品茶弄啡 (已結業)

同好姊妹行街 行到漢口道，好似好多商店林立既地方，諗唔到遇到一個清泉。 行行下聞到好勁既咖啡香，再望一望見到好光鮮好文青風既一間小店，品茶弄啡，看到店內有滴漏咖啡，估計都係真心愛好咖啡之人開既小店。看看餐牌，有著好多不同種類既選擇，睇到好多新奇既配搭，相信無論愛唔愛飲咖啡既人都可以選到自己喜愛既野。 同好友諗左好耐，決定試畫左皇冠既飲品（即係店主推介）。奧利奧芝士奶蓋咖啡同願望鐵觀音。願望鐵觀音呢個gimmick好得意，店員會先叫我地諗個願望，寫在卡上，再去沖製咖啡，（諗諗下可以有人諗下用黎求婚或示愛都幾正）坦白講，可以買個願望都係現代人好需要既。 接過飲品後開估願望是否成真，都幾特別既玩意。 個奶蓋芝士味好特別，好香好厚好濃郁，配上鐵觀音既清香，一點也不太膩，好match ,簡直一試愛上。 個咖啡奶味較重，好岩我咁愛奶既人。 配上厚厚一層既奶蓋真係好正，加上奧利奧既口感。咖啡比例好恰巧，朋友說好像星巴克飲品。 好想下次再試埋其他飲品，好欣賞這種製作認真的小店。

今日行開尖沙咀的漢口道，見到係成條街都係藥房的中間有間新開的台式飲品店，仲有近期好熱潮的手作黑糖鮮奶等，就同朋友買兩杯黎試下。由於今日的珍珠賣晒，老闆推介咗呢款手作黑糖仙草鮮奶，好大的一杯，份量多，黑糖整成的掛紋好有美感，仙草爽滑鮮甜，有香濃的炒黑糖味，奶夠冰凍可口，幼滑新鮮，同黑糖的味道好夾。黑枸杞洋甘菊水果茶，大杯，$40,顏色好靚，呈淺紫色，其實係黑枹杞本身的顏色撞上酸性的檸檬就會出呢種咁特別的顏色，加上有檸檬，蘆薈同火龍果肉，飲落酸酸甜甜，清甜解渴，是必試之選。

位於尖沙咀的 品茶弄啡，是一間新開幕的台式飲品店。台式飲品開到成行成市，走兩步又發現一間新店，在香港已形成一鼓喝台灣飲品的熱潮，人人的手中都盒著一杯黑糖珍珠鮮奶呢。日式抹茶紅豆鮮奶$34本想買杯黑糖珍珠鮮奶嚐嚐，沒想到已經快速售光，那只好轉移目標，嚐其他飲料吧。大大杯飲料，一人獨飲，真的有點困難。抹茶味偏苦，帶少少苦澀，紅豆份量頗多，保留紅豆的粒粒微硬口感，喝光也有點飽啦。品茶弄啡尖沙咀漢口道19-21號漢宜大廈地下H號舖