影片
港鐵尖沙咀/尖東站 P3 出口, 步行約1分鐘
繼續閱讀
電話號碼
24933338
營業時間
今日營業
12:00 - 21:00
星期一至六
12:00 - 21:00
星期日
全日休息
以上資料只供參考, 請與餐廳確認詳情
相關文章
好耐無食拉麵, 係尖沙咀跳完舞, 就黎到呢間新開無幾耐的拉麵小店食晚飯, 呢度裝潢好有日本居酒屋feel, 牆上貼滿海報同燈籠作為佈置餐牌簡單易明, 主打濃清湯, 選用新鮮豚肉, 揀左邊款麵, 可選三款湯底: 海鹽､醬油､味噌:*巨龍 ~ 特盛慢煮叉燒濃清湯拉麵 $108選了海鹽湯底，味道香濃，拉麵爽口彈牙，慢煮叉燒好大塊, 份量唔小，軟腍不會肥膩，配埋溏心蛋, 蛋黃味濃郁, 仲有香口的炸日本牛蒡, 好脆, 記得要快食, 唔係會腍左*白龍 ~ 白松露慢煮叉燒濃清湯拉麵 $108揀選了味噌湯底特別啲, 試下湯先, 飲落不會過咸,味道濃郁, 拉麵軟硬適中, 配以白松露, 都幾香, 豚肉新鮮軟腍*自家製魷魚豚肉餃子 $48餃子外面煎得香脆，豚肉加上魷魚和蔬菜，口感十分豐富又有咬口，點埋特製醬汁，更提味*蟹肉忌廉薯餅 $38一小件岩哂一人食, 炸至脆皮金黃色，不油膩。咬開軟綿又香口，加埋小小忌廉醬和上面的飛魚子，更有口感富士柚子汽水 $ 28 ~ 清爽帶點香甜柚子味又有小小微酸, 好岩夏天蕃石榴汁 $ 18 ~ 冰凍解渴佢都有午市套餐和冷麵提供, 又俾多個選擇大家, 而家仲可以儲印花卡, 集齊可以換小食和拉麵, 真係太好了! 下次想試下冷麵, 岩哂夏天!
繼續閱讀
一向喜歡日本拉麵既我，飲一口熱湯入肚，暖胃又暖心。今次去到尖沙咀新開既味吉長龍，依間係石亭同沃川兩間尖沙咀居酒屋嘅新分店 (歷史26年同23年，同一個老闆)，清湯路線為主，香港市面上無咩人做，想「簡單直接」唔想玩花臣，沃川同石亭個風格都係一樣。裝修以日式、木系為主，牆壁掛上食物圖像設計，以及日式擺設及掛飾，環境舒適寫意。餐牌上有多款拉麵、慢煮叉燒日本產米飯、日式小食、汽水果汁等等 ; 午市套餐 (拉麵價+$38跟小食飲品)，選擇多元化，真心覺得唔錯呢。我地就揀咗2個拉麵套餐，拉麵、小食及飲品。金龍 - 濃湯海老拉麵 $128遠處已聞到陣陣海老湯氣味，香噴噴，廚師精心烹製嘅豚骨清湯底及海老湯，在口裏充滿濃厚嘅香味，鮮味十足，而大蝦彈牙爽口，鮮味十足，叉燒一咬即化，口感軟綿，半熟玉子嫩滑可口，拉麵吸入左湯汁，味道特別香濃，無論夏天或冬天都適合食碗熱熱嘅日本拉麵。巨龍 - 特盛慢煮叉燒濃清湯拉麵 $108依碗巨龍嘅叉燒份量係一般嘅3倍，所以絕對適合愛食肉既人仕，薄叉燒肉味濃，口感同樣一咬即化。湯底色澤清徹，味道清甜鮮香，都帶有豬骨味道，麵條亦是新鮮製造，配有半熟玉子、蔥、炸牛蒡，不油不膩，口感輕盈，不少拉麵控都會慕名前往。自家製魷魚豚肉餃子 小食有8款選擇，點咗魷魚豚肉餃子，自家製作，外皮炸至金黃，香脆可口，餡料包著魷魚和肉，味道鮮美，口感豐富。味吉炸雞另一小食揀味吉炸雞，外脆內軟，雞肉好滑，入面仍保持肉汁，沾上日式醬汁更惹味。日本 Tomomasu Soda (西瓜) 日本西瓜梳打，西瓜味香甜，梳打嘅甜味自然，唔係果種重糖漿味嘅梳打。日本 Tomomasu Soda (白桃)每次吃拉麵必點嘅梳打汽水，桃味係我其中喜歡嘅一款，清甜桃味，冰涼解渴。
繼續閱讀
大師同我都滿滿期待咁黎食拉麵…因為佢係石亭同沃川老闆開嘅新店黎~沃川係難得稱得上 “隱世 . 優質” 嘅好店, 所以好想快啲食到佢地簡單直接做好嘅拉麵呢~蜆肉我地都大讚! 粒粒肥大飽滿 更鮮甜爆汁!精心簡過咁, 一日三餐都响街食嘅我地, 堅覺 好難得!鹽味濃湯大蜆拉麵 $118大愛佢 零油膩, 清得黎好夠味~ 性價比 極高! 必試!柔軟嫩嫩的 口感好好, 少食肉嘅我 都快快食埋第二片~ 蝦大隻有肉地 鮮甜彈牙, 平日真係難得食到咁新鮮, 仲要係用黎做拉麵, 感動咗! 特濃蝦湯拉麵 $128湯頭鮮味, 麵質適中, 性價比高!自家製魷魚豚肉餃子 $48好足料, 大大粒爽彈魷魚肉~自家製 有誠意, 比例恰到好處, 要讚佢! 味吉炸雞 $38靜罔綠茶可樂 $28富士柚子汽水 $22枝都好飲, 綠茶可樂有驚喜 比預期好飲, 不妨試試~出街食拉麵, 唔會特別飲多湯嘅我地…今次不知不覺 飲曬咁滯… 店面有著濃濃日本傳統小店風, 加埋認真嘅出品, 真係有啲小旅行感覺呢~有得儲印花, 可以換小食/拉麵, 好開心喎!
