咕嚕啦牛肉麵

近排真系好鍾意食台灣野，去開尖沙咀又search 下邊度有台式餐廳最後簡左重慶大廈隔離的慶方食牛肉麵單點價錢正常，大概$70-$80，加飲唔每杯大概平$5左右，比外面半價加飲品貴左點麻醬雞絲撈麵$65麵條有少少硬，平時涼拌麵條嗰種麻醬都算幾多，可以撈得晒成盤面紅燒牛肉牛筋麵$78紅燒牛肉麵個湯底好清淡，唔算好夠味牛筋同埋牛肉都算多，台灣麵有嚼勁豬大腸同鹽酥雞唔係好夠熱飲品方面大概都要+20幾蚊先有一杯嘢飲，同出邊單叫嘅價錢其實差唔多，加加埋埋成個餐都要成百幾蚊，有啲貴…查看更多

今日同朋友去咗咕嚕啦牛肉麵（尖沙咀）🥢，叫咗全日升級套餐，幾款都唔錯！🤩咕嚕啦牛肉湯麵⭐️⭐️⭐️⭐️⭐️ 🍜 成碗賣相好吸引，牛肉幾厚切，大舊又腍🥩！湯底香濃得嚟唔油膩🤩。配菜有白蘿蔔、紅蘿蔔🥕，炆得好入味，吸晒湯汁✨。粗麵煙韌彈牙，配埋酸菜、溏心蛋🥚，好食！麻辣鴨血紅薯粉⭐️⭐️⭐️入面有兩舊鴨血，煙韌薯粉配滿紅紅湯底，一望已經知夠辣！食耐啲會有啲麻，但個湯底淨係feel到辣🌶️，香味就無牛肉麵咁出，不過鐘意重口味一定岩食😆！多多綠茶仙（＋$23） 呢杯益力多味幾出🥤，同綠茶溝埋酸酸甜甜超解渴🍃 ，飲完即刻好refreshing✨！招牌復刻奶茶凍（＋$23）🧋🥄 台式奶茶香濃滑順，底層仲有黑茶啫喱，一啖奶茶一啖啫喱，好有口感！但飲品都幾大杯，食完餐飯好飽🤰🏻😂…查看更多

見到個職員門口叫賣，睇相啲飯賣相唔錯，坐低電話落單，見收據有加服務費，雖然唔係好明點解咁都收服務費，都算了，擺飯個拖盤有污跡，有啲食物殘渣係度，睇落都唔開胃，衛生欠佳，🤮Ok，食完飯，擺低了筷子，同朋友傾計5分鐘都唔到❓❕個職員突然粒聲唔出，一野抽起我哋2個嘅拖盤，完全冇出過聲 ，一句：我收下啲拖盤. 都冇講過 真係夠嗮有（服務）😊我係欣賞佢冇服務收服務費嘅👍🏿👍🏿👍🏿👍🏿唔會再幫襯就係咁，中嗮伏，十個趣🤪…查看更多

9/1/2025📍咕嚕啦牛肉麵 呢日都唔知食咩好 求其係food court揾咗間睇落冇伏嘅台灣菜試下 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯✨番茄濃湯牛肉麵（$72）番茄味唔算好重 同牛肉味各佔一半 湯底稀身 冇番茄蓉牛腱煮得好腍 一咬就爛👍配菜有蘿蔔同白菜 溏心蛋都幾好食用咗粗麵 份量都正常 ✨滷水牛腱配肉燥飯（$78）牛腱好腍好入味 好啱送飯 都有半隻溏心蛋肉燥飯鹹甜適中 冇乜特別但整體份量偏少 得4塊牛腱 肉燥飯都好少✨甜不辣（$10）每次都會嗌嘅小食🤣正常野✨紅豆抹茶牛乳（$35）甜度適中 抺茶係主角 紅豆爆珠嘅口感好得意 入面煙煙韌韌 👍✨生椰乳楊枝甘露（$35）呢杯好甜 要等啲冰融咗先飲得落 ⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯最後埋單~$260（連加一）全部都係普普通通 係杯楊枝甘露中伏呢個價錢我覺得偏貴推薦指數🌟：2.5/5📍尖沙咀彌敦道36-44號重慶大廈heath慶方地庫S22號舖…查看更多

🥢紅燒牛肉牛筋湯麵 $78麵唔錯 幾彈牙 牛肉唔會好鞋 但湯汁一般 感覺係味粉開出嚟嘅湯🥢香酥雞扒啊拼肉燥飯 $75雞扒係意想不到嘅嫩 絕對係外脆內嫩仲有汁個日嘅飯就真係太差啦 放太多水煮 出到嚟一餅嘢咁痴埋一舊…查看更多

