影片
港鐵尖沙咀/尖東站 A1 出口, 步行約6分鐘
繼續閱讀
電話號碼
34283345
開飯介紹
「和宴」為全港第一間日式燒肉店，一直供應上等的日本和牛及海鮮，亦有沙津及其他熱葷以供選擇。明火烤爐配置良好的抽氣系統，日式座位提供舒適雅致的環境，把一流的日本食物和地道的氣氛帶到香港。
繼續閱讀
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
*午市：中午12時至下午3時 (最後下單時間為下午2:30）
晚市：下午6時至11時（最後下單時間為下午10:30）
以上資料只供參考, 請與餐廳確認詳情
-
網上訂座服務暫停
相關文章
前幾日中午，同事提議去尖沙咀嘅和宴試吓佢哋嘅午市定食。店內氣氛幾舒服，坐低之後睇到menu，選擇唔算少，最後我哋都揀咗Lunch set。所有定食都包埋海帶湯、迷你沙律、日本漬物，最後仲可以揀咖啡、茶或者雪糕，感覺好齊全！【頂級宮崎和牛定食】呢道定食嘅宮崎和牛真係唔錯，肉質極為嫩滑，牛香味十足，入口即化。唔會過於油膩，味道好有層次，食到最後都覺得好滿足。配埋白飯一齊食，係好簡單又舒服嘅選擇，午餐食完唔會覺得太重。🍚🥩【宮崎和牛 特上雪花牛排肉 及 澳洲和牛橫膈膜（醬汁）定食】呢道定食真係幾驚喜，雪花牛排肉嘅質感一流，口感滑溜，牛肉味香濃。澳洲和牛橫膈膜加埋醬汁，味道相當夠味，唔會太鹹，醬汁同牛肉搭得好。整體嚟講，呢道定食味道出色，唔會膩，適合鍾意食肉嘅朋友。🥩🍽最後我揀咗個雪糕做甜品，口感滑滑地👍🏻 呢度嘅性價比算高，環境亦唔錯，值得推薦俾鍾意食和牛嘅朋友試吓！
繼續閱讀
今日同fam一齊嚟食燒肉🔥🥩.✨頂級牛肉盛盤✨由牛肉嘅色澤已經睇得出牛肉好新鮮。每一片肉片都切得啱啱好厚度（不薄）👌🏻😚😋.✨多款新鮮嘅蔬菜✨啲菜種類好多❗️清甜爽口，我比較鍾意啲菜包著燒肉嚟食，一嚟冇咁油膩 二嚟好似飽啲😁.✨清酒燒蠔好大隻‼️食落鮮甜多汁，配埋清酒🍶食，蠔肉味道更加突出。.✨牛肉筋➕燒雞肉 配：酸汁食落好開胃🤤🤤牛肉筋煮得好軟糯鮮香；而雞肉食落唔會鞋，又啖啖肉🐓.✨蟹肉甲羅燒蟹肉同蟹膏都好飽滿，每一啖都食到滿滿嘅香甜蟹肉🦀同埋帶有海水味🌊
繼續閱讀
之前同男朋友食咗佢哋嘅午餐之後，決定再嚟呢度品嘗佢哋嘅和牛今次我哋點咗佢哋嘅和宴會商務會席（兩人份）。當中包括有薄切牛舌芯，澳洲和牛橫膈膜，鹿兒島走地雞腿肉，鹿兒島豬五花肉，宮崎和牛特上肩肉眼，宮崎和牛壺漬牛排肉。真係超值嘅套餐，唔只宮崎和牛，仲有澳洲和牛，仲有鹿兒島雞肉同豬肉，簡直係肉類嘅豪華盛宴。先讚一下宮崎和牛，散發住濃郁嘅牛肉香味，食落去充滿咗鮮味，口感 Q 彈有嚼勁，特別係宮崎和牛特上肩肉眼，可以話係我最鍾意嘅部位，咬落去真係滿滿嘅肉汁。鹿兒島走地雞肉口感彈牙柔軟，而豬五花肉口感柔軟有彈性，滋味甘甜鮮美。澳洲和牛都唔輸宮崎和牛，口感軟嫩有嚼勁，肉質鮮美柔嫩，擁有獨特口感！真係好值得嚟試一試！
繼續閱讀
今日晚餐去咗尖沙咀嘅燒肉店，位置方便，座位寬躺，木系裝修令人感到舒服。頂級和牛拼盤和牛拼盤望落去已經見到非常新鮮，燒一燒就食得，每一款都入口溶化，牛舌有微微嚼勁，可以加埋檸檬，提升肉質鮮味。雪花宮崎和牛刺身真係超級推介，每一片和牛脂肪同肉嘅比例完美，緊實度高。由於脂肪比例高，食嘅時候非常軟嫩，濃郁牛油帶有明顯奶油香，食起來極度夢幻❤ 食嘅時候真係燒一下下就夠，等到佢仲有少少焦色咁就最好食蟹肉蟹膏味增甲羅燒呢個用嚟打卡，真係好正 甲羅燒入面有滿滿嘅蟹膏、蟹肉，本身已經有少少調味，全部混合之後真係好好食，滿滿鮮味，非常鮮甜，鹹鹹地，好正！清酒燒日本真蠔用清酒醃製嘅日本生蠔，生蠔幾大隻幾厚肉，唔需要燒得過熟，多汁又鮮甜！蠔面有超清香嘅清酒味，非常香口！雜菌拼盤有媽媽在，梗係有蔬菜啦！有菇菌 、南瓜 、豆腐等等，全部都好新鮮，放上爐上烤熟，好香火侯燒烤味！
繼續閱讀
舅父喺日本住咗好耐，難得最近過嚟搵我哋玩，就打算帶佢去我哋最鍾意嘅日本餐廳食烤肉。我哋點嘅牛肉都好新鮮，最正嘅就係西冷和牛。牛肉香味十足，食起嚟非常滑嫩，係高級嘅牛部位。仲有牛舌棒嘅味道都好唔錯，厚實軟嫩，食住非常爽口！ 和牛刺身食起嚟非常鮮甜，連舅父呢啲對牛肉好有要求嘅人都非常滿意，證明呢度嘅和牛真係好正！仲有呢道和牛筋配酸汁都好好味，牛筋香軟可口，酸酸甜甜，非常開胃呢度嘅蔬菜盛盤種類非常多，清爽解膩，配烤肉一齊食，另有一番風味。 除咗烤肉，清酒蠔肉都好掂。每一個蠔肉都非常肥美，食住亦都好新鮮，而且仲有清酒作為調味，更能突顯出蠔肉獨有嘅香氣。 舅父話蟹肉甲羅燒好有日本嘅味道。蟹肉非常新鮮香甜，配埋厚厚嘅蟹膏同味噌作為調料，味道更加一流，我哋都讚不絕口！ 舅父話呢度嘅食物非常有水準，下次過嚟仲要再食！
繼續閱讀