味皇魚蛋粉 (已結業)

  　　今天在北角上課，午飯時間便在附近「覓食」。　　　因為有點喉嚨痛想吃些粉麵或粥，看到門外的餐牌，覺得這類的選擇蠻多的，還看到這間有豬軟骨米粉餐，連飲品不過是３５元，想試試，於是便走進去了。　　　十二點幾，人不算很多，卡位仍空著，環顧四週，大部分都是獨個兒佔據著卡位的男性食客，大部分都拿著報紙很專注地看，因此環境尚算安靜。　　　我毫不猶豫就點了豬軟骨冬菇河配熱奶茶。　　　等了大概十分鐘左右便上餐了。賣相還挺好的。　　　我先呷了一口湯，味道尚算不錯，而且最重要的是夠熱。撒在豬軟骨上面的還有一些菜甫薑蓉作為調味。　　　米粉透薄軟滑，口感佳；而豬軟骨醃得十分惹味，是用醬汁醃製的，醬汁滲透在豬軟骨裏面，非常酥軟，骨都稔了，而附著骨的肉也很軟稔，入口即溶，有三大塊那麼多；冬菇也有兩隻，另外還有一條菜和少許蔥花。豬軟骨的美味可媲美知名的連鎖茶餐廳翠X了，讓我一試難忘，並且大力推薦。　　但奶茶卻有點差勁，原因在於太膩，可能因為奶放得太多，我喝了一點兒便罷了。　　在此推薦味皇的豬軟骨，認真不錯！

超時工作過後，來到之前都幫襯過的食肆來享用一下晚餐。點選了的是雞扒司華力腸煎蛋飯。一個想不到有任何出錯的晚飯，但就有兩大問題出現了。第一是那個醬汁非常之油。竟然是可以清楚地看見油跟汁這兩層的，真的有點難想像。而第二個大問題就發生在飯當中。那一份用煎蛋蓋住，外型以為不錯的白飯，竟然是超「濕」的。水份太多，形成過軟，口感一點都不討好。這次整體的感覺都是頗差的！

這次點選了一個新的口味配搭，就是咖喱牛腩芝士焗飯。兩種濃味的東西放在一起（咖喱及芝士），結果怎樣呢？結果是很配合。咖喱味辣得來又不會蓋了其它食物的味道，而芝士就不會羶之餘又能加添了食物之間的聯繫感，口感一流。當然最重要的是牛腩，軟軟的很易入口。值得一讚。

晚飯時間來到這茶餐廰，叫了一個套餐，主菜是雞扒鴨胸腸仔飯。味道尚算可以，只是那鴨胸稍為韌了一點。而喜出望外的其實是這裡的咖啡。沒有酸味，而且奶味調配得合適，喝下去時味道也很香，不加糖也沒問題，真的不錯。

未試過呢間，見佢Ｄ tea set有好多選擇，於是就入去！裡面嘅餐牌都圖文並茂，幾吸引，製作都幾認真！喺千挑萬選之下，我要左個蕃茄濃湯公仔麵餐（煎蛋＋鴨胸）＋蒜茸烘多士＋凍央！上菜時間好快，侍應亦夠快手！個麵端來時已聞到有好濃郁嘅蕃茄味，佢個蕃茄湯底係加埋香草煮，色香味俱全，認真真材實料！ 一路食麵一路飲蕃茄湯，３片厚肉鴨胸，肥瘦適中又唔羶，加埋＂麵之絕配＂煎蛋，大大碗都幾飽！至於塊多士亦夠熱夠脆，Ｄ蒜茸醬都好夠味！除左食物，要讚下呢度嘅鴛鴦！飲得出杯央口感超香滑，味道唔澀唔膩，真係好好飲！

早上又賣完iPhone和太太都北角吃下午飯，出面看以為是魚蛋粉，進內看見MENU又不是，而且很吸引，太太知我鐘意食海南雞飯，又知我鐘意食咖哩，於是點了咖哩牛腩及海南雞飯。咖哩牛腩飯牛腩很軟滑，咖哩很香，不是平時茶餐廳的咖哩味，食得出是自己配香料的，少少辣好香好好味。海南雞飯，雞很滑亦多肉，飯底亦不錯，還配上菜心及中湯，菜心亦好味，湯不是味精湯，湯入面的肉有骨膠原的，讚！！！奶茶亦很香，好難得還喝到好奶茶。

味皇, 對我黎講係一間包羅萬有的茶記! 今日同隻飯腳同事本身諗住食燒味, 最後都掛住佢d 海南雞飯… 午市時份都幾爆場, 見有卡位, 即係攝埋去.點左一個海南雞飯套餐, 有菜, 有飲品, 盛惠$42 (凍飲加$2)海南雞, 無骨, 啖啖肉, 油份可說是適中. (真係冇油, 就唔好食架啦), 飯有點hea… 美中不足菜, 沒有太多驚喜, 唯一可以講既係.. 都幾大碟!熱奶茶, 很香! 很滑! 值得一試!!

