51
16
4
餐廳: 品穀
資訊:

為鼓勵食肆透過提供食物份量選擇和採取減少廚餘措施,與顧客共同從源頭減少廚餘,環境保護署推出了「咪嘥嘢食店」計劃,參與食肆如符合評核準則將獲「咪嘥嘢食店」認可資格和獲發「咪嘥嘢食店」的標誌及標貼,以供張貼於店舖內和宣傳,供顧客識別。此計劃全年均接受申請,申請費用全免。

詳情可瀏覽:http://www.foodwisehk.gov.hk/zh-hk/food-wise-Eateries.php

港鐵荃灣西站 A2 出口, 步行約1分鐘 繼續閱讀
電話號碼
35431383
營業時間
今日營業
08:00 - 21:00
星期一至五
08:00 - 21:00
星期六至日
09:00 - 21:00
付款方式
Visa Master 現金 八達通 Apple Pay
座位數目
10
以上資料只供參考, 請與餐廳確認詳情
食評 (91)
等級2 2022-06-23
28 瀏覽
海之戀商場入邊俾我搵到一間好出色嘅麵包店🍞芋泥小盒 盒子內綿密嘅芋泥中蘊藏着小小芋頭粒,真係*芋*不簡單❣️!紫•糬麵包入面塞滿紫薯餡,香氣十足,味道偏甜一點,我呢個🍠控仍然好受落🥹! 繼續閱讀
(以上食評乃用戶個人意見 , 並不代表OpenRice之觀點。)
等級3 2022-06-21
0 瀏覽
每次行過海之戀都會俾佢排列得好整齊嘅麵包吸引住麵包款式新穎其他舖頭搵唔到而且口味亦獨特見到有一個檸檬茶麵包亦相當好奇款式大概有30款左右已經係第四五次幫襯啦好鍾意佢個生吐司軟熟得來有少少甜味淨係食方包都唔會覺得單調今次買咗三片$16連屋企小朋友食過都讚不絕口見佢新出有個芝士霸王一見到點會忍得住啊😍😍😍滿滿嘅芝士配上法式麵包食件包飲啖茶又係一個享受見到仲有新出左甜品系列有軟曲奇 海鹽焦糖果仁塔 等等每次經過都有唔同年齡層嘅人喺度揀緊麵包而且每次都一定有一定嘅人流係信心嘅保證 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-15
41 瀏覽
話說因為係碳水愛好者嘅關係,真係超級鍾意食唔同嘅包包,街上都有唔少人推介呢間包包舖頭,於是乎我有時間就經過去買下啲包包,再幫大家做吓評論,睇吓係咪真係咁值得試!.我今次入到去嘅時候,都見到好多人喺側邊選購緊,我自己因為得一個人食唔到太多嘅關係,所以只係買咗兩樣嘢。.我就要左1. 原味Bagel2. 藍莓乾Scone.首先講一講個原味Bagel先,話說我自己係非常鍾意食Bagel嘅人嚟嘅,所以,我都食過唔少舖頭嘅Bagel,通常我第一份試嘅都會係原味行先,可以食清楚佢嘅感覺。味道都唔係太強烈嘅穀物嘅味道,咬口感不錯,chewy! 之後都有啲飽🤣🤣🤣.藍莓乾Scone, 佢唔係太強嘅牛油香氣,口感相對實淨,唔係入口即溶d fd, 如果有得選擇嘅情況之下,我下次應該未必會回頭。 繼續閱讀
(以上食評乃用戶個人意見 , 並不代表OpenRice之觀點。)
等級4 2022-06-13
27 瀏覽
