283
60
14
港鐵上環站 E1 出口, 步行約3分鐘 繼續閱讀
所有分店 (4)
電話號碼
35689666
開飯介紹
主打摩登點心的中菜館,讓客人可在舒適自在的環境中品嚐時尚健康的中菜。 繼續閱讀
獎項殊榮
最優秀開飯廣東菜館 (2016-2017),最優秀中西區開飯熱店(2018-2019)
營業時間
今日營業
11:30 - 15:30
17:30 - 22:00
星期一至日
11:30 - 15:30
17:30 - 22:00
公眾假期
11:30 - 15:30
17:30 - 22:00
公眾假期前夕
11:30 - 15:30
17:30 - 22:00
*截單時間: 15:00/21:30
付款方式
Visa Master AlipayHK 支付寶 現金 八達通 AE 銀聯 Apple Pay Google Pay 微信支付
座位數目
150
其他資料
自帶酒水 詳細介紹
外賣服務
加一服務費
當面支付
食評 (429)
等級3 2022-05-01
331 瀏覽
依家食飯可以4人一枱,同同事們等咗好耐啦,之前講好咗一齊去飲茶,今次實現到啦🥳🥳🥳lunch time 比較忙,職員應接不暇,叫咗好幾次先加到水/check 單🙈🙈🙈▪️黑金流沙 $49其實佢係奶黃流沙包,個包好軟,一搣開,啲奶黃流晒出晒,好多餡!味道好香蛋黃味,唔會好甜!每次嚟都會必叫架😍😍😍▪️沙田乳鴿 $59/隻乳鴿size唔算好大隻,但外皮燒到好香脆,入面肉質係嫩滑多汁!覺得唔夠味嘅話,可以灑啲椒鹽,個人覺得原味就夠啦😆😆😆▪️脆蝦多士 $89多士炸到酥脆,上面仲有成隻蝦,再配上少少松露醬,一食成個口腔都係松露+蝦嘅鮮味,蝦肉爽口,酥脆多士,口感層次分明!但食多會有一啲啲膩,淺嘗可以了😌😌😌 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-23
483 瀏覽
唔知有無人睇得出Ms A最近轉左係咁推薦中環附近餐廳呢😛事緣我轉工了!成為中環嘅打工仔😂以後大家有咩想我去試下、或者附近翻工嘅你都歡迎報料同or我一齊齊食😋開翻4人堂食,一於同同事試試呢個,可惜過於fancy,野食華而不實🫣▪️冰鎮咕嚕肉 $109個份量有少少似係比哂係堆冰粒同碎冰上面🤭🥶咕嚕肉肥肉偏多、外皮好脆卜卜但就唔係好掛汁、配菜居然有哈密瓜(?)、菠蘿🍍等。你問我就prefer傳統咕嚕肉多啲。▪️紅油抄手$598️⃣粒bb size嘅雲吞都唔係好吸引..醬汁係麻辣醬mix麻將,調味ok但個雲吞太劣了。▪️酸菜斑片 $129呢個係唯一比較見得下人嘅一道菜。酸菜湯味道濃郁,斑片走過油肉質依舊嫩滑,厚肉👍🏻湯底仲不少酸菜、粉皮同芽菜。湯口味道唔錯,好足料,調味選用泡椒同指天椒🌶️層次感滿分。▪️非常山竹 $49好難食🤮外面煙韌嘅紫色糯米皮入面係超級難食好唔夾嘅粟米忌廉濃湯,成件事即刻low哂,樣貌都ok可以接受,但貪得意叫下就算了😂▪️臘味煲仔飯 $89飯焦超級香脆,配合豉油都好滿足!