影片
港鐵銅鑼灣站 A 出口, 步行約5分鐘
繼續閱讀
附加資料
提供自取外賣
營業時間
星期一至日
11:30 - 22:30
以上資料只供參考, 請與餐廳確認詳情
食家推介
叫做"食堂"這樣平民化，用料卻又優質，這裏用的牛肉全是鹿兒島A5黑毛和牛，連放台面的茄汁芥辣都是日版的。餐牌item不多，但漢堡，牛扒，肥牛，飯，烏冬都有。價錢由數十到百多元不等，非常親民。試了它們的漢堡，是日本風格的漢堡扒，牛味不濃，鬆化無筋，非常juicy，夾在下面的洋蔥是十分鮮甜，只有簡單調味的漢堡扒，再加些芝士，不用醬汁，已經很好吃了。另外也試了凍烏冬，肥牛質素不用多說，烏冬質感也彈牙。很細心呀，有防油防漏紙袋吃漢堡，尤其是吃這些juicy漢堡。
繼續閱讀
呢間和牛食堂係你地推介比我,我真係特登去試嫁.主打廉價和牛食物.成個MENU入面最貴既牛扒丼都係$138~~塊牛扒當然唔會厚得去邊,因為呢個價錢無理由有200G和牛扒比我既,但起馬食得出係真既和牛薄牛扒.油脂豐富,牛味濃郁,配上甜甜地既醬油,味道的確唔錯.不過好似食唔飽咁,有點到喉唔到肺~~有機會試下個$88和牛漢堡先.
繼續閱讀
466 瀏覽
「和牛」是上等食材+ 「食堂」是平價開飯地點, 兩者應該不可能結合。巧遇這家開業不久的「和牛食堂」, 立刻沖入去睇下和牛及食堂真的可以並存?食堂門面不太顯眼, 店名及logo都好迷你。有些隱世餐廳的味道。食堂面積不太大, 只能容納5張4人枱。食客的裝潢不太特別, 以黑色為主調, 佈置簡約。餐牌只有1張, 食物選擇不算豐富, 但勝在每款和牛菜式都只要幾十蚊, 十分超值。不少餐廳賣的和牛都是澳洲和牛, 但這食堂如假包換用上日本宮崎進口的A5黑主和牛, 堂主更加寫出當日使用牛隻的編号, 保証無花無假。坐於窗邊唯一的小圓枱, 枱上用上紅×白色並印有食堂標記。好期待平價和牛的味道!和牛烏冬$68大碗內只有半碗烏冬及幾片和牛片, 賣相認真單調。湯頭小小牛味及甜味, 一貫和風口味。烏冬口感QQ, 主角和牛果然美味, shabu shabu入口即溶的感覺。略嫌和牛薄身及份量少。原味漢堡$98約150g重的漢堡扒用上多個牛隻部分製作而成, 因此口感特別豐富。入口冇渣冇根，而且多肉汁，非常美味。從半開放的廚房可以透視師傅在煎漢堡前不停地拍打漢堡, 相信這手法令漢堡扒更加鬆化。另外, 聽到師傅用日語交談, 日本人做和牛漢堡感覺更加正宗!漢堡包內的配料同樣重要, 配搭得宜更加可以綿上添花。這裡的配料不算得上豐富, 只有西生菜、蕃茄及洋蔥。口感不太豐富, 幸好蕃茄及洋蔥輕輕的燒香了, 味道尚算不錯。食漢堡包薯條當然不可缺少。這裡用上薯角, 即叫即炸熱辣辣。表面灑上不少調味粉, 略嫌太重口味。堂主送上的茄汁及芥末醬, 同樣來自日本, 一絲不拘。加十蚊有飲品, 揀左和風的凍綠茶及洋風的可樂。平時食個和牛漢堡, 最少要百五蚊(重要係唔肯定真係來自日本)。這裡一百蚊有找, 原來食個A5日本和牛都不過一百, 抵抵抵!!!
繼續閱讀
嗰日行完街市，求其入左去啲間小店食lunch. 竟然有驚喜，冇諗過幾十蚊有和牛食。心諗係真唔係真。 日本老闆同我地講佢地每隻牛都有編號，所有嘢都響日本運返嚟。 我望一望真係連茄汁都係日本版。 講返食物質素，order 左壽喜燒和牛飯，食得出係唔同普通嘅牛，牛肉味香濃，
配菜精緻好味！honey叫左和牛咖哩烏冬， 咖哩鹹淡適中，烏冬好滑，啲牛肉唔駛講都係水準之上。雖然兩樣正餐都好好食，不過大食積如我，都係要叫返個甜品先夠飽。叫左綠茶布甸同瑞士卷。 老闆話要我試真啲瑞士卷裡面嘅cream. 食完就知點解，真係比一般香滑， 但係我都係鐘意個綠茶布甸多啲，可能係我鐘意有嗰種甘甘地嘅香濃綠茶味嘅甜品， 而唔會只有奶味同甜味。 不過我强烈建議老闆應該俾我地，可以加錢加牛肉份量。
繼續閱讀
和牛食堂@#foodki銅鑼灣A5和牛丼(8/10)($138)無意之間係銅鑼灣見到呢間由日本人開既隱世食店，食堂係時代廣場格離街，其實都算係好方便，主打以超值價錢食A5和牛。當日食既係宮崎縣黑毛和牛，店家直接入口成隻和牛到香港。一個A5和牛扒丼只需＄138，真係超值，質素絕對超班。雖然塊牛扒有啲薄，但真係超級正，日本師傅煎到五成熟，睇到入面紅紅地真係超級正，肉味濃超爆多汁，油脂多，加上自家制既醬汁撈日本珍珠米，真係非常滿意。佢地係塊牛扒上放左塊新鮮牛油，令味道有啲變化，但其實foodki覺得無牛油味已經非常好味😍。和牛芝士漢堡(8/10)($95)係銅鑼灣以A5和牛做主打既隱世和牛食堂，日本師傅主理架，上次食左佢地既A5和牛丼，今次介紹佢地既和牛芝士漢堡。今次既和牛都係官崎縣黑毛和牛。講真以$95食到超優質既日本進口和牛，真係只可以用抵到仆街黎形容，注意$95仲要包埋薯條wo。和牛漢堡扒極juicy，但佢同美式既漢堡扒有啲唔同，係比較嫩滑，但牛味比美式漢堡有過之而無不及，可能係因為和牛既脂比例較高既關係。 加上芝士，漢堡真係非常好味，一塊頂級既漢堡扒足以支撐成個漢堡包，盡管漢堡包同生菜唔算係最高級，一塊漢堡扒已經贏曬。
繼續閱讀