和平燒味飯 (已結業)

今日咁岩有事去開灣仔胡中果邊無意中經過呢間「和平燒味」鋪頭名已經非常吸引人鋪頭裡面只有2個堂食位, 基本上係主打外賣我近年每次食燒味飯, 都一定係叫「叉燒燒肉飯」$60 既價錢, 包飲品, 坦白講以普通燒味飯黎講, 一D都唔算便但大家睇張相, 可以話係真材實料飯面鋪滿晒叉燒同燒肉, 燒肉重要係燒腩仔如果以燒腩仔黎講, 60蚊又變得唔貴叉燒肥瘦適中, 醬汁調味亦唔會太濃, 非常好食燒腩仔亦係高分佳作而且份量幾多, 我一個大男人都食得幾飽非常推薦呢間燒味外賣店

有日放工係灣仔行下街既時候經過呢間燒味店，見到啲相好似好吸引，上網睇下原來間野都幾出名，好多正評🙊所以就算office離佢有啲遠，都決定去試下！和平燒味係一間細鋪黎，主要做外賣，店內得兩個位，所以唔好諗住一班人去試。佢鋪頭都寫左叉燒係出名，所以無理由唔試叉燒，最後叫左個叉燒油雞飯😄啲叉燒望落又好似唔係特別吸引，食落去味道上都唔係突出，我覺得係正常既叉燒，而油雞就肉質幾滑😗個人覺得係一間普通燒味飯，如果一心去試叉燒既可能會失望🙈

上次嚟嘅時候冇燒肉🤭今次終於有得食番 雙拼燒肉油雞瀨粉（$54）+糖心蛋🥚（$8） 碗麵好大兜 燒肉勁大嚿 啖啖肉唔會好鹹 個皮仲微脆👍🏻 湯同瀨粉分開 好好👍🏻

今日無同事陪我食所以一個人去外賣之前已經好想食呢間因為好似有燒味舖咁光鮮 睇落好新式乾淨但係我最愛的叉燒竟然賣哂 激氣不過其他的野睇落都好吸引叫左個雙併 豉油雞同燒肉$60豉油雞同燒肉都肥瘦適中唔會煮得太乾 仲保持應有的水份似肉汁豉油雞有好香甜都豉油味燒肉皮都好鬆脆配上沙薑醬同芥末醬 好好送飯 好快就食哂而且仲有野飲送 有幾款簡我簡左馬蹄爽(好似好耐無見呢D 飲品)以灣仔商業區來講$60食到咁高質的燒味真係唔錯絕對唔係美心大家樂之流

I have had a few takeaways from this BBQ place before, in general my impression of the food quality has been ratherun-exciting.  The roast goose was on the fatty side of the spectrum. The roast chicken and duck were both average.  This time I chose to takeaway half a soy chicken and a full portion of their signature honey roast char siu.  Chicken was tender and succulent, even the breast meat wasn't too woody and the ginger sauce impacted a strong flavour - on the pleasant side of strong.  The c

💛💛💛黃店推介💛💛💛同兩個朋友去港島參加某個和平集會，走嘅時候順便去黃店買個外賣食先估唔到燒味呢啲咁「老派」嘅食物都有黃店，老闆唔驚冇咗啲老一輩嘅食客，仲有捐錢比好鄰舍法政匯思，咁我哋就一人叫一個雙併「懲罰」吓佢啦～叉燒燒肉瀨粉（$54）Wow~都幾大碗喎湯同麵分開放，麵唔會浸到淋曬之餘，叉燒嘅醬汁都唔會被沖走，抵讚蜂蜜叉燒嘅醬汁好甜好好味，燒肉肥瘦適中，個皮又脆叉燒貴妃雞瀨粉（$54）叉燒同上一碗一樣咁正～貴妃雞嘅肉非常之嫩滑，肉質好好，睇落都十分新鮮叉燒燻蹄麵（$54）燻蹄望落都十分吸引呀，朋友都好煙煙韌韌好好味！

從同事裡得知灣仔皇后大道東的和平燒味飯店贊賞其叉燒後，今天下午茶時段便過來一趟了店鋪細細卻五藏俱全，主要以外買為主，堂食只有少量座位。 先櫃台用現金或八達通點餐就可以了，再自取飲品，很快捷。 而湯、粉、食物都各自有獨立盒以保留食物原味道燒鵝瀨粉（HKD 40)，鹹蛋半隻(HKD 5) 連支裝檸檬薏(HKD 2) 共HKD 47 很划算。燒鵝肉質結實不鬆散又富彈性，贊好 整體服務、食物、優越地區都滿意。 吃完後步行約六分鍾便到最近灣仔站了