.📍Big Grains Bakery 品殼📍#饅頭去荃灣 #饅頭食在家中 #饅頭食台灣菜 #饅頭食麵包------------------------------1️⃣ 蒜香墨汁比高 ($23)呢個係一個Size偏大但非爆餡Bagel,按道理就應該更可以一次過滿足到感受Bagel口感同餡料多層次味道。包體被墨汁染黑,搶鏡又帶有光澤,質感上係柔軟中帶少少嚼口,回彈力基本上都合格,但煙韌程度唔符合我對bagel嘅要求,味道上易係想像中咁冇墨魚味道,食落冇咩太大驚喜。餡料方面,蒜香牛油同香草嘅香味頗突出但唔會過於霸道,同cream cheese嘅配搭十分平衡,唔會太油膩,確實唔錯。但差唔多有四分之一部bagel係齋得麵包,呢點令小編有啲失望。◾包體:3.3/5◾內在餡料:3.7/5◾評分:7.0/10------------------------------2️⃣ 宇治納言比高 ($24)呢個bagel餡料相對豐滿,包體口感同上述大同小異,零抹茶味,基本上被紅豆甜味蓋過曬;紅豆餡係粒粒紅豆帶少少豆蓉,煮得ok夠軟, 麻薯份量都慷慨,口感黏懦,整體味道冇話好驚艷。◾包體:3.2/5◾內在餡料:3.6/5◾評分:6.8/10------------------------------🔸整體評分:6.9/10🔸小編回購率:6/10 繼續閱讀
(以上食評乃用戶個人意見 , 並不代表OpenRice之觀點。)
等級2 2022-06-09
33 瀏覽
《朝聖本地新奇麵包店》#eatwithpeach麵包and甜品Big Grains品殼係一間最近大熱嘅本地麵包店,由兩位90後兄弟創辦,主打無添加麵包同甜品,係灣仔,佐敦同荃灣西設有分店。前排小編到荃灣西分店朝聖,果然食過翻尋味,所以今日係呢度向大家推薦幾款小編幾中意嘅麵包😚💁🏻‍♀️芋泥小盒 $23芋泥麵包造型非常可愛,十分適合打卡。面頭香脆嘅奶酥同內裡柔軟嘅麵包口感形成強烈對比,盒子內綿密嘅芋泥中更夾雜著少許紮實嘅芋頭粒,內餡芋泥同麵包一層接一層,食落口感層次非常豐富。另外值得一讚嘅係,有別於一般麵包店嘅芋泥麵包,呢間啲芋泥多到塞滿半個包,超級足料,加上盒子體積挺大,食一個已經飽飽地。💁🏻‍♀️朱古力咖啡骰仔 $25呢個麵包造型10分創意分小編比11分!當見到一堆骰仔麵包整齊排列時(圖4),成件事好正架,係perfect架🤣骰仔外層紮實內層鬆軟,配上綿密細緻嘅餡料,口感一流!味道方面,朱古力咖啡餡料嘅甜度恰到好處,稍為驚喜嘅係咖啡嘅苦澀味比朱古力嘅甜味更突出,中意飲咖啡嘅朋友不妨試下!💁🏻‍♀️蝦子香蔥包 $20其實小編由細到大都好怕食蔥的🥲但見呢款麵包咁有特色,就勇敢一試,點知出乎意料地幾好食!唔好睇佢表面得好少材料,咬落去啲蔥多到瀉曬出黎架!蝦子嘅鹹香同蔥嘅淡香味相當匹配,程麵包質感非常柔軟,整個配搭好新奇。品殼仲有好多出名新奇又好食嘅麵包,例如牛角包、明太子法包、檸檬茶包等等,有機會等小編試多幾款再寫食評!✏️推薦排名:芋泥盒子>朱古力咖啡骰仔>蝦子香蔥包😍整體評分味道:🌟🌟🌟🌟價錢:🌟🌟環境:🌟🌟🌟🌟🌟服務態度:🌟🌟🌟🌟🌟instagrammable:🌟🌟🌟🌟🌟——————————————————————品穀 (佐敦)佐敦白加士街61號地舗荃灣大河道100號海之戀商場地下G18號舖灣仔太和街10-20號福和大廈地下B舖 繼續閱讀
(以上食評乃用戶個人意見 , 並不代表OpenRice之觀點。)