品香樓中西風味餐廳

營業中

休息中

【深水埗區】【品香樓】同朋友食飯，往往難比登天，因為我實在太忙，好抱歉。今次就同朋友嚟到石硤尾名物「品香樓中西風味餐廳」食嘢，呢頭全部都係社交平台小食店，冇人識食正餐㗎喇。所以本身爆到九彩，甚至有兩邊舖位嘅品香樓，都縮到剩返一邊舖，仲要一入去就有位呀。必點 $168 嘅「風沙雞」半隻，好似細隻咗，不過風味依然，都仲係咁脆咁邪惡。跟住又係名物出動，係 $118 嘅「南乳炸豬手」，基本上呢兩碟係不假思索就叫咗，炸豬手配以特製南乳醬，滿口都係回憶。係呀，其實十幾年前左右都真係成日都食呢間㗎。跟住食 $68 嘅「啫啫通菜煲」，現場即時放落去熱鍋度，夠晒勁，視覺味覺都有享受。所以都一人叫一個 $15 嘅「白飯」，有嘢送吓飯嘛。嘢飲方面，好多嘢都冇，又遲一遲先講，朋友飲 $29 嘅「蘋果沙冰」，我就飲 $27 嘅「凍檸茶走甜」，埋單 $470 咁囉。。。（地址：石硤尾大坑東道111號南山邨南山商場平台204-205及210-213號舖）#1amfoodie #foodie #hkfoodie #thatfoodiething #hkfood #food #instafood #yummy #foo

有朋友外國黎想試一試香港野就去左品香樓叫餸食飯火焰蜜椒牛柳粒$128一上檯會有點火儀式有薯仔 牛柳粒 椒 同洋蔥牛柳粒唔柴 熟度剛剛好味道夠賽螃蟹$118有蟹籽 帶子同蝦蛋白滑蟹籽配蛋白食非常夾啫啫通菜煲$98一上菜會轉煲正常糖醋桂花魚$138糖醋少少酸多甜魚多骨但炸得夠脆的金銀蛋白菜仔正常小炒皇蝦乾味入曬韮菜花而韮菜花本身夠鮮唔係老用油炒菜爽口椒鹽鮮魷大塊份量都多一上檯就夾黎食冇諗到咁熱粉漿唔算厚風沙雞一隻$288全場最好食雞肉剛剛好上一秒仲係粉紅色個種皮炸完配蒜一流預左係送飯小菜會偏咸價錢真心對得住個味道缺點係碗太細

以前返學成日都黎喱到食宵，飲朱古力，今日同大學同學聚會，返黎喱到懷愐下。椒鹽鮮魷金黃酥脆的外皮，鮮魷的肉質超嫩，味道鮮美。通菜煲通菜的口感脆脆的，特別適合平衡一下油膩感覺牛柳粒牛肉火侯剛剛好，夠嫩滑！裡面還有青椒和洋蔥，送飯好食。老實講茶餐廳嚟計價錢一啲都唔算平，但口感和味道出色，當日六七點呢度都已經滿場今時今日嚟講餐廳可以咁多人食都唔容易，值得支持。

位於石硤尾南山村既品香樓，光顧多次了，但味道依然，好味！還有我最愛的凍朱古力，上面的忌廉😍南乳雞翼雞翼肉質飽滿，南乳味剛好 ，如果份量多點就更完美。金銀蛋豆苗正常發揮，豆苗嫩滑，大碟抵食。啫啫通菜煲吱吱聲既熱鍋上菜，炒得香氣撲鼻，簡單好食。手撕雞需訂位時預訂，上菜時仙氣滿滿😆大碟有驚喜，這次肉質不夠嫩滑，希望下次再食會更好。火焰蜜椒牛柳粒必點既火焰牛柳粒，儀式感滿滿☺️牛柳粒咬口非常好，蜜椒帶甜，送飯一流。非常滿足的一餐，餐廳環境一般，可能樓底矮，人流食客多，環境會較嘈吵。不過食物質素高同價錢合理，值得再來。是呢，大家知道品香樓前身是做什麼菜式的餐廳嗎？🫢

大推呢一隻炸子雞雖然喺屋村嘅茶餐廳嚟講，佢個價錢唔係特別平但佢真係做到個皮脆肉嫩超級食香味保存呢個雞翼都係超級邪惡之選因為佢啱啱炸好入口佢嘅時候啲煙同埋又係即刻迫出嚟所以小心會焫親個嘴或者條脷其他小菜都上得好快唔記得影相添間餐廳唯一唔好就係坐得非常之逼佢樓底比較低所以就會令到啲聲音不停困喺個餐廳入邊如果一圍枱嘅人食飯，基本上係要大叫對方先至會聽得到你講嘢我會建議呢間餐廳四至六個人食咗剛剛好因為嗰種太多款小菜想試但如果太多人嘅話，就根本傾唔到偈