配料我就覺得太過特別:四川麻辣腸、潤腸、臘腸、臘鴨髀、臘肉。味道有少少太浮誇太特別,我自己就麻麻地呢度嘅臘腸,唔係太鹹就係太油,prefer有少少甜味嘅榮華臘腸🌭️。▪️黑金流沙 $39面頭金色超級luxury同fancy,不過就會hi到成隻手都係金粉🤣流沙包入面超級流沙,濃郁鹹蛋黃味,一搣開即刻流到成手都係!▪️沙田乳鴿 $39堂食價都幾抵食,上嘅時候會幫你自動對半,但肉質唔算juicy,外皮都唔算好脆,呢個價錢不過不失啦💰 繼續閱讀
(以上食評乃用戶個人意見 , 並不代表OpenRice之觀點。)
等級2 2022-04-22
404 瀏覽
實在太耐無出去食飯,今日帶埋家人一齊出去由於家人好專一地只愛廣東菜,所以每次都一定係食中餐😅第一次接觸哩間餐廳,係幾年前同事極力推薦佢個黑色流心包,同大學同學聚嘅時候食過一次,對佢嘅印象都唔錯。大廈唔算難揾,坐𨋢上到餐廳樓層,有成10個人排緊隊,心諗好在預先訂位。望一望入餐廳,入面有好幾張🍊枱🤔原來係因為埋單、開位、傳茶、帶位⋯⋯全部一個人包辦,個職員自己都忙到一頭煙😵‍💫就算訂咗位,有枱都好,根本無人得閒帶位,結果要企喺門口等咗15分鐘。等咗一陣,終於可以入座,枱面上嘅碗入面印咗烏蠅,雖然設計唔係好討好,不過係假嘅,唔洗驚,反而要擔心餐廳入面嘅烏蠅家族💔🤢。一坐低就有一隻係枱面度迎接我哋,有時餐廳有一兩隻小飛飛都無可避免,諗住掃開佢算,望下窗邊,成4、5隻陪我哋開餐😱😱😱即刻叫職員換位😵‍💫😵‍💫職員忙到一頭煙無停手,但仍然好有禮貌,好幫得手,讚👍🏻職員好快就幫我哋換位。餐廳係自助落單,可以加快整個用餐程序。一坐低,就可以即刻落單,之後就可以坐定定等食🍽😌脆蝦多士 ($89),一份有3件,仲有黑松露醬。多士熱辣辣,好香脆,唔會食到成口油。份量岩岩好,唔會覺得好滯。不過價錢略貴,3啖咁就$89😅冰鎮咕嚕 ($109),係其他餐廳都有食過類似嘅餸菜,會將啲炸香咗嘅咕嚕肉放係冰上面,可以食到最後一舊個外皮仲係保持到脆。不過我比較傳統,都係鍾意食熱嘅😅未試過嘅朋友都可以試吓,份量都唔細架,每舊都啖啖肉,唔會淨係得炸粉。黑金流沙包 ($49),一籠3件,係必食之選😋除咗外形吸引,個流心餡一樣掂👍🏻有粒蛋黃係中間,唔會太甜。‼️食流沙包千祈唔好心急😆,如果唔係爆餡碌到🤭‼️仲叫咗兩個特色點心,和牛啤梨 ($49)、非常山竹 ($49)。啤梨係黑椒和牛鹹水角,非常山竹係龍蝦汁同蟹肉。兩款點心造型都好像真,特別係個頂,用咗pocky扮😆兩款嘅外皮都係一樣,純粹換咗啲餡。和牛啤梨黑椒味太重,淨係食到黑椒嘅辣😅而非常山竹嘅龍蝦汁蟹肉餡就有啲似忌廉醬,真係要睇下餐牌先知自己食咩😅兩款點心都係外型取勝,味道就麻麻啦😅食到尾聲,追加咗麻醬抄手 ($59)、麻辣乳鴿 (堂食價: $39) 同 大肚婆炒飯 ($99)。抄手有紅油同麻醬揀,唔食得辣可以選擇麻醬,一份有8粒。不過麻醬會膩啲,相信紅油會較為惹味。沙田乳鴿較為出名,可惜賣哂😩麻辣超殺!正價係$59,宜家有優惠,堂食價只需要$39,所以好多人叫。乳鴿啖啖肉,配麻辣汁,又香又麻👍🏻最後,大肚婆炒飯有紅米、白米、藜麥、蛋、菜粒、蟹肉、粟米芯、脆豆、薑米。飯炒得好乾身,又唔油,一食停唔到忍唔住食咗2大碗🍚,推薦👍🏻👍🏻 繼續閱讀
