影片
上網睇翻哩間餐廳，居然得我一個寫餐廳食評!放棄咗隔離街果間愈做愈差嘅皇城, 都總要搵餐廳落腳架, 記憶中味廚唔太差, 係門口睇睇佢地個餐牌又幾吸引, 就入去試試!坐底后待應妹妹笑笑口問我D咩, 先猛然醒覺, 相比起皇城D黑口黑面嘅阿姐, 味廚感覺舒服得多.點咗個香濃芝士蟹肉伊麵, 一個黑椒薯仔炒牛柳絲飯.優點 :1, 可能好多食客不滿意伊麵, 因為話就話香濃, 但伊麵上枱時一D芝士味都無! 但噤樣先令我中意, 因為我好怕聞芝士牛奶味!食okay, 但千奇唔好被我聞到芝士味, 所以哩碟伊麵絕對夾哂我口味!2, 伊麵食得出有真蟹肉, 伊麵無話煮到斷開哂.3, 牛柳絲炒得夠juicy 同嫩口.4, 凍飲用高身嘅杯.5, 兩碟嘅份量適中, 無偷工減料.6, 冷氣足夠.缺點 : 1, 黑椒略嫌過多, 而且黑椒粒 size 大咗D.2, 叫凍O茶少冰, 變成凍O茶少甜.3, 如果有送外賣服務更理想.
繼續閱讀