和光日本料理 (已結業)

在Openrice﹐係搜尋唔到上水/粉嶺既自助餐/放題店﹐實情當然唔係冇啦(情況有D似Openrice沒有“順德菜”﹐只有“粵菜”一般)和光日本料理絕對唔係和光鐵板燒日本料理﹐後者同聚紅樓同屬一間港資美國公司之但係個名已經吸引我眼球﹐再加上經常周三都咁岩遇著冇開門﹐但居然生存到﹐令我一直都幾想試入到去發覺﹐原來可以唔揀放題﹐不過a-la-carte又揀唔落手﹐所以都係放題罷了Openrice所寫既招牌菜(三文魚籽碎魚生飯、牛油果軟殼蟹卷、豬骨濃湯牛肉鍋、猪骨湯三文魚頭鍋)沒有一樣出現在放題中﹐不過放題既魚生飯都唔錯啦﹐好多希靈魚好爽口迷你飯同拉麵都唔得之餘仲好飽肚﹐唔係放題功略之一天府羅有汁點﹐不過沒有那些放入汁的粒粒反卷飯多料少﹐掙飽你無難度﹐但味道OK燒物OK﹐燒茄子好得意但唔熟﹐燒牛舌好老6pm-8pm都無乜人﹐我哋2人坐6人桌都冇問題﹐老闆都掛住同一個探佢既friend一齊睇電視+傾計﹐又唔理落單﹐唔知仲以為係客人。最恐怖係去廁所度門﹐係咁滴水﹐入又濕一次﹐出番黎又濕一次(果日都冇落雨)

成日經過和光都想試可惜孤零零一個又唔敢去,見今日同2位朋友行街又肚餓我就提議不如黎依度踩場 入到去客人唔太多仲有好多位坐,我地揀坐出菜位旁邊 坐低後先發覺原來唔止對住門口位有電視睇 連我地坐果邊都有得睇電視 好啦!望下菜單先有天婦羅/揚物,刺身,壽司,手卷,串燒,飲品,拉麵/飯果d揀 種類都算多一開波2位朋友 不停點刺身,壽司,串燒 同炸海蝦.炸蠔,炸帶子果d 仲點多提子汁同橙汁汽水各半榨 同朋友左望右望食店既擺設後唔洗10分鐘刺身就黎到!我同兩位餓鬼朋友唔洗兩三秒就清晒 大家對三文魚既評價就係都幾新鮮 仲要唔係薄切 正!(之後下半part我地仲追加35塊)清晒盤刺身後仲諗住d炸野有排都未到 點知唔洗二,三分鐘d炸野,串燒同壽司就送到黎 諗住炸野襯熱食先!哎呀 一咬落D炸蠔度真係熱得制 新鮮炸起一咬入面D汁O必左出黎辣襯條利仔 都係放係碟攤陣先搞於是轉個槍頭向壽司埋手 甜蝦夠肥夠大唔似某店既甜蝦壽司龜毛咁細 很滿足,但饅魚壽司普普通通並不吸引 可能係燒汁問題神速地清完壽司後 我地就正式開始食炸物 嗯?脆係好脆 但將炸海蝦點果D天婦羅汁完全乜味都無 要點番豉油+芥辣先帶番少少蝦味出

聯和墟無放題，近近地唔想出九龍所以試下，款唔算多，但魚生天婦羅牛肉粒都齊無走單，飲品麻麻，因為得好少選擇, 最好選汽水。如果用鑵裝會好好多。魚生好新鮮，同之前的食評有d唔同, 魚生切得有d 薄, 但老闆話寧願我地叫多幾次都唔好浪費 == . 另外炸物都好有心機無炸農，成碟都係金黃色, d 蝦都好大隻. 最後只係魚生厚返少少會好些, 咁既價錢算交到貨，只要保持到水準一定長做長有！記住電話訂位有燒花足蝦送，我老豆都話ok滿意。總結, 款式唔算多, 又唔收加一,平平地試下又無彷, 只係食魚生同炸物已經可以回本~

母親大人心癢癢，成日想食放題，又唔想下下出mk。就打算同佢去食「豐．日本料理」啦。行到去，嘩！原來執左lu...變左呢間和光日本料理。見佢都係日本野，裝修同之前0既都差唔多。應該係頂手冇幾耐，因為星期日，放題$148一個。就入左去試下喇。　先講講環境：其實佢鋪位唔係大，裝修唔錯既。不過ｄ椅硬左ｄ咁囉……有兩部電視機，岩晒中意電視送飯0既我。　我地６點幾到，果時環境幾寧靜，真係唔錯架！不過晏少少７點幾就開始多人，有ｄ一家大細黎，個場又比較細，變得嘈左少少。　正題喇！媽媽話要食放題，其實主要係為左勁食刺身。一試……嘩！厚切呀！厚切呀！你見唔見到？係厚切呀！我真係第一次食平價放題食到厚切！興奮到我彈起！之後再order幾次三文魚，佢唔會話見你叫10件太多就切少ｄ。件件都厚切　不過可惜之處係雖然厚切，但唔夠大塊。BTW 當然唔止三文魚，佢其他刺身都OK架，只係我偏愛三文魚　　壽司呢。壽司我食就唔多，因為佢有好多款壽司係刺身都有（咁緊係食刺身啦）試左玉子同饅魚壽司，壽司飯黏性足夠，唔易散。饅魚差少少，唔係咁令仔……　之後叫左ｄ串燒（掛住食冇影到　）牛利串唔錯（不過媽媽話唔多咬到），我就覺得ok。