哥登堡餐廳

營業中

休息中

在貴網近期飯聚上,也能結識一些新晉食家,其後有個習慣,就係會特意去其專頁,睇下佢地的食評,大約知道口味,風格如何,往往有所得著.P.J和貴刁前後寫過土瓜灣的老牌西餐"哥登堡",小弟進佔土瓜灣十年,只係去過已關門的偉恆昌店一次.在德發商場隔離,座落在四層高唐樓之下的老店,長年過門不入.見他們在食評中也有正面評價,於是踢住對拖去午膳.在老區的舊老西,應該有其一套.其實大約都知係格式係點.檯面一定有茄汁同李斯派林,糖盅等等.晚餐通常以鐵板餐為主.牛豬扒加些波浪薯條作伴菜,一記黑椒汁耍在鐵板上.沙沙聲的動人旋律,細細個聽到會好開心.吃鐵板餐,等於吃大餐.唔使下下等到聖誕,理得塊扒有無加過梳打.抱著懷舊的心情前來,時光倒流二十年,昏昏暗暗之格局,人到中年的侍應.只係食客服飾,件Blazer膊頭唔係加左Pad,亦無人著高腰蘿蔔褲配高筒Yasaki.電視的新聞主播,幸好唔係蘇凌鋒....午餐最平$28,最貴都係三十幾.附近校網龐大,午飯時段,學生哥佔大多數,一邊食飯一邊打PSP,佢地對此港式老西,似乎並非當係一回事.$28一個鴛鴦扒飯,排陣1-1-1,頭陣的羅宋湯,港式做法,多渣,甜甜地,辣辣地,幾

見到女友J好努力咁不斷寫食評, 自己就剩係食無咩貢獻, 覺得唔係咁好, 所以決定開始寫番下.搬左去土瓜灣後, 久唔久就會食下哥登堡, 主要係因為平靓正. 呢區佢算係老字號的餐廳.早餐$18, 午餐$30, 晚餐$50-80, 味道唔算特別出色, 但份量夠, 服務態度ok, 供應的肉當然不是上等貨色, 但比起一d所謂出名的食扒餐廳反而好得多, 難怪成日排隊排到要企出門口.不過呢度裝修仍然停留在20多年前的模樣, 加上無禁煙區, 只要一個無公德心自私的煙民就足以令全店臭哂……

係咁多間扒房之中，首推於此：就係鍾意佢唔出名。當日走去試既原因有三：（一）唔明點解個樣咁殘都唔裝修同唔執笠；：（二）唔明點解個鐵板扒餐咁多野食；同埋（三）點解個咁既鐵板扒餐$45（晚市，唔係特價！）。要o左羅宋湯（連包）同鐵板羊扒。羅宋湯係「莎蓮娜」類：濃、自家製、多料。包係茶餐廳（或者「花園」）先會serve 既大餐包。羊配黑椒汁同薯菜，係「金鳳」類：「梳打」羊好唔好食當然見仁見智，但佢serve 得俾「金鳳」大份，連D service 都似「金鳳」。唔同既係，哥登堡係serve 得慢，甚至「好慢」：佢會等你飲完餐湯先逐個扒煮，少D 耐性都唔得。當然，事後番你開心，敬送雪糕/喱一客。我以上quote 既扒房名純粹係為o左方便比較：哥登堡無論質素、質量同個價都贏哂。但願佢繼續唔出名，唔好變快餐。* 佢其他晚餐都係$39（中/西式），個結構基本上同鐵板扒餐一樣。

呢間餐廳真係開左好多年了，專做街坊生意，搬回土瓜灣居住的我，都經常舊地重遊，無論是下午茶、晚飯小菜都食過晒，都幾好味既。昨天星期日又去幫襯下午茶，下午茶餐我就覺得吉列豬扒烏冬同干炒牛河抵食又好味，飲品除咖啡或茶之外亦可選擇紅豆冰；而晚飯小菜方面，上星期六晚同埋成家人去食晚飯，幾個小菜當中，魚香茄子煲真係好香，腰果炒肉丁d腰果好香脆好好味，雜菜粉絲煲就麻麻。餐廳格局係典型茶餐廳，d伙記都好有性格架，街坊客就會覺得親切d。

土瓜灣區內無乜大型商場, 去街都少唻呢頭, 搭5號車經過呢區就多, 凡事總有一次, 呢次周末晚貢下呢頭, 點知貢到佢門口, 其實搭車時早知佢個大招牌, 順理成章入去呢度試試.入去感覺, 同其他老牌香港西餐廳都好類似, 昏暗環境加粉紅枱布再加卡位, 係冷氣勁左少少, 但可惜又係有'煙害'問題, 而佢地多左一樣野就係電視, 咁岩果晚做波, 實行食扒餐有波睇. 扒餐可以, 餐湯餐包甜品有齊, 份量都幾足.

一到Lunch Time 就好煩惱...唔知食咩好, 公司附近又冇野好食, 最終行左去"哥登堡".Order左兩個set lunch和同事share.- 茄汁豬扒飯- 豬扒肉質好淋, 個茄汁唔錯, 送飯一流.- 芝士白汁班球意粉- 班球只得四舊, 可能又芝士再加白汁, 所以好漏...餐飲可選擇: 椰汁紅豆冰/ 什果涼粉冰, 但係我見隔離位姐姐飲緊杯紅色既什果涼粉冰, 就即刻唔敢叫, 再問靚仔waiter, 可唔可以要椰汁涼粉冰?? 佢好有禮貌答"可以". 點知...黎到一試, 一d都冇椰汁味, 似花奶涼粉冰多d...

一間開左十幾二十年的港式西餐廳, 再之前叫做"京華餐廳", 係土瓜灣區真係好耐歷史, 不過成二,三十年, 裹面D 裝修隔局無大改變, 廚房到樓面仍然係用一架細升降機去傳菜. 所以有時會聽到BB 聲. 食物好港式西餐, 一般扒類都係鐵板上, 至愛係佢地既獲仔牛柳, 真係食左唔小日子, 唔係特別好食, 不過由細食到大, 有D 親切感.