繼續閱讀
漆咸道南新張不久嘅拉麵店「味吉長龍」，拉麵湯底和食材都係超水準，原來係尖沙咀石亭同沃川居酒屋的新分店，兩間日本料理均有20幾年歷史，完全係信心保證，拉麵店以新鮮豚肉和豚骨，熬製多個小時的清湯底為主打，將心機和美味帶給顧客👍▪️北海道豚足鹽味濃清湯拉麵 $ 108先飲一下湯底，濃郁清甜到不得了，原來係用咗新鮮豚肉和豚骨、蔬菜和秘製香料，熬製12小時以上，味道香濃又不肥膩，食材更是精彩，超大隻北海道豚足，軟腍又彈牙，滿滿骨膠原，配上慢煮叉燒、溏心蛋、超香口嘅炸日本牛蒡和香蔥京蔥，呢碗拉麵真係近期食過數一數二好食▪️特盛慢煮叉燒特製味噌拉麵 $ 108這碗拉麵我們選擇了特製味噌湯底，厚身而味道濃郁，配合爽口彈牙嘅拉麵超美味，慢煮叉燒份量超多，口感軟腍肥瘦適中，而且咬落好Juicy，真係超高班，配菜溏心蛋一樣出色▪️味吉炸雞 $ 38炸雞做到外脆內裏多汁鮮嫩亦唔容易，而且份量細細粒一口一件剛剛好，沾上沙律醬更加好食▪️自家製魷魚豚肉餃子 $ 48最喜歡這種底部煎得像薯片一樣香脆的餃子，豚肉再加上魷魚和大量蔬菜，口感更加爽口味道豐富，沾上餃子醋汁，非常之好食▪️日本TOMOMASU SODA $ 28（芒果和白桃）店家有多款不同，日本飲料可供選擇選，這兩款口味的梳打味道清新，而且唔太甜配拉麵一流
繼續閱讀
經過尖沙咀見到呢間拉麵，見到D食評話佢係主打「濃清湯拉麵」，即係清澈得嚟又有濃味，好特別，咁就試吓啦～我哋兩個人叫咗兩款拉麵＋兩款小食，一齊分享：🍜 濃湯海老拉麵 一上枱已經聞到蝦香～湯底真係好香好濃，但又唔會好杰或者死鹹，係好滑好香嘅蝦湯味。麵係偏幼身，掛湯力好，食落唔會好飽滯，飲晒個湯都唔覺得heavy。老公都讚不絕口。評分：👍🏻👍🏻👍🏻👍🏻/5🐚 鹽味濃清湯蛤蜊拉麵 鍾意清爽啲一定要試呢款～湯底有陣陣蜆鮮味，鹹味啱啱好，食落覺得「清」但唔係淡，同一般出面食到既拉麵湯底真係有啲唔同。加上蛤蜊份量唔少，每粒都好新鮮，食唔到有沙。評分：👍🏻👍🏻👍🏻/5🥟 自家製尤魚餃子 呢個真係要特別講！平時好多餐廳都寫係咩咩餃，但通常都係食唔出有咩；但呢個尤魚餃一咬開真係食到尤魚，唔係得個名，餃皮煎得香脆，咬落又彈牙，內餡係滑嘅，帶有海鮮鮮甜味，幾有驚喜！評分：👍🏻👍🏻👍🏻👍🏻👍🏻/5🦀 蟹肉忌廉薯餅 賣相幾靚，炸到金黃色，唔會太油。切開見到入面真係有蟹肉絲，配上輕微忌廉醬，唔會好膩，口感creamy得嚟又有少少薯蓉同蟹肉纖維感，唔錯～評分：👍🏻👍🏻👍🏻/5整體嚟講，呢間主打嘅濃清湯真係唔係講笑，湯底特別，拉麵好味，價錢又唔貴；小食方面真係有心做，推薦尤魚餃子一定要試！整體味道指數：😋😋😋😋/5性價比：💰💰💰💰/5環境：❤️❤️❤️❤️/5服務：✅✅✅✅/5
繼續閱讀