23
11
1
港鐵灣仔站 A4 出口, 步行約7分鐘 繼續閱讀
電話號碼
37065180
營業時間
今日營業
12:00-21:00
星期一至日
12:00-21:00
付款方式
現金
其他資料
加一服務費
招牌菜
哲平咖哩飯 哲平招牌海鮮丼
食評 (43)
等級4 2017-04-07
4291 瀏覽
平時鍾意周圍試新餐既我, 今日約埋fd 放工來到灣仔試日本野 😎哲平食堂主打日式丼丼, 走快餐店格局先比錢形式. 今次來其實最想試佢既新menu 芥末蛋黃醬丼丼, 可惜今日未有😞😞 (每周限定今次輪到黑胡椒照燒醬), 唯有下次有機會再試...最後我地選左個吉烈豬排咖哩烏東, 九州醬油帆立貝醬油特盛同九州醬油炙燒鰻魚特盛帆立貝好大粒新鮮, 仲有好多蟹籽同三文魚, 已經比醬油調味過, 所以就咁加埋wasabi 已經好夠味好食另外order既鰻魚特盛原來除左鰻魚, 都會有三文魚架 岩哂我呢d 貪心d 想一式食兩味既人 haha😆咖哩好濃郁 豬排炸得香脆,炸粉唔會太厚, 烏東滑溜, 來到唔想食salmon 既話, 呢個curry udon係好好既選擇 不過udon 要趁熱快d 食, 如果唔係會浸腍除左3個特盛, 我地仲share左件芝士薯餅同炸野菜.野菜可能炸得耐左, 雖然脆但有d 乾. 芝士薯餅好正, 外表炸得香脆, 中間係軟腍薯蓉同cheese, 口感香味都好贊~ 中間有cheese 關係, 令成件炸物唔會太乾. $15好抵食呢度真係由日本人打理, 落單煮野食~ 感覺好正宗 繼續閱讀
(以上食評乃用戶個人意見 , 並不代表OpenRice之觀點。)
等級4 2017-04-05
2176 瀏覽
話說小弟重有幾日就離職,所以要襯呢段日子將灣仔區附近既好食都食哂佢先,廢事後悔。一班同事知我鍾意食日本野,所以就拉隊話落樓下食丼飯。有同事請我食飯WOR~當然要去啦日本師父將材料一份份放上丼飯上面,係吸引既波子汽水呢D童年回憶野,見到當然要買黎試試啦。又有得玩又有得飲,爽!同事點左個火灸三文魚丼,三文魚只係用火槍燒單面,令到魚生重係半生的狀態,而且又食到燒過的三文魚個種香味,一石二鳥。所有魚生都係以醬汁醃過,所以已經好夠味,唔需要再加醬油架啦!我個飯同三文魚丼材料一樣,只不過冇左三文魚變左油甘魚。油甘魚的魚油更加豐富,所以食落去更加油香豐富。其實材料中最特別係鮑魚,食落特別有口感,幾特別。估唔到食海鮮丼的地方都有高質的熱食。唐揚炸雞便當做得非常出色,每件炸雞都大大舊,但係每舊都肉質好嫩滑好多汁,勁Juicy唔夠喉,一於再叫埋可樂餅同埋炸野菜餅,最愛五重奏的芝士炸餅,薯仔好粉好滑身,而且芝士唔會好膩,食落岩岩好,如果再熱辣辣D會更加好食。 繼續閱讀
(以上食評乃用戶個人意見 , 並不代表OpenRice之觀點。)
快餐式日本丼 焦點食評
等級4 2017-03-21
2259 瀏覽
