品川日本料理 (已結業)

店名：品川日本料理地址：香港仔湖北街16號地下好味指數：7.3／10價錢：$38牛肉月見石鍋飯配麵豉湯及小食一款（八爪魚丸）麵豉湯溫度是暖暖的，稱不上很熱，但味道是不錯的，不會太濃亦不太淡。八爪魚丸有兩粒，炸得夠脆，內裡軟滑，上面佈滿了木魚碎，增添風味，略嫌麵粉過多。牛肉月見石鍋飯份量很大。可是鍋子不夠熱，吃起來沒有在吃石鍋飯的感覺。牛肉份量挺多，配料有洋蔥，三色椒等。牛肉肉質鮮嫩，飯吸變收了牛肉味道變得很入味。由於鍋子不夠熱和沒有什麼特別，吃久了覺得自己在吃吉野家牛肉飯似的。店名：品川日本料理地址：香港仔湖北街16號地下好味指數：7.5／10價錢：$42下午茶便當A三文魚刺身 ，厚燒玉子， 炸忌廉薯餅 ，日式咖喱飯 ，三文魚玉子卷， 沙律本以為是一個大便當，豈料只是一碟碟分開上，就如點了小食般，賣相不夠。三文魚刺身是整個便當最好吃的，三塊厚厚的三文魚，肉質鮮嫩。燒玉子有兩塊，味道甜甜的，挺特別。忌廉薯餅外皮脆脆的，內裡包著忌廉，感覺很creamy,是不錯的。咖喱飯味道就像普通的即食咖喱一樣，加了薯仔和紅蘿蔔，沒有什麼特別 。三文魚玉子卷餡料新鮮，吃上來也是很好的。沙律配合了芝麻醬，非

今晚同女朋友去食，意外地唔洗等，可能早，，6點幾吉列豬排 冇想象中咁軟 有啲硬燒銀雪魚 好味不過係女朋友叫的，冇食太多清酒煮花甲 酒味有點兒過濃 不過可以接受炸蝦天婦羅 幾好味服務還好。我地一開始叫左頭三樣 ，天婦羅後期追加，所以漏單。第一次問幾時到，個侍應話睇睇，不過佢講完企定定當我冇問咁隔左陣催多次先問今餐算是滿意不過未到滿足

呢度店舖較細，枱與枱之間空間甚少，但裝修骨子。星期六下午茶時間，店內已差唔多坐滿人，而且keep住有食客幫襯，唔通真係咁好食？我哋坐低冇耐，店員叫我哋換位，無所謂。只係換完位之後冇跟番啲單，所以每次上菜都上錯。2：30，剛好可以order下午茶餐。價錢同lunch set相差十幾蚊，同少咗沙律及湯。汽水另加$4。飯以外可選一客小食。三文魚壽司 - 冇嘜三文魚味，不過港式style，不過不失啦。我揀咗炸餃子。兩隻餃子浸於餃子汁內，餃子皮淋咗點，但配上酸酸地嘅汁倒是不錯。咖喱吉列豬扒定食以為下午茶portion會細啲，但幾實份量好足。豬扒脆口，但皮有少少硬，肉厚身得嚟鬆軟，唔錯。咖喱汁杰身，有頗濃咖喱味，但略咸；汁內有蘿蔔同薯仔，煮得爽口。飯粒圓圓地，但應該唔係珍珠米，唔黏口，亦有點過硬。不過整體嚟講算唔錯。老公點咗滑蛋雞扒飯。雞扒煎得香而入味。滑蛋同汁煮得唔錯，半流質，時間煮得剛好。但飯亦係硬咗啲，同埋唔多夠熱。另外值得一提嘅係呢度舖面雖好，但去洗手間時見到廚房同洗碗地方嘅情況，真係有點懷疑衛生情況。兩個餐埋單只係$92，唔怪之得咁多人幫襯。

