哈迪斯 (已結業)

26-12-2006 1627從無離開，何來復出？一切的回報已作實派彩。多年與麥記作戰的哈記終於退下火線，無論如何都要farewell，順便感受12蚊由大埔入馬鞍山的極速。此店一如平日的運作，沒張貼通告，員工工作模式亦是10年如1日。之前連早餐已吃了三餐，只好要個煙肉之士漢堡餐。包凍得來仍食得落，當然吃不出應有的味道，薯條粗粗地的質感亦不是人人喜歡，但總要追求正宗味道，不然的話只要租記、漢記或摩記先有，不幸的他們不像施記般總有一間係左近。埋單廿幾披，沒有任何expectation。除了失去一個選擇外，麥記重蹈馬記類似跑多一場兼遲少少入閘以為可以增加投注額及一枝獨秀，似乎才盡或人云亦云既人先會咁做，都係食住花生等睇戲。

(23/12)猶記得那一天光顧時還未知道四天後全線結業，只知要吃得一時得一時，它那牛仔芝堡、火腿芝堡不再，幸好還有炸雞、蘑菇飯、粗條薯條、薯圈，今天一齊已成過去。他們賣的炸雞是不錯，沒有過多的油分，香脆熱辣，雞肉嫩滑，這蘑菇飯的味道，相對於那肥佬店，賣相有過之而無不及，有濃厚的醬汁伴以蘑菇，粗條薯條、薯圈，內裡絕不空心，美味可口，絕不欺場。倒不如化作行動，對待其他幸存而值得珍惜的食店，繼續支持光顧，才是積極。

住在四期都有不短的日子, 每天只少經過哈迪斯兩次, 從來無意欲幫襯. 突然發現哈迪斯要走了, 就在休業前一天食個午餐.人流比平日多, 還有點點聖誕裝飾, 就像為它的告別添上一份暖意.炸雞: 4分, 真係好唔得, 炸得好乾, 雞肉鞋兼無味. 比家鄉雞更差.辣雞漢堡: 6分, 這個雞肉較好, 不是太老, 算幾辣. 飽的味道就一般.蘑菇雞飯: 5分, 平平無奇的雞飯. 飯粒偏硬. 蘑菇跟雞肉的味道還可.薯條: 8分, 新鮮熱辣的薯條, 是炸得剛好. 厚身的薯條口感比較豐富. 比其他快餐店的薯條高出不止一班.除了薯條, 其他的食物真是一般. 我的心水快餐, 還是Carl's Jr.

在網上得知哈迪斯結業,就去懷念一下,食最後一餐...小時候除左m記,哈迪斯都係時常幫襯的快餐店,特別鍾愛蘑菇飯...當時沙田廣場有間哈迪斯,入面有個波波池,好多時都入去玩...後來,波波池冇左,之後結業...之後轉到馬鞍山分店幫襯,入面有滑梯,都幾經常玩...人大了,幫襯的次數少左,變左鍾意佢的黑椒粒粒雞飯...約一,兩年前,沙田第一城分店結業,當時已經傳出哈迪斯結業的消息...如今真的全線結業,回想,我們以前又有否珍惜過呢?可惜,臨別兩天呢度仍然唔算多人,冇人影相,但溫書,睇報紙的人就多左...反觀m記,為何還是全場爆滿呢?買左個黑椒粒粒雞飯套餐,收銀姐姐依然好禮貌...可惜,今次的黑椒粒粒雞飯卻令自己失望,飯唔熱的,而且還有點兒硬,不過汁依然好味...而炸雞依然唔錯,炸得皮脆,有雞味,比m記同KFC的仲好食,不過,今次係最後一次了...一邊食,一邊睇見清潔姐姐好努力咁不斷拖地,其實地面已經拖得很乾淨,但她仍然堅持不斷咁拖,為的仍是給予大家有良好印象與回憶吧...食畢,自己還是周圍影下相...雖然人大了,但還是要玩玩那滑梯...小時候的回憶,還是不會磨滅吧...其實哈迪斯係有兒童餐的