(以上食評乃用戶個人意見 , 並不代表OpenRice之觀點。)
等級3 2022-01-12
1002 瀏覽
係無晚市前約咗朋友聚會,諗住坐得多啲人而選擇咗食中菜,而呢一間餐廳算係較創新的中式料理🌝糟滷醉蝦 $89隻蝦大大隻而入面亦都有好多膏,同時食得出酒嘅香味👍🌝流心皮蛋 $158食落幾驚喜🤩皮蛋上面有姜蓉同埋豆蓉,酸酸甜甜配合埋豆帶出的青草味,係幾特別既!🌝水煮魚春卷3件 $49 即叫即炸上枱熱辣辣,咬落去直頭俾入面既醬汁辣親嘴😂入口的確係水煮魚嘅味道,幾特別,但略嫌裏面件魚太細。另外味道偏辣,如果食唔到辣嘅朋友可能就唔好嗌啦🌗冰鎮咕嚕肉 $109底下放滿左冰塊,而上面除咗有咕嚕肉、菠蘿仲有車厘茄。值得一讚既係咕嚕肉炸得好脆口,而且肥瘦均勻,但係一半冰一半熱嘅冰火口應個人覺得唔太夾😂🌗牛肉叉燒 $159一開頭比呢個名吸引咗,好想知道點樣又係牛肉又係叉燒😮結果入口:牛肉,而我不知道點解佢會叫叉燒,甚至連佢個汁都唔係叉燒汁😂失望咗而其他餸都屬正常水準結論:食物精緻,但份量略為不夠,大部份嘅餸上菜時候都唔夠熱,優點係口味較創新,但有啲餸菜味道屬正常水準 繼續閱讀
(以上食評乃用戶個人意見 , 並不代表OpenRice之觀點。)
等級3 2021-12-01
1578 瀏覽
第一次來食,最初問有冇蝦餃,燒賣佢話無,係一個turndown,唸住走啦。。但見menu得意最後都黎返trytry。男朋友話要試下一間店嘅水準必試咕嚕肉,有兩個main都好吸引,一個係菠蘿入面有咖喱牛肋,一個係冰鎮咕嚕肉。因為唔想食辣,叫左後者。第一道菜就係主菜啦!冰鎮令個皮更加突出「外脆肉暖」嘅效果,加上哈密瓜同車厘茄,唔會太熱氣,幾refreshing。overall係好食。之後來左個紫薯swannnn...黑色同白色梗都係 無味嘅,無咩特別。正常酥皮加紫薯(偏甜)餡,賣相係幾靚,有整到一雙翼。味道一般。朱古力熊熊包~呢個好個人啦!我好鐘意食朱古力,入面係流心朱古力,感覺好滿足!個包都幾厚身。男朋友唔鐘意朱古力,所以。。🤣比我食哂佢!呢個係黑金流沙包,好味,有做到應有水準~流心!黑色皮無咩味。山竹就係我哋compromise兩人最鐘意嘅點心,價格無咁貴又食到蟹肉同滿滿龍蝦汁流出來,上面係細細枝嘅百力枝,有d似忌廉湯。係比較熱氣,趣皮下面有厚厚的紫色糍米,但覺得唔錯。都係差唔多嘅皮。入面係黑椒牛肉味。我鐘意上面多d, 有湯汁流出來嘅感覺,男朋友兩個都like。呢個係水煮魚春卷,中間好辣!加上熱熱出爐,等等先食比較好。但我麻麻。最主要係食辣味。見到其他桌嘅大肚婆炒飯,蟹都好正,推薦大家來!雖然無傳統蝦餃燒賣(有素食版),但我最鐘意創意點心!所以pass! 呢間適合一家大細來啊~不過大家小心上火熱氣,飲返d下火茶就ok na~ 繼續閱讀
(以上食評乃用戶個人意見 , 並不代表OpenRice之觀點。)