咖喱至尊餐廳小廚 (已結業)

爸爸食咖哩牛腩，我食咖哩雞牛腩同雞都冇乜特別，但咖哩真係好足料，好味~野飲我叫左珍多冰...杯野好奇怪，都幾難飲免得過都係唔好叫特別飲品，仲要加錢，唔抵叫返茶餐廳野好過咁足料既咖哩，我覺得價錢還可以~

放假第一日就梗係出街行行啦~~ 行到咁上下就要醫肚, 周圍d鋪頭都滿坐, 連門口d枱都坐冇虛席, 唯一係呢間仲有卡位, 咁橫掂未食過, 就入去試一試啦~~好難咁先諗到食乜, 因為佢冇乜選擇, 而且價錢唔平............. 金針雲耳蒸雞飯 -> d雞又梅又爛, 只不過用d豆粉將d肉碎黏埋, 而且only得豉油及酒味, 乜味都食唔到................ 香茅豬扒飯 -> 雖然有2塊豬扒, 但d肉比d梳打粉乸到乜肉味都冇, 但又唔見得有香茅味.............ps 係我地食緊果陣, 有一pair男女入嚟坐, 睇咗幾分鐘之後都走埋, 咁即係證明唔係好大眾化, 其實我都想走, 不過我老公話好似好肉酸, 所以 "夾硬" 留低食...............

抵食既野永遠都會記得，其中一間我覺得相當抵食又好味的就係咖哩至尊。地點在河畔花園的一間小餐廳，坐位不多亦比較迫狹，不過勝在抵食夾大件，食客不絕。每隔幾個月就會想起呢度，當然就係叫番我覺得超正既$76二人餐。包一款咖哩，一個小菜，仲有白飯同湯及甜品，一人都係三十幾蚊﹗咖哩要了咖哩雞，相當大碗，有如相中所見，大雞胸肉有成四五件，抵食到爆，雞肉雖未算滑溜不過肉多而結實好送飯﹔雖然要左中辣，不過都係唔多夠辣，味香而鮮，我最鍾意就係咖哩撈飯，一個人可以食兩大碗。小菜要了簡單的通菜炒牛肉，牛肉口感嫩而不o鞋，食飯都係有條菜較為健康。四十蚊就食到，邊到搵？

與太座聚會過後要吃個快飯。太太想吃些炒粉麵，不及細想，就走進這以咖喱作主打的茶記去解決腹中之飢....找到個二人卡位坐定定後，看見menu上的那個二人咖喱套餐實在很值吃 --- 先來個例湯或飲品，再來份咖喱及小菜一碟，另加"靚仔"兩碗，還有甜品作壓軸，都只是賣八十大洋左右，確是吸引吸引的程度最後大至令太座放棄了叫炒粉麵的念頭......例湯是簡簡單單的節瓜煲豬踭。師傅味甚重，所以喝了兩三口便就此作罷，將重點放在那些節瓜之上。爭取多點機會吃多點菜蔬，始終還蠻重要呢....既然吃菜類吃出個癮來，索性就來個椰汁炒時蔬。印象上記得是很少機會吃到以椰汁作料來炒菜的，味道是甚怪的而且各類菜蔬吃落質感散散的，菜青味極濃，油份又是極少，似乎實際上只是用水將之烚熟後再回鑊與調稀了的椰漿隨便兜幾下便算數。這樣的製成品，又怎會好吃 ?太太一向愛吃沙嗲更甚於咖喱，叫了份沙嗲牛仔骨及魚雙併。作為主角的沙嗲弄得十分的杰身，嗅落蠻香的，入口帶微甜又不過份的辣，正正適合我倆的脾胃。太座胃口大開，不停的用羹嗶啊嗶，轉眼已吃了差不多一大半雖然兩款配料都是雪藏嘢，但店方卻有將之事先醃過，並不是隨隨便便將之放在沙嗲膽內便算，

昨晚食晚餐d 咖哩唔夠喉, 今日午餐和朋友出來再食咖哩先!沙田冇咩得揀, 公司附近的只有這間, 照殺!!!!午市咖哩牛腩飯. 27蚊, 另凍飲加2元.中辣啦!1分鐘有得食!!嘩, 今次唔知道點解, 個中辣好似大辣咁, 又係流汗呀!馬上叫杯凍檸茶先, 因真係太辣了...d 牛腩略韌, 扣分!相反, 朋友的小辣咖哩雞則不錯, 啖啖肉, 又唔韌.他叫小辣, 也comment 好像中辣咁...d咖哩汁送飯好好食, 但今日師傅重手了點...