有事要做,行開炮台山,夜晚想吃粉麵,所以入咗嚟,見這間鋪名字是魚蛋出名,所以叫咗個名好得意嘅 '麻辣魚寶寶米線餐',雖然我要小辣,但都覺得好辣,而魚寶寶有魚蛋,魚片,魚餃,冬菇,樣樣都幾好味,餐包熱飲$34,後來見一碗如果魚蛋粉都係$21,價錢合理,唔錯~

電氣道過幾一兩年巳好幾間茶餐廳摺完又開新的了唯此店可以屹立多年可見其食物有一定水準一般黎到如果午餐牌唔岩食就會點佢地個大碗飯套餐主要係貪佢幾好食之餘跟餐的係如利賓納百果冰,　椰汁珍珠冰等特飲唔駛成日飲涷奶茶涷檸茶咁悶　我食的日式照燒雞扒,　煎蟹餅大碗飯　-　D雞扒同D汁幾好食我老婆食的日式豬軟骨,　煎蛋大碗飯 - D豬軟骨幾好味一個套餐 HK$35連特飲一杯食完飯慢慢飯杯特飲都可算一大享受

3月6日, 喺炮台山嘅tea time時間, 荼餐廳最集中嘅就係呢一帶~ 有幾間我地都食過, 考慮考慮下就揀咗呢間, 貪佢下午茶餐選擇最多~ 喺灣仔都有食過, 味道都唔錯架~::: 台式肉臊腸仔煎蛋大碗飯 + 凍奶茶 ::: $25 + $2其實一個普普通通嘅腸蛋飯, 就無謂多講, 不過就要一提佢嘅肉臊味道真係唔錯~ 肉臊雖然唔太算得上好台式, 仲比較似係免牛, 係多咗d菇~ 味道都幾好, 夠濃夠杰撈飯一流~ 碎牛加冬菇都夠份量~ 唔錯幾抵食~::: 芝士焗意大利肉醬意粉 + 凍奶茶 ::: $26 + $2焗野都算係呢度招牌之一! 尤其是呢個芝士焗肉醬意粉~ 直情係大大個招牌掛喺牆上狂sell! 上次試過同樣推介嘅焗豬扒飯就麻麻地, 但今次嘅肉醬意粉又出奇地好wor! 意粉大大兜, 肉醬同芝士份量都多~ 芝士香, 肉醬又夠惹味, 加上煮得夠乾身無過淋嘅意粉, yummy!吸取過之前凍嘅教訓, 唔再叫嗰d肥膩膩嘅椰汁紅豆冰… 凍奶茶比例好~ 茶味濃奶味足, 都幾好飲~下午茶時段真係人來人往, 枱枱都叫咗唔同食物, 應該都唔會差~ 不過坐得就有d迫, 張枱都放唔晒d野咁滯~ 有咁多選擇,

得20分鐘食晚飯的情況下, 響附近望左幾間. 見佢poster 個樣ok, 又有分店, 響應該唔會難食掛? 叫左有個Good的香草雞扒+肉燥撈麵. 餐飲水蜜桃百果珍珠.香草雞扒十分不錯, 雞扒滑但唔肥, 雖然皮唔脆, 但香草味都夠. 鍾意佢肉燥同面分開放, 自己撈可以自己控制咸度. 麵唔油, 肉燥就算普通吧. 醬太多, 肉太少.餐飲放低時有d驚, 有d螢光. 太甜. 但勝在料多, 又細粒珍珠, 又椰果甘. 服務ok吧. 夠快. 附近仲有waitress識講煲冬瓜. 總結: 出乎意料食到好食的雞扒. 成碟整體都好不錯. 可惜餐飲麻麻. 唔係我卑個笑你.

