影片
以上資料只供參考, 請與餐廳確認詳情
食家推介
味源同一般餐廳/車仔麵店唔一樣，堂食/外賣都係排隊，排到就揀麵，揀餸，自己落醬汁/辣菜脯/蔥花，最後揀嘢飲同比錢。麵的種類都好多，有河粉、米粉、米線、上海麵、烏冬、拉麵、油麵、粗麵、幼麵、即食麵等。湯底清甜，可以選擇的車仔餸款式好多。醬汁可以加腩汁、自己落可以揀沙嗲汁或者咖哩汁，蔥花同埋辣菜脯都係自己任加，我個人建議加腩汁，再加一大羹沙嗲汁（比較深色個兜），加半羹辣菜脯，咁樣最好食。如果外賣就建議分湯。………………………………………………牛腩⭐️⭐️⭐️⭐️⭐️牛腩好霖好入味，有筋有肉，必食推介！蝦條⭐️⭐️⭐️⭐️來貨嘅蝦條，會翻炸 ，不過再近一次食明顯來貨唔同左，無咁好食，keep in view!蘿蔔⭐️⭐️⭐️⭐️清甜無渣，好味。凍奶茶 （少冰少甜） ⭐️⭐️⭐️⭐️⭐️茶味同奶味好平衡，飲落順喉，少甜的甜度對我嚟講啱啱好。………………………………………………味源車仔麵係一個好高質素的地道車仔麵，每日午市都大排長龍，你可能會問，咁夜晚呢？唔好意思，味源每日開到3、4點賣晒就打烊。
繼續閱讀
## 食評：性價比高嘅黃大仙車仔麵最近去咗黃大仙一間好出名嘅車仔麵，真係性價比高，值得推薦！### 食物評價1. **三餸麵**： - 只需$50就可以享受到三餸加麵，仲有凍飲，真係好抵！酸齋、大腸、雞翼同牛腩都好好味，特別係牛腩，肉質軟嫩，湯底非常夠味。2. **份量**： - 份量方面都唔少，食完真係好飽，適合肚餓嘅朋友。3. **菜譜**： - 啲菜譜幾香，但係有啲辣，適合鍾意重口味嘅食客。4. **湯底**： - 湯底有得揀腩汁同沙嗲汁，兩者都唔錯，腩汁味道濃郁，沙嗲汁則有啲香辣，增添咗風味。### 總體評價總體來講，呢間車仔麵真係好味又抵食，雖然要排隊，但係等嘅時間都好快！下次再帶埋朋友一齊嚟享受！
繼續閱讀
🍜 車仔麵 HK$57＞豬頸肉、蝦條、豬油渣、蘿蔔・味道：鍾意呢間啲汁可以自己調配想食嘅味，沙嗲汁X咖喱汁＋辣菜脯＋香蔥🤤，真心不死配搭勁香口惹味！然後豬油渣吸晒啲味，一咬就散發豬油香＋醬汁們，正呀！！！豬頸肉唔係肥瘦相間，外皮亦唔算烤得好焦脆，但食落就冇咁油膩～蝦條好似南記春卷咁，有粟米咬下，魚肉算煙韌。蘿蔔香甜冇渣，穩陣發揮～仲會送幾塊大生菜畀你，happy😙・口感：就是一間穩陣發揮嘅抵食車仔麵，經過可以會一會佢！・・・・・・・・・・・・・・・・・・・・🤰性價比：高～🤰9衝度：9衝～🤰結論：真係做街坊生意，車仔麵免費加配配凍熱茶啡，任倒醬汁，配嘢食嘅遮遮們仲好nice添，愛了！・・・・・・・・・・・・・・・・・・・・
繼續閱讀
7月22日揾食肥華同靚媽，到此間車仔麵店踩場，同是初到此店，但此店嘅，門面及外觀衛生環境，食客坐位舒適度，和員工形像及枱面上供食客用嘅調味醬料種類，此店都可以講，完勝環鳳街嗰間(友記姑姐小食店)至於食物方面，肥華今日所點嘅，車仔麵靈魂餸，豬皮，豬紅，蘿蔔，連埋個搭貨嘅牛腩，都係平平無奇，好食唔到佢，難食又冇佢份，至於個牛肚則唔夠淋又冇乜味，再加埋個偏硬身嘅粗麵，論食物質素，此店衹值B級評分，但雖然此店食物收費比(友記姑姐貴)但友記個進食環境實在不佳，所以若兩者選一，肥華寧願食貴少少，選擇到此店，食車仔麵
繼續閱讀
次次嚟都會食豬油渣, menu寫話係自家製, 真係好好食.必食嘅有牛腩, 豬油渣, 豬頸肉, 同埋要腩汁!!!!3餸加嘢飲先係$45, 仲可以試吓佢哋個辣菜寶🤞🏻同埋入面冷氣好夠, 唔會食到成身汗🙈
繼續閱讀
您可能會有興趣的...