和平飯店 (大本型)

營業中

休息中

為裝修的事情搞到下午才有空去食午飯， 一家人有老有嫩去飲茶好坐點又岩老人家口味。 進內裝修幾靚， 坐位闊落舒適， 感覺相當唔錯。睇poster 話匯豐卡有折， 下午茶餐又好吸引， 於是正價餐牌點了幾款， 同時下午茶亦點了一份。生蒸包香口多汁唔錯。下午茶的上海粗炒不過不失， 唔算大份。下午茶選配了雞絲粉皮， 味道幾好但少雞絲。正價豬排麵， 豬排炸得香脆。菜肉雲吞麵清清哋幾好。擔擔麵配豬排， 麵同豬排都好好味！ 擔擔麵湯底濃郁， 正！埋單時先發現正價餐牌無得9折， 原因係我地叫左一個tea set, 但睇poster條款完全無寫， 落單時職員又唔講， 早知一個下午茶餐都唔叫。 呢間嘢廚房整既食物幾好， 但職員不論樓面定經理都係我睇你唔到果種， 揾人落單埋單難過登天。 後尾問佢點解無九折時仲勁惡好似得罪咗佢咁。 我真係唔敢再黎食。

約了一位靚媽媽帶住兩位公主聚舊, 想搵一間地點舒適又可以坐得耐的餐廳, 唔想佢地去得太遠, 近返佢地去左油塘大本營, 最後揀左 。油塘大本營位於油塘港鐵站, 沿港鐵指示直上電梯直到。和平飯店位於油塘大本營2樓, 上電梯很容易見到。和平飯店裝修充滿中國風,擺設亦有中式裝飾。我們坐在近門口的角落, 感覺較寧靜。最後我地點了 :北京水餃(6件)  $32鮮肉鍋貼(3件)  $28老上海炒飯 $68津白肉絲湯年糕 $48北京水餃皮薄饀多, 而且有湯汁係入面, 一啖一口, 好惹味 !鮮肉鍋貼肉質和水餃一樣, 不錯 ! 但皮較厚, 個人就麻麻地 !老上海炒飯炒得少許濕, 味道不俗。份量亦比細, 每人只有大半碗。津白肉絲湯年糕津白肉絲湯年糕吃了一碗後忍不住再加添一碗, 因為煮得入味, 易入口, 小朋友都大讚 ! 材料好豐, 菜, 肉絲, 年糕, 冬菇絲也不少。第一次惠顧覺得整體不錯, 下次可以約朋友吃晚飯小菜。

食物OK , 但服務態度奇差 ，6點入座 ，櫈都未坐好茶都未叫，已經有人係後面不斷sale你食套餐，我們一行11人 ，半枱係細路老人家 ，食唔到一圍菜 ，我地講左食唔晒 ，女侍應生仲不停sale ,我決定散叫即黑口黑面離開，之後唸好餸，叫佢竟然扮睇唔到，不知所謂，及後有菜遲遲未到 ，叫另一女侍應生跟進， 此侍應生竟然反問係米真係未到？心唸唔通我失憶。之後埋單$14XX 心想就算幾好食都好，服務態度差，已經趕客無下次。

周六中午和家人外食，帶著長輩，飲茶以外，中菜是另一選擇。懶得動腦，選4人套餐吧（共5女1 男）先來幾個前菜雞絲粉皮，正正常常，麻醬偏少，也不夠香。花雕醉雞，雞肉都算滑，微帶酒香，不懂喝酒，但濃淡度都OK。青瓜海踅，海踅份量超少，海踅是有那麼貴嗎？也沒有麻油香，完全沒有味道，而且碎碎的，口感很差，唯一可取的只有不成比例地多的青瓜尚算清新爽口，但這是基本囉。鍋貼，沒有一般吃的煎得香口，感覺和蒸餃傻傻分不清，外皮厚實有咬口，肉餡味道OK。砂鍋雲吞雞，湯頭清淡味鮮，不錯喝，菜蔬清甜，雲吞不過不失，目測應有半隻雞在內。京䓤牛肉，醬汁濃香加嫩滑牛肉，下飯不錯。糖醋魚塊，不知是否龍俐魚，獲家人大讚，魚肉很嫩滑，甜酸平衡，不錯吃。黃金蝦，大蝦外裹咸蛋黃，咸香可口，肉質也爽口彈牙，份量也算多，頗得我心。蛋白炒飯，份量好像比非套餐的少，4人份量，不多不少，材料算多，味道正常，不會過咸。高力豆沙，正常水準，豆沙不會過甜。另有4杯豆漿作飲品。整體質素中規中距，味道正常，份量剛好至偏少，CP值沒有很高，算是吃裝潢和服務吧。

