周記點心

營業中

休息中

平日好少夜晚飲茶，緣由買咗復活節萬怡酒店山頂大富翁套票Staycation，唔包晚餐，剛好可以試試西營盤附近美食，Openrice評分都唔錯，唔光係點心，亦有飯食，就選呢家啦，我哋7點半左右到，店入面好少人，原來夜晚8點Close，午餐一定要排隊啦，點了芝麻蝦🦐多士，上菜好快，非常好食，老少皆宜，蝦肉選料新鮮，蝦肉超級厚，多士炸的剛剛好，芝麻夠多夠香口，馬拉糕亦有水準，鬆軟唔粘牙，仔姜皮蛋蝦肉卷都好食，頗有創意，口水雞就唔夠正宗，但都好味，其他食物都話可以，總體性價比都不錯，很滿意的晚餐，有機會會再去食蝦多士，試試邪惡嘅流心西多士。

周記點心奶黃流沙西多士網上流傳多時的流心奶黃多士，幾乎每張枱也點上一份，外型吸引，色澤誘人，金黃香脆的多士，流沙奶黃滿溢，但吃兩三件也飽。沒有期望中特別，可以一試，不過店內座位狹窄，其他食品也不太出色。周記點心地址: 西環西營盤水街東利大厦地下H1號舖(港鐵香港大學站 B1 出口, 步行約4分鐘)電話: 25592389營業時間: 星期二至日 08:00-18:00 (星期一全日休息)

I heard about this restaurant for so long and I purposely went there on yesterday. The French toast is really surprise me. Dim sum are yummy and sizzling hot, love it!

每次諗唔到食咩，胖侶都會提議去食點心😂。呢日weekend 我地去到西環呢間點心+茶記fusion既餐廳。🥢蝦多士- 麵包炸得香脆可口，蝦肉彈牙，沾沙律醬同食， good😋🥢蝦餃- 皮夠薄， 蝦肉彈牙，一定要沾辣油同食，好正😋。🥢鳳爪排骨飯- 鳳爪夠淋，排骨醃得夠入味，配上豉油撈飯同食，好正👍。🏠周記點心🛤️西環西營盤水街東利大廈地下H1號📍港鐵香港大學站B1出口，步行約4分鐘

諗住喺附近想食下西多士，點知見到呢一間個賣相唔錯，就入咗去食。咁就坐低嗌左個奶黃流心西多士。冇錯係好流心啊，打卡真係一流，但係冇咗原本食西多士嗰種味道，同埋有啲唔抵食，所以食一次真的夠了。

快快樂樂吃點心❣️❣️疫情之後，都已經唔太敢去茶樓食點心。邊傾計邊飲茶邊嘆點心絕對係香港生活既一大樂事：）不過自從疫情，係街輕鬆除口罩有時少不免都有啲心理壓力同負擔，出街飲茶既勇氣都少之又少🤦🏼‍♀️好在變通既食肆即使外賣都保持住應有水準！難得去西環，好想再會當年一試難忘既流心奶皇西多😋叫左6個點心外賣，樣樣都好出色😍😍～XO醬炒銀針粉～香口XO醬配上香蒜，帶微辣而又彈牙既口感令人一口接一口！好香好惹味！～懷舊糯米包～一見到童年回憶就返哂嚟😂細個隨處可見，而家見得返的確係喜出望外。大大個糯米飯包住成糯米包，糯米炒得濕潤入味，咬開好香糯米飯味，正😋～雙色燒賣～有黑松露味同蟹籽，正常水準，係粒燒賣偏肥膏左啲。～醬汁鳳爪～惹味掛汁之選：）～山竹牛肉～偏向唔爽口既山竹牛肉，都幾腍，不過唔係好夠芫茜香。～流心奶黃西多～絕對係其中一樣周記名物。一切開奶黃醬係中心源源爆開，每一口都有充足奶黃醬，西多唔算油，混合奶黃醬一流！闊別數年，依然出色❣️❣️能解點心之癮，開心：）😋😋

西營盤的周記點心有流心西多士，揀咗奶黃味，切開的確好流心，但將流心奶黃連埋油炸西多一齊食，其實都幾漏，食返奶黃包會適合啲。蝦多士反而有驚喜，芝麻好香，蝦膠都唔少，係塊多士腍咗啲。點心都中規中矩，牛肉球落得太多粉，口感都幾差。總結：試一次就夠

個流心奶皇西多唔記得影相好味ge，不過大家share開心d一個人食真係太膩春卷超級好食入面啖啖蝦肉！蝦餃、燒賣、咖喱魷魚都好正路銀針粉都幾特別_(:з」∠)_個人覺得都可以再食不過d瓶裝飲料真的太甜了(/ω＼)平時全糖ge我都頂唔順