其實預了這個食評只Post係個人網頁內，但這沒有什麼大問題，因始終這裡仍有不小令人懷念的事情！見了南瓜兄昨日個人網頁內的食評才知這裡亦時日無多，見今日有時間，晚上特意跑來臨別秋波，再嘗一口這裡的炸雞；待到後期所有食味沽清之時店長亦宣報正式結業，全場鼓掌致敬，一間頰著全美三大連鎖快餐店之一的哈迪斯亦輪落到這地步，反之一壁之隔的老麥仍是客似雲來，真的有點反世之味！這裡尤記得是小孩舉辦生日會的另外之選，而當中一組塑膠兒童滑梯組件是眾小朋友的心肝寶貝；另外這裡的炸雞及磨菇飯亦能跟德基上教不煌多讓，可惜很多東西是失去才珍惜。

哈迪斯的炸雞，我覺得是在眾多美式快餐店中最好吃的，所以成日都心思思想食多次。昨日我就得登搭架巴士由學校去馬鞍山吃哈迪斯！叫了A1餐，有粟米、兩件雞和汽水。兩件雞不油膩，很乾身，咬下去，没有一口都是油或肥膏的感覺。淨是這點，KFC的雞就完全被比下去了。外皮很脆，有點點黑椒味，鹹味適中，多肉，好吃！只是那粟米令這個餐有點瑕疵。粟米是用錫紙包著的，但没有竹籤插著。鍚紙傳熱，拿著粟米時不時辣著手，很不方便。粟米没有牛油味，有點點失望。哈迪斯執下又一間、執下又一間，現再想去，就像千里尋親般；真的不知將來還會否有機會吃？

曾幾何時，與麥當勞可抗衡的唔係KFC，而係哈廸斯!曾幾何時，鍾情於其磨菇芝堡、三藩市芝堡、磨菇飯、奶茶。它，是我中學時代常去的快餐店，一個磨菇飯或一個磨菇芝堡加一杯奶茶就是我的午餐。它，亦滿載了與同學一起聊天，食TEA的回憶。人，大了，磨菇芝堡亦不知什麼原因沒有了，磨菇飯亦不如往昔，不是以前的味道，甚至，學校附近的那間亦已結業，(現已變成銀行)，惟有選擇寫馬鞍山這間分店，同是哈廸斯，只是這麼近，那麼遠。

星期六中午去咗屋企附近嘅Hardee's試吓啲午市套餐.有兩件炸雞,一小盆白汁磨菇飯.盒飯完全冇味,味同嚼臘.完全唔得!! 就咁樣我就過咗一個唔愉快嘅下午.我以後唔會再去Hardee's!!

yea yea, agreeSan Fransisco one big and the very only reason for me to visit the Hadee's.But strangely, the brand claimed that they're one of the 3 largest fast food, while I've never seen one over Norht America for all these years.envirometn is a bit dirty and ...I won't say it stinky, it just feels like a bit STICKY everywhere.Strange enough.

應該有三四年無食過哈廸斯根據兒時記憶應該最好味係三蕃市之堡料普通但面包本身先係一絕但依家再食似乎差左好多面包硬硬的想咬開都有點難度薯圈唔再有圈唯有磨姑飯味道不變份量仲比以前多回憶總是美好的

叫左個魚堡餐，差到丫．．．．．．．好，塊魚炸到黑晒，仲要超乾，炸魚乾飽咁。個飽好難食，其他就無乜點。

好野~~~終於食倒佢地既提子酥!都係因為老豆買返黎ja~因為對佢好大期望,而且次次見親佢地既早餐廣告都係大大個的~所以我見倒佢真正既樣既時候有d失望,因為個size都幾mini下,當早餐都一d都唔飽的~個酥唔脆好油膩,提子又少, 好失望,不過又唔係難食lo~只係冇咁好je~

今日去左買一隻雞上脾, 味道依然一絕, 但係+左$1呀, 而家要$9了

唔知係咪新出既呢昨晚係第一次食, 好好食呀!甜食的, 裡面好似係吉士+幾粒粟米粒, 哈哈! 總之好好食啦!而家重做緊特價tim!^^

昨晚叫左哩個餐, $28, 加多$5要多個西蘭花湯白汁雜菇飯- 個汁都唔錯, 唔濃唔"希", 菇就得4款, 又少wo~ 汁都少啦蜜汁燒chicken wings - 有兩隻, 嘩! 正呀! 跟本同我去bbq既一d分別都冇! kfc真係比唔上呀! 好甜, 夠哂多honey~正正正!coke light西蘭花湯- 細碗左d~不過都值啦, 跟餐叫只係+$5~ 有清, 雖然一定有味精, 但我飲唔出~有一塊塊西蘭花在內ga, 真材實料呀~