和平餐室 (深水埗海達)

營業中

休息中

今日同同事試下呢間茶記，之前都經過好多次，每次都坐滿🙂‍↕️整體環境唔錯，野食都中規中矩。叫左個海南雞飯，加凍奶茶，唔係太好味或太難食。反而想讚下侍應們態度好好，唔會因爲午市而黑口黑臉，即使要跟一跟單，都會幫你堅追（我睇到佢追單既過程）而唔會hea你，或黑臉。環境方面，室內環境都舒服，乾淨企理。都會繼續幫襯，價錢ok。唯一唔好就係：四人枱比較細，同對面既食客較近（中間無板隔住），如果腳長既朋友會較辛苦。

週末早餐雞扒脆卜卜，出前一丁太爽口，咖啡好澀唔建議試🫢🫢🫢服務就認真麻麻…..例如仲有位都會叫人坐後欄嗰邊，張地氈仲要好污糟仲有枱未開但係咁叫人搭枱不過屋村內冇其他選擇，下次會行多兩步去V walk，食物價錢差不多，服務好啲

今晚入去叫外賣。十五十六唔知吃咪好 隨口叫花雕金沙骨$78。出到門口見到有肥牛炒公仔面又好想吃。咪同收銀啊姐講我唔要金沙骨要公仔面。點知呢個啊姐立刻黒面。又大怒氣叫個經理過來取消訂單。唔得咪唔得囉，使唔使甘勞氣趕客咩。

今日經過呢間和平餐室， 雖然望落去普普通通， 但係入面嘅食物都好高質素我哋叫咗個海南雞飯， 海南雞好滑， 個飯都幾香， 小朋友食幾啱😊😊再加一個芝士焗豬扒飯 焗豬扒飯火喉啱啱好， 同埋個炒底都幾吸引， 份量都多唔錯唔錯😍😍最後有一個拉麵， 拉麵就係比較正常不過不失呢間餐廳有一個女經理， 服務非常之好，🥰🥰佢仲送咗一個中湯畀我哋小朋友， 佢哋嘅中湯非常之好飲， 佢就話係冇落味精， 呢餐飯雖然比較簡單但係食得都幾開心， 下次屋企冇煮飯會再去報告完畢😙😙

好街坊親民價錢茶餐廳海南雞飯 $65.00油飯好食，雞份量也算多，但雞唔夠滑焗茄汁鮮鳳梨豬扒飯 $58焗茄汁好杰撻撻，好難撈飯。凍香滑奶茶 x2凍奶茶2杯都好甜，好似飲緊糖水坐位也舒服， 裝修環境也很新淨

諗住近近地吃個海南雞飯，一來到就知唔對路。叫左，唯有吃。吃左一块，鷄柴到唔想吃。間野冷氣又唔夠，坐左入去都覺得熱。侍應生亦都少少粗魯，但茶餐廳來講，又唔冇咩好講。枱面偏細，仲有有人搭枱，坐起上來超唔舒服。中午埋單$65，吃左幾口飯同杯茶走。

今日我11:30去食午餐 仲未多人，佢一定要我黐牆坐好迫，我話我想坐收銀側邊四人枱 佢話咁要搭枱 我覆冇所謂 佢態度已經麻麻哋 我都知佢要顧住收銀，咁啱我唔記得帶電話落唔到單 好聲好氣問佢攞餐牌 佢都幾惡咁叫我等佢我都咪等囉 但係我見佢同個地盤工都有說有笑 初初我以為我比較面目可憎 後來有對夫婦話要坐我隔離嗰張四人枱佢都唔俾 之後態度都非常差，搞到人哋兩夫婦頂唔住要鬧佢添 所以證明唔係我問題 係佢睇人嘅問題 好似牛奶公司咁餓死都唔敢再去食Ps 呢個女姐姐職員職位好似高啲咁 大晒咁 投訴都冇用 所以我決定以後唔敢去食

叫咗杯凍0茶少冰結果滿冰，同店員講，佢就俾個杯我叫我自己不出黎🫤完全冇唸著換翻杯比我，淨係叫客人自己解決🤭之後個飯裡面有條毛，店員連佢唔好意思都冇 ，淨係問要唔要比翻d飯，就直接收走咗服務態度不太好😝

深水埗和平餐室，新開餐廳地方寬敞座位舒適，仲有親民嘅下午茶套餐.乾炒牛河套餐，河粉炒得非常乾身並無過多油膩，牛肉片非常嫩滑，加上豆芽香蔥炒得非常香口惹味，套餐免費即磨咖啡.

