和大人

營業中

休息中

明白現在飲食業經營困難所以食品質素非常重要，以挽留客人的心，可惜好多食肆食物質素真是非常一般，昨天我我經外賣平台點了三款糖水，三款糖水都非常難食，我點了芝麻杏仁糊，完全冇芝麻味仲有少少燶味有杏仁味，總之非常難食，另外點了芋頭西米露，完全冇芋頭香味得，幾粒正方細粒芋頭仔，同我外邊食的芋頭西米露完全兩樣嘢，人哋將啲芋頭蓉打埋落去西米露度，佢就將普通一個很奶味重的西米露加幾粒芋頭，另外點咗一個仙草芋圓，簡直真係難食杰撻撻，我奉勸佢一句，俾多啲心機鑽研點整糖水，講真嗰句我係唔會再嘥錢再幫襯佢一次，真是非常失望⋯⋯…．．

食飽飯同女朋友落去散步順便想帶佢試吓傳統嘅糖水，於是就嚟咗海旁呢一間糖水舖啦！店舖裏面環境都幾乾淨，呢間糖水舖價錢都OK唔算貴，我哋坐低之後點咗一碗熱既芝麻糊加湯圓同一碗芒果雪糕棉花冰，芝麻糊上到嚟唔算好熱，食落口似係用粉沖水唔係生磨，有d好失望，湯圓口感唔錯，夠煙靭，芒果雪糕冰味道都唔錯嘅，材料都幾豐富吓,但可惜佢用嘅係罐頭芒果囉，點解唔可以用啲新鮮嘅水果？依家想搵好食嘅糖水舖真係越嚟越難…….

價錢優惠又好食，內裡乾淨衛生，而且仲有燒賣魚旦腸粉，用心製作，值得推介既小店。已經多次來食，中西糖水款式多，而且也味道不錯，而且粉圓都是自己製作，所以值得大家一試

晚上到海旁散步，行行發現呢一家港式甜品小店。夜晚七點幾，所以都唔多人，唔使等就有位。一向比刨冰，更愛雪花冰。甜品到類似雪花冰但叫做綿綿冰嘅甜品，立即點咗個益力多味佢哋推介嘅嚟試吓。上到枱，連隔籬位嘅女士都即刻話「嘩你哋個甜品好靚喎」最搞笑嘅係佢同收銀嘅店員好誠實直接咁講，「你哋甜品嘅賣相，比起喺餐牌上面嗰張相靚好多，係咪要考慮改善吓你哋個餐牌呢？ 」🤣益力多綿綿冰嘅味道真係唔錯，但係耍咗喺上面彩色好靚，嗰啲裝飾脆脆同果粒粉紅色棉花糖就不敢恭維了，只係好睇唔好食，真係想叫佢不如慳返唔使加俾我啦。🤣另外再叫做多仙草加花奶加芋圓加紅豆加朱古力雪糕。仙草底$16 ，芋圓同紅豆各加$5 ，花奶就加多$3。最貴係舊朱古力雪糕要加$10。如果唔使加舊雪糕， $29仲有呢碗仙草紅豆芋圓咖啡椰汁！其實都幾抵食吓，味道都唔錯。下次行過會再嚟試。

龍年新春大年初二, 經過諗住幫襯下啲小店, 叫咗2份燒賣, 同埋2碗糖水, d燒賣佢比多咗, 其實我哋唔知, 無為意佢比多咗幾多, 不過估計係廚房搞錯, 但可能之後發現到. 其實我哋食緊㗎喇, 佢突然間話我哋食多咗, 佢要收返錢, 其實先發覺每份可能係多咗幾粒, 不過已經打個突, 覺得佢啲態度係質問... 我老婆其實話要收你咪收返, 不過我覺得佢無禮貌, 我話你要收我都冇計, 不過我梗係覺得唔好, 佢竟然收走我哋未食完果啲燒賣, 話呢啲係多咗嘅... 真係未見過啲咁涼薄嘅「小店」.老實說, 如果你好聲好氣, 真係無所謂, 我覺得好唔尊重人, 做生意咁mean, 幾好食都冇意思.

紅油韭菜水餃。這款水餃外皮薄而有彈性，內餡則是由新鮮的韭菜和其他香料混合而成。水餃上澆上了一層辣椒油和蒜末，增添了豐富的風味。每一口都充滿了韭菜的清香和微辣的刺激感，讓我回味無窮。蒜香雞翼尖。這道菜以雞翼尖為主要食材，經過炸至金黃酥脆後，再撒上蒜末和香料。每一塊雞翼尖都帶著濃郁的蒜香味，外酥內嫩，咬下去時肉汁鮮美。這是一道下酒菜或者小食的絕佳選擇，非常開胃。最後，我品嚐了椰皇蓮子雪燕燉蛋白。這道甜點以椰漿和蛋白為主要材料，加入了蓮子和雪燕，炖煮而成。這款甜品口感綿密細膩，淡淡的椰香和蓮子的清香交織在一起，帶來了一種迷人的味道。雪燕的添加增添了營養價值，讓這道甜品更加美味可口。

食完飯行下海旁 發現原來開咗呢間糖水店， 仲諗住話 要行返出去先有糖水店，款式都幾多 有傳統糖水， 棉花冰同小食，我哋叫咗 楊枝甘露， 桑寄生雞蛋蓮子茶和芝麻糊加湯圓， 芝麻糊就稀咗少少濃啲就好喇，湯圓皮厚咗一些， 好食嘅傳統糖水原越嚟越少， 其餘兩款 兩父子話ok啦