本身以為只係正正常常的牛肉麵，不過個湯底出乎意料地藥膳味好濃，唔怪之得要耐少少時間先上到碗麵。真係好飲，啲牛肉牛筋都夠腍，尖沙咀來說呢個價錢真係可以二刷。其實嘢飲望落都可以，下次都可以試下加錢嗌嘢飲。微辣預警，不過都冇三哥十小咁辣，非常安全。…查看更多

我超喜歡吃牛肉麵，經常周圍去找新開的台式餐廳🍴吃牛肉麵！經過開尖沙咀，臨時突入左尖沙咀魔方，走左一圈下面的餐廳🍴打算去食飯，難得一人me time, 決定繼續食牛肉麵！呢間餐廳🍴係尖沙咀魔方商場入面，一落扶手電梯，落到去轉右邊行前少少就見到一個自動夾麵的超大碗牛肉麵模型！！！！可以手機落單，唔怕社恐！手機搞QR code 下單，點了一個套餐。（全日午市升級套餐優惠11:30-14:30）我點了番茄🍅濃湯牛肉麵（微辣）可以加$23 加招牌復刻奶茶🥤蕃茄湯牛肉麵的湯很濃，蕃茄重！啲湯可以飲哂🥰！牛肉肉質軟，容易咬！啲麵麵都好爽！我係食粗麵，口感👌🏻！全單加服務費10% ，一共是$105你又覺得如何呢？…查看更多

今日行開尖沙咀，去左重慶隔離既地下食肆商場，依家入面整得好整齊多左好多野食，今次見到一間台灣野好吸引就去試下啦叫左兩碗麵同兩個小食咕嚕啦牛肉湯麵🐂🍜首先要講下咕嚕啦牛肉湯麵，真係好正！湯底清澈但又濃郁，餐廳用美國牛肉嫩得嚟又入味。大大塊既牛𦟌每一口都可以感受到牛肉的鮮香，配上彈牙的麵條，好有台灣味道，簡直係心靈的慰藉！紅燒牛肉牛筋湯麵🐃🍜接住嚟就係紅燒牛肉牛筋湯麵，牛筋軟嫩，湯底濃得黎小小辣，每一口都好香。牛肉同湯汁搭配得天衣無縫。華園話梅豬手🐷再嚟就係華園話梅豬手，話梅味道好濃，豬手又滑又嫩超入味，口感正！每嚼一口，都可以感受到話梅的酸甜。咕嚕啦鹵水特色拼盤🐃🐷🐔咕嚕啦鹵水特色拼盤就係另一個驚喜，裡面有好多唔同嘅小食，佢個秘製醬汁淆咗好耐，令到入面既小食都超入吸每樣都好有味道。大腸，牛柏葉，豆腐吸咗鹵汁，雞翼又香又入味，而且份量好足！🤤生椰乳楊枝甘露🍹飲品方面，我試咗生椰乳楊枝甘露，簡直係夏天嘅完美搭配！椰奶嘅香甜同芒果嘅果香，搭配得恰到好處，飲落去好清爽，特別適合炎熱的天氣，真係一試就愛上。醇濃紅豆抹茶牛乳🧉再嚟就係醇濃紅豆抹茶牛乳，紅豆同抹茶嘅味道真係完美結合，口感醇厚，唔會太甜，飲完心情都變好！甜品：椰汁芋圓仙草凍🍨最後要講嘅係椰汁芋圓仙草凍，真係好清新！椰汁香滑，仙草凍又Q彈，芋圓更係完美搭配，食完好滿足，完全唔會膩。食到正宗台灣美食，食完真係心滿意足，而且每一樣野份量都係好多好抵食😋…查看更多

今日在尖沙咀做完Facial按摩，一個人萬無目的咁周圍行去搵食，見未行過入重慶大廈Health慶方地庫，即管行一行，原來裏便好多食店，行咗幾個圈，見呢間牛肉麵店人流午市過後尚算旺，於是入去試吓食個麵！整體質素都滿意… 叫咗牛肉麵 牛展大大塊又入味，湯底味濃 啱我口味，只是一個人食唔到多嘢，下次會再嚟試吓佢哋嘅鹽酥雞及其他美食😋除食物質素外 ，店員服務態度非常友善，食店環境乾淨衞生今時今日 真係要靠你哋用心做 贏番啲香港人留港消費.. 加油！…查看更多

之前見到明星社交媒體網站話開咗間麵店佢仲話每樣嘢食自己都有親身試過自己本身都係一個嘴刁的人經過尖沙咀就試吓因為本身都鍾意食台灣嘢首先嗰碗麵嘅湯底我覺得唔夠濃比較淡 之前食過好多間牛肉麵湯底都比較濃郁跟住個碗崩咗都照用 個餐有跟半隻糖心蛋一咬落去 卡一聲 原來雞蛋有雞蛋殼 （有圖片為證）價錢偏貴 今次仲帶咗老公試食成程飯佢都話有中伏了人均一百幾蚊連嘢飲 已經係午餐優惠尖沙咀同一個價錢 應該有其他更加好的選擇只此一次:(應該唔會再有下次了老實講真係有啲失望…查看更多

