212
23
5
港鐵葵芳站 D 出口 繼續閱讀
電話號碼
91767426
開飯介紹
由一對小情侶開設的小店,主打創意口味布丁燒,布丁燒特別之處在於由焦糖、雞蛋布丁和芝士蛋糕三層組成,招牌口味有椰子及咖啡。 繼續閱讀
營業時間
今日營業
13:00 - 22:00
星期一至日
13:00 - 22:00
付款方式
AlipayHK 支付寶 現金
其他資料
當面支付
食評 (282)
等級4 2020-10-28
1408 瀏覽
前日(26-10-2020 Mon)重陽節補假,特登同老公去食不吐不快外,其實都想食呢間嘅布丁,咁啱佢就係喺不吐不快隔離,而我又驚我食完不吐不快,行完一田返嚟至買,買唔到心水口味,所以先俾錢訂3種味嘅布丁燒.行完返嚟攞,店員pack好俾我,我哋返到屋企後打開,原來佢哋俾埋紙碟同膠匙=.=”,如果我當時知道,我一定話唔要同俾返佢.而呢幾個布丁燒嘅圖案都係halloween特別版,好正,不過o衣o家睇返啲相,原來有喲係”加油”兩個字,如果佢俾晒兩個版本我就好啦.而紙袋側邊印咗QR code,scan睇佢嘅食用指南,真有貼心.1. 伯爵茶老公揀嘅,佢根據facebook上嘅食用指南倒出,我喺冇留意嘅情況下食,伯爵茶味道較甘苦,分開嚟試,上層係伯爵茶味布丁,口感好滑但似mousse;下層似芝士蛋糕,鬆軟嘅;如果兩層夾埋焦糖食,味道都唔會咁苦,幾好味.睇返啲相,原來下層真係芝士蛋糕.味道:4分2. 焙茶其實我想要抹茶但叫錯咗.呢個味道亦都係甘,但冇伯爵茶咁苦,有啲似奶茶味.味道:5分3. 椰爺呢個係新鮮椰青,覺得啱爸爸食,所以買俾佢.咁我都試兩啖,唔知係咪焦糖漿比較多,椰青味本身已經係清,但夾埋變咗唔好食,令的失望.味道:2分抵食係2.5分 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-08
0 瀏覽
呢間葵廣裡面既甜品好有驚喜‼️ 雖然係小店但係味道幾乎有酒店既質素⚜️只埋布丁燒一種甜品🍮但係無論賣相到味道都十分出色❤️ 各種口味同樣好夾😋 第一啖咬落去布丁震下震下 🤪口感QQ的 蛋味好香濃🥚內裡好Creamy同幼滑 唔會太甜 加上面頭既焦糖醬🍬甜度適中 底下有一層薄薄的蛋糕🍰 非常濕潤👍🏻 試左幾種口味🌈⭐️ 抹茶 🍵 用左日本小山園抹茶粉 💚食得出好重料 有抹茶的回甘味 反而可以輕手DD 口感唔會咁粉😅⭐️ 椰爺 🥥好鍾意佢既清甜🌴 淡淡地更能凸顯布丁蛋香 有粒粒椰子口感☀️好有夏天的感覺⭐️ 忘憂咕 🍫朱古力味好濃厚 但係唔會苦😌 中和左焦糖既甜度⭐️ 鐵觀音 ⛩比起抹茶 茶香更加清幽💚 個人偏好淡D既口味😅⭐️ Bailey 🥃甜甜地既百利酒好易入口🍸 酒精其實都揮發曬所以唔會好濃 繼續閱讀
(以上食評乃用戶個人意見 , 並不代表OpenRice之觀點。)
等級2 2021-01-06
15 瀏覽
