咕滋咕雞 (葵興) (已結業)

《#Taiwanese_taltal | #KwaiHing_taltal 》🇭🇰 咕滋咕雞 𝔾𝕌ℤ𝕀𝔾𝕌 @ 𝕂𝕨𝕒𝕚 ℍ𝕚𝕟𝕘條電梯爭取咗20年，終於上星期開咗🚩不過係Lift唔係電梯。行過幾次個條樓梯，真係好攞命！新開嘅Lift帶動咗光輝圍食肆嘅生意，收工經過，間間都有人等緊外賣❗咕滋咕雞係新開嘅台灣食品，有手抓餅、芋圓、便當、鹽水雞同小食，好岩住附近後生仔，如果開埋學實更多人！❥ 鹽水雞𝐀餐 雞胸腿各半+𝟑款配菜+洋蔥 $𝟒𝟕香港好多鹽水雞店，但好味嘅唔多。而呢間質素唔差，唯獨雞肉份量差少少🥲配菜揀咗高麗菜+雞腎+芭樂(正常走辣)，味道幾正宗👍🏻高麗菜夠林，雞腎數量都多，芭樂新鮮又爽口😋每件餸都沾滿鹽水，好香口又唔會太油膩/重味。雞肉雖然都比台灣食到嘅大件少少，但數量較少。❥ 地瓜薯條 $𝟐𝟎地瓜條其實之前食過1次，個次脆卜卜勁好食，仲帶有少少梅粉味。但今次買，個嬸嬸唔知做咩封實個口🤷🏻‍♀️焗到林哂又出哂水！勁失望🥺不過份量以呢個價錢嚟講係足料大份👍🏻❥ 肉鬆+芝士手抓餅 $𝟑𝟎手抓餅係台北旅行必食之一，我都忍唔住叫埋😛不過價錢真係有D貴，每加一樣配料都at least $5，

有冇friend介紹話呢度嘅鹽水雞便當好好食😋咁鬼為食嘅我當然要試吓啦🤩🤩咁就專登去咗葵涌買來試吓，咁佢有好多套餐揀嘅同埋好多配菜可以選擇，不過啲價錢都有啲啲貴，但山長水遠嚟到當然都係要食啦🤣🤣🤣咁佢啲鹽水雞都好似台灣嘅鹽水雞嘅味道😆😆同埋味道的確真係唔差，就係價錢真係有啲貴💰🤣🤣🤣而佢嘅配料青瓜啊，豆腐啊同埋雞蛋，其實都好入味都好好味😆😆😆咁佢仲配個紅米飯嘅，咁睇落就好似健康啲，整體來講都唔差就係貴🤣

我好少寫食評，但今次就寫吓啦冇諗過差到咁，初時睇到食評講到好好咁，但今日試過之後十分失望，毫無味道的鹽水雞餐，雞胸腿各半但我搵唔到雞腿，雞腿呢？雞肉小，皮多，木耳絲小，豬耳仔係白烚嘅，皮蛋都唔知有冇半個，叫放少啲洋蔥話冇少啲一係放一係唔放，所有嘢放埋一齊撈都係無味嘅，完全唔會值呢個價錢$47（佢個份量真係小）⋯⋯早知食返葵廣好過。另外個滷水蛋肉燥便當，味道可以同埋夠大碗但係個飯有啲軟身⋯⋯不過佢嘅雞軟骨係唔錯嘅，但我已經再冇勇氣去試其他嘢啦⋯⋯

今日繼續explore光輝圍左近嘅好西😋本身只係想落街抖下氣，行下行下好想食鹽酥雞，見到有間台式外賣店(有少量高枱供堂食)，就入來望下，然後就被佢個鹽水雞menu吸引左🤤雞胸腿各半+任選3款配菜+洋蔥$47🍗雞胸同脾一樣咁啖啖肉咁juicy🍖而且醬汁鹹香，超正😍配菜揀左一咬咇汁嘅杏鮑菇-果然係鹽水雞嘅好朋友🍄仲有黑木耳同豬耳。豬耳係超粗超•級•爽•口🤭黑木耳口感上再爽口啲會更好$47來講佢啲雞肉令人念念不忘🤤🤤🤤

放鬆一天，諗住隨便吃吃就好。點知，竟然遇上高質小店♡ 撈一撈台灣鹹水雞，撈出台灣風味，讚啊！仲有唔少台式小吃，即叫即炸尤其吸引，小朋友最喜歡啦♡小店小小，入去就拎張紙，揀自己喜歡嘅配料，就有專人幫你撈撈♡ 我就揀咗雞胸腿各半，配豬耳、秋葵、杏鮑菇，仲可以揀辣度同濃淡口味添♡ 估唔到咁樣撈真心正，層次感同口感都好豐富，而且味道好清新，好有台灣街頭風味♡第一次食，我揀咗啲「穩陣」配料，我見仲有芭樂、蘋果、鮮鳳梨、哈蜜瓜等水果配料，夏日食啱哂，下次試下先！小朋友呢，我梗係叫啲香口小食啦~有林小最愛嘅台灣腸，仲竟然有紅豆餡餅，全部炸到熱辣辣入口，面層脆脆的，腸仔十分juicy，而紅豆餅又香甜軟腍，呢個真心推介丫♡btw，媽媽們，平日湊仔湊到顛婆咁，想坐低歎甜品，不易呢！是日仲點個台式芋圓，嘗一下甜，很滿足♡

