品川雞煲 (已結業)

其實初初開業來過，那次用餐覺得不過不失，於是昨晚同好友想吃吓雞煲，又近近地來這裡，唉真的唔寫這食評，個心都唔舒服囉！又係差到無朋友的餐廳。首先，我和朋友去到是8點，我見到得兩桌客，加埋夠4人 ，都有些震震地，點會咁靜架 ？算啦 老友不想換場，照入去吃好了，加埋我地兩人得6個客啫，都甩單甩到叫咩都唔來咁，牛肉每碟3片咁大把 仲要劃三次先來一次，其他菜劃親都好像是旦拎些出來咁，寧寧碎碎的，叫十樣就來4款！咁既水準我真的唔敢想像可以招呼多幾桌客人囉最慘係d 食物又唔得 ，牛我們只吃了6片，因劃極都唔來兼都唔好食又無味，我們都索性不劃，唔吃了。脆脘魚不脆又多骨到飛起，真係食緊唔講得野，好危險囉成晚得個菜似番碟餸之外，我真係無野可以有興趣吃第二件，先別說樣樣來得小又甩單或無來這個point !再計埋就只可以鬧爆收場“而中途有一桌人有兩個朋友來了，結果4人傾計的聲浪大到像立體聲的耶，這小小的店，又窄又細，環境真不好坐，最衰就係你無法把注意力分散在食物上，結果，咪會好像我咁，連都不想拿起，個心就一直數算這裡的差.....直至埋單！兩人$414-又貴又不值，那些一舊水的火鍋放題都好過這裡。

睇報紙介紹，9：30之後只需$148可以任飲任食，所以就黎試下。可能星期五關係，都等左陣先入到去，間鋪頭裝修得幾企理，店員都幾nice。一黎就點左個招牌奇味雞煲小辣，店員即送上青瓜同雞翼小食，食住小食，簡下打邊爐d餸，等個雞煲。十分鐘左右，雞煲終於上枱啦！閒落已經好香，而且個味好濃，仲有蓮藕，菜max埋，好有特式。食飽飽就加湯打邊爐，哩到除左肥牛，仲有好多選擇，有好多類型ge丸，響鈴，魚皮，彈牙巑奇烏冬同出前一丁食，真係好滿足！

Li間雞煲我成日同朋友幫襯，貪佢細細間又吾太迫好好坐吹水一流。佢地個奇味雞煲好好味！吾係出面重味精好咸ge味，係好濃花生，沙嗲醬咁ge..吾識形容，仲之好特別，出面食吾到，好岩我口味，朋友都話會再幫襯。打邊爐配料都幾多，最鍾意佢個油炸鬼，仲有我至愛ge讚岐烏冬正！好少任食地方有。另外，佢地個牛柳粒都好正，好juice，又重牛肉味，每次都會叫！會繼續幫襯，支持！！

食物選擇都幾多等雞煲既時候可以食小食過癮下。青瓜超辣，雞翼味不錯不過肉鞋主角到！小辣但我唔食得辣就覺得很麻辣。而且骨比較多，一係就一大舊好鞋既雞胸肉。雖然雞煲無食呢個概念幾好，不過食物質素亦一般。其他配料無影相，不過最記得響鈴係唔脆又散的。甘既價錢食甘既野我令願俾多少少食一品

唔知幾時開始興雞煲, 好似都興左好耐下, 因為成日見人係facebook post相, 但我真係無試過, 亦無特別諗過去食, 但今次朋友叫到, 就正好俾左個理由我去試下所謂既雞煲到底係咩料子。咁其實雞煲尼一樣野係我本身係應為好似食大排檔咁係無服務既, 但原來入到去又唔係WOR, D店員真係有服務嫁WOR, 雖然平心而論就無話真係好好, 但有就已經令我覺得好好。由於兩個男人去食, 所以係咁依叫左個奇味雞煲就算, 除左奇味雞煲重有麻辣雞煲既, 但我真係唔係好食得辣。由於好奇既關係, 我係咁問店員應該點食同有咩唔同, 咁佢都好有耐性咁答我, 真係要加分, 雖然可能只係因為我靚仔。個雞煲一上, 我見佢有好多洋蔥丫, 芫茜丫, 我心諗今次真係重口味, 點知一食, 其實又唔覺有咩。但隨住愈煲愈入味, 再加上我地係咁落野, D汁開始濃甚至傑傑地, 但濃之餘又唔會覺得入唔到口。