我地4個人叫左個4人餐雞絲粉皮海哲頭窩貼砂窩雲吞雞蔥爆牛肉炒年糕黃金蝦整體都唔錯 叫餐好似幾抵 又多野簡黃金蝦幾好食係個砂窩雲吞雞好似有朕味 怪怪地仲有豆漿或汽水平均一人200

星期六7人晚飯沒有訂枱，6:30已到但要求人齊先入所以最後7點入坐限時個半鐘，人未坐定茶都未上餐牌未睇，帶位已經叫樓面同我地落單，我話等我睇下餐牌先，唔夠一分鐘帶位又走入黎大聲同樓面講：「幫佢落左單先如果唔係佢唔夠時間食」，當時先剛剛上茶！ 我就同樓面講「總之個半鐘交返張抬比你，唔好係咁吹得唔得！」到8點左右可能見我地食完，又有個樓面走黎話我地夠鐘交枱幫你埋左張單先，我地都未黎得切反應就走去幫我地埋單，真係火都黎！7點先入坐8點叫人埋單！從未試過食一間舖係未坐定已經比人吹，吹到食完趕你走！食物十分一般，油淋淋，擔擔麵好似溝左水咁一定唔會再幫襯

係星期六既油塘，都唔知有乜野食，就繼續尋覓小籠包之旅，一坐底好好招呼，員工都好nice 👍🏼咁我緊係叫返個小籠包先啦！個小籠包黎到個樣都唔太吸引，食落口係有湯汁既，但無乜鮮味，同埋啲皮有啲痴牙（唔知點解有咁既感覺）希望搵啲野証明呢間野係唔差，但真係唔係咁好味。可能去酒樓會開心，所以如果俾我揀，我都係唔會再黎既😂

行完山去好友屋企沖涼，返去前先去附近商場食下午茶，佢仲介紹呢間上海菜（因為早餐個上海早餐太差）門面好中國深木裝飾，入內貫徹中式裝飾，坐中央小圓枱，桌椅唔迫，店員上茶後由得我哋慢慢睇餐牌，唔會催促！落單後食物唔依次序上菜（即係頭盤可以最後先到，以下我依次序排列）上海粗炒：即叫即上，應該係炒定，份量係少啲，幸好賣相唔錯，醬油比粗麵索晒，幾彈牙好味！紅油抄手：雲吞皮滑，餡料豬肉唔乾有肉汁，醬汁香濃豉油味，但無辣味！只係豉油抄手排骨湯麵：排骨即豬排，已切件，豬排唔厚，炸得唔乾幾鬆化！好味！上海幼麵滑溜兼彈牙，湯底偏淡！配鹹香豬排剛剛好燻魚：朋友食（我唔食燻魚）佢話魚太薄，又炸得過火，有陣苦味！啲糖醋汁好味都幫唔到！生煎包：熱熱地，包身鬆軟，入面豬肉餡滑兼有肉汁！青瓜粉皮：粉皮嫩滑彈牙，青瓜爽脆，不過我唔喜歡麻醬太杰身，太漿口食物水準幾好（只有燻魚失分）店員勤快爽手，雖然有時要遲啲幫手，都會回應先然後盡快過來招呼！同埋走嘅時間會打招呼！幾好！下午茶餐抵食！環境同食物都好！

老上海炒飯有好幾個炒飯，見個餐牌推介呢個就叫左，圖片同實物都幾大差距🤢一般炒飯味，普普通通，感覺似係雪菜蝦仁炒飯😅津白肉絲湯年糕見佢寫住碗，以為得好少，比想像中多年糕，但上菜時勁臭酸宿味，年糕有粉既口感，感覺怪怪，食落就無味，係一d味都無，勁淡，杯香片仲濃過佢d湯😂😂南京鹽水鴨個汁ok，但好多肥膏，份量就飯碗仔甘細，吐完d皮出黎都唔知食左幾多肉落肚🤢埋單$206，兩個人坐卡位夠闊落，但以味道同分量黎計都好唔抵食🤦🏻‍♀️

有日同男朋友屋企人去左油塘行街，到左中午時份就比我地發現到呢間和平飯店，見到裝修精緻，所以就入去試下啦座位舒適，裝飾好靚，店員有善！叫左招牌既小籠包每個裡面都有好多肉汁，夾起時要好小心，唔係就會流哂D精華走啦醉雞好入味雞皮爽脆炒飯就一般，正常！總括黎講，值得一試既！小籠包同醉雞都十分推薦，下次再黎試下其他

