呂仔記 (已結業)

東大街呂仔記店內熱賣嘅有魚肉燒賣、碗仔翅、喳咋、魚蛋等小食。嗰日試咗魚肉碗仔翅同燒賣，碗仔翅入面都算多料，魚肉質感及味道唔錯，不過不失。燒賣係自家製魚肉燒賣，都幾大粒但價錢有點貴，食得出係魚肉打出來而唔係溝左好多粉嗰種，但食落比較軟熟，唔夠彈牙，呢種口感我麻麻地。

男朋友話呂仔記係好出名，所以係都要帶我去試吓，點知就大失所望😟😟啲燒賣好似話係特別製造，但講真可能我唔識食啦，覺得冇比普通燒賣好好多，但價錢就超級貴 😵😵再嗌咗其他食物都唔覺得好驚喜，亦都有飲椰汁，覺得唔太啱飲，所以飲咗幾啖都比咗男朋友了~男朋友話個楊枝甘露好好食，但我覺得其他糖水舖嘅仲正🤣🤣睇來我同呂仔記都係無緣㗎啦~加上服務態度唔係太好，啲店員表現都唔太友善，無謂用錢買難受啦🤣我諗啲明星效應都係言過其實，同埋可能都keep唔到以前嘅質素，有啲失望！但可能因人而異啦，因為我男朋友就覺得幾正喇😅

我係呂仔嘅嘅常客，之前一個星期都幫襯幾次🙂平時最鍾意食燒賣、咋喳，之前幾驚佢因為舖位俾人收樓會光榮結業，好不容易等到佢喺新鋪重新開業，點知行到過去見到成個風格同之前好唔一樣，都心知不妙，食物味道冇乜點變，但係咋喳同一價錢就細碗咗，CP值低左，新風格新包裝都少咗之前嗰種人情味，商業化左，可惜可惜😢

東大街呢間40多年老字號港式小食店一向以上等材料做魚肉燒賣、碗仔翅、粉果等平民美食，好多人都係慕名而來。魚肉燒賣$35有八粒家鄕粉果$30有四粒👍燒賣及粉果嘅size都比出邊大少少，亦係花心思自家製作的。👍魚肉燒賣係用黃門鱔製作，有鮮魚味，肉爽彈牙有口感。👍粉果餡料有粉葛、豬肉及花生，口感爽脆有層次。食品的而且確比其他店舖優質，但卻要付出明星級嘅價錢，勝價比唔高，食得幾次呀！老實說，食街頭小食有時係想回味舊式情懷，品質及味道唔係太難食其實都可以接受。

早前的公眾假期，住在筲箕灣的好姊妹帶我到筲箕灣掃街！除了兩位好姊妹住在筲箕灣之外，當時，post 筲箕灣遊的相上  社交平台 後，還有一位男性朋友都是！ 數吓數吓，原來我有3位朋友住在筲箕灣！第一站，她帶我走到筲箕灣東大街的 <呂仔記>！一走進店子，牆上貼上不少明星相片！設有堂食及外賣！供應：港式街頭小食及甜品...等！當中，較為人氣的美食是魚肉燒賣、碗仔翅...等！我們就一於點這兩款招牌美食吧！魚肉燒賣 $30/ 8粒大大粒魚肉燒賣，以加入魚肉，味道帶鮮，口感更彈牙，真材實料！ 起碼不會太軟腍及似食粉糰，配豉油提升口味，小店出品的確有誠意，果然名不虛傳，卻是性價比低，大約 $4/粒！馳名兩溝 (魚肉、碗仔翅) $20另有同價的三溝 (魚肉、碗仔翅及生菜)，我之所以不選擇三溝，只想到生菜有水份，恐怕令整體變得稀薄！碗仔翅質感濃稠，加入肉絲、木耳絲...等及軟身的魚肉，味道啱個人胃口！

