咕滋咕雞 (TKO Gateway東翼)

營業中

休息中

我叫咗C餐（中辣，正常味，鹽水雞（半隻），高麗菜（推介），甜不辣（推介），百頁豆腐（推介））寫係寫二人用，但得一兜仔，仲要我係自己加咗花枝丸同兩份冷麵 冷麵分兩次得一份 但味道係OK嘅但真係有啲貴 完全食唔飽

去坑口買外賣，呢間都幫襯過好多次🌸貪佢一直keep到水準，同埋鹽水雞唔係熱食，唔怕拎到返屋企攤凍晒或者索晒湯😎✨門口位置，好多款台式食物揀✨鹽水雞 + 3款配料 $49 + 冷面（+$9）鹽水雞本身配洋蔥🧅，配料揀咗西蘭花、蔥炒豆腐、魚肉春卷，健康好味😍仲有得揀辣度同濃/淡味，我今次揀咗小辣同正常濃淡度👍👍✨台灣腸 （$16/2條）近期最愛😍無一般台灣腸咁油，口感乾身啲，但一樣好味😋其他配料好似甜不辣、鴨血都唔錯；鍾意食蔬菜嘅亦有好多選擇，例如秋葵，蓮藕，高麗菜，青瓜等等🧡係唔錯嘅健康之選

鹽水雞，是台灣傳統的美食之一，以其簡單的製作方式和濃郁的口感而受到廣大食客的喜愛。首先，雞肉可稱得上是嫩滑和濃郁。因為鹽水雞的製作過程簡單，將雞肉浸泡在鹽水中煮熟，所以更顯得配料醬料獨特性的重要。除了雞件之，亦選配了蜂巢豆腐和甜不辣作伴料。蜂巢豆腐索了鹽水和洋蔥汁，吃一口時汁會爆出嚟，充滿水份，一點也不乾。配上甜不辣，除了可以中和味道，更是可以豐富口感。整體的鹽水雞很好吃！味道也符合香港人的味道！

啱啱搬過嚟將軍澳好掛住以前喺葵興食嗰間鹽水雞發現喺將軍澳竟然有分店即刻叫外賣送上嚟係回憶嘅味道😍今次加咗皮蛋，蓮藕同面筋（小辣）味道啱啱好，不過下次可以再辣啲😍另外叫多咗個鹽酥雞肉燥飯俾老公佢話好好食可以encore☺️

外賣台式小食～梗係唔少得呢間！疫情期間多啲留屋企！～黑糖芋圓 $23芋圓好多 好扎實同埋好咬口黑糖又唔會好甜 適合少甜人士成碗size剛剛好 啱晒口痕但唔想太飽嘅小鳥胃😈

呢間雞係平時幫襯咗好多次嘅宵夜😝平時真係覺得好好食呀不過今次唔知點解好似比較淡味，唔知係咪調味料落得唔夠🥹🥹 雖然下次都會再試平時最推薦嘅係隻雞再加三個配菜$80 再配冷面+$8推薦嘅配菜係甜不辣，鳳梨，百頁豆腐😛呢個配搭真係非常好食！！希望餐廳下次調味可以落返足啲😆

路過見到就諗住買份鹽水雞止一止個台灣癮先揀左豬耳，杏鮑菇，雞腎味道揀左小辣同濃味食材本身既味唔夠，如果無汁既話可以話係無味既而我揀左濃味其實個味都唔算好濃，有點小失望但食物份量都可以接受

叫左一個普通的雞胸腿肉加3餸皮蛋 雞腳筋 杏鮑菇 但食到咁上下發現 原來距漏左俾菇我 真係呆左 但無辦法 9點幾舖頭都關左門 想加返已經追究唔到竟然會漏嘢 真係好唔開心大家拿走一定要check清楚

❤️掛住台灣系列❤️今晚食一人前鹽水雞🐔$54+三個配菜+洋蔥🧅🐔雞胸腿好嫩好滑，配菜揀咗鳳梨🍍、蓮藕、青瓜🥒，鳳梨甜甜酸酸好開胃，青瓜、蓮藕爽脆，少辣🌶，調味適中，整體口味好清新。😋

呢度既小型food court好多野食，中式台式西式馬拉式都有，但獨愛台灣美食，揀左呢間黎食。▧ 雞胸腿各半+1隻雞全翼有唔同濃度辣度供人選擇。我就叫左濃味，小辣，食落唔辣，我覺得一般人就叫個中辣食啦。"濃味"都唔係話好咸好濃，我覺得揀呢個ok。配料有好多，我揀咗皮蛋，金菇同埋芋絲。估唔到份量都幾多，足料冇呃秤。▧ 台灣原味雞蛋手抓餅驚喜超好味。即叫即新鮮整起，熱辣辣。熱食最重要係夠熱，香氣先會出黎。唔識形容，但係會令你想keep 住食既感覺，外脆，包住火腿，配左個汁，好惹味，推介。呢邊好多學生嚟買外賣，頗受歡迎，要買就要比少少耐性，因為即整要少少時間。