70+基本咁上下，仲要+1。量都唔噻緊，睇圖都知有幾少。味道真係不知所謂。如果仲未試既朋友應該都唔需要試啦。避雷先。唯一可以提一提就係牛肉夠大塊，但係加加埋埋一共三塊。…查看更多

睇到有人寫話唔貴/CP值高/最好食既牛肉麵/舒適？？？我真係成頭問號⋯⋯Lunchtime 去叫左一碗半筋半肉麵，加杯仙草奶茶$106比起我平日响中環食鐵牛已經貴一截到店員print番張單俾我，先見到仲要收加一▶️自助點餐▶️茶/水欠奉▶️請到櫃檯埋單請問收多$11就係俾店員捧出個麵出嚟？咁我建議你搞埋▶️自助取餐樓下有人寫係food court, 都形容得幾好因為我覺得係坐緊（室內）路邊攤食物方面：🧋標榜「百年鐵觀音奶茶」茶味淡到一個點🍜牛肉三片正常水準，牛筋唔夠入味，麵同湯都合格，最好食係嗰兩舊紅蘿蔔後話：隔離檯同胞，三大三小走左單都無人留意過咗成十分鐘先聽到店員A問店員B檯客找左數未呢件事證明左呢間餐廳幾有服務連咁多個人走左都無人知餐廳當然有定價自由，但值唔值呢個價又係另一回事Btw, 因為我望到正廚房，仲見到有人叫飯餐碟扒係叮完先拎出嚟，咁應該係一早炸好晒再翻熱以過百蚊一個lunch set 嚟講，我就接受唔到喇…查看更多

試了咕嚕啦牛肉麵+幼麵🍜湯底還可以，是有一點藥材味的那種，熱辣滾燙端出來，很不錯。牛肉很大塊肉質也很不錯，很喜歡吃，下次更想試試看紅燒的，應該很香。朋友們都點了飲料因為太飽了所以沒有試，跟餐點飲品應該很划算。下次一定要試試看！…查看更多

話說因為物理治療（係呀我兩篇都係因為物理治療黎尖沙咀）所以係附近搵野食。係呀，又係明星開既舖頭，其實只係咁岩得咁Q架咋，食左search發現係以前幾鍾意既女歌手開既，佢既某幾首（好似得幾首其實）都好紅。扯線風箏呀:):)第一次去食一個人就嗌控肉肉燥飯加生乳椰芒楊枝甘露，外加小食滷水牛肚:)。價錢就見人見智，畢竟負擔能力唔同。個飯非常好食，唔係一般出面罐頭，我好欣賞佢有啲紅蔥碎增加層次口感，亦令個飯更清新。飯唔太硬唔太軟，因為肉燥較濕如果飯都太淋成件事就會錯晒。控肉控制岩岩好，太淋唔得太硬唔得，加上入味，非常得我心。好，重頭戲黎啦，係個小食。滷水牛肚個汁比坊間甜小小，牛肚淋淋的入味，勁好送飯添，好耐無食過咁好食既牛肚，真係必點項目。飲品就...一般啦，唔係唔好飲，但係可能真係比個牛肚既驚豔蓋過左。第2次係岩岩7日後。今次朋友做gym，我都係物理治療（同一間黎），中間有時候我地食個飯先，就帶佢再訪呢到。今次佢食烤雞扒肉燥飯，我就試牛寶（牛筋牛展）麵，可以揀粗定幼麵。我揀粗麵。湯底微辣但唔會蓋過湯既味，牛筋唔會太淋唔會太韌，粗麵掛湯，牛展反而覺得可以淋小小，因為佢係厚切（好事黎既）。我嗌左杯芋圓芋泥奶，都係一樣，不過不失咁lor。服務唔錯，第一次個哥哥比印花卡我，我仲過好少黎唔使，不過佢話一年既keep，咁拎左估唔到咁快就黎，就又吸左印仔。推薦級數係：可以一戰，唔會失望但係唔會突登出黎為左食佢咁解，但係經過開會黎食既。…查看更多

今日試吓重慶大廈商場附近商場嘅餐廳。餐廳唔係好大，但座位尚算舒適，用QR code落單主打台式餐飲。滷水牛腱拼肉燥飯$78滷水牛腱同肉燥飯係分開上嘅，肉燥飯味道唔錯，肉燥口感濕潤肥美，但又唔係半肥瘦，而且有甜香嘅醬汁味道，配上軟身嘅白飯，惹味可口。滷水牛𦟌嘅份量唔少，而且口感軟滑，帶一些厚度，滷得相當入味又唔會好鹹，送飯一流。原味奶茶+$18這奶茶大大杯，茶味比較重，奶味唔太重，加上輕甜風味，質地唔太稠厚，是台式奶茶風味。…查看更多