374
15
31
餐廳: 和牛燒肉一郎 (百誠大廈)
優惠: 於此國泰夥伴餐廳用餐賺里 !
國泰會員用餐消費最高可賺取HKD4=3里數。受有關條款約束。
條款及細則:
  • 會員每次可賺取「亞洲萬里通」里數之消費額上限為港幣10,000元。
  • 會員凡於國泰夥伴餐廳用膳,每消費港幣4元可賺取2里數。
  • 渣打國泰Mastercard®客戶可享餐膳里賞(每港幣4元賺取2里數)及基本餐飲類別之合資格簽賬獎賞( 每港幣4元賺取1里數),即合共每港幣4元賺取3里數。
  • 賺取之「亞洲萬里通」里數將根據餐飲與膳食消費,包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後7個工作天內存入會員的賬戶。
須受其他條款及細則約束
港鐵佐敦站 A 出口, 步行約2分鐘 繼續閱讀
所有分店 (4)
電話號碼
27368218
66136688 (Whatapps)
開飯介紹
高質日式燒肉放題店和牛燒肉一郎全港首推使用「和牛識別番號」,和牛來源及背景一目了然,確保食客享用真日本和牛,品嚐真正滋味。全港首創「燒肉新幹線」的智能化送餐模式,送餐更快捷衞生。 繼續閱讀
附加資料
接聽/whatsapp回覆訂座時間:12:00-18:00
營業時間
今日營業
12:00 - 23:00
星期一至日
12:00 - 23:00
付款方式
Visa Master AlipayHK 支付寶 現金 AE 銀聯 微信支付 OpenRice Pay
座位數目
150
其他資料
網上訂座
加一服務費
當面支付
以上資料只供參考, 請與餐廳確認詳情
有關獎賞計劃
優惠
餐廳: 和牛燒肉一郎 (百誠大廈)
優惠: 國泰會員用餐消費最高可賺取HKD4=3里數。受有關條款約束。
條款及細則:
  • 會員每次可賺取「亞洲萬里通」里數之消費額上限為港幣10,000元。
  • 會員凡於國泰夥伴餐廳用膳,每消費港幣4元可賺取2里數。
  • 渣打國泰Mastercard®客戶可享餐膳里賞(每港幣4元賺取2里數)及基本餐飲類別之合資格簽賬獎賞( 每港幣4元賺取1里數),即合共每港幣4元賺取3里數。
  • 賺取之「亞洲萬里通」里數將根據餐飲與膳食消費,包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後7個工作天內存入會員的賬戶。
須受其他條款及細則約束
食評 (451)
等級4 2023-03-28
2006 瀏覽
呢排都食左幾餐燒牛,而"和牛燒一郎"可算是燒肉放題其中一間抵吃又高質的燒肉店, 所以間唔中都會幫襯吓。餐廳以木為主調,座位寬敞舒適,令人感覺舒服。120分鐘 精選牛肉放題$448~包特選牛肉25款, 另有牛舌, 牛肉刺身,日本豚肉,豚肉,雞肉, 海鮮和野菜等102款燒物,飲品和甜品也是任飲任食。客人自助區排列得井井有條,整齊乾淨,分為Salad bar, 自家製水果茶,各式罐裝汽水,甜品和多款日本雪糕和雪條。店員首先會送上一隻舟 。盛合和桶。盛合,其他食物均由客人自己以手機落單。