呢間布丁燒喺葵廣一早已經好出名~所以就專程去試吓佢每一個特定時間都有唔同味道嘅布丁燒出爐,想試吓熱辣辣嘅布丁燒就可以趁佢出爐嘅時間去啦✨所有味道統一一個都係$38,對我來講其實有少少貴🙈因為佢份量比較少,但係味道來講係可以值$38嘅!我叫咗一個鐵觀音同埋培茶味布丁燒,兩個都係茶味非常之重,鍾意飲茶嘅人一定要去試❤️佢嘅布甸燒布甸同埋蛋糕嘅份量係一比一,所以一啖可以食晒蛋糕嘅柔軟同埋布甸嘅順滑~蛋糕軟綿綿唔會太甜,而佢個布甸真係非常好食🖤茶味非常之重,而且好滑,接近入口即溶程度,配埋佢小小嘅焦糖就對我來講甜到啱啱好啦同埋佢係良心小店,所以大家一定要支持呀! 繼續閱讀
(以上食評乃用戶個人意見 , 並不代表OpenRice之觀點。)
等級3 2021-01-06
26 瀏覽
今次介紹既係係葵廣數一數二既人氣小食店,店鋪由2018年7月開業至今,主打芝士蛋糕配上唔同味既布丁燒。店主靠自己一手一腳研究製作布丁燒既口味,出爐既布丁燒會印上店鋪小鹿嘜頭,布丁燒只有岩岩出爐15-20分鐘可以熱食,過後就會放入雪櫃,所以有緣既可以食到布丁燒既熱食,都可以外賣買走。-1️⃣ 椰爺布丁燒💰38(👅: 8/10)椰爺係店鋪招牌口味,同時係最多人叫。每個布丁燒係按步將焦糖、布丁漿、芝士蛋糕粉糊放入模具入面,再係焗爐焗一個鐘。首先布丁面頭會有一層焦糖醬,甜甜地帶小小苦,焦糖醬會會越食越濕潤口腔,但同時唔會蓋過布丁既味道。上層既布丁有椰青肉同加左新鮮椰青水,未食已經聞到好香既椰青香味,布丁燒整體味道清新香甜,食落奶滑,有D似mousse,而椰青肉令到呢個口味比其他更有豐富既口感,椰青肉味清甜。而下層既芝士蛋糕係用北海道芝士,非常濃滑,有芝士香,食落鬆軟,熱食會更加之鬆軟。-2️⃣ 鐵觀音布丁燒 💰38(👅: 7.5/10)鐵觀音既布丁會食到茶味,但茶既苦澀味會重D,而唔係食落好甜個種味。所以布丁同芝士蛋糕一齊食先中和到個種苦澀味,係唔錯既味道不過個人鍾意椰爺多D。-🌟以30幾蚊食到高質既布丁燒絕對值得,呢間我覺得係葵廣每次必去既一站。小店會不時會有期間限定既口味供應,每日的數量都有限,售完即止。建議大家如果有時間可以等布丁燒出爐試下熱食,布丁燒一個鐘出爐一次,每次只有一種味,可以先問下店主大概咩時間出爐同咩口味。-👅味道: 8/10🍴環境: 6/10💰消費: $35 (服務費: NA) 繼續閱讀
(以上食評乃用戶個人意見 , 並不代表OpenRice之觀點。)
等級4 2021-01-04
58 瀏覽
之前去葵廣覓食, 臨走前決定買啲手信返屋企突然諗起之前都幾火紅嘅呦呦鹿鳴布丁燒, 一於買兩件試一試<椰爺(左) 及Baileys (右)>聽講椰爺係呦呦鹿鳴布丁燒嘅招牌口味, 大食妹當然要一試另外再買左個Baileys口味只要輕輕搖一搖, 布丁燒就輕鬆上碟大食妹呢個酒鬼就食左個Baileys口味, Baileys酒味唔夠呀布丁口味偏實, 蛋糕部分少鬆軟, 做飯後甜品都唔錯屋企人話椰爺口味好食好多, 椰香十足, 可以encore 繼續閱讀
(以上食評乃用戶個人意見 , 並不代表OpenRice之觀點。)