多少少咁，冇特別，食落唔覺得係鹹雞。2款餸都滿意，冰梅欖角骨，份量記憶中5件，但件件都大嘅，欖角味好出但梅味微微，整體偏甜如果你欖角味冇問題係會覺得幾好食。鳳梨咕嚕份量好足，以呢個價錢性價比高，酸甜味唔會蓋過肉味，肉嘅稔軟度適中啱啱好，可以話全部最滿意咕嚕肉。黑金流沙，外賣嚟講因為熱有水份個包會好稔，咁好正常本身外賣都預咗，但返到屋企個餡都仲流心嘅，所以ok冇咩問題，而之前堂食叫過好好食，可以一試。沙薑豬手，略嫌沙薑味唔夠，但整體ok，因為豬手稔軟度唔錯，唔會咬唔入，連有筋嘅位都易食到。黑豆漿就正常。

今日約了三個朋友去新城市行街，之後就去了唐宮小聚午餐，叫左一碟醉酒蟶子，賣相幾好👍一放入口就馬上想吐番出嚟難食已到一個極點：1.酒味並不是酒香而是極濃烈的酒味和苦澀味2.極之甜好似食左幾羹沙糖一樣3.完全食唔出蟶子的鮮甜味。之後我馬上叫經理過嚟：我話：把依碟蟶子拿回出品部請出品部嘅同事試食！蟶子的單我係會埋的！最後經理取消左蟶子張單！其他菜色冇乜感覺！唯一乳鴿肉質都幾咸““””浸滷水時間過長一係滷水過鹹冇校淡。總結：好睇唔好食。因為小弟係用口食嘢，並不是用眼或相機食嘢的

唐宮小聚今日有朋友介紹咗依間依間中式餐廳俾我，話依度嘅乳鴿係最出名嘅！咁我哋一於去試吓啦！入到去環境非常之舒適，枱同枱之間非常寬闊，真係家庭聚會嘅首選！沙田乳鴿 $59/1隻呢個乳鴿所有人都非常之推介，我哋當然唔執輸，一定會叫啦！真係名不虛傳！真係好好味呀！原隻炸乳鴿，佢不單只外皮脆香，而且皮下脂肪係好薄薄一層，一d都唔膩！仲要乳鴿既肉質非常之juicy而且嫩滑，仲要肉味夠濃同入味！真係會好想叫多幾隻再食嫁！黑金流沙包 $49黑金色既賣相夠晒型格,一摸外皮非常鬆軟，而且流沙好熱辣辣，一打開就爆汁，所以一大口食嘅話真係要好小心，唔好辣親個咀呀🥰🥰冰鎮咕嚕肉 $99呢個叫得冰鎮咕嚕肉，顧名思義就係用啲冰雪住d咕嚕肉啦！佢外層脆卜卜😋😋冰鎮後確實比正統做法的咕嚕肉更加酥脆，而且冇比芡汁浸軟，酸中帶甜的醬汁，令人胃口大開！仲要加上有冷鎮埋個哈密瓜、蜜瓜仲有菠蘿，口感鬆脆可口，真係口感大爆發丫！

曾經食過質素唔錯，屋企人未試過。今次專程帶嚟品嘗，可惜失望而回😞下次都唔使再食😢非常山竹$49（以前食過內裏之餡是蟹肉+蟹蓉）依家裏面唔知係乜😖點心形狀都怪怪的☹️沙田乳鴿$39/隻（堂食價）呢個價錢係抵食，不過上枱時唔係好熱辣辣，以為真係熱辣辣，戴住手套都感受到🥵依家乳鴿瘦到無肉，食骨頭🦴紅油炒手（八隻）$59味道偏辣😋花雕醉雞$79 ，雞肉較「鞋」有好多雞油食到肥冧冧😖煸四季豆$89，最好食😋臘味煲仔飯$79 （堂食優惠價）可以試盡此店之臘味，可惜臘鴨細到呢😕整體偏咸，狂飲茶🫖茶$10/位，初時嚟食，茶味香濃，依家飲滾水，不知所謂🤬🤬🤬3個人食要$500，認真唔平；仲要質素差、服務差😤（因為只有3幾個人執枱、擺位、傳菜）枱無碗問侍應係邊度攞，仲大聲話擺左係枱🤬