丼飯好似愈黎愈紅(?) 各區都有唔少丼飯,就連屯門都有間聽聞幾唔錯嘅,我地都未有機會試,遲啲啦,我最憎排隊,等冇咁hit先食。週六去到灣仔午飯,其實食丼飯都有幾間可以選擇,可能即時都係諗起弘啦,但克街呢間睇落價錢就比較親民。招牌以紅底白字,遠處都見到。裝潢簡單,光線充足,一律高枱高凳。食丼飯而言,就唔係話坐得太舒服,不過始終係快餐式經營,客人速食,唔會話坐喺度慢慢嘆碗飯。食堂採用開放式廚房嘅設計,客人基本上可以睇到哂整個食物製作過程,都要對衛生有一定嘅信心。客人先喺收銀處落單,再自取食物,同快餐店一樣,使用即棄餐具。哲平食堂主打自家製嘅醬油,配上海鮮丼,有別於一般嘅日式丼飯,基本上丼飯已經預先調味,食嘅時候唔需要再外加醬油芥茉。丼飯有4款,一律配九州醬油,分別在於海鮮配料,定價$80-$90,可自行加錢再追加配料,例如海鮮+$30、半板海膽+$50等。除左魚生飯,仲有熟食丼飯、咖啡飯、便當、炸物小食。九州醬油帆立貝特盛 $90呢款海鮮丼有七種魚生:三文魚、吞拿魚、劍魚、粒貝、帶子、三文魚籽、帆立貝。魚生份量多,幾乎同飯各佔一半,一律厚切,口感滿足。至於賣點九州醬油,鹹度適中,主要係淋於魚生上,一口魚生一口飯,正常黎講唔會覺得鹹。帆立貝比較薄身,但鮮味非常。三文魚籽油脂豐富,唔小心彈左落頭髮度,頭髮都痴埋一注。經過原本嘅醬油調味,我都冇特別再加豉油或者芥茉。食堂採用日本白米,食落較硬身、黏,各有喜好,墊底嘅紫菜都好香口。芥辣蛋黃醬海鮮丼 $80男朋友點嘅係三月限定款式,我地可以試到唔同嘅醬汁配搭,海鮮丼有六種魚生,比起我嘅就少左帆立貝。蛋黃醬creamy,唔膩。帶少少辣,一般食到芥茉嘅人都可以接受,唔會好嗆。不過如果根據香港人食丼飯嘅習慣,可能會覺得爭咁啲醬油,你有需要都可以問店員拎。但以丼飯而言,呢個反而比較有特色。日式吉列豬扒 $30本來一人一個丼,都飽肚非常,但見到師傅啱啱炸起豬扒,又忍唔住點一塊試下。我呢塊係新鮮熱辣~豬扒炸得香脆、唔厚粉,食落鬆軟,肉質唔會死實實面頭有少量豬扒醬,酸酸甜甜,唔油膩,但就略嫌豬肉嘅味道唔夠突出。總括黎講,呢度嘅丼飯不錯食,喺灣仔區而言,定價合理。雖然呢度有飲品,汽水、烏龍茶,跟餐減5蚊,但唔知係咪我老土啦,食丼飯硬係想飲杯熱茶,如果能夠喺食堂加設熱茶機,客人有需要去自取,會覺得更加貼心。食堂強調使用日本產米:餐牌: 繼續閱讀
(以上食評乃用戶個人意見 , 並不代表OpenRice之觀點。)
等級4 2016-11-28
3397 瀏覽
週四午餐唔想留喺公司,所以就行咗落街搵食。途經克街,原本諗住喺茶餐廳度搞掂,點知聽到兩位大嬸傾計,話「哲平食堂」唔係淨得丼食,其實餐店亦有提供便當同魚生沙律及多款小食,小肥就好奇地行咗入去八一八,結果見幾啱feel仲坐埋喺度食添。點好咗個海鮮沙律,俾埋錢後,XO仔就揀咗個靚位坐。隔住玻璃窗慢慢欣賞帶著手套o既哥哥仔準備食物,感覺衛生得令細佬十分期待自己份午餐。九州醬油海鮮沙律($80):九州醬油海鮮沙律除咗有大大塊生菜墊底,當中亦混入咗蕃茄粒、燈籠椒粒等,食落清新爽脆。沙律面上o既魚生方塊內含吞拿魚、三文魚、螺粒、三文魚籽等,厚而潤澤,口感豐富,配上個九州醬油,整體鮮香帶甜,極為健康討好。 繼續閱讀
(以上食評乃用戶個人意見 , 並不代表OpenRice之觀點。)
等級4 2017-10-03
84 瀏覽
九州醬油海鮮丼 ($80)由日藉廚師打理既哲平食堂每碗海鮮丼既刺身份量絕對吾少🙆🏻三文魚 干貝 螺肉 呑拿魚 三文魚籽等每粒已經沾滿醬油 基本上吾洗再額外落日本豉油但唯獨有樣要大扣分💀😭壽司飯食落好實好硬但明明店鋪內有高品質日本產米旗幟...就算刺身係算吾錯 但個飯足以扣哂分$80蚊 性價比低☹️ 繼續閱讀
(以上食評乃用戶個人意見 , 並不代表OpenRice之觀點。)