跟朋友在石硤尾運動場打完籃球，打完籃球後才是今晚的重點，宵夜時間，宵夜大家的地點都是一置的，就是南山邨的品香樓。晚上的南山邨是人山人海的宵夜勝地，我們一人點了一個餸。啫啫芥蘭煲非常有鑊氣，味道不會太咸而好香，熱辣辣嘅煲真係非常重要。之後是麻辣肥腸，這個辣不是死辣，非常香口，肥腸夠肥好香口，最後就是那些配菜洋蔥大蔥之類，這道菜送酒一流。之後是椒鹽多春魚，熱辣辣即叫即做，魚非常大條有肉地。之後就是那個薯仔蝦煲，蝦的味道都可以，奇怪的是這道菜又有薯仔肉又有薯條，但味道真心的不錯，最後便是必點的火焰蜜椒牛柳粒，這道菜一上枱店員便點火，非常的打卡喔！味道都是跟以往一樣，非常的香口，牛柳粒好有牛味，滿足的食完便離開了。

此店是南山邨的人氣餐廳, BOOKMARK咗好耐, 一直都無機會到訪, 今次終於要試一試 食物 : 風沙雞半隻 $158 ~ 風沙雞都是此店的名物之一, 所以我都係為咗叫雞而來, 好在沒有失望, 雞皮炸得好香好脆, 但雞肉就好嫩唔會嚡, 有風味, 真係好食, 不過要等比較耐, 但值得等的 揚洲炒飯 $50 ~ 只食半隻雞唔夠, 諗住叫多個炒飯食下, 見到特價快餐有揚洲炒飯, 價錢又好低, 就決定叫, 不過特價快餐應該是預先炒好一大鑊, 有人叫就畢出來, 沒有鑊氣, 同出面的快餐是一樣的, 比較失望 飲品 : 凍檸茶 ~ 味道正常 環境 : 屋邨餐廳就是那種風味, 一定係迫迫地才有味道 服務 : 職員有禮貌 價錢 : HK$240 (無加一服務費)

餐廳兩旁設有卡座, 中間設有大圓枱。卡座椅背甚高, 略有私隱。下午茶時段有西式小食, 常餐, 麵食和中式炒粉麵飯供應。雖然沒有人氣小菜供應, 但也點了菠蘿咕嚕肉飯, 感受一下其中式小菜的味道。下午茶特價炒粉麵1) 菠蘿咕嚕肉飯 $482) 餐飲轉忌廉朱古力 $11 (凍飲加$3, 忌廉加$8)菠蘿咕嚕肉飯以碟頭飯形式奉上, 有酸甜的菠蘿, 爽脆的三色椒和翠綠的西蘭花, 賣相吸引, 增進食慾。白飯粒粒分明, 乾身偏硬, 細嚼有香甜味。咕嚕肉無骨, 啖啖肉, 有彈性, 掛滿醬汁, 酸甜開胃。醬汁味道自然, 沒有嗱喉的感覺。忌廉朱古力是這餐廳的人氣飲品, 見餐牌的朱古力並沒標明有忌廉, 為免有誤, 點餐時特意指明是有忌廉的朱古力, 便萬無一失。忌廉朱古力是邪惡的, 朱古力味道十分濃郁, 忌廉的份量差不多有飲品的一半, 質感軟滑, 如面頭灑上的朱古力粉可更瘋狂, 邪惡度將更提高。 

位置石硤尾大排檔品香樓，依間大排檔真是會令人食完再食，因為每次叫的菜都沒有令你失望，佢地師傅真心覺得不錯，今次收工都同朋友上去食飯，簡簡單單叫左四樣菜。每次必叫火焰蜜糖牛柳粒，牛柳粒大大件，配埋三色椒，每一啖都好食。蠔仔粥好食😋蠔餅香脆可口，加埋個黃金鮮魷，再叫多支啤酒一流

今次去嘅餐廳，試咗佢哋嘅招牌菜：炒飯、鹹蛋炒白菜仔同沙爹肥牛煲。炒飯香氣撲鼻，粒粒飯粒鬆散唔黐，炒得金黃香脆，配料豐富，令人回味無窮。鹹蛋炒白菜仔清香爽口，鹹蛋嘅鹹香同白菜嘅清甜完美結合，一啖一口，好送飯。沙爹肥牛煲肉質鮮嫩多汁，沙爹醬香辣開胃，配菜金菇芽菜好索味，帶出菜嘅鮮甜。整體而言，呢三款菜式都係味道鮮美，烹調精湛，物超所值，價錢同外面大排檔差唔多，只可惜檯與檯之間嘅距離比較窄，環境頗嘈。如果你鐘意中式煲仔菜，呢度絕對值得一試！

想試試隻風沙雞，慕名而來，朋友另外推介南乳豬手，又試下。雞上枱，外貌ok, 一食就出事， 雞肉過熟無肉味，外皮一般。到南乳豬手，其實唔太差，本身都算夠味，反而另上嘅汁唔太掂，酒味太濃而變苦。豆腐皮炸得幾好，豆腐也滑，但豆腐味偏淡。白飯15蚊細細碗，又乾又硬，食唔落，無影相。總結應該無下次。

