51
4
4
港鐵奧運站 B 出口, 步行約5分鐘 繼續閱讀
電話號碼
5437 1969
附加資料
帶點fushion風的漢堡餐廳,例如把海南雞飯和漢堡二合為一,變成海南雞飯堡,值得一試。
付款方式
現金
座位數目
6
其他資料
Wi-Fi
酒精飲品
自帶酒水
室外座位
食評 (59)
等級4 2016-09-02
589 瀏覽
機緣巧合之下終於食左尼間飯堡啦🌝除左m記之外第一次食飯堡,小店空間細細的,入面有兩張枱,出面bar枱有三個位。坐得幾逼啦,同埋冇冷氣得風扇!勝在裝修我都幾鐘意💚野食主打漢堡同飯堡仲有d小食,叫左個黯然銷魂飯堡,開頭仲諗咩叫黯然銷魂飯🌝朋友話咩呀你冇睇周星馳咩?原來即係叉燒蛋飯堡😂哈哈好名好名。飯堡即叫即煎大約10-15mins有得食啦,叉燒配飯堡配隻熟蛋,入面仲有d菜🌱叉燒似自家製,食落咬口十足,飯堡有小小微辣。食時就難食d,跌到周圍都係😱窩蛋芝士牛肉飯堡,其實係港式窩蛋牛肉飯,但佢就將佢整成飯堡,係幾吸引😍影相一流,上面隻蛋仲係水汪汪架,一吉穿佢就非常流心,好邪惡🌝牛肉偏淋身同冇咩牛味,食到d黑椒味,芝士味都唔出,味道一般。因為煎既關係,兩款飯堡都比較油膩🌝 繼續閱讀
(以上食評乃用戶個人意見 , 並不代表OpenRice之觀點。)
等級2 2016-08-31
380 瀏覽
Lunch同同事去食,感覺有D中伏🙄首先舖頭真心太細,室內得貼牆2張超細枱仔一共只可以坐4人,然後其他想堂食嘅只可比企馬路旁邊食包兼食塵(堅。馬路旁邊)然後D包價錢都吾平,好多創新嘢but龍頭蛇尾其實得個新鮮感並冇幾好味自己叫咗個素包同事叫咗海南雞包(相都懶得影XD)上菜超級慢,然後個包好干好硬,撕開會有好多包碎嗰種cheap包,而且成個包好厚都吾知點食(怪我地嘴細咯🙄)我地最後係分開哂一層層咁食😑😑😑不過小食反而Ok D,薯條D調味粉好正,蛋沙冿同omelet不過不失唯一比較好嘅係佢走文青風,店內有少量小說任睇,而且有本留言簿可以塗鴉玩玩不過環境同食物太差+吾係好抵食,我吾會再去囉😶 繼續閱讀
(以上食評乃用戶個人意見 , 並不代表OpenRice之觀點。)
等級4 2016-08-01
568 瀏覽
約了很久, 終於到這一天, 今天是我喜歡的歌手炎亞綸開(可能是最後一次)的演唱會, 本來興緻的約左胖蕉去, 但是剛好他出韓國團, 所以唯有找知心好友陪伴, 雖然行程係定給我老公胖蕉, 幸好我知心好友也是吃貨金牛座, 也是令她滿足的一天喔之前胖蕉話過想吃這間的海南雞飯堡, 所以一直都話要來試, 今天我就帶了知心好友率先來試試, 是日星期日下午, 大角咀整條街都無咩人, 可能是因為太熱了吧, 也不是餐食時間, 我們就很隨便的找到位置坐, 是門口的位置, 2人坐, 不久來了一位女士帶了她的毛孩來, 調玩之下, 原來毛孩名字是阿蕉?! 太巧合了吧@@跟我家胖蕉一樣名, 也是一樣的吃貨, 因為我們全程吃, 它就全程的眼光光看著, 很想吃~~說到食物, 一坐低就點了涼快飲品, 其實都多選擇, 可樂汽水也不錯, 但又怕一肚氣吃不光整個包, 剛剛在街上走了一輪也一身滿滿汗, 對抗中暑當然要飲這個...我來到當然就是要點海南雞飯堡, 炫耀給胖蕉看, 我朋友本身不知道我帶她來吃這麼有特色的漢堡, 所以她也想了又想, 最後點了應該是窩蛋牛肉堡, 有芝士的在漫漫等待的過程, 見到店內滿滿都是台灣CAFE那種輕鬆的STYLE, 可以隨便坐坐, 放毛孩入來一起吃, 可以隨手拎起自己想看的書, 十分寫意, 如果冷氣多一點更是完美, 可以坐比較久喔好了, 我的海南雞飯堡是第一個登場, 剛剛已經聽到”滋滋”聲在烹調, 一上枱是熱騰騰的上面的飯像飯焦一樣有一點兒脆, 偏硬身, 飯是煎過, 下面的飯反而比較軟, 中間的雞已沾滿海南雞醬的味道, 帶有丁點辣椒, 整個兒是甜中帶有咸香, 雞是煮到剛好, 也不會老, 也很配合青瓜的香, 所以咬落好有爽口的感覺, 如果覺得吃到咨了, 就咬一口青瓜中和, 這配合不錯原來海南雞飯, 真係可以做包!!一個份量對於我這樣的女生也算較多, 我也吃不完, 吃到大概80%就飽了, 90%盡了, 到了晚上看完演唱會也不會覺得餓 繼續閱讀
(以上食評乃用戶個人意見 , 並不代表OpenRice之觀點。)
等級3 2016-07-18
268 瀏覽
特意駕車前來一嚐這裡的特色漢堡,本是衝著海南雞飯漢堡而來,可惜已經售光…於是點了個窩蛋芝士牛肉飯堡,再加蘑菇奄列配汔水。飯堡煎得非常香脆,就好像煲仔飯的飯焦一樣, 飯面有味粉和芝麻調味,所以味道不會太淡!內裏是一隻窩蛋和漢堡牛肉扒,配著秘製醬汁, 窩蛋是半熟的流心蛋,剌破後有濃濃的蛋液流出,混合在飯堡上,每口都能嚐到蛋液和芝士的香濃。唯一可惜的是底到的紫菜有點疏氣了,不夠脆身。蘑菇奄列相對失望,買相差,蛋煎得過老,蘑菇沒有炒香,整個感覺味道很淡。由於店舖內已經滿座,我坐在店外馬路旁邊用餐,整個感覺快要溶化了… 繼續閱讀
(以上食評乃用戶個人意見 , 並不代表OpenRice之觀點。)
等級4 2016-06-23
259 瀏覽
行行肚餓 想搵啲野食 係大角咀搵啲野食 經過呢間味帝啲漢堡配搭幾得意 就入左去食 。叫左個北菰滑雞飯堡 中間既北菰好夠味就咁食已經好正 加上個塊雞既配搭 令到個漢堡更加有層次 唔會咁齋 中間既汁料足夠 唔會令個漢堡好乾。仲有叫左個香草魚堡 個個魚有好香既香草味 中間又夾左啲番茄 令到個包好清新 唔會好油膩。最後加多個窩蛋芝士薯條 有好多芝士 令薯條加上芝士既香氣 吃唔停口。所有食物都係即叫即做 雖然要等10-15分鐘 但都係值得架 店鋪既裝修好有歐陸風情 猶如置身於外國一樣 喜歡新奇事物既人一定要試下 必定令胃腩大一圈 繼續閱讀
(以上食評乃用戶個人意見 , 並不代表OpenRice之觀點。)