舟。盛合~有牛里脊肉,牛肋肉,牛肋條 ,蝦,扇貝,日本豚肉,冬菇和翠肉瓜。桶。盛合~有牛肋肉,牛里脊肉,雞肉,日本豚肉,南瓜和冬菇。牛里脊肉和牛肋肉口感軟腍,牛味香濃,肉汁豐富。扇貝和蝦肉質爽彈,鮮甜美味。南瓜,翠肉瓜,茄子和冬茹鮮甜美味。牛舌其實都有5款選擇,我揀了厚切牛舌,兩色葱花牛舌和薄切上等牛舌芯。厚切牛舌~口感爽脆,十分juicy, 好正!兩色葱花牛舌~配上洋葱和葱絲十分惹味。薄切上等牛舌芯~牛舌芯肉質嫩滑,不宜燒得過熟。大判壽喜燒牛里脊肉~薄薄的一大片,以壽喜燒汁蘸過,每邊輕炙數秒即可,有咬口和嚼勁,牛味濃!炙燒伴生牛肉~牛肉不是全生,輕輕炙過,以蛋漿伴混更嫩滑可口。最後食埋甜品真係好滿足。明治白桃烏龍雪條~外面是白桃味的冰條,包住綠茶味的雪糕,非常清新滋味。鲷魚燒~以鯛魚燒薄脆外層包住雲呢拿雪糕和紅豆蓉作餡料,得意又好味。甜品還有各式布丁和日本蛋糕仔,細細杯可以試多幾款不同口味。 繼續閱讀
(以上食評乃用戶個人意見 , 並不代表OpenRice之觀點。)
聽朋友說來這裏吃牛肉一定要準備好一個極餓的肚子, 呢度雖然算係自助餐, 但係食材卻極其優質, 當日供應嘅和牛產地、等級同和牛識別番號,食咩嘢都一目了然!我今日就要食盡佢地出名的日本產和牛! 我就一於揀D餐因為已經包含海陸空元素:120分鐘任食日本產黑毛和牛放題+ 海鮮9種類 及極上花盛合, 仲要食齊9款黑毛和牛,25款精選牛肉,豬肉同雞肉!職員會先送上頭一輪食物,之後要添加就用手機掃code自助落單,非常方便。送餐係用燒肉新幹線, 高科技又衛生!極上夏多布里昂夏多布里昂其實係拿破崙的外交大臣, 佢最愛吃的,「沙朗」Sirlon 下方更柔嫰的一塊肉,也就是腰內肉(tenderloin)。這在牛身上是最少的,最嫰的,也最貴的一塊肉。整頭牛也不過只有五、六磅的這種肉. 所以可以知道呢一片肉有幾咁珍貴! 非常之有牛肉味, 就算燒過火依然保持嫩滑!是日寶箱一片雪花肥牛, 只要輕輕在火爐上兩邊烤一下, 便可立即入口! 而且入口即溶! 四種類和牛階段盛包括和牛西冷、和牛肉眼、和牛里脊肉同和牛牛肋條,全部經典!極上花盛合將牛肉捲成花嘅形狀,放在精美嘅日式漆盒裏面非常精緻。而肉方面包括和牛肋肉、和牛里脊肉、里脊肉、牛外橫膈膜、豚肋肉等,全部清清楚楚童叟無欺!舟•盛盒用木船裝載海陸空食材包括帶子、蝦、牛里脊肉、牛肋肉、牛肋條、五花肉、雞肉等! 桶•盛盒木桶有乾冰,上枱時仙氣飄飄充滿電影感! 包括牛肋肉、牛里脊肉、豚肉和雞肉。多款食物任食任點食完以上頭盤應該可以撐爆你個肚,如果閣下有過人能力的話仲可以以繼續在過百款食物中用手機任點任食、我就再encore蒜蓉牛油海蝦同帶子! 呢度仲有沙律吧, 甜品吧, 可樂任飲! 平日一至四收HKD888, 五六日收HKD938. 繼續閱讀
(以上食評乃用戶個人意見 , 並不代表OpenRice之觀點。)