想食下鑊氣小炒可以嚟呢度，部分大學生嘅成長都有留下回憶。平靚正嘅中菜，食物選擇多，絕對係一定啱食。位置在南山邨內，包有水準大可以放心，記得訂枱先得😏———————————————————————————.🥢薯仔🥔牛柳粒🐮💬都要有儀式感，火焰🔥一下先夠鑊氣，牛柳粒入晒味唔韌，薯仔🥔好香脆😏.🥢風沙雞🐔💬人氣招牌菜式，雞🐓皮脆嫩滑香口，難怪係咁多人叫，餸飯餸酒都一樣出色😏.🥢酥炸蠔餅🦪💬絕對係非常酥脆，勁大塊又多蠔，唔係一定潮州菜館先至有正嘅蠔餅食😏.🥢啫啫芥蘭煲🥬💬又係「啫啫」芥蘭，一定都係大家喜歡嘅菜式，無論生菜🥬定芥蘭，只要有鑊氣就一定無問題☺️.🥢豉油皇炒麵🍜💬單尾唔叫返碟豉油皇炒麵對唔住自己個胃，亦係大廚嘅手勢考驗，好明顯係絕對過關，無可挑剔😏.🥢南乳炸豬手🐽💬臨尾加單整多碟南乳炸豬手，又係一樣唔油膩又香脆，豬手啖啖肉，停不下來😏.🥤凍朱古力🍫💬呢個係情意結，真係唔飲唔得，超濃朱古力加入大量忌廉，點會唔好飲😏

星期六晚上我去咗品香樓，想重溫下以前嘅味道。啫啫雞煲雞肉好嫩，但唔入味。南乳豬手接住試咗南乳豬手，皮脆肉滑，南乳味道正，食落去感覺幾好，係一道值得推介嘅菜式。蠔餅不過，蠔餅外脆，味道ok，仲好大份。沙嗲牛肉炒芥蘭沙嗲牛肉炒芥蘭就幾好，牛肉炒得剛好，沙嗲醬味香濃，搭配啲青菜食落去都幾開胃，值得一試。飲品飲品方面，我試咗朱古力同牛油果沙冰。朱古力味道濃，飲落去唔會太甜，牛油果沙冰就清新又滑，夏天飲真係好舒服。總結今個星期六晚上環境方面，品香樓比起以前少咗好多客人，職員人手充足，服務都幾好。坐喺呢度，真係有啲讀書時嘅回憶，幾有意思。整體嚟講，品香樓嘅食物質素保持得唔錯，值得再返去試下！#品香樓 #食評 #嘟嘟雞煲 #南乳豬手 #廣東話 #美食回憶

同一大班朋友去咗品香樓中西風味餐廳食飯，聽講佢哋嘅凍朱古力好受歡迎，當然要試吓啦！🍽️🥩 火焰蜜椒牛柳粒呢道菜一上枱就已經好吸睛，牛柳粒用火焰點燃，香味四溢！🔥蜜椒有甜味，牛柳粒煮得啱啱好，肉質有嚼勁，真係好滿足！🥩🥬 啫啫通菜煲通菜炒得好香🍲唔會太油膩，蔬菜保持到清脆嘅口感，係一道好簡單但又好味嘅菜！👍🦑 椒鹽鮮魷鮮魷外層炸得香脆，內裡鮮嫩彈牙，配埋椒鹽嘅香味，食落去真係一啖接一啖。🌶️一啲都唔會覺得油膩，好惹味！🦑🥚 賽螃蟹🍳蛋白炒得好滑溜，味道清淡而帶有鹹香🦀🍢 七味椒鹽豆腐呢個豆腐外皮炸得好脆，內裡嫩滑，七味粉同椒鹽嘅配搭帶嚟少少辣味同香氣，口感好豐富。🌿豆腐嘅嫩滑同外層嘅酥脆形成強烈對比，食完仲想再拎多幾件！🧂🥦 西蘭花花枝炒帶子呢道菜嘅材料都好新鮮，帶子夠厚夠，花枝彈牙，西蘭花亦都煮得好鮮嫩。🥦🐚帶子嘅鮮味同花枝嘅口感互相配合，係一道健康又好味嘅菜式！🍗 凍檸檬咸柑桔蜜鹽香手撕雞呢個手撕雞真係好特別，雞肉嫩滑，咸柑桔嘅香味滲透入每一絲雞肉，配埋少少蜜糖，味道好平衡。🍋雞肉帶有清新嘅檸檬香氣，食完好醒胃！🧂🍫 凍朱古力呢度出名嘅凍朱古力真係唔可以錯過！🍫朱古力味道濃郁，唔會過甜，

南山村隱世美食-品香樓次次嚟南山村，都好鐘意執呢間餐廳架，好有大排檔風味🤣夜晚食飯時間已經好爆，要等咗一陣先有位，餐廳入面好有氣氛，我地點咗幾款小炒，款款都好惹味😌有椒鹽魚雲、炸豬手、黃金苦瓜都好正! 啱晒送酒🍺 聽講呢度嘅凍朱古力都好出名，不過今次太飽，無機會試到🥲要下次再嚟試，平日都已經好爆滿，連weekend 仲要等位，大家有興趣要早啲嚟排隊呀😝