影片
以上資料只供參考, 請與餐廳確認詳情
是晚食左間隱世台灣菜，點解咁講？因爲佢門面係咖啡店，望真啲發覺有珍珠奶茶，再睇睇餐牌，有滷肉飯、牛肉麵等，咁得意就試下佢。小店肉qr code落單，發覺好多野都賣晒🥲好彩想食嘅仲有啫。⭐手工雞絲滷肉香腸拌麵拌麵醬汁調得唔錯，麵條有咬口，雞絲滷肉都下得多，呢碗麵勁多肉😆⭐宜蘭紅燒牛展麵湯頭好濃鬱，鮮味微辣幾正，牛展炆得軟腍，好食👍⭐秘製炸豆腐老板送嘅😆我地點嘅係鴻禧菇，但佢炸錯豆腐，送比我地食喎。豆腐外脆內嫩，辣醬惹味，正。⭐酥炸鴻禧菇 & 溏心蛋菇菇炸得水嫩多汁，加左香料同鹽調味，作為小食真係唔錯。另外喺碗麵度加咗溏心蛋，但原來佢係分開上，好流心好正啊。⭐鹽酥雞呢個真係有少少失望，估唔到啲雞件咁大件，食落去味道比較淡唔太“鹽酥”，但至少炸得香口嘅，而且加咗蝦片好得意，當普通炸雞食合格有餘😝⭐百香果三響炮 & ⭐芝士奶蓋高山幽蘭食台灣野就飲杯台式飲品啦，雖然佢嘅咖啡都好吸引😆百香果叫左少少甜，口味啱啱好，好有果香，仲有蒟蒻同椰果增加口感。另一杯要左清茶加芝士奶蓋走甜，芝士奶蓋鹹香綿滑好正，茶底清香好好飲🤤小店原來收八點，下次要早啲嚟唔好阻人收工啦😝
繼續閱讀
呢晚同朋友一齊嚟咗呢間喺尖沙咀東名字幾得意嘅台灣🇹🇼料理餐廳食晚餐🤣餐廳名字「呷呷念念」估計應該係台語🤣，我淨係聽過「呷飽未」臺灣話即「食飽未」🤣$82「宜蘭紅燒半筋半肉麵」：「手打台灣麵條」比較粗身咬落幾煙靭有啲嚼勁啱胃口好食😋；台灣🇹🇼牛肉麵🐂嘅牛肉一般係牛𦟌呢間餐廳都唔例外，牛𦟌非常好牛味，牛筋就都係煙靭滑滑哋感覺充滿骨膠原🤣；題外話，我去過台灣N次不過未去過宜蘭都想去吓🤣$69「蔥燒滷豬排骨（拌麵/日本🇯🇵米飯）」+$18「滷肉」：滷豬排骨🐷有啲啲滷水香味🤣；都係揀咗「台灣🇹🇼手打麵」都係煙靭好食🤣+$12「百香果三響炮」：叫咗走甜，清新好飲，有百香果又有蒟蒻可以食🤣+$12「厚黑糖珍珠鮮奶」：都係叫咗走甜🤣，鮮奶夠滑，黑糖珍珠就有少少甜甜哋好QQ彈🤣$26「台大雞中翅膀3隻」：燒雞翼，我鍾意食🤣；炸雞翼，我更加鍾意食，餐廳似乎將雞翼撲咗乾粉咁樣炸得外皮脆脆哋兼好香口🤣$26「古早味蒜皮香腸3條」：鍾意食高質素嘅台灣香腸（坊間低質素嘅太多啦🤣），呢間餐廳嘅台灣香腸質素幾高仲配埋生蒜頭🧄一齊食係幾典型嘅台灣食法我鍾意🤣越食越開心，咁就加啲嘢飲下食吓添🤣；$34「鮮奶咖啡」：要咗熱咖啡，要咗多奶，咖啡豆嚟自埃塞俄比亞 Ethiopia 🇪🇹，餐廳做到好香咖啡味亦都好香奶味🤣$24「土林貢丸串（3串）」：貢丸開邊切，然後用竹籤穿住燒焗過，幾好玩又幾好食🤣