有捐錢資助法律支援既小黃店💛呢間舖頭我食lunch既時候經過過好多次架啦 但係因為佢無咩位 一路都無食過🙊今次經過見到有兩個吧檯位就決定一戰😈😈😈·蜂蜜叉燒拼貴妃雞瀨粉 $54佢比我想像中大碗 我以為係細細碗 點知原來下面都擺得幾密 而且燒味黎講佢個量都真係好多 而且佢比d部位都幾好😈有雞脾😋😋佢個叉燒個汁我覺得幾好食 但係個肉中間部分好似無好入味 反而貴妃雞同埋燒肉好出色😍佢係雞滑到不得了 肉質超嫩 個燒肉肥瘦剛剛好 而且個皮仲係脆bok bok 正🤤·#rbyeat#rby小黃店#rby灣仔·📍灣仔皇后大道東77號地下

本來想試新會古井燒鵝，店員大力推介乳豬飯。話平時一早買曬，今日好彩仲有。見到79元一個飯盒，覺得都好食就冇所謂，點知一食，個皮一啲都唔脆，又淋又韌， 而且得幾塊，完全唔足夠送飯，啲肉就普普通通，真係好失望!以呢個價錢灣仔好多更好選擇，新開嘅黃金燒味好吃很多，仲有福星燒味平靚正，或者味苑，坐低食埋都唔使咁貴。唔會再幫襯喇。

和平燒味飯店是一間專門做外賣的燒味店，相比起傳統的燒味店光猛，裝修型格。店中設有全日餐、下午茶餐、還有整隻乳豬出售，真的不可看小。當然更有抵食雙拼燒味飯(可自由選擇蜂蜜叉燒/燒肉/醬油雞/貴妃雞）、還有和平五寶飯、溏水五寶飯等...。飲品選擇都不少，其中更有枝裝豆漿、黑豆漿、竹蔗茅根海底椰等...可供選擇。蜂蜜叉燒 / 燒肉飯配黑豆漿叉燒叉燒，食燒味當然要先嚐叉燒；叉燒紅彤彤外皮閃著蜜汁的亮澤，賣相已經非常吸引，真係令我流哂口水。叉燒肥肉質鬆化，爽口富肉汁，下了蜂蜜亦不會蓋過肉香，非常香甜。燒肉肥瘦比例均勻、肉質鬆化軟腍無渣、最重要的是他外皮還是脆卜卜。

和平燒味飯係一間主要以外賣為主既專門店，店內只有少量位置俾你坐係度堂食lunch黎買咗個雙拼燒味粉麵套餐（$54)要咗燒肉叉燒瀨粉，已經包咗飲品，揀咗熱情果有氣果汁，係出面未試過覺得幾特別🤭，加5蚊仲可以有小編最愛既鹹蛋半隻😍，唔洗專登叫個五寶飯食鹹蛋🥰雖然係lunch繁忙時間，但唔係等咗好耐就已經可以拎野食走，唔會因為排隊排得耐搞到lunch時間蝕咗🤪外賣會將瀨粉同湯分開放，唔會怕啲粉麵吸哂啲湯變到淋哂，叉燒肥瘦適中，燒肉個皮微脆至於鹹蛋🥚，因為叫咗粉麵套餐所以冇得攞黎餸飯，但係就咁食都唔會話太鹹，好滿足🥰

雙併燒味飯 take away ( ~$70 連野飲) 無乜特別太surprised，但連埋野飲又幾貼心喎：p鳥龍茶，果汁，水。。。都幾多選擇。呢個價錢連野飲，有菜，肉量又唔少，都算係咁啦！

-唔知大家覺唔覺得一個小時嘅午飯時間其實好短？今次為大家介紹灣仔一間燒味飯店，佢哋嘅午餐同下午茶套餐都好抵，岩哂返工嘅快飯一族。😋-午餐普通燒味雙拼飯加一支飲品大約$50左右。下午茶嘅價格就大約係$35左右。飲品可以揀豆漿、綠茶、汽水等等，食物味道不錯，即買即整即有，快靚正。💕-味道評分▶️🌕🌕🌕🌗🌑 (3.5)抵食評分▶️️🌕🌕🌕🌗🌑 (3.5)回購評分▶️️️🌕🌕🌕🌗🌑 (3.5)-➡️和平燒味飯 (灣仔)📍灣仔皇后大道東77號地下-

灣仔有好多燒味飯店但都比較舊式， 呢間新開嘅小店望落幾乾淨雖然唔平但覺得可以試試。買外賣返公司食打開原來有半碗都係餸，叉燒食極都有， 仲包埋飲品，都算抵食。 叉燒少少乾但可接受， 燒鵝唔錯。

呢日lunch time 去開灣仔, 做完要做嘅嘢之後, 又到左要諗食咩嘅時候🤔 就係過馬路嗰陣, 望到對面有一間鋪, 應該都唔係開咗好耐, 和平燒味😍因為平時都有行經北角, 係有試過和平燒味, 叉燒同燒鵝都係好食嘅😋 估唔到而家喺灣仔都開咗外賣店。呢間主要做外賣, 側邊得兩三個位俾人堂食。我叫咗一個瀨粉, 雙拼揀咗叉燒同豉油雞, 飲品係唔使加錢嘅, 我揀咗黑芝麻豆漿水準都OK嘅, 佢嘅燒味比一般快餐店係好食, 灣仔又多咗一個燒味店嘅選擇