今晚茶記晚飯在「和平餐室」，食物很有大排檔風味，坐得比大排檔舒適。鮮鳳梨咕嚕肉~一道非常開胃菜餚，微甜微酸的味道，色澤也吸引。椒鹽腰果鮮魷~包裹鮮魷的炸脆漿很香脆鬆化，併脆腰果有雙重口感。蝦皇醬通菜炒牛肉~蝦皇醬味道不鹹口，炒通菜牛肉可提鮮提香。銀芽金菇肉絲脆麵~脆麵固然酥脆可口，淋上獻汁也爽滑美味。星洲炒米~少少的香辣，滿滿的鑊氣，十足的冶味。黑牛、白牛特飲可提供的茶記不多，仙草樽仔奶茶很不錯，特飲跟餐半價好抵飲！ 

今日天氣轉冷，北風呼呼，經過海達邨的「和平餐室」，門前放了“羊腩煲”的樣版，正合時宜，於是和家人入內晚餐。餐廳裝修簇新，光潔亮麗，給人一種整齊的感覺。餐廳晚市主打港式粤菜，有多種菜式選擇，一般小菜都附送白飯及老火例湯，並可以特價追加飲品。這裏亦用QR CODE 掃碼點餐，網頁圖文並茂，容易使用。“古法雙冬炆羊腩煲”，跟營菜籃及白飯。羊腩用不鏽鋼鍋盛載，雖然叫做一人鍋，份量不少，足夠二人份量。配菜非常豐富，有乾、鮮兩種冬菇、秀珍菇、金菇、馬蹄、竹筍、豆卜、生菜、南瓜......等，下面用慢火暖住，吃起來特別滋味。羊腩肥瘦適中，無羊羶味，肉質爽口入味。“土炮咖喱牛坑腩煲”，傳統口味，香辣惹味。牛腩炆得很腍軟，而且入味，配上青椒、薯仔，送飯一流。“柱侯枝竹豆腐火腩煲”，熱焫焫用瓦煲奉上，份量不少，火腩肉層次分明，肉質彈牙多汁，口感不錯。配菜有枝竹、豆腐，同樣炆得入味。附送老火例湯是蓮藕煲豬骨湯，非常足料。以優惠價錢追加的飲品：阿華田、好立克。吃完一頓豐富晚餐，渾身暖透，而且味道不錯，價錢又實惠，性價比極高。

安排欠缺人性化，平日下午午飯時間13:45辛苦工作後，想食個好小小坐得舒服點的茶餐廳，一行入鋪就話要我搭枱，我話唔搭，跟住話安排唔到，但餐廳內大量吉位，計埋我及其他食客一共三人想坐那些吉枱，但都要強迫搭枱？我理解食飯時間人多我可以接受，但餐廳內起碼五六張吉枱，出面又冇大量人排隊等，為何要我及另外兩位小姐都要強制搭枱？最後，我選擇唔食，你迫我選擇搭枱，我都可以選擇唔食你，我絕對冇恶意攻擊貴餐廳，只係職員樓面欠缺彈性安排

經過凱達邨見到少有嘅茶餐廳入去一試發現價錢親民抵食大碟叫左碟沙爹金菇肥牛炆烏冬都係62蚊渣烏冬麵條的糯滑口感非常吸引人，搭配上肥牛的鮮嫩口感，讓人一口接一口。肥牛經過炆煮，質地酥軟，入口即化，配上濃郁的沙爹醬汁，鮮香的味道瞬間彌漫開來。金菇的加入，為這道菜增添了豐富的口感和味道，金菇的嫩滑和肥牛的嫩香完美結合。整道菜色澤搭配得宜，色彩鮮豔，讓人食欲大開。茶餐廳的環境是簡單、輕鬆的，具有一種傳統的魅力。它們往往有著舒適的座位，並提供足夠的空間讓客人享受用餐。桌子和椅子通常會是木製的，燈光通常比較柔和，營造出一種溫馨的氛圍。茶餐廳的牆壁可能會有裝飾性的瓷磚或海報，展示著城市風景、名人或食品的圖片。音樂也通常是以輕快的流行曲目為主，為用餐氣氛增添一絲活力。總體而言，茶餐廳的環境以其簡單、舒適和輕鬆的氛圍而廣受歡迎。

海達邨平台 唯一茶餐廳 雞煲啲雞 竟然可以唔熟 同啲侍應講 畀你嘅反應係唔關我事呀！唔緊要叫你同廚房反影聽完無行動已經係兩次 到畀錢嘅時候 同收銀講個收銀仲問返嚟轉頭點解你唔轉個茶餐食，大佬呀叫你反影下啫 點知你廚房啲師傅係乜嘢心態呀！仲畀個機會你加料係咪傻㗎唔好以為得一間茶餐廳大曬呀！ 個收銀仲可以大返你教你點解唔轉茶餐食 一啲飲食業服務態度都冇， 喺海達邨裏面垃圾排行榜三甲真係當之無愧 (轉發屋企人牢騷希望各位食客提高警惕)

點左蔥油雞扒雙蛋飯，蛋香同蔥油好夾，雞扒有汁，相當不錯，朋友食焗豬扒飯，正常發揮店員有禮貌，仲問我飲唔飲例湯，個湯冇味精，真心不錯，希望保持水準，下次會再幫襯。