9
3
6
開飯介紹
裝潢以木為主,氣氛昏暗,環境如一家高級料理店。菜式賣相講求精緻,更專程從京都請來據說是日本御廚後人,而且經驗豐富的日籍師傅安達芳博坐鎮,水準有保證。 繼續閱讀
特色
同客食飯
附加資料
暫時只開晚市。
營業時間
星期一至日
12:00 - 14:30
18:00 - 02:00
付款方式
Visa
其他資料
深夜營業
招牌菜
穴子百合丸 自家製鰻魚 赤豚角煮 松葉蟹沙律
食評 (20)
等級4 2008-08-17
53 瀏覽
昨日跟同事原本想去壽司亭點知內部裝修,去到和幸又只有BAR位.由於唔想再行咪去和幸囉!我要了手打烏冬壽司沙律($68),沙律仍然新鮮好味.至於手打烏冬真係差過10元的烏冬,唔好味道,壽司有油甘魚八爪魚和加洲卷也魚生唔夠新鮮.最好還是那個芝麻雪糕.唔知係咪現在多左人,所以呢上菜勁慢,我這個餐也等了20分鐘,隔離有人仲等到CANCREL單.服務好唔得,話唔想坐BAR位,經理的物體話你唔坐無架啦喎!態度勁度,同以前少人食時差天共地,如果再唔改進,得罪晒客人,無人再幫襯的了,最最重要是食物質素都差埋,我真係諗唔到點解要再來食了 繼續閱讀
(以上食評乃用戶個人意見 , 並不代表OpenRice之觀點。)
等級2 2008-08-16
19 瀏覽
佢初初開時我已經去過,嗰陣時成間嘢得兩三檯客。嗰陣真係幾好味,亦睇住師傅好用心做燒物。跟住我 keep 住一個月去一次左右。近兩三個月因去旅行及工作忙而無去。早幾日再去,點知又加價又縮水。原本加價係 OK 的,因通漲影響貨價我都明白,但一來加幅幾大,二來用的手法好狗囉。以前我最鍾意食佢哋嘅燒牛舌,一串四塊好似賣 $28,每塊約 1.5 x 1.5 寸,而且都有番三分厚。而家加到 $32,每塊縮水到 0.75 x 1 寸,仲薄到豬頸肉咁,真係好離譜吓!燒雞翼仲衰。我唔記得加咗幾多價,都算啦。我唔記得分量,於是問個 waiter 一串有幾多隻,佢答兩隻。到上台時,我心諗佢哋去邊度搵咁細隻雞?乜隻翼咁細嘅?原來唔係,佢哋將一隻雞翼打橫切開來燒當兩隻!仲有無狗啲?碗和牛烏冬加到 $146 一碗!而且啲稻亭烏冬已經完全無晒以前煙靱的感覺。唔係差,只係普通料。但 $146 碗喎!淨稻亭烏冬佢哋都賣緊 $88 碗喎!咁嘅料?總之食完呢餐,完有有種「睇住佢大,睇住佢壞」的感覺。我諗我唔會再去了。 繼續閱讀
(以上食評乃用戶個人意見 , 並不代表OpenRice之觀點。)
等級3 2008-06-16
16 瀏覽
好多朋友都係去和幸食烤肉,今次我同朋友去和幸食小料理(即係唔係烤肉囉~)!兩個人其實都唔係肚餓,所以都係叫左兩個套餐,大家一齊食,咁可以一齊試到兩個餐d野食麻。一個係6件壽司+魚生飯+湯+沙律+甜品;另外一款係蕎麥冷麵+4件壽司+甜品。d壽司好甜好新鮮,尤其是係我呢排既牡丹蝦,真係好味,食極都唔厭!個冷麵彈牙同埋夠凍,呢樣好重要,如果唔凍既話就唔可以合格成為冷麵;太凍就凍親自己,一樣都唔合格即!魚生飯都得到朋友既喜愛而我依法係順既忠極粉絲,真係無咩野可以令我變心。甜品係豆腐雪糕,我唔食凍野既都食左半杯,好野黎架!呢間既佈置同格局都好細心,連檯面既墊紙都係用日本和紙,而且佢都用好多半透既屏風,去隔開每張檯,令到每檯都有自己既空間!嫌唔夠空間?佢仲有d係4個人既房仔都好唔錯架! 繼續閱讀
(以上食評乃用戶個人意見 , 並不代表OpenRice之觀點。)
等級4 2008-06-16
12 瀏覽
呢篇文章係為我的心水餐廰而冩, 和幸小料理 , 加油!黃金廣場有好幾間食店, 樓下“一門” 好多笑臉,咪去食吓,坐係當眼位置都無人斟水, 嘢食都好普通, 真係唔明白點解鬼咁多笑臉. 反而呢間和幸小料理有D驚喜.上個月發現咗呢間和幸小料理, so far 嚟過4 次食lunch, 水準都幾平均和令人滿足. 有時呢度好full, 有時又無乜人. 我通常會訂位, 鍾意訂佢嘅屋仔, 比較優靜. 不過有時被忽略, 呢果係人多 waiter 少的問題. 平均來說, 都斟两三次水, 人少就加多幾次, service 算唔錯啦. 今次两個人去食午餐,叫咗個刺身定食, 和壽司配角切魚生飯定食。和幸沙律: 生菜索索聲 (係veggie salad)刺身: 有三文魚, 油甘魚,鱼立”魚, 甜蝦, 帆立貝, 甜蛋. 每樣兩件, 鮮甜肉厚, 尤其係帆卜立貝, 好好食.壽司= (三文魚 +“鱼立”魚 + 甜蝦 + 北寄貝 ) X 1 + 加洲卷 X 2角切魚生飯 : 三文魚粒, ,甜蝦粒, 八爪魚粒, 青瓜粒,蛋粒, 紫菜絲, 切得整整齊齊, 鋪滿飯面. 唔鍾意食飯的我, 竟然把整整一碗角切魚生飯食晒. 午市定食送甜品或咖啡, 一定要食甜品, 咖啡只係好普通的咖啡, 但甜品就係自家製有果肉的雪糕. 是日甜品係士多啤梨雪糕, 唔太甜,有粒粒士多啤梨果肉. 不過之前食過佢嘅菠蘿雪糕 和 咖啡雪糕就更加出色. 繼續閱讀
(以上食評乃用戶個人意見 , 並不代表OpenRice之觀點。)
點o左1)三文魚剌身:80蚊,連鎖壽司店o的三文魚剌身質素比佢好好多2)冷稻庭烏冬:冇味,冇質感...唔知食緊乜3)燒鯖魚:好一般,價錢貴4)燒牛舌:好咸,好一般,冇牛味......兩個人三百幾蚊埋單...完全唔飽...因質素太差...已唔想再加單..但環境好好..好少人...裝修好靚~ 繼續閱讀
(以上食評乃用戶個人意見 , 並不代表OpenRice之觀點。)