呢晚咖哩癮起，就來咖哩至尊食咖哩﹗點番上次叫外賣的二人餐，$77有咖哩又有飯，仲有個小菜，真係抵到爛﹗咖哩加左五蚊要左牛及班塊雙拼，點了中辣，咖哩入口香濃而不嗆喉，我喜愛他沒有坊間咖哩常有的椰汁味，感覺很正宗原汁原味，用黎撈飯超好味﹗初初吃落辣度一般，但加入飯之後越吃越明顯，最後也是滿頭大汗收場﹗牛肉做得夠腍亦無渣，而班塊就因本身味道被咖哩蓋過所以吃不出味兒，下次都係要番魷魚會更好﹗小菜點個蔬菜清清腸胃，要了海味雜菜煲，雖然跟餐不過份量絕不欺場，海味即係蝦米仔，仲有好多魷魚添，菜就仲誇張直頭成煲滿哂﹗要一讚係佢個煲用魚湯來煲，特別鮮味，見到對面一枱加錢要湯菜分開上分開食，個湯真係唔係味精湯咁簡單﹗包兩個白飯再加兩杯野飲，最後仲要送埋甜品俾我地，$85，一人都係40皮，抵到爆的晚飯好味之選﹗

次次來親河畔食飯都係去新旺記﹗不過呢排真係食得太多，開始厭悶，所以試下食咖哩﹗好似三兩年前食過一次﹗見佢門口有個86蚊的咖哩二人套餐，有咖哩有小菜仲有飯有野飲，相當抵食，一於試下先﹗咖哩要左雙拼，加五蚊，選了牛及魷魚，餐牌說這是巴基斯坦風味，廚師是以前水警定警察總部的大廚，點左中辣，辣度未及阿龍、重慶等噴火之味，咖哩香濃，用料也很多，不會像有些咖哩店肉得幾粒，0的汁用來撈飯很不錯，可能好耐都無食咖哩關係，同工友吃得津津有味﹗小菜健康點要左金銀蛋時蔬，蔬菜是白菜仔，成個發泡膠盒也是滿滿的，份量十足﹗老闆娘推介例湯是老黃瓜湯，味道不錯不過當然是有味精之流吧﹗仲有杯椰汁西米露送，整體呢個套餐食物味道很好，86蚊咩都有仲要食得飽飽，抵食﹗

是日要到附近參加太座友人的婚禮，下午二時多才開始，還有個半小時開餐，但又不想到處走，一直想吃的意廊又暫停營業，唯有隨便找個地方吃個快飯便算....在田園閣樓下一系列的茶記選了這兒，完全是因嗅到那咲咖喱香。可惜的是最近是不能吃太辣的東西，唯有着太座選沙爹來吃，自己則隨便叫了碟茄子班腩炆米....雖則是不能吃，但嗅到太座的那碟沙嗲牛肉的香氣，還是忍不住吃了一口。味很濃很香，還隱隱吃到少許的花生粒，而且一點也不辣。對於那些愛好刺激口味的可能有點不是味兒，但對於暫時要與辣絕緣的小弟而言，卻是"合味道"到極點了.....一看那碟炆米就知是"油光滿面"了，再看碟底剩下的油份，連素來天不怕地不怕的小弟也有點"卻筷"了勉為其難吃了一口，整個嘴都是油，味也是一貫茶記style的重手，很膩口，再加上向來吸油的茄子，簡直是尤如火上加油吃多兩口，支持不住，放棄了反而那免費的例湯卻是沒有太多師傅，還喝得過.....快手快腳吃完，逃之夭夭可也.....

咦, 上一食評又係我寫的...08年就過啦, 今年我來了兩次咖哩至尊;上次已食過了ok 的咖哩飯; 今天係食沙爹牛肉飯, 因為朋友之前食過又話ok, 大力又大聲地推介~咁26蚊叫個沙爹牛飯啦~當然, 1 分鐘便有得食.勁多沙爹汁呢.夠撈晒d飯, 真的唔少.食一啖, 喂, 好甜播....叫了中辣, 但感覺上好像小辣咁.都係太甜, 朋友勁愛, 但個人來說一般.d牛肉好像係被"招呼" 過, 勁淋...女性朋友說咖哩牛腩今天略韌.杯啡略為太多奶.為什麼今餐全都差少少的?

星期四的午餐時段.昨晚剛食過咖哩, 今日和同事一起午餐, 咁岩, 他倆又想吃咖哩!本不太想重覆食, 但昨晚的係馬拉咖哩, 這間是巴基斯坦咖哩, 味道應不同, 所以都一齊食了.叫了最基本的 咖哩雞飯餐, 連凍飲 $28.一分鐘便有得食.幾香, 跟飯非常好!少許辣, o岩我.都有三舊仔薯仔.味道和佐敦的阿龍好唔同.有冇人可以告訴我, 巴咖哩又有冇像印度咖哩, 有分南北o既呢?

個侍應的態度雖要改善~!食物質素都可以的.

每逢賽馬日,怡成坊總係人山人海,因隔離翠華花園有投注站,而今晚都唔例外...賽馬日都帶動左怡成坊的食肆,人流多左,顧客都多左,一路食,一路睇報紙馬經,一路睇住電視機的賽馬直播...但自己仲未夠十八,唔賭得馬,就只可感受呢種氣氛...入到黎叫左個咖喱牛腩米線,加杯凍奶茶...咖喱牛腩米線黎得大碗,米線都算淋,但係有咬口的,而且又唔碎...碗米線有好多件牛腩,又大舊...牛腩唔'un',ok淋,吸收哂d咖喱味,幾好食...個咖喱都ok,但因自己要左小辣,所以覺得唔辣,下次要中辣先...杯凍奶茶都幾滑,但又係奶味重...員工與顧客談談買馬的心得...食畢,見到有顧客一路食,一路睇住直播,一路叫著'二號,二號,二號...'我笑了,不知二號最終是否跑出呢?