唐人坊咖啡餐廳（清仔冰室）

營業中

休息中

這家餐廳以出前一丁為主題，內部陳列了許多出前一丁的舊產品和紀念品，讓客人可以一邊用餐一邊欣賞。環境都算乾淨，也不會太擠迫。餐廳的菜單價格非常親民，所有餐點均不超過 $60，性價比極高。食物質量尚可且選擇豐富，例如只需 $49 就能享用一碗包含蜜汁叉燒、腸仔和蛋的公仔麵，還附加多士和免費熱飲。然而，雞翼的口味不佳，因為油炸過度，不太健康，建議避免點選。 總體而言，除了雞翼外，其他餐點都值得一試。謝謝大家看我的食評

早餐11點，去外賣一份三文件，跟熱檸茶。在門口等了20幾分鐘，入去問成3次，都話就有就有。我後面黎左兩個人，都係叫外賣，餐大份過我的，每人兩袋，都早過我出餐。走埋，我都未有得攞。最後入去，話等太耐我要退錢，先再慢慢幫多兩枱堂食的上了餐，才包我的外賣仲話，佢地嘅三文治吾係普通三文治，所以要等。真係睇吾出有幾特別，有幾吾普通質素就係一個普通嘅三文治最特別就係一份三文治都要等成20幾分鐘。有時間嘅你，歡迎慢慢等外賣用餐體驗極差我就吾會再幫襯啦

午餐時間，好多人，好彩好快就有位。一向都覺得佢嘅海南雞好味，雞滑得來唔會太淋，喜歡有些少咬口，可能有些人覺得鞋，我反而覺得有口感。知道有新菜式，特登去試，呢個泰式鴛鴦雞，一半是海南雞，另一半是炸雞扒（黑白配），真係幾絕配，泰式雞醬加埋黑豉油，呢個配搭更加冇得輸，黃姜飯唔油，好啱我口味，價錢公道，套餐價連熱飲都係$52，值得推介推介再推介👍又俾我發現有新收藏品，2張唱片和清仔公仔，呢幾件古董應該老過我，好似話1965年出品，好珍貴👍

中午本身想去崇潔街的廿八食堂，但見它沒有午市/茶餐，決定還是找天晚上再吃。然後見旁邊有間出前一丁的主題茶餐廳，唐人坊咖啡餐廳，就決定試一下。餐廳就像一間出前一丁的博物館，都是出前一丁的各種展品，情緒價值滿滿。見它寫自己是紅磡第二好味的海南雞，就分別點了個無骨雞+豬手飯，和脆皮雞+豬頸肉出前一丁拉面。味道就，如果它是紅磡第二好味的海南雞，那麼紅磡應該沒有第三家賣海南雞了，而如果有第三家，它就沒可能是第二。雞肉完全沒有雞味，給的泰式辣醬很鹹。豬頸肉怎麼煎也不會難吃，豬手脆雞就正常茶餐廳質素。拉面就真的給你一個出前一丁，配出前一丁的粉包味精湯底。埋單兩人HKD 109, 正常茶餐廳的價錢，比正常茶餐廳稍差的質素，情緒價值補上。

一個月內嚟咗三次呢間紅磡小店. 見到OpenRice 上嘅食評好極端. 有好多好評但亦有啲講到佢一文不值. 試咗佢地嘅公司炒丁, 紅酒牛腩撈丁, 沙嗲牛肉湯麻油一丁, 四寶飯, 厚豬扒湯河同無骨鳳爪. 好好食. 老闆好健談, 好勤力. 做咗幾十年飲食仍忠於自己職業嘅真係好少有. 環境好出前一丁. 所有公仔都唔係淘寶貨. 一邊食一丁, 一邊欣賞出前一丁嘅珍品真係賞心樂事. 試過三次先夠膽寫呢個食評. 喜歡食出前一丁嘅朋友的確要嚟呢間小店試試. 值得嘅！

龍年首次幫襯出前一丁主題餐廳，呢期熱話出前一丁與大光麵，大部份都認為如果出前一丁唔使加錢就會選出前一丁，答案好簡單，即是論味道和麵質一定係出前一丁優勝。今天三人行，都點選一丁，分別厚切吉列豬扒撈、網球炸雞髀撈及越式四寳湯麵，其實好鬼邪惡，偶然食吓都無傷大雅。撈麵可以配甜辣醬或芝麻醬，我個人喜歡食辣，所以甜辣醬比較適合我，甜甜辣辣好開胃😋，厚切吉列豬扒冇得輸，至於網球拍雞髀就邪惡到一個點😂，皮脆肉嫩，越式四寶都唔錯，每人唔使$60，算抵食！

近年比較流行party room，一班人聚會的確唔錯，可以自己安排食物，食得自在，沒有束縛，唔使限時喪食。今年生日訂了唐人坊到會套餐，我們一行18人，早2天預訂，有很多食物選擇，自由配搭，由前菜、小食、熱葷、主食到甜品都有供應，價錢$2000有找，份量大份，計起來每人大約$100。套餐有店舖主打泰式食物，還有日式及西式小食和炒粉麵飯，賣相美觀，味道正常，抵食！平時光顧堂食，通常食快餐，都是碟頭飯或出前一丁，菜單選擇唔算多，所以品質較為穩定，原來這間小店做到會有多年經驗，做過不少大型節目到會，口碑十分唔錯。

最近看見一則食評，講到餐廳食品一文不值，心裡感覺難以置信，早幾日專登走去光顧，店舖生意不錯，食物依然維持水準，撞啱餐廳推出惠顧滿$150有一次抽獎機會，大獎是清仔麻雀，看見人家抽獎感覺興奮，不明白為何遭受無理指控，竟然說食物完全冇味，真是替店主感到無奈！店舖貼出有期間限定盆菜及羊腩煲，我每款訂了一盆及一份乾燒伊麵作為家人團年飯聚餐，估唔到茶餐廳可以做到這些出色食物、羊腩煲足料好味，盆菜亦十分有驚喜，份量足，食材靚，價錢實惠。