假期前夕, 晚上跟幾位同事到來位於香港仔的一家日本餐廳.雖然地方細細, 但食材新鮮, 有日本居酒屋的感覺.別有心思的頭盤小食, 酸酸的三文魚軟骨片及八爪魚粒, 特別開胃! 喜出望外的海膽刺身! 以前小妹總對海膽抱有一種"霉", "腥"的感覺, 今次放入口的第一感覺是: 溶! 鮮! 爽! 滿足!大大舊的海膽, 用舌頭一壓, 包圍著整條脷, 慢慢溶化後整個口腔都充滿著海膽的鮮味! 無得頂!厚切爽口的赤貝刺身!鮮得還在動的魚刺身 - 依左目!著火中的牛油粟米!暖笠笠的日本SAKE - 大吟釀特別推介: 海膽, 刺身

我是在這間店開張第一天光顧的。那天經過有位侍應給了我一張傳單, 看到是有一SET SET的, 而且價錢亦相當大眾化。所以就跟男朋友一起進去。那天很多人, 有一家大小的, 亦有二人四人的, 但侍應叫了我跟男朋友坐到一張四人台, 而那裡正是有一對男女二在用餐中, 很逼, 很尷尬...因為真的坐很近...無奈的是, 當時是繁忙時間, 所以也沒有多要求...而見到一家大約有6人的坐了下來, 經理就十分熱情地上前招待。但見他們坐下不久就全家走了。因為原來傳單上的餐點並沒有出現在餐牌上。對!!我收到的傳單是午餐的, 但我接到傳單的時間是夜晚七時多。原來他們跟我一樣沒有看清楚就走進來了...感覺就好像中伏了一樣...為什麼晚上在門口派午餐傳單呢?晚市的餐牌都是散叫的...沒有SET DINNER之類的...而且價錢不平宜...飯...是硬的。...紫菜是腍的....刺身...是不新鮮的...這家已經被列入黑名單了...以後不會再去。也奉勸各位想試的朋友, 要試要有心理準備。現在這個世代是不是打手很多呢?

初初開鋪每天也排長龍, 有天等到了一入座等服務員清潔台面等了10多分鐘 ....... 結果我們起身離開, 也沒有人理!!! 對此店失望!!!! 結果過了3個月左右, 直到上個月的某日大約晚上9:30, 友人提出真的想試一試, 見不用排隊順利入座, 坐下來服務員便送上熱茶及menu, 還介紹今天有什麼特價有什麼新鮮刺身有什麼定食等等............ 在不抱太大期望之下點了多款壽司, 魚生飯, 拉面.........~ 壽司 ~ 魚生新鮮, 飯不太酸也不太硬不大又不小啱啱好 三文魚夠油潤 / 三文魚子卜卜脆 / 海膽新鮮 / 油甘魚ok / 腐皮有芝麻香 (價錢不貴就算是三文魚子及海膽也不過30/40蚊左右)~ 魚生飯 ~ 非常豐滿絕不孤寒 (海膽有3片 )$88 only ~ 有沙律有湯有甜品 ~ 乂燒拉面 ~ 不值一提 ~ 湯唔熱冇味面又太淋 結果這個多月我吃了2次 (9:00後不用等位) 真是值得再吃, 該店會不定時推出特價食品~三文魚刺身$28有5大片 有位女店長還在我們吃第2次時送上9折cupon

12點左右, 都有幾枱人點了海膽刺生飯定食買相幾吸引海謄不多但勝在夠大夠新鮮甜蝦好味!三文魚鮮味八爪魚不錯但飯比例就多一d沙律唔錯久違嘅蒸旦 唔夠滑味道ok 湯都幾好價錢吸引, 選擇多

三樣好已執左半年原舖位換來這間日本料理香港仔居民一向是喜歡趁熱鬧每當有新食肆開張也會一窩蜂去光顧等候三＋甚至六＋分鐘也在所不息！佩服！佩服！就是這個原因，我在這間料理開左幾個月才去嘗試，人潮沒有那麼多，很快便可入坐。定食選擇不多Order了咖喱吉列蝦飯三隻吉列蝦平均分怖在碗裏炸得金黃色的賣相吸引咬下去才發覺炸漿落得很厚蝦肉的份量其實一半也沒有60大元換來這樣的質素相信這間料理的下場也是一如以往由開張時一窩蜂的光顧到最後黯然....善哉善哉！