繼續閱讀
位於尖東麼地道的「呷呷念念」，係一間主打台灣菜的咖啡店☕️店內裝修簡約舒適，堂食座位不算多，採用電話自助點餐形式外婆家皮蛋豆腐豆腐超級嫩滑，滿有豆香，配上肉鬆、皮蛋及秘製醬汁，清新滋味宜蘭紅燒半筋半肉麵湯底濃郁，微微辣，配上台灣麵條，好吸湯，正呀！牛𦟌好軟腍，半筋半肉，牛味好濃郁～牛筋都炆得好腍同入味手工雞絲滷肉香腸拌麵雞絲份量十足，皮光肉滑，鮮雞味濃！仲有脆卜卜嘅台灣腸，邪惡美味。台灣拌麵口感煙韌彈牙，每條都掛滿滷肉汁，好好食純茉莉綠茶熱茉莉綠茶滿有茶香，去脂解膩鮮奶咖啡即磨咖啡香濃醇厚，口感順滑，非常出色
繼續閱讀
年輕嘅時候，孭住個背囊，坐台鐵環島，食台式便當，嗰種年少輕狂，對世界充滿好奇嘅稚氣回憶，隨年月之中其實並無逝去，只係一直埋藏喺我哋嘅心底。直到今日嚟到尖沙咀嘅呷呷念念，餐廳係一間台式小店，夜市食物、便當料理等，嗰份台灣嘅味道同人情味將我哋帶到去回憶中嘅想見你。外婆家皮蛋豆腐皮蛋豆腐真係唔需要過份嘅修飾，嫩滑嘅豆腐配上軟綿糖心嘅皮蛋，口感就係呢道菜嘅重點。古早味蒜皮香腸香腸juicy，一咬爆汁，但其實主角係蒜皮！蒜皮非常香口，嗰種欲言又止嘅微辣感，充滿層次。原汁紅燒半筋半肉便當經慢煮燉煮嘅牛筋同牛腩非常入味，牛腩肉味香濃厚實、牛筋Q彈，極具口感。精華所在當然在於醬汁，拌飯一流！飄香蔥油拌麵香噴噴嘅蔥油拌麵混合咗蔥油同醬油，令香味之中添上一份甜味，麵條爽口又掛汁，油香十足。
繼續閱讀
比起喺大商場搵食 個人更愛發掘小店～行過尖東 見到呢間台式料理幾抵食 一於支持吓五點嚟到 做咗第一檯食客 慢慢拍片啱晒～❣️宜蘭紅燒半筋半肉麵見到湯頭嘅顏色 就知道冇揀錯 湯底勁濃郁牛腱同牛筋都炆到好腍好入味 份量慷慨再搭配埋啲酸菜 台灣嘅味道即時出晒鍾意呢種粗面 食落有咬口❣️糖心蛋蔥燒滷豬排骨拌麵雖然糖心蛋係要另外加 但冇諗過係一隻半😍豬扒有微微嘅滷水味 外層有一層薄薄嘅炸粉 係正宗台灣便當出現嘅口味 而且超巨型覆蓋晒成碗麵拌麵每一條麵都吸收晒醬汁 食落微甜唔油膩❣️吃吃看鹽酥雞鹽酥雞炸到好酥脆 雞肉就保持嫩滑 勁好味❣️外婆寮皮蛋豆腐滿滿醬油膏嘅味道 呢碟嘅份量真係有啲嚇親我小食嚟講 佢比我想像中大咗一倍😂豆腐充滿着豆香 同皮蛋非常夾❣️台大雞中翅雞中翼大大隻 好Juicy 醃得好入味❣️士林花枝串應該係用花枝滑嚟炸 食落q彈❣️芝士奶蓋高山幽蘭茶冇諗過呢度嘅奶蓋做得咁出色 好啱我口味夠挺身又有少少鹹香味 套餐加幾蚊就有得飲真係超抵
繼續閱讀