每次情人節都係食西式野，今年一於搞搞新意思轉食中餐可能因為個個都走左去食西餐，早2至3日訂都仲訂到位。去到唔使等就入座，個場唔算好多人，2人都可以坐4人位，超闊落今次叫左套餐。前菜係海蜇青瓜雞絲粉皮糖醋魚煎得剛剛好，唔會成口粉，不過份量就少左啲小籠包裡面啲湯唔會一夾“必”哂出黎，咬落去啲湯既份量剛剛好獅子頭(張相明明影左但唔見左...): 一個好大既獅子頭配幾條菜。味道都ok架魚肚羹(又係唔見左張相): 份量都幾多，味道另加嘅菜

上個月同一眾同事飯聚一下，都好耐無食過上海菜，而且公司响九龍灣，黎油塘都方便就揀呢間啦咁多人食飯訂枱是常識吧不過可能星期一無乜人，入座率只有三成，所以上菜都算快一行七人一眾老饕，揀左一個套餐外加幾款小食套餐黎得快，影到相點知都係唔夠手快，小籠包同鍋貼一上枱就比人秒殺左，影唔到總括黎講全部都好味，上菜快又夠熱，個砂鍋雲吞雞份量大，每人二碗仲有多，有半隻雞仲可以食埋黃金蝦都好食夠脆，連縠都食埋全部加埋追加的小籠包等等總共$1073(有匯豐信用咭優惠)，除七人每人只係155左右，真係抵食！

一段時間之前嚟食過二人餐，覺得主菜選擇唔太啱食，冬至再嚟自己話事，但兩個人都試唔倒幾多。宋嫂鮮魚羹 - 主要有冬菇絲，魚肚絲同金華火腿絲。一嚟到清香撲鼻，味清甜，例牌份量有4碗仔滿，不錯。翡翠黃金大蝦 - 咸蛋黃包緊緊包緊每隻大蝦同豆角，夠咸香之餘味道唔會過火，豆角爽脆；惟蝦碌啲殼唔夠脆口，想連殼吞稍嫌硬且韌。小籠包 - 正常水準，不過不失。紅燒走油圓蹄 - 食落唔膩，皮夠軟糯；惟瘦肉部份頗鞋，調味亦太甜。奶皇窩餅 - 皮脆熱辣辣，惟奶皇太淡，麻麻。後記 - 過時過節唔想俾酒樓"gur"嚟哩度不失為一個選擇，食品亦唔油膩偏清淡。

端午節去油塘大本營和平飯店食飯慶祝一番，母親想試上海菜，20人訂了兩圍枱，意外地有一間獨立房，雖然地方不大，但總算有私人空間。點選了$3099 的套餐，有小食六碟，七碟菜再加炒飯，小籠包和甜品。服務員說一定夠吃。整晚最不開心就是等了又等，叫了起菜後要等了差不多20 分鐘才送上京滬六小碟，幸好，等待是值得的。鎮江餚肉，絕無肥膩的感覺，入口即溶的脂肪，有少許清新的鹹酸味，混合瘦肉吃，一點也不覺滯，平時我怕膽固醇高所以很小食肥豬肉，今晚忍不住吃了三件！讚！！燻魚上枱時，因為外形比較薄，所以不太吸引，但咬了一口後，我和太太都不約而同地哇了一聲，平常吃的燻魚都會比較厚肉而實，這裡的肉雖然比較薄，但香脆的外層，一咬下去有清脆的聲音，燻魚的香味參透口內，感覺很特別，忍不住哇了一聲之餘，心裡很想再多吃一件。超讚！！相對下那碟四喜烤麩就平平無奇，烤麩味道淡，沒有juicy的口感。 雲耳是爽脆的，但花生不夠香。花雕醉雞上枱時已經酒味四溢，第一時間夾了一件，雞皮香滑，雞肉嫩，酒香而味不濃，還滲透著少許杞子的清香。可惜份量不多，只能吃一件！！！虎皮素鵝，那一層厚厚的腐皮不脆且韌，很難咬下，老人家和小朋友都不宜

和家人到和平飯店吃飯，主要因為這裡不用怎麼等位，上菜速度快，而且食物質素不錯。小籠包皮薄多汁，散叫的好選擇。四人餐份量很足，有爸爸最喜歡的沙碢雲吞雞，冷盤任選三款，醉雞有酒味，雞絲粉皮清爽之餘又有麻醬的香味，醋青瓜雖然賣相不錯，切成薄片，可惜太酸了。黃金蝦炸得很香，有咸蛋黃的香味，又脆口。豆角的分量也足，味道不過不失，稍咸。京葱牛肉味道普通，略嫌太多油。生煎包底不夠脆，裡面沒汁，味道可以接受。豆漿甜度濃度剛好。甜品是奶皇窩餅，有奶香，甜度剛好。總括而言，環境舒適，上菜快，味道整體不錯，價錢合理，泊車容易，是晚餐的好選擇。