品臻

營業中

休息中

呢個天氣又熱又焗, 行街淨係想搵啲冰涼嘅飲品同埋啲小食食吓.今次係新蒲崗搵到依間小食店.飲品選擇多到不得了, 解渴嚟呢度買嘢飲真係啱晒.芒芒特濃鮮奶(HK$38)依間店嘅鮮奶全部都要係用Meiji鮮奶製成.奶香濃郁.芒果粒都幾大粒.份量都幾多味道有少少似楊枝甘露.天氣熱嘅時候飲, 我覺得都幾爽, 而且味道唔會好甜.草莓4.3特濃鮮奶(HK$36）作為店內Top 3人氣飲品, 草莓特濃鮮奶真係名不虛傳!滿滿草莓果肉, 配上濃厚Meiji鮮奶, 奶香同果味完美融合!攪勻之後飲, 口感順滑, 甜度適中.正！Nutella 榛子格仔餅 (HK$26)格仔餅係即叫即整, 熱辣辣.啲醬份量啱啱好, 食落又唔會過甜.不過一個人食晒有啲邪惡.椒鹽燒賣 (HK$12/5粒）炸燒賣我都好耐冇食.之前食過有啲舖頭嘅炸燒賣係勁硬.但係呢個燒賣係做到外脆內軟.食落都仲有燒賣嘅口感.加埋椒鹽粉幾惹味.整體嚟講, 依間小店嘅飲品味道唔錯.下次經過我都想試埋佢唔同味嘅雞蛋仔.

好近鑽石山地鐵站(A2出口)，5分鐘就行到👍為食既我一定唔可以放過佢😈😈🔻食評時間🔻🧇Nutella榛子格仔餅超邪惡之選😈😈外脆內軟，蛋香味➕Nutella榛子味都好夾👍🍢蒸燒賣+炸燒賣熱辣辣，煙韌彈牙~蒸同炸各有風味~WHY NOT BOTH?😋😋🍓草莓4.3特濃牛奶4.3特濃牛奶➕草莓簡直甜入心🥰口感豐富，好解渴🧊🧋黑糖珍珠鮮奶係用明治鮮奶沖架~香甜既奶香➕煙韌既珍珠超夾😋

阿華田格仔餅其實本身想食肉鬆不過咁岩無貨. 選左阿華田都唔錯. 即叫即整, 格仔餅外脆內軟好夠飽肚芒芒特濃鮮奶 有真甜芒果肉係底好加分, 飲落清爽唔會太甜. 不過唔記得叫少冰, 冰都幾多蒸燒賣魚肉燒賣係比較彈牙個款, 唔會話煮到太腍, 口感都幾好. 個甜醬油加埋辣醬都有d辣, 好惹味奶蓋阿華田鮮奶奶蓋鹹鹹地, 厚厚一層, 而底下朱古力好Rich, 甜甜咸咸組合好夾. 一而且超大杯, 邊行邊飲, 飲到番屋企都未飲哂👍🏻品臻 新蒲崗大有街23號寶城工業大廈地下

呢間餐廳既飲品多款選擇，而且可以自選甜度同冰度，我地叫左一份炸燒賣，燒賣香脆口感，即叫即炸，味道不錯脆卜卜，另外叫左呢度no.1飲品芒椰紫米鮮奶，奶味濃郁加埋紫米同芒果肉好有咬口，口感煙韌，有嚼勁，另一杯叫左芒芒特濃鮮奶，呢杯芒果味十足，甜度岩岩好，小食款式多仲有格仔餅同雞蛋仔。學生第二杯有半價（鮮奶系列除外）。品臻地址：新蒲崗大有街23號地下#品臻 #茶飲 #新蒲崗 #大有街 #台式飲品 #香港飲品店 #燒賣 #雞蛋仔 #格仔餅

夏日炎炎最岩飲番杯廢水解暑，無咩胃口買多底格仔餅同埋燒賣做晚餐，就啱啱好啦芒芒特濃鮮奶$38特濃芒芒味道真係超級濃郁用咗勁多芒果去整，仲食到好多芒果粒粒，鍾意芒果嘅朋友仔必飲奶蓋阿華田鮮奶$38夜晚唔想飲茶，叫阿華田加奶蓋就啱啱好阿華田幾濃郁嘅，奶蓋好CreamyNutella 格仔餅$26格仔餅平時都係加煉奶砂糖同埋花生醬原來加Nutella 都好好食，格仔餅外脆內軟熱辣辣，榛子醬同埋格仔餅超夾燒賣$10蒸燒賣同埋炸燒賣都好彈牙，價錢相宜