北角對我黎講都算系要過海ge地方.今次突登去到呢度食雞煲,估吾到食完會再返轉頭再食~第一次去 鋪頭細細 周圍都算幾迫 我地都吾敢行黎行去坐定定就開始密密食. 小食無限添加:青瓜 雞翼(每次都要再加) 雞腳(吾系成日有,第3次去先有) 酸菜仲有個小菜系"不知名豆" 個人覺得麻麻地 都冇試系咩..價錢 9點半前$168加一 9點半後$148加一新開張第一次去食送85折coupon(現在是印花咭)2人起計半隻雞~ 先食雞煲 再加豬骨湯打邊爐.先講雞ge部分.個人覺得雞胸比較"鞋"自己又吾習慣食骨 但我都揀哂D脾肉位食D肉好夠嫩又滑 除左皮肥D之外都冇D咩特別肥ge脂肪湯滾之後就可以加火鍋料呢度任食ge料有好多 芝士丸 墨魚味勁足ge墨丸!!! 厚切午餐肉 一流~必點: 蜂巢豆腐 娃娃菜 棠生菜 金菇 響鈴 牛丸 肥牛水餃 魚皮餃 炸魚皮 豆卜 山根 芝士腸等等比較大圍ge料都有另外都有D靚料牛可以額外比錢再買~抵吾抵就見仁見智.over all當然系好食先會再返黎食 希望可以keep住到冬天再去食依然有返呢個水準! 加油!!

雞煲已經興起咗一排, 但我仍未有機會一試. 上個月頭終於有機會啦~ 我地一行十個人去咗北角品川雞煲. 今次我地是食雞煲放題, 先食雞煲, 再火鍋, 一次過兩種食法, 正.這裡的雞煲有兩款, 一款是奇味, 一款是麻辣. 而辣道有分原味, 小辣, 中辣和大辣四款. 我地叫咗一個奇味原味, 一個麻辣小辣.雞煲未來到之前, 先有一些小食俾大家, 卥水雞中翼和雞腳, 麻辣拍青瓜.我自己最鍾意雞中翼, 好入味, 晚前小食或者用來送啤酒啱晒.雞煲來到, 真是好香, 但也感覺到辣味, 原來原味都有小小辣, 但對於唔食辣的我, 這已經是辣, 不過好野味, 好開胃, 食麻辣那邊, 不駛講, 真係辣. 不停叫野飲.D雞好入味, 仲好嫩滑, 而且份量都唔少. 差唔多食完d雞, 就叫佢地加湯打邊爐, 款式都有唔少, 可以任叫. 由於未打邊鍋之前食咗唔少雞, 所以我主要食菜和丸, 最愛食響鈴, 芝心丸等, 全部入晒味. 款式未必有平日火鍋咁多選擇, 但基本的款式也有, 也算新鮮.鍾意食辣的朋友啱晒, 個湯底真係辣每人都唔駛二百蚊, 食到飽晒, 價錢都可以, 所以愛辣人士可以來一試.

Spicy Chicken Pot has been a hit for a while already but is still trending. Tonight we went to Spring Trinity to try out their spicy chicken pot. Spring Trinity offers all you can eat hotpot food and drinks (not hotpot) with their spicy chicken pot at a price of HKD$168. The hotpot comes in two broth choices - Sichuan Spicy or Pork Bone. The hotpot food choice was not vast but enough to have you going.We had our chicken pot in low spicy level which I think is not spicy at all. Go big if you can