今日想食個quick lunch，行過街市 見到呢間做雞做得咁受歡迎緊係睇下啦！原來係台灣既鹽水雞黎！仲要有麻辣揀！岩晒我啦！鹽水雞便當$49我就揀左雞胸腿既部位，再加兩個配菜，揀左秋葵同高麗菜！同埋叫左麻辣小辣（加兩蚊），啲雞最正就係冇骨嫁！ 佢撕晒一片片肉出黎好易食！岩晒我呢啲懶人！ 同埋啲肉都好滑，估唔到雞胸位都咁滑！麻辣都好香！配埋啲秋葵同菜吸晒啲辣味，一流！同埋個飯係紅米飯黎，夠晒健康呀！quick lunch人士不妨一試

好少過嚟坑口呢邊，原來呢度有個小型food court，有好多唔同種類嘅嘢食。因為太耐冇去台灣旅行了，好掛住嗰邊嘅鹽水雞，所以見到就忍唔住叫左嚟食。▧ 雞胸腿各半+1隻雞全翼 - 配金菇，皮蛋，芋絲之前食過一間鹽水雞，味道嘛嘛，今次穩陣起見，只叫咗雞胸腿各半加雞全翼小試一下。食落有驚喜，味道同台灣幾乎一樣！我哋叫左濃味，小辣，食落個辣度唔高，一般人食小~中辣完全冇問題。至於”濃味“其實都唔會好鹹，底下仲有少少汁非常夠味。配料方面，我哋揀咗皮蛋金菇同埋芋絲。估唔到份量幾多，皮蛋有好多塊，好滿足呀( ´▽｀) ▧ 台灣原味雞蛋手抓餅 - 加配火腿呢一個手抓餅，好！好！味！新鮮整起，熱辣辣，就算擺咗一陣都仍然係辣手嘅。手抓餅入面有雞蛋同埋美奶滋，配上加配嘅火腿，係幸福嘅台灣味道呀~▧ 跟餐配鮮凍頂烏龍茶就是一般既凍烏龍茶。加配價平一啲。總括嚟講，搵返台灣味道好感動，會為左食佢既鹽水雞特登出坑口，回頭度高！一路食嘅時候，都見到好多學生嚟呢邊買外賣，睇得出呢間係呢頭都頗受歡迎，意外搵到台灣美食好開心。

我自己超鍾意食鹽水雞, 每次去台灣都會買黎食, 經過見到有得食, 當然要支持下啦A餐: 雞胸腿各半, 任選三款配菜+洋蔥 $46可以自己揀辣度同調味揀咗甜不辣, 高麗菜同貢丸, 小辣, 濃味雞嘅份量都算幾多, 肉質都唔錯, 就算係雞胸都唔會好鞋! 而其他配料都幾多, 甜不辣好煙韌, 好好𡁻! 貢丸剪到細細粒, 應該都有兩粒份量! 高麗菜都幾爽口, 配埋醬汁食, 咸咸地又辣辣地, 好開胃, 忍唔住勁快食晒! 不過要留意佢嘅辣都幾辣下, 唔食得辣嘅朋友建議叫微辣/走辣!! 女仔黎講食晒成兜一定夠飽, 如果好肚餓的話可以加埋冷面食添!!

原味手抓餅 +吞拿魚+芝士基本上以上材料加埋都無得輸。芝士味鹹香加上酥脆嘅手抓餅。如果加埋粟米生菜，口感應該會更好。不過略嫌價錢偏貴。$28 食呢個，可以有更多選擇。

前後食咗三樣嘢首先就係鹽水雞 揀咗甜不辣,雞腎同埋 魚肉春捲,麵既份量充足 ,但係味道偏淡 ,如果食開觀塘嗰間嘅話就建議揀返濃味會好啲 ,我唔知係黑仔定乜嘢,我好似食嘅鹽水雞全部都係雞胸肉 , 都幾鞋下 味道 : 2.5/5第二咪係 炸地瓜條佢臨尾加咗啲梅粉,我覺得幾開胃,同埋啲番薯都幾甜呀 味道: 4/5最後一味,真係不得不提,鹽酥雞 食落去覺得好奇怪, 首先食落去冇乜肉汁,肉質又好似淋淋哋咁,又唔係滑,我食咗幾粒鐘於覺得係咩味道呢 好似去麥當勞啲麥樂雞再一開四咁樣拎出嚟炸如果以呢一個價錢黎講,我寧願去食麥當勞啲麥樂雞 個做法都幾新鮮但係唔係我杯茶 。味道: 0.5/5總結:價錢嚟講係吸引,但價錢同質素完全成正比例 除非冇乜錢啦,如果唔係都未必再食