新蒲崗大有街有着多間不同的手搖店舖，但我獨愛這間「品臻」，店舖以白色主題，簡潔乾淨，店員都親切有禮，特別之處除了飲品之外，還有一些小食可供選擇。1. 芒芒特濃鮮奶：，芒芒嘅香味同鮮奶完美結合，當然唔少得有粒粒芒果肉響入面，入口絲滑，甜度適中，實在係解渴又滿足！2. 杏仁雪燕桃膠鮮奶：估唔到凍飲都可以咁滋補，杏仁味濃郁，雪燕桃膠有嚼勁，配埋鮮奶真係好夾！3. 原味雞蛋仔：雞蛋仔外皮香脆，內裡鬆軟，原味嘅甜度正正好，即叫即整熱辣辣，係經典嘅港式小食！4. 椒鹽炸燒賣：椒鹽嘅調味恰到好處，燒賣新食法！5. 秘製魚肉燒賣：魚肉燒賣可以選擇辣或者不辣，我叫咗小辣，估唔到秘製醬汁幾好味！

點了我最喜歡的朱古力特飲, 因為想多點新意, 便點了榛子朱古力, 因為榛子和朱古力本應該是很搭的, 但結果令人失望, 朱古力味是夠濃郁的, 但榛子味有點假假的, 不香, 很奇怪, 不好喝, 真是一點老鼠屎毀了一鍋粥, 可能單點朱古力便不會有這問題, 未知店家是否用了香油還是奇特的榛子醬, 總之味道不是一般榛子醬的味道, 實在吃不慣。但它的飲料杯是透明, 挺漂亮的, 打卡一流。地理位置亦方便。製作時間亦很快, 不用等很久便拿到飲品。甜度微微高了一點, 建議可以點少甜。這杯飲品都不算便宜, 可能現在手搖都大約是這個價錢, 所以有時去茶餐廳更抵, 水準又更穩定, 試新東西便可能有機會中伏

今日放假想食啲輕食，就去咗附近間新開小店買手搖同小食，試咗幾款嘢食都好好味😋 難怪咁多人排隊試咗佢哋好受歡迎嘅Top 3-草莓4.3特濃鮮奶 同 Top 7-芒芒特濃鮮奶🍓🥭 兩杯都好靚，顏色好吸引🤤草莓4.3特濃鮮奶好香甜，鮮奶又夠曬滑，仲有大量椰果，飲落去好似飲緊甜品咁，好幸福🥰芒芒特濃鮮奶好濃郁，配埋啲鮮奶好夾，飲落去好清新，仲食到好多芒果粒，啱晒夏天飲！阿華田雞蛋仔新出嘅阿華田味😍好特別！雞蛋仔本身已經夠香，再加埋阿華田嘅味道，食落去又香又脆，鍾意阿華田嘅朋友一定要試下💯最後試埋佢哋嘅燒賣，好好味，十分推薦😍😍秘製魚肉燒賣（5粒）好彈牙，配埋佢哋嘅秘製醬汁加辣醬，好正🌶️椒鹽燒賣（5粒）炸燒賣好香脆，夠曬熱辣辣，食落去好惹味！🌶️

今日就同朋友去左品臻買手搖小店除左有多款茶飲選擇，仲有港式小食草莓4.3特濃鮮奶以濃郁奶香為基底，味道酸酸甜甜，仲有草莓果肉同椰果係底增加層次感芒芒鮮奶沙冰沙冰細膩，入口即化，有淡淡芒果清香，飲落冰涼解渴阿華田爆漿格仔餅格仔餅外層烤到金黃酥脆，內裡鬆軟，餡料帶有麥芽香味，加埋奶醬夠唒邪惡炸燒賣外皮炸到好香脆，口感彈牙，簡單用椒鹽調味都好香口魔鬼魚肉燒賣魚肉燒賣本身咬落有嚼勁，配搭自家製既辣醬，辣得過癮