很久以前已經在媒體上留意到呢間舖頭，以手工魚肉燒賣馳名，今日巡街一定要試吓。參考了餐牌一回，我只叫了魚肉燒賣一項，因為估計其他都係行貨，不如留返個肚去試第二樣，燒賣一上枱果然名不虛傳，燒賣一定係現場製作因為隻隻都變晒型👌但呢樣唔重要最緊要好唔好食，答案係比市面上任何都好食得多，什麼7–11公仔點心嗰啲垃圾根本冇得比。只係嘆氣講一句，本來冇乜特別嘅嘢，50年後變咗美食😰😰😰同場加映，呢度啲糖水都幾好食，小店出品係有誠意👍

返筲箕灣同屋企人食飯。以前讀書嘅時候間唔時都會幫襯呂仔記，大大粒燒賣，再配埋我好鍾意佢㗎嗰隻辣汁，真係好正，有時我仲會買多碗咋喳添！但佢越嚟越出名，我每一次返嚟在想買燒賣嘅時候，都覺得未免太貴㗎啦！今次專誠再買咗大大粒燒賣請屋企人食，但佢哋都話好似冇以前咁好食啦！其實講燒賣嘅質素係好唔錯嘅，一定唔係街邊買嗰啲咁粉，但以呢個價錢去買，性價比實在唔太高。如果未試過嘅朋友都可以試一次嘅！

之前放假打算嚟食，點知無開今日終於食到環境一般！不過幾地道燒買～$30 8粒～好食！都幾貴差不多$4粒兩溝～$20～算平！不過本人覺得要襯熱及加醋先好食咋喳～～$20～材料足

呂仔記的燒賣遠近馳名，今日在附近行山，順便來嘗嘗一進店看到許多明星照片在牆上由於已經吃過午飯，於是點了$30/8粒燒賣吃下頗為失望，咬落和真的和魚肉一樣淋身，完全沒有咬口，而且魚肉的味道也很淡，幾乎吃不出，個人認為不值得$30/8粒

行過幾次都無開，今次諗住港島行完山黎朝聖下打下卡，睇下傳說中嘅真。魚肉燒賣係咩一回事。點知冇期望冇傷害，一食真係好失望。燒賣除左大粒，無乜特別，豉油配料又唔係特別好，好失望。比起好多一大包買返黎蒸嘅燒賣更不如⋯

去了出名多明星去吃的街頭小食店朝聖，除服務態度可以做得更好外，食物質素真的是名不虛傳。魚肉燒賣這燒賣價格雖然並不便宜，但它是我曾見過燒賣之中最大粒的，燒賣吃下去彈牙爽口，相信因為燒賣內的魚肉是均自家手打的。海帶綠豆沙這碗綠豆沙材料充足而且不太甜，飲下去感覺非常消暑，十分喜歡。

好耐之前已經成日食呂仔記，不過而家因為寫食評所以今日行完山再去食過，試吓佢嘅手勢同以前有冇唔同！首先叫咗魚肉燒賣，D豉油真係都係好香濃但唔咸（兩者都係主角），再加碗（兩溝）魚肉魚翅，果然有返懷舊嘅味道😋

食物食物味道不錯, 出名的真魚肉燒賣口感10分好, 魚肉味道濃亦彈牙, 感覺真材實料, 辣醬加豉油配合亦提升鮮味. 糖水渣渣或綠豆沙 , 材料10分充足 , 本人比較推薦咋喳, 椰汁味加奶配合芋頭香濃. 唯一可惜是價錢比較貴，不是平民美食。感覺上粉果比較飽肚及實惠，其中菜譜與花生滋味十足。

因安利今天休息，轉場到此店進食，坐下五分鐘，枱面出現一中甲甴，把我嚇一跳。當然我要馬上離開，店長只說不收我錢，道歉也沒一句！沒有衞生的環境，沒有友善的服務，就算多明星幫襯又怎樣？真真後悔到此店！

三溝( 魚肉,生菜,碗仔翅) $20東大街著名的街頭小食, 標榜手打魚肉, 好多名人光顧。 整體味道不錯, 魚肉雖然手打,但好多粉。 支持原創手打, 不坊一試。 份量較少, 最近減價$3, 較合理。