▪︎Course C 日本產黑毛和牛放題及極上花盛合 當中包括日本4款黑毛和牛、25款精選牛肉、日本豚肉、雞肉、9款海鮮及大量任食食物。 和好多燒肉放題一樣,未開始scan QR code落單已經上到成枱都係食物! 第一樣要講嘅當然係個是日寶箱,非常有gimmick用個寶箱裝著一大塊和牛西冷,牛肉的雪花紋分佈均勻,肉質顏色鮮嫩,燒完後滿滿油脂香。 之後要講下個大判壽喜燒牛里脊肉,鮮紅色的薄切牛里脊肉燒熟後可以點上壽喜燒醬汁溫泉蛋食用,蛋汁包住哂啲牛肉,又滑又香。但個人較推薦什麼也不點,因為塊牛好香牛肉味,就咁食已經好好食,完全食到牛肉的原汁原味。最正係原來可以係QR code再落單,我同朋友都忍唔住叫多一份。 舟盛盒、桶盛盒和極上花盛盒賣相非常吸引,仲撒上金薄裝飾😂,當中的肉類都差不多,分別有牛肋肉、牛里脊肉、日本豚腩肉、雞肉及海鮮等,海鮮都好新鮮,豚肉及雞肉燒至香口也好好食,完全唔輸牛肉。兩款醃漬牛肉醃漬完後更juicy。 作為牛舌愛好者的我當然要叫牛舌,喱度牛舌有好多款,有厚有薄,我地差唔多全部都點哂,個人最喜歡鹽味薄炙蔥花牛舌,燒完帶點脆口同時又保持牛舌的嚼勁,非常好食。 另外亦點了兩款生牛肉刺身,牛肉刺身鮮甜美味,還有和牛肉生菜他他,牛肉醃漬後好甜好滑,每份都有隻大雞蛋黃,撈完之後蛋汁仲多過牛肉😂,店舖可以考慮改用下鵪鶉蛋比例會更好,但都好好食。 店裏除了QR Code 任點食物外,其實仲有好多自助食物,當中有沙律、自製甜品杯、多款特色果汁汽水、軟雪糕機、爆谷機、及最受矚目的日本雪條櫃,好癲,有成10款雪條可以任食!!! 喱度其中一個賣點係QR code order完食物之後會由自動化路軌送過黎,好好玩😆 其實menu仲有好多野都未叫到,但只係食佢個set包嘅食物再加叫少少野已經飽都癲,如果多啲朋友黎一齊食應該可以叫IG:cravingforfoodhk 繼續閱讀
(以上食評乃用戶個人意見 , 並不代表OpenRice之觀點。)
又到聖誕,又到聖誕🎄🎄~大時大節梗系要同親朋好友食好D慶祝🎉!想食咗和牛燒肉一郎好耐,今日終於book到位🤩,當然要食好D。入門已經被隻勁仿真嘅牛🐄驚艷到,然後見到勁大塊牌寫明今日供應嘅和牛產地、等級同和牛識別番號,食咩一目了然😋!既然今日D牛咁靚,就點D餐日本產黑毛和牛,滿足地過節啦!▶️D餐:120分鐘任食日本產黑毛和牛放題+ 海鮮9種類 及極上花盛合💐(💰星期一至四 $888 / 星期五至日 $938 / 小童$648)哩個餐真係大包圍,食齊9款黑毛和牛,25款精選牛肉,豬肉同雞肉更不再話下,最重要系可以食埋牛肉刺身,咁豐富,聽日先再諗點減肥啦🤣~未燒前職員會先送上頭一輪食物,之後要添加就掃code自助落單👩‍💻,非常方便。食之前要介紹下條「燒肉新幹線」智能化送餐🚄,通過QR code落嘅單會通過新幹線送達,方便又乾淨,帶小朋友嚟仲開心👨‍👩‍👧,因為佢哋最中意玩智能送餐,真係吾怕悶親😉~✨極上夏多布里昂✨聽個名都知道系牛肉中嘅王者吧!關於夏多布里昂嘅故事就吾贅述,但係哩個牛腰內肉嘅稀少部位,肉質絲滑軟嫩,紋理細膩,係牛身上是最少、最嫰、通常係最貴嘅一舊肉,食完今餐已經值回票價。✨是日寶箱✨名副其實真係用寶箱送上枱,打開裡面有乾冰飄出,仙氣十足。盒裡面系黑毛和牛西冷,睇D marbling已經知道有幾靚。