食過好幾次嘅點心，每次質素都好穩定！果斷encore~🦁✅ 奶黃流沙西多士 ($34)：係食過最正既西多士🤤 爆多奶黃醬 加埋熱辣辣既西多真係一流！🦁✅ 芝麻蝦多士 ($42)：滿滿既芝麻超級香！多士炸到超級脆！蝦🦐餡都好香 撈埋沙律醬真係好惹味！🦁➡️ 鴛鴦燒賣 (黑松露/蟹籽) ($30)：正常🦁✅ XO醬炒蘿蔔糕/ 銀針粉($40)：兩碟個味都係一樣XO醬 所以叫其中一樣都夠 個人覺得銀針粉比較好食 質感煙韌 XO醬夠辣好香🦁✅ 黑松露湯餃 ($26)：黑松露味好香 餡料醃得夠香 餃皮夠薄🦁➡️ 煎蛋牛肉飯($30)：正常 好彩份量唔係好大🦁✅ 樽裝原味奶茶($22)：好飲！🦁 周記點心 (西環)西環西營盤水街東利大厦地下H1號舖🦁 人均消費：$130, 推介：❣️❣️❣️❣️❣️

呢間比較新潮既點心專門店😎一直大獲好評👍🏻 好多唔同款式既流心西多士好吸引🥰 除左招牌點心之外 其他傳統小點質素都好唔錯架😋⭐️ 奶皇流沙西多士 💛一開始最招牌既點心💕 切開金黃既西多🍞 邪惡既奶皇餡慢慢流曬出黎😈 將脆脆既麵包浸到奶皇漿裡面👑 好滿足🥰 兩個人分黎食 出奇地唔膩😛⭐️ 鴛鴦燒賣 🥟蝦仁🦐大大粒 同魚肉一樣好新鮮好彈牙🐟 好似係大海裡面游水既感覺🌊 鴛鴦係指點綴既蟹籽同松露醬🍄 個人比較喜歡蟹籽既鮮味🦀⭐️ 懷舊糯米包 🍘好似糯米飯感煙煙韌韌🍚 但係比較濕潤D💦加上粒粒臘味既鹹香🥓 好有懷舊既滋味⭐️ 子薑皮蛋蝦捲 🦐蝦肉十分彈牙🤪 酸薑同皮蛋既配搭好Match😍 酸酸辣辣中和左皮蛋既濃郁🥚 仲有一小碟酸薑 🌶岩曬鍾意口粒濕既你🤣 包住既外皮好酥脆 但係唔會成口油😋

好食的章魚肉餅飯鹹度適中 佈滿章魚碎椰汁奶皇包 內餡較少 而且不流心係凝固嘅奶皇個人比較喜歡流心的奶皇 鮮竹卷同燒賣都唔錯不過不失的炒銀針粉 大大件🍤多士熱辣辣仲係好鬆脆好食但係稍有點油膩

周記呢個名由細細個已經聽唔少，親切咁幾大💖💖，再加上印象中發現好似無乜邊間周記係唔好食要black list嘅✅✅，哈哈我自己會有個感覺周記應該都好old school style嘅餐廳，外表殘殘舊舊，內裡好好味，呢間周記出面睇係好靚仔，係新淨嘅Chinese Style，應該係裝修過嘅，我以前行過記憶中係白色門面，宜家係中國宮廷風裝修🐲🐲，幾特別今次無時間坐低食野，但係都有好好體驗，因為今次眼訓就嗌咗習慣嗌嘅😴😴<原味凍鴛鴦>一開蓋已經聞到好香嘅味道👃🏻👃🏻，飲落茶啡奶都各自有韻味，組合之後風味更甚，只係飲開少甜嘅我覺得有D甜姐，唔錯唔錯，加上凍飲原樽，飲到落後面都仲未淡味，認真正💪🏻💪🏻有時間一定要再去試埋其他野

爆漿西多，蝦多士，灌湯餃都係必試既野！-蝦多士好足料，蝦肉彈牙，多士又夠脆，出面好少食到咁足料既蝦肉😍😍-奶皇流心西多，佢每件都係新鮮炸出黎，一上枱你會見到佢脹卜卜，就知佢啲醬都落足料，一切開既時候，佢啲奶皇醬真係爆出黎，仲好香咸蛋味，正！-黑松露灌湯餃，大大隻，啖啖肉，勁足料，吾似得出面啲餡勁空心，而且佢個湯都好好飲，一滴不留！-雙色燒賣都好食，但吾係特別，食吾到蟹肉味，2款燒賣既味道係無差別😂-芝士春卷無乜芝士味，菜苗餃足料好食！炒銀針粉都好食，但預左食呢啲係油啲

泳池重開。好開心可以在西環進行一個簡單下午茶餐。有我最愛的XO醬炒下腸粉咁，呢個如果落多芝麻就真係正，而且銀芽菜很爽口，送飯一流。呢個餐屬於下午茶餐+8元有又有樽裝奶茶配送。之後就係朋友推薦的奶黃流沙多士，剛剛好原來有下午茶餐。服務員提醒下午茶餐優惠多啲，😊流心奶黃系列，多士好脆，上臺之後熱辣辣。切開之後奶黃慢慢流出，月餅都無咁流。提早過中秋的感覺，一切都是奶黃惹的禍😊不過另外蒜蒸排骨就普通少少。

店家态度太差，等待时间很长。在food panda点餐让我们12:40分到店取餐，结果家人到场等候30分钟仍未准备好，打电话去问询，直接被店家挂断！尤其听到讲普通话，直接告诉我们听不懂，挂断电话。这种店再也不会光临