今次又係反學既2個鐘lunch time,搵有咩好食既茶餐廳,終於俾我搵到正野喇!!第一次去食既時候叫左: 漢堡扒米粉 + 煎蛋+火腿+多士漢堡扒米粉 :好大碗既米粉上面得一塊漢堡扒,不過價錢平係咁上下喇!!個湯底好清,不過感覺上有小小似雞湯味煎蛋+火腿+多士: 多士烤得好脆身,好香牛油味煎蛋+火腿 亦唔錯,火腿唔會好油第2次去食: 芝士白汁雞扒飯,原本個menu係跟意粉嫁,問佢可唔可以轉飯,又ok wo唔洗加$,而且仲係粉飯底,好正牙芝士味好香濃,雞扒算係滑,但係d汁就真係少得滯,個飯食到一半已經冇曬汁

早幾日行過英皇道間味皇魚蛋粉，兩個人order個侍應聽咗一個就走開咗，完全視客人如無物。然後例湯奉上，係湯浸手指：成隻手指叉落碗湯度，你唔會天真到以為呢d事喺廚房入面唔會發生，但係佢就係夠pok喺客面前present俾你睇。你叫佢換過碗佢同你大大聲，你勸佢唔好咁大聲佢解釋話大聲唔代表有咩用意，問題就係對於人客嘅意見毫無接納、撿討嘅意圖。叫碟雜菌局飯奉送蛋殼兩片。果日我其實有相機喺身，要影張相send俾食環署唔係唔得㗎，我冇咁做算係厚道㗎喇。至於碗湯，一個字：鹹。鹹成咁，鈉含量怕且都幾高。如果我血壓低，日日嚟呢道飲湯，唔知血壓可唔可以正常返d呢？

09年10月15日 星期四一直很怕中午的1-2點去食lunch, 實在太多人, 迫到水洩不通, 連胃口也沒有了. 所以我總會選下午茶時段才去食. 這兒的下午茶時段由2點己經開始了, 每當我很想吃健康的蕃茄湯底的湯粉麵或大大杯的冰凍奶茶時, 我多數都會選來這兒. 今天, 我點了另一款的健康米線, 就是雜菌生菜湯意粉及凍奶茶, 盛惠$25, 超祗. 1. 雜菌生菜湯意粉 ($25包飲品)雜菌有秀珍菇, 冬菇及雞脾菇, 雜菌的份量很多, 加上香味獨特清新, 很討人喜歡. 生菜顏色嫰綠, 吃一口生菜, 非常爽脆, 略嫌生菜份量太少, 只有2-3口的份量. 意粉煮得滑溜, 不會過淋及過硬, 夠煙韌. 奶白色的湯底味夠濃又不肥膩, 很不錯. 2. 凍奶茶一直很喜歡這兒的凍奶茶, 可以說是香濃幼滑, 而且夠大杯, 冰凍無比. 喝完一整杯, 總是相當滿足兼涼透心.

昨晚跟老公吃了一餐日式自助餐, 今日仍感到滯悶, 於是到茶餐廳來個輕便的午餐. 老公點了一個魚五寶河, 我則點了煙肉磨菇腸蕃茄濃湯米線及凍奶茶. 吃完這個帶點酸甜的蕃茄米線, 滯悶的胃口頓時消失得一乾二淨. 1. 魚五寶河 ($23) - 魚五寶有魚旦, 魚皮餃, 魚片, 片頭及炸魚皮. 炸魚皮很大塊, 脆口又不會油膩, 不論是浸濕或乾身吃都很滋味. 魚旦爽口彈牙, 魚味十足, 怪不得自稱為 "味皇魚旦粉". 魚皮餃不過不失, 片頭及魚片比魚旦更爽口更有咬口. 河粉滑溜, 以魚骨為主的湯底也算不錯, 不過喜歡濃味的朋友可能會覺得湯底太淡. 2. 磨菇腸鴨胸蕃茄磨菇濃湯米線 ($30配多士及凍飲)跟餐的蒜茸牛油多士有2片, 金黃色的多士上枱時仍然暖烘烘, 蒜茸味香濃, 雖然這是個跟餐的多士, 但絕不馬虎, 值得一讚. 跟米線的餸可由20多款小食中自選, 我選了鴨胸及磨菇腸, 薄薄的磨菇腸有2大片, 每片比手掌還要大, 味道清香, 不會太濃. 厚切的鴨胸片也有2塊, 鴨胸可能切得太厚, 不夠軟淋, 再經焯熱後更顯得有點硬, 不大吸引. 可惜的是, 蕃茄磨菇濃湯底較以前退步不少