因為哩片牛都容易燒過頭,影響肉質同口感,所以職員會幫手燒埋。整塊放在烤網上,見到兩邊表面開始轉色即可食用。入口彷彿融在口中一般,每一口都擁有濃郁的牛肉香氣,肉質嫩而多汁,冇得彈!✨4天梯✨包括和牛西冷、和牛肉眼、和牛里脊肉同和牛牛肋條,最靚嘅部位都一次過比食客試曬,之後就可以根據自己喜好再encore落單。而不得不讚個西冷同肉眼真係勁高質,油脂豐富,呈現勁靚嘅霜降紋理,口感嫩滑,真係可以無限encore。✨極上花盛合✨將牛肉捲成花嘅形狀,愛美人士表示打卡都打咗好耐。而肉方面包括和牛肋肉、和牛里脊肉、里脊肉、牛外橫膈膜、豚肋肉等,非常豐富!✨舟•盛盒✨話說哩個打卡真係冇得輸,用木船裝載帶子、蝦、牛里脊肉、牛肋肉、牛肋條、五花肉、雞肉等,試足海陸空食物,大滿足!經理行過時仲教我哋海鮮可以點燒先靚,真係學到野!✨桶•盛盒✨木桶有乾冰,上枱時仙氣縈繞,包括牛肋肉、牛里脊肉、豚肉和雞肉。✨118款食物任食任點✨食完以上頭盤,還可以繼續在過百款食物中任點任食,講真食完頭盤已經飽飽地,仲已經試曬所有最靚嘅肉,好幸福啊~任點食物裡面推薦頭盤裡沒有嘅和牛刺身、蒜蓉牛油海蝦,非常不錯!✨自助吧✨應該系我在香港見過最多野食嘅自助吧了!除了和牛和熟食,哩度有多款沙律、冷熱飲品、日本雪糕雪批、各款甜品甚至爆谷供應。特別推介西瓜紅莓茉莉茶~📣總結:超適合牛魔王🐮,食材矜貴,環境一流,想一班人柴哇哇開心暢聚又得,想人少少安靜傾下計都得!年尾好多gathering,快D比個機會好好pamper下辛苦咗一年嘅自己啦! 繼續閱讀
(以上食評乃用戶個人意見 , 並不代表OpenRice之觀點。)
餐廳環境幾舒服,幾寬敞,唔似平時食開果間得塊膠板隔住。食物有啲係店員送上,有啲會經輸送帶自取,擺盤賣相好靚。第一次黎試下Course B $448,25款精選牛肉,連埋海鮮,雞,豬,蔬菜,熟食炸物等總共有102款,選擇都好多。當中有唔少不常出現在一盤燒肉店的選項,例如牛刺身,牛外橫隔膜。首先上枱的是Course B預設的桶·盛合與舟·盛合,有雞肉,腩肉,牛肋肉,牛里脊,帶子以及蝦。擺盤幾靚,食落都正。之後當然要試下牛刺身,有款係似薄切牛扒,外層熟,內層生,食落都幾嫩。另一款特選拌生牛肉,用雞蛋拌匀,口感順滑,牛味幾濃。多款牛肉之中,薄切牛里脊大大塊賣相吸引,不過放落網有少少痴,反而厚身啲既牛肉燒得更靚。當然食落既質感都唔一樣,試左好多款,好滿足。牛肉之外,我覺得海鮮都好吸引,廣島蠔肥美,帆立貝大隻。熟食炸物都唔錯,吉列蠔吉列蝦都幾脆口,炸粉唔會太厚。最後忍唔住叫埋個水冷麵同和牛壽司,都唔錯。到最後既最後,當然係食甜品,望住個雪條櫃,款式同級數望落都高級過一般燒肉放題餐廳,真係想瘋狂食晒咁多款,能力所限只係食到三枝…其實除左雪條,個甜品櫃,飲品區都幾多選擇,除左罐裝飲品,有幾款果茶,感覺幾健康。.今次食Course B 都好滿足,但見到餐廳有日本和牛識別號,産地係鹿兒島同宮崎,再望到個牛肉櫃同處理房,下次想比貴啲試下Course C/D 繼續閱讀
(以上食評乃用戶個人意見 , 並不代表OpenRice之觀點。)