通常我都是和鬆弛兩個人去吃雞煲，偶然也會和辣友一起去吃，不過近來多了人喜歡吃雞煲，是晚就有個雞煲新組合，和三個我們辣局友以外的食友去吃這家新開張不久的雞煲店。會選擇來這裡是因為有食友前陣子經過這裡說想來試試，反正未吃過的雞煲我都有興趣，另外這裡是任食的，價錢又不算太貴，一試無妨。店子在食肆林立的和富道，面積不大，只有六七張檯而已，所以不想等位可以用tablemap訂座。做任食的雞煲店並不多，而且還可以任飲汽水，都算是一種gimmick，不過火鍋料的選擇不多，除了美國肥牛之外，其他牛肉都是要額外附錢的，另外加錢項目還有絲苗白飯，一碗要$10，如果想任食應該不會點太多飯，其實免費給客人也可以吧。餐前小吃有三款，分別是涼拌拍青瓜、滷水雞翼和雞煲有兩款選擇，奇味雞煲與麻辣雞煲，聽說兩個人好像有半隻，我們一行七人，每款雞煲點了一鍋。奇味雞煲點了小辣，其實一點也不辣，吃起來極像沙嗲湯底，帶點甜味和花生醬的味道，味道都算正路，但如果你真把它當作一個沙嗲鍋底，又略嫌有些不足之處。雞件還好，我吃的幾件剛好都算肉嫰，但也有食友說頗嚡。麻辣雞煲點了大辣，一開始已經有淡淡的苦味，通常都是麻子和辣椒滾久了才會，

今天朋友忽然約我食晚餐,於是我就提議依間新開的雞煲 最近雞煲大熱,試過好多間人氣雞煲店,食物是OK,但實在是無服務可言,亦無衛生可言但係,品川雞煲係例外,可能因為佢新開,所以所有野都做得很好 我真心希望佢可以KEEP到咁好的SERVICE下晏打黎BOOK枱,接電話的都好有禮物,而且差唔多7點再打黎RECONFIRM。離北角MTR妁10分鐘,地方都易搵,到達後, 舗頭有D細,但原來入面仲有枱的。坐低後,店員會問你之前有無食過,然後好細心講解2款雞煲的分別, 有奇味雞煲 & 麻辣雞煲,而其他火鍋配料都是任食的,汽水都係任飲我地叫左奇味雞煲,店員解釋這是他們秘制的, 第一淡食落怪怪的,好似無咩味,但愈食愈好味,d味愈煲愈出, 而且半隻雞的分量都好足, 配菜有洋蔥,芫茜,紅椒。火鍋配料每次的分量不是很多,咁都好,唔會浪費,而且可以試多幾款d料全部都好新鮮,而且d菜係有洗過ga, d丸好似係出面火鍋店$70幾蚊一碟的質素, 絕不是HEA食的, 好有心的餐廳 依3款任食的前菜絕不是HEA作,是有心的小食,好燜好入味,3款都ENCORE左幾次要提一提, 店員真的很好, 你係咁REFILL野食,汽水

因為係岩岩新開既舖, 人流唔算好多隔離米芝連個阿鴻小吃排到阿媽都唔認得!= =是次咁岩有檯, 3個人係張正方檯見佢舖面細細, 咁3個人坐逼少少唔緊要咁佢係$148 加一 1個人雞煲我地要左個原味 然後3個人有1隻雞份量食完個雞煲已經飽左大半 唔講得笑佢真係好足料個雞煲十分之惹味 入面既薑蔥更加係至愛XD然後大部份既雞肉都好嫩, 唔會有煮得耐就好un/"鞋"既情況之後入面既哥哥仔都好好服務先好詳細咁介紹個雞煲同埋唔同味,黎到又好好咁介紹食法! 叫左既打邊爐料都好快黎到!又有水/7up/可樂任飲都算唔錯特別推介個小食 - 手拍青瓜唔講得笑 我個朋友個人Encore左4碟!!好好食然後佢仲有個雞腳, 不過係爽身既, 但係我地中意食淋戈隻冇法!不過佢個雞腳爽得黎好有嚼頭, 就唔會咬唔開, 不過就冇雞翼咁入味!咁佢有既基本上就係打邊爐既料, 但係唔會食到好多, 因為個雞煲都已經飽左!同埋打邊爐既料黎計, 佢唔算多選擇, 但係推介 魚腩+唐ho 好食!我地揀左個豬骨湯繼續打, 個雞煲食剩既汁其實可能落水都已經好夠味,加埋豬骨湯~~~~真係冇得頂XD下次再食會再寫然後影返多d相上黎XD