和食屋 (榮福中心) (已結業)

聯和墟賣壽司既舖頭小之又小，平民小店黎講整體味道算很好👍🏻提議貴店可以加啲盛合款式或者1-2人既套餐多啲選擇，今次外賣速遞始終都係比較貴，下次都係外賣自取算🥲。

呢間之前係舊墟，搬左去榮福商場，勁近我，覺得聯和墟有壽司小店咁高質真係正，一想食日本野就近近地食到！佢既壽司都唔係好貴，有基本壽司，仲有多左炸物，不過炸物就要等耐d，試過都好食既。今次係OpenRice 叫外賣自取，揀完比完錢，夠鐘就去拎，勁方便今次一個人食，叫左鰻魚飯$40，5件壽司，再加個芝麻八爪魚前菜。一共$91個人認為都好抵食第一次試佢個鰻魚飯，4個大大舊鰻魚，都幾厚肉！$40都算抵食！睇相都見到壽司都新鮮，希靈魚都好爽口。

愛上壽司小店，屋企附近嘅 #和食屋，性價比高😌！睇下啲飛魚籽、三文魚籽、刺身幾靚幾生鮮😍！款式都算多，有好多選擇。和食屋由兩個後生仔負責，唯一唔好就係等耐啲，不過，即時製作就係要耐心等候😊，記得提早 whatsapp 落單。

我知道到呢個時候仲有得Work from Home係一件好幸福嘅事而我一個禮拜仍然係有三日Work from Home咁代表我有三日要諗吓lunch外賣食乜嘢而我又咁幸福身處喺美食天堂聯和墟今次就試吓同區入邊第二間外賣壽司舖叫咗三文魚。劍魚腩。油甘魚。炙燒三文魚。首先全部壽司都好新鮮燒三文魚有另外用個盒裝起值得一讚壽司豉油同埋Wasabi大量唔使擔心唔夠講返壽司先每一種魚都係好新鮮好肥美要keep住我覺得唯一美中不足係壽司飯太凍唔夠醋酸味同一個問題好多時都會係街坊壽司舖身上發現總括而言我有決心戒左唔食品牌連鎖式壽司店希望同區小店可以做好啲我有我嘅堅持你哋都要堅持你哋嘅品質保證加油💪🏻

近期，屋苑商場仔有一間新開的壽司外賣店。我已經叫咗三次外賣，而每次都係用WhatsApp落單。這個方法，簡直岩晒👉🏻我這種唔想等外賣既人。放工落定order，搭車返到去，隨時可以拎走。壽司種類都算多選揀，我就鐘情炙燒帆立貝、加州大卷、黃金魷魚軍艦、炙燒三文魚手卷、希靈魚壽司。而價錢都唔係貴，街坊價。如果佢哋有埋炙燒三文魚鮫或油甘魚鮫咁就完美啦！不過，以聯和墟內冇乜日本餐廳，這間外賣壽司店係區內既新星我會繼續支持！