和平燒味飯 (已結業)

今日去完動漫節就順道去灣仔食番份高質外賣燒味飯😋 <<和平五寶飯>>勁大碗🤤 樣樣餸都有五六舊🤭 叉燒、燒肉肥瘦均勻，鵝同油雞肉質嫩好味，仲有鹹蛋半隻。大滿足！

今日係灣仔睇醫生，番公司前係附近買埋外賣午餐，等我可以食完飯即刻做野。見到呢間好似幾新既燒味舖，就決定係度買。係街市買燒味飯有時會覺得好多細菌，因為完全無遮無掩擺一日，但呢度唔同，係一間裝修幾摩登既外賣店，而且燒味全部用保鮮紙包住，夠曬衛生。凍飲都有個大雪櫃擺，仲要有膠片保暖，好有心思。呢間外賣舖得兩個位，如果唔想番公司食都可以堂食啊。我買左貴妃雞古井燒鵝湯米粉。$54+$5。仲加左一份菜，$10。燒鵝幾香，肉質就比較韌，但配梅醬都係幾好食既。雞算係滑，但肉唔多，唔夠侯啊。湯係分開上既。

平常不常吃燒味，今天在灣仔辦完事，剛好附近有這家燒味店，不過只有2個座位，所以外賣去附近的運動場吃。點了和平五寶飯，五寶是叉燒，燒肉，燒鵝，切雞，鹹蛋半隻。套餐配自選飲料，有很多選擇。叉燒屬半肥瘦，燒肉的肥膏太多，燒鵝有一點乾，切雞比較好吃，比較嫩滑。不算好吃的五寶飯，有點失望，下次再找其他的店試試看。

話說朋友講起 好少燒味鋪既薑蓉 係薑多過蔥 朋友好想好想食今次比我搵到呢間 呢個和平燒味飯既五寶飯 餸好多 燒肉/叉燒 件件肉質嫩 燒肉皮脆樣樣燒味同薑蓉都係主角 灣仔黎講 食lunch 好選擇👍

係公司附近開咗間燒味飯，聽聞叉燒幾好食，得閒就去試下，中午lunch time比較多人，員工落單既時候覆單覆得好清楚，而且幾有禮貌。燒味師傅斬燒味既時候發現有少少燶咗，師傅會同客人講聲先，確認客人唔介意先切比客人，覺得呢點幾窩心。個叉燒食落只味真係同出面食開既唔一樣，好香甜好好食，不過我就覺得肥咗少少，下次可以試下叫師傅比瘦d既部位試下，會再翻黎試。同埋個價錢都ok，加左個蛋都係66蚊有野飲有飯食，推薦推薦。

突然很想食燒鵝粉，同區比較出名既再x, x 哥都其實係名過其實，上網搵搵見呢間新開張，一早決定長假後第一天就去幫襯！初頭都有d擔心，四日長假後燒味會不會唔新鮮？好彩一入店都清楚睇到燒味的模樣，我覺得ok就買了。剛開門，有個老外買緊，收銀男子（老闆？）非常好禮貌！Order 左x 燒燒鵝賴粉外賣，因為堂食只有兩個位咋！ 呢個質素好唔錯，幸運的有燒脾，肉汁好juicy! 很大隻，唔會乾又唔會鞋！X 燒雖然燒到濃左少少，但尚可接受。湯底另上是常識吧！有一條菜心跟，好過無啦！跟餐包埋一支豆漿或中國茶，自取的。可惜原來我的芝麻豆漿只有五日期限。留意返！呢個價錢只係做到31/5⋯⋯

近排返工成日諗住想食燒味，但無奈香港燒味鋪真係執哂咁制。咁岩有日路過見到呢間燒味餐廳新開，就入去買左個叉燒瀨。叉燒雞都好好食，同埋份量算大，價錢係灣仔黎講算好合理！服務都好好！推介！

呢間外賣店的燒味真係無得彈，可以話我食過最好食的燒味。好味到會專程坐車去買，最愛和平五寶飯，可以試曬咁多款，樣樣燒味都好好食，肉質嫩滑，唔過老，唔過鹹，燒肉外脆內嫩，燒鵝皮脆肉滑，講起都想再食，已經介紹左好多朋友去買😍😍😍😍😍😍店員同師傅都好有禮貌，服務不錯。