第一次同同學入去食入到去舖位唔算大 12點幾坐都有D滿 好彩都有位 (等到一點幾已經排哂隊)午餐都幾多選擇 大概$50-$70左右我自己叫左日式牛肉鍋定食雖然肥牛唔算好特別 不過好足料 豆腐粉絲雞蛋黃芽白樣樣都好多 個豉油湯都算夠濃我平時算食得多都覺得好飽肚同學A叫左個便當C餐 $48咁多野食都算係咁有D唔好就係個海鮮煎餅出黎已經唔係熱同學B叫左溫泉蛋鰻魚飯 賣相都唔錯 下次都會打算試下前面D食評話SERVICE唔係幾好 我就覺得不過不失啦 安排坐位倒茶埋單都算好快

呢间餐厅食物都算过的去.不过经理同部长的态度恶劣.经理好识讲嘢.润人功夫一流..如果你是2人世界.又想俾人闹.去呢间日本餐厅就啱了.保证你们等完又等.你的号码叫过着.都唔会俾你入.理由是四人台不会拆开俾你.千万唔好问经理点解.經理会润完你再要你等耐地.佢话佢呢度就是这样排位..,,,,

香港仔開的日本料理絕大多數水準以下我不知道這間店擅長哪種菜式但肯定不是拉麵來的一碗叉燒拉麵湯底淡而無味湯底是拉麵靈魂這一碗魂飛魄散只能勉強吃下大半碗隨餐附送芝麻醬沙律那些菜好像放了很多天才拿出來最近這間店夜市開始很多人排隊祝君好運

上星期經過見到公司左近開左間日本料理，所以今日放左工就同事去試下，翻開餐牌真係好多選擇。三文魚.希靈魚.牡丹蝦.餐牌無係佢推介既鱸魚刺身:都幾新鮮，又其推介個鱸魚，好爽身。牛油果芒果卷:正常，日式餐廳少會失手既菜式。牛肉鍋:味道對味，但偏甜左少少。牛柳粒:咬落去多汁幾好食，但少了點。蟹粥:大鍋，粥底幾綿，仲有我最愛食既菇類係裹面。總括來講新餐廳食物質數唔錯，不過仲有進步既空間，我遲D會再幫襯的。

香港仔難得有日本料理店新開張，期望不大但即管試一試。我就叫咗個海膽三文魚飯，三文魚夠新鮮肥美，海膽幾隻好大隻，但食落卻好一般，鮮味都一般，大殺風景，另外配菜既蒸蛋都唔錯，但只係暖暖地，唔夠熱。沙律同麵豉湯都冇咩特別。另外個friend叫咗個豬軟骨拉麵，味道都只係ok，但以咁嘅質素香港仔有更平選擇，個蛋小食更加係小家得可憐。總結嚟講係試過一次就算。

午間吃了一餐頗為出色的日式午餐，來到了晚上，由於不想再要唔太周圍跑了，就決定回家附近吃，想起了近來在家附近開了所新的日式食店，所以就來試試。也是新店總有數天旺的道理，來到門口已是晚上八時半，但竟然還有不少人在排隊，所以最後我們也要等上足足半小時，才被安排入座。店內環境有點暗，而且最要命的是非常迫狹，店員工作棒餐的，都相當有挑戰性及危險，而且滿地也有不少垃圾，本人真的甚少在一所日式食店遇到如此情形，未吃東西，不禁在心裡已經打了很大的折扣。餐牌內有非常之多的選擇，不過到最後本人點菜之時，發覺原來有不少食物都已經沽清，又或是根本沒有供應，本來是看中了一款所謂的鯨龍魚，究竟什麼是鯨龍魚？點了來吃就知，怎知道就是沒有供應，最後也順利點了一款壽司、三款燒物、雜錦天婦羅及兩款和食料理，二人吃應該是很足夠了吧。先來的是吞拿魚壽司，魚肉顏色暗淡而沒光澤，其紅色既不是帶有脂肪的粉紅，而又不是赤身的赤紅色，如塑膠的粉紅外的吞拿魚，入口乾身沒肉汁，肉質枯竭不挺實，沒魚香也罷，更是吃得人滿口也是魚肉筋，而底下的壽司飯不甚飽滿，黏度就不錯，但其醋酸味來得非常奇怪，吃起來沒甚飯香可言。接下來是一連串的燒鳥了，先來的