講起葵興，好多人以為得KCC有野食，其實光輝圍附近都有好多少店，係搵食既好去處！約左朋友行街，經過發現開左新店，食台式鹽水雞，2位小朋友被可愛既招牌吸引，食物價錢相宜，決定入去一試！店鋪堂食坐位不多，剛好有張矮餐枱岩小朋友坐，決定堂食！鹽水雞我點左A餐，可以揀雞胸腿各一半/雞全翼3隻，指定配菜洋蔥，另自己配菜3款！我點了雞胸腿，貪無骨，同小朋友食方便，3款配菜，杏鮑菇、蜂巢豆腐、芋絲！不得不讚 雞好滑，連雞胸都唔鞋！配料方面，杏鮑菇，芋絲好爽口，蜂巢豆腐就吸晒汁料，好入味！套餐仲配左1款炸物，我點左紅豆餅，原本點俾小朋友食，結果，我同佢爭食🤣🤣因為即場炸起，好香口，但一啲都唔油膩～食完意猶未盡，再叫左台灣腸、芋圓同朋友share，全部都好地道台灣風味，又引起鄉愁，好想可以去台灣旅行啊～

當辛勞完半天外出工作，在回家地鐵車廂中尋覓外賣自取，先發現呢一間新店😃 試一試先！揀咗鹽水雞套餐，淨係味道都有好多揀 (濃味，正常同淡味，至於辣，有大中小微同埋走辣) 第一次食要正常味，至於辣，只係要咗微辣，我都怕太辣🥵 呢個套餐係有雞翼或雞胸雞腿各半份，再可係28種配料中揀3樣，有啲要加錢，有啲唔使。 我揀雞胸腿，滷香豆干、花枝丸、青瓜。 另外一見到芋圓就好想食，都係廿幾蚊，所以要埋！辛勞咗半天外出工作，要慰勞吓自己😁😁 揀咗芋圓紅豆燒仙草😋味道唔錯喎，我就幾鐘意，下次我會揀淡味試吓，因為正常味，我都覺得咸咗少少，我都係食慣淡味點😅 雞幾滑，青瓜唔使講，一定好味😛 花枝丸係切開的，幾好，方便食，滷香豆干就正常。到甜品⋯⋯正😋 都幾啱我，唔太甜，都算多芋圖，仲幾種味，不過好似綠茶味最出，如果可以多啲紅豆就好了😁

今日行經光輝圍，發覺以前嗰間小食店冇咗，變咗呢間台灣鹽水雞，我同老婆即刻想入去試試，見門面都光鮮靚仔，明顯老闆係想走文青風。望見餐牌，都好多台式小食，因為我有啲餓，所以叫咗個台灣香腸肉燥便當，我老婆就想食淨配菜餐，問問店員，原來個淨配菜餐都係用鹽水雞嘅撈法去整，咁就掂啦，一於嗌呢個，口痕嘅我，一於嗌多個鹽酥雞！台式便當非常出色，肉燥非常香口，滷水蛋非常入味，台灣香腸炸得啱啱好，唔會好油，感覺就好似去左台灣食嘅火車便當！我老婆個淨配菜餐就包五款配菜，佢揀咗青瓜，蘋果，哈密瓜，木耳同埋貢丸，我叫佢再加埋百頁豆腐同埋花枝丸，加餸每款都係$8，一於試埋佢。食落非常驚喜，我哋叫咗中辣口味，原來配落生果食係非常之新鮮！下次我哋會叫埋個鹽水雞撈埋一齊食！鹽酥雞香口唔油膩，同埋佢用咗味粉調味，問過店員，佢哋話係秘製調味粉嚟，我地食完就唔覺口渴，應該唔係味精。呢個晚餐非常豐富，下次一於再嚟！

作為一個喺葵青區長大嘅人，平時除咗去葵廣掃街之外，有時為咗食好嘢都會行遠少少😆 最近聽朋友講，喺葵興新開左間食台灣鹽水雞嘅小食店「咕滋咕雞」，前兩日專登帶埋個女去試吓，食物好有水準，啲員工都好有禮貌，相信我以後會成日行過去葵興買來食🤤今次我哋叫咗鹽水雞🐥套餐A同埋地瓜🍠薯條。套餐A可以揀雞胸腿各半或三隻雞全翼，另選三款配菜+洋蔥。我揀咗齋根、黑木耳同豬耳。 雞胸一啲都唔鞋，好有雞味，雞腿位置就好滑，兩種唔同口感加埋特別好食。齋根吸晒啲汁好正，黑木耳同豬耳都好爽口，所有嘢加埋非常夾。味道方面可以揀濃味、正常、清淡，今次我就揀咗正常，下次諗住試吓濃味應該仲正🤤地瓜薯條即叫即炸，熱辣辣脆卜卜，地瓜薯條甜甜地好特別，我女一開始接受唔到薯條係甜嘅，但係食食吓就同我講好好味，最後俾佢食咗大半包😂

光輝圍呢間新開嘅咕滋咕雞係一間隱世打卡小店咁，裝修得好靚，影相一流！  係買台灣鹽水雞，炸雞既。外賣左一個A餐返屋企食，包括雞，同埋三款配料再加洋蔥，同埋炸雞炸雞經過20分鐘嘅車程仲係香脆，細細粒咁，好似一個好細粒嘅麥樂雞咁，但係比麥樂雞更加香脆，好味！至於鹽水雞方面，配料我就揀咗哈密瓜，魚肉春卷，同埋杏鮑菇，哈密瓜好好味！ 香香辣辣，甜甜地咁樣，又脆，好新穎嘅感覺！個鹽水雞都超Juicy! 又滑又野味💕