光顧過唐人坊/清仔冰室好多次，食物質數穩定，價錢公道，負責人好人唔使講，近排還有抽獎活動，氣氛好正。今次訂食物到會，與家人在家中共渡節日，餐單有多款食品選擇、唔單止價錢親民，而且賣相相當唔錯，今次訂咗15-20人餐，$2238，份量足，有水準，簡簡單單、輕輕鬆鬆過了愉快的晚上。如果有8人或以上的聚會，想消閑又唔想煮，叫到會係唔錯的選擇。下次再同親友聚會，一定推介這店鋪👍，試下其他美食。

今次和朋友來到出前一丁主題餐廳，我選了豬頸肉拼雞扒撈丁，豬頸肉彈牙，雞扒嫩滑入味，超香嘅蔥油汁配撈丁好好味，份量夠大，好滿足。朋友選了全日餐，叉燒原味湯丁，火腿奄列配多士，叉燒唔乾，奄列有蛋香，多士正常發揮，出前一丁火候剛剛好，老闆講過每一碗出前一丁都是即叫即煮，所以能夠控制麵質可口，味道唔使講，都是靠包味粉，係人都知好香麻油味，差啲唔記得講佢哋杯奶茶和檸茶幾好味，茶味香又夠濃。整體我哋好滿意，算抵食，又可以欣賞精品，老闆好人又大方，一定會再來幫襯。

今天與友人在紅磡工作，打算工作前在附近先吃早餐。我被出前一丁人物誤導，以為是出前一丁授權的專門店。誰知道，沒誇張，這碗出前一丁是我們這世人吃過最難吃的！我叫了一個撈麵，友人叫了一個湯麵。兩碗出前一丁賣相正常，卻淡得恐怖，完全不能理解是怎樣煮得那麼難吃。湯麵好像忘了落味粉一樣淡，撈麵明明有蔥油鼓油，竟可以完全無味。最後我們各自吃了兩三口麵便放棄了。不單止麵難吃，火腿奄列過熟得像pancake一樣，雞扒也過熟很硬，連豬頸肉也可煮到淡而無味。如果大家想見識香港最伏的出前一丁，就去試試吧。否則強烈建議去其他任何一間餐廳。這家根本是擅自拿日清的branding來騙人，完全不懂煮出前一丁。

簡直離譜 放假既早上比呢間早餐毁L左我係外賣2個常餐既一個沙嗲牛原味出前一丁火腿奄列熱華田一個火腿通粉腸仔太陽蛋凍檸茶返到屋企發現 個太陽蛋做乜x要放入個火腿通到姐 咁我叫太陽蛋做乜姐另外 你間野自己話係做清仔出前一丁咁你對公仔麵都有啲common sense下話咁你點解唔分湯 浸到發哂脹 出得又慢 我行返上樓上5分鐘既事 都已經脹哂 唔知需唔需要分湯 你都問聲呀！其他茶餐廳都知公仔麵要分湯啦大哥 你枉為話自己做出前一丁 真係勁x嬲另外 我個火腿奄列又去左邊呀大佬你哋做野有無得再那西啲呀電話又打唔通你間舖開出黎呃人架？

經谷友介紹，终於來到呢間餐廳，點解終於？因為之前來到因餐廳有大型到會而暫停門市堂食，而今次是有幸成功光顧。餐廳裝修不是豪華那種，是好有親和那種，好容易被吸引入去，裡面全是清仔装飾，擺滿清仔紀念品，十分整潔。餐牌唔算多食物選擇，主打泰式飯類及出前一丁麵類，由於是早餐時段，我選了三拼出前一丁，沙爹牛肉/餐肉/太陽蛋，沙爹牛肉味道香而不太濃，有層次而不會咸，肉質嫩滑，餐肉及太陽蛋正常，湯底混合了沙爹，味道和濃度剛好，整體滿意。

同事知我喜歡清仔，特意帶我來這間餐廳，餐廳位於土瓜灣重建區附近，從地鐵站要步行約10分鐘。走進食街，很多小店，唯獨一間門面十分吸晴，用清仔打造成一間叫做清仔冰室，內裡很多清仔精品擺設，就像一間博物館，地方需不算大，但坐位尚算舒適。餐廳住打出前一丁食品及海南雞飯，朋友發板點了双拼撈丁及無骨海南雞拼豬手飯，雞扒拼豬頸肉撈丁配葱油汁，賣相吸引，好味。海南雞和豬手也十分出色，好鍾意泰式醬料，油飯味道有驚喜，唔油，感覺健康，我們選了青檸梳打，採用泰國原支梳打，只須另加$5，好抵。整體坐得舒服，食得開心，餐廳氣氛温暖，店員不多但友善，店主用心經營，這種實務小店真係買少見少，一定會再支持。

上星期選了厚切豬扒撈丁配葱油汁，加配青檸梳打，厚切豬扒好大塊，好juicy,好滿足。今星期同母親大人到訪，選了無骨海南雞拼豬手配油飯，海南雞唔洗講，全場之冠，豬手入哂味夠軟滑，配埋咸酸菜更上一層樓，油飯夠熱又好味，不油膩；沙姜手撕雞有雞味，有口感，賣相好靚，加埋祕制極濃甜豉油，不得不把整碗飯吃清光，老人家邊食邊說好好味，食得好開心。兩個餐埋單都唔洗100蚊，仲有贈品送，真係very good.