今日要去灣仔做嘢咁灣仔啲嘢呢不嬲都好貴㗎啦見到有呢個和平燒味飯喎😍😍😍😍😍😍😍原來係我之前喺人人和平小飯店食過嘅分店但係呢一度呢就專做外賣嘅之前喺人人和平小飯店食過啲燒味都覺得幾好食所以今次就都試下呢個嘅和平燒味飯叫咗個燒鵝飯燒鵝真係好高質好味道👍🏻👍🏻👍🏻👍🏻👍🏻👍🏻👍🏻雖然係外賣店，但都好高質。🤗🤗🤗🤗🤗🤗鵝肉仲夠熱，肉質夠滑。😋😋😋😋😋

成日都要去到入境處做嘢但係你知灣仔冇乜嘢好食㗎啦一係就好貴我唔捨得所以想食平嘢嘅時候 就會嚟到和平燒味飯 叫咗個五寶飯雖然$65唔係特別平不過我覺得物超所值一嚟佢啲飯係粒粒分明我好鍾意另外叉燒燒鵝嘅質素唔錯食到我舔舔脷不過雞就唔係幾好啦佢全部都比晒雞胸肉我如果俾返啲好少少嘅部位就會更加圓滿$65送咗一支嘢飲我就揀咗黑豆漿整體來講都唔錯嘅

話說今日路過灣仔有朋友推介我食一間外賣嘅燒味飯店由合和向前行大概5分鐘就到門面唔大但係見佢有兩個位我哋就坐低左我哋見佢雙拼飯粉面都係幾十蚊一碗喺灣仔呢啲商業地區來講價錢係非常抵食另外我仲見到好多人排隊係買外賣燒味拎走價錢同普通燒臘餐廳都係差唔多首先我嗌咗一個蜂蜜叉燒燒肉飯蜂蜜叉燒係佢呢度嘅主打菜燒肉皮脆肉厚 亦都唔會過分鹹叉燒一入口覺得真係非常好食蜂蜜配合叉燒嘅肉味都好濃郁而且半肥瘦嘅叉燒咬落爽口有帶有少少輕微燒焦既脆真係要encore再encore另外一碗叫咗叉燒燒鵝賴粉叉燒同上面一樣都係好出色燒鵝皮脆脂肪唔多就算佢冇比脾位我哋我哋都唔覺得有咩問題除咗主食之外佢仲配左例湯我仲會加咗一支黑豆漿灣仔區有啲咁出色嘅燒味真係實屬難得同埋價錢平又抵食好推薦

晏晝黎到灣仔食和平燒味飯。叫了一個溏心蛋五寶飯$70，有燒鵝、叉燒、油雞、燒肉，仲有幾條油菜，包飲品。堂食有兩個位，食物上枱時醬料會分開裝埋係盒度。不過溏心蛋不是習慣食的日本味付溏心蛋，所以不會有濃郁醬油味。所以下次應該會叫咸蛋，方便用黎最後撈飯吃。五寶之中，我覺得燒肉皮幾脆，點芥末醬好夾，而蜜糖叉燒夠入味，入面既餸菜好快就俾我忍唔住好快食完，所以下次可以叫伙記加多d豉油用黎撈飯。下次可能會專心叫兩餸飯，主力吃自己喜歡的燒味。

-忽然想吃燒味飯🥰🥰之前去過人人和平小飯店，蜂蜜叉燒不得了，很美味😳而這間位於灣仔的燒味外賣店，昨天難得經過，當然要試一試🤞♥《叉燒燒鵝飯》當然當然要吃蜂蜜叉燒！色香味俱全，鮮嫩多汁🤤半肥瘦，少量肥膏絕不過分～而古井燒鵝其實才是招牌菜🤣燒鵝肉質鮮美，整體亦算不錯～不過相比之下，蜂蜜叉燒完勝🥳♥《溏心蛋》另外加配了私心喜好😛原本期望不高，但竟然好吃lol溏心蛋超級流心！美味美味😍♥小提示 Tips：只有兩個座位，外賣為主～

還算可以的燒味飯經過灣仔，突然想吃燒味飯，就來和平燒味飯。點了一個和平五寶飯，有叉燒，燒鵝，燒肉，油雞或切雞(我選了油雞)和唐心蛋共五寶。4種燒味都還可以，不算特別好吃。

今日去開wan chai, 買左個外賣食！ 原來有間新開燒味飯店，估唔到甘多人！lunch hours 有$49飯係雙併，仲包埋drinks! 抵飲啦！ 叫左個honey叉燒油雞飯，仲可以叫瘦d同埋要雞胸肉都幾好甘！ 我就要左米粉！仲有豆漿選，要茶飲又得！ 叉燒好好食，有honey既甜味，又軟！最怕好乾既叉燒嫁啦！飲料要左支豆漿都有成400ml! 不過得2個位比你坐！所以都係buy back多！it’s really great!