8
1
0
港鐵西營盤站 B2 出口, 步行約2分鐘 繼續閱讀
營業時間
今日營業
12:00 - 18:00
星期一
12:00 - 18:00
星期二
全日休息
星期三至日
12:00 - 18:00
付款方式
現金
食評 (10)
等級3 2020-10-26
0 瀏覽
一直想試佢地嘅甜品,可惜趕唔切去PMQ店,好彩最近佢地喺西環重開。店內嘅裝修好有日本家庭小店嘅感覺,門口有個小庭園,上層有榻榻米,加埋簡約嘅木系餐具,有去左日本旅行嘅錯覺。店員態度親切有禮,喺唔少細節位睇到個個都好用心(第一次見到人咁認真消毒餐枱,潔癖患者非常欣賞)。店內座位唔多,有興趣到訪記得提早預約。🍽月見浮雲親子丼最近幾乎日日喺ig見到嘅名物,賣相同佢嘅名好匹配,浮雲就係質感好似泡沫咁輕盈嘅蛋白,而明月當然係中間嘅蛋黃,炒飯粒粒裹滿鰹魚汁,內有嫩滑嘅鹽麴醃雞柳,仲配味噌湯、粉香嘅凍南瓜塊同青提,前菜同飯後甜點都照顧周到。🍽焙茶覆盆子魔法蛋糕原本想試無花果蛋糕,可惜已換餐牌,就試試新品。焙茶同覆盆子呢個配搭幾新穎,茶味濃淡適中,奶油打得好輕盈,質感粉粉地有啲似羊羹嗰種膠著嘅感覺,後來店員同我地講魔法蛋糕其實係布甸,雖然幾特別但我都係鍾意普通蛋糕多啲。🍽牛乳富士山奶酪上枱時震騰騰,望住佢心情莫名會變好呢~奶酪滑溜,奶味非常香濃,無論賣相定味道都令人驚喜。☕️Matcha Latte/ Cappuccino睇顏色偏啞似唔似係小山園茶粉,可能係靜岡抹茶(?),總之係好飲嘅。飲到尾都無粉粒感,拉花精美,抹茶嘅澀味同回甘溫和,但唔係覺得太淡嗰種,而係順滑舒服嘅感覺。我無試咖啡,但見朋友好快飲完,相信有一定水準。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-10-23
198 瀏覽
之前冇機會到PMQ一試,今次知道係西營盤重新開業後就約朋友一齊試吓😌環境猶如日式小庭院,分上下兩層,由裝潢到食物都帶俾我一種溫馨暖心嘅感覺🥰 下次會再嚟試吓甜品🍮! 依家試業期間同坐位唔多,大家記住要上網預約!⠀ 𝐈𝐧 𝐦𝐲 𝐭𝐮𝐦𝐦𝐲😋⠀1. 暖暖燉飯 ($118) ❤️⠀Lunch set只有三個選擇,朋友們都點親子丼,所以我就決定試吓奶油燉飯😌,配上香煎大蝦和菇,燉飯口感creamy但味道一啲都唔膩,睇返餐牌,可能係因為加咗薑汁,冇辛辣感之餘反而增添咗淡淡嘅香味👍🏻⠀⠀2. 月見浮雲親子丼 ($118) ⠀最多人打卡嘅菜式,同菜式名一樣,於親子丼上面有一舊浮雲☁️,仲有流心蛋同自家鹽麴醃香煎雞柳,炒飯加咗鰹魚汁,試咗一啖個飯都幾濕潤,味道唔錯。⠀⠀3. 糖漬香橙冰紅茶 ($48) ⠀配上糖漬香橙的冰紅茶非常清甜,甜度不高且fresh⠀⠀4. 等 漸入佳境 & Iced Cappuccino($60 & $45) ⠀📍 吾子廚房 ⠀西環西營盤第二街6-8號德明樓地下A號舖⠀ 繼續閱讀
(以上食評乃用戶個人意見 , 並不代表OpenRice之觀點。)
之前PMQ店休業趕唔切去食終於等到佢回歸 試下西環新店總括左先 吾子廚房係我近排去嘅新cafe入面數一數二鍾意嘅 無論環境同食物 都十分滿意 令人想一去再去今次仲可以試到只限堂食嘅招牌主食月見浮雲親子丼 配小碟 水果及湯 $118月見浮雲焗流心蛋 自家鹽麴醃香煎雞柳 鰹魚汁炒飯賣相相當吸引 大大嘅雲朵一下將中間蛋黃切開蛋黃由白色雲頂慢慢流落好香嘅炒飯好聰明地用鰹魚汁炒飯 唔會係白飯咁單調本身鰹魚汁味道香濃 加埋質感夠濕潤 飯底已經唔錯加上雞柳十分軟腍 再配埋軟綿綿嘅雲朵 口感層次豐富每一啖都好滿足 呢個高度推薦Latte咖啡味濃 無論食物飲品環境都十分滿意環境方面 走日式簡約風一入門口有個少少嘅庭園配上木系設計樓上仲有個好舒適嘅小角落 繼續閱讀
(以上食評乃用戶個人意見 , 並不代表OpenRice之觀點。)
等級1 2020-10-16
0 瀏覽
無意中行過,見到新開間隔,裝修好就入去坐下,人均消費要$80,同男朋友叫左每人一杯飲品加甜品,反而野飲一般,但甜品好出色!而且重點係好好打卡,下次會想試埋熱食! 繼續閱讀
(以上食評乃用戶個人意見 , 並不代表OpenRice之觀點。)
等級2 2020-10-14
0 瀏覽
“ 🥚 ” 月見浮雲親子丼 ( $ 1 1 8 )雲朵蛋真係賣相100分好靚💯而且非常fluffy 撈埋濃郁嘅蛋黃落啲飯到一齊好夾好好食🍚而蛋下面既係自家製鹽麴醃香煎雞柳 煎得外脆內嫩🍗鰹魚汁炒飯 入面加埋藜麥 食落更加有口感 更健康呼呼!“ 🏔 “ 3.7牛乳富士山奶酪 ( $ 4 8 )nggy既招牌甜品 賣相好靚 口感好滑 非常動L~😂但係牛奶味無預期中禁濃 有少少失望🥺 而且好快溶 一黎到就要把握時間影多幾張相📸“ 🍰 “ 鐵觀音無花果忌廉蛋糕 ( $ 7 8 )鐵觀音嘅味唔係太重 淡淡既茶香 加上分量十足又新鮮既無花果 食落去好清新 亦吾會太甜太膩✨另外店入面有榻榻米位 女仔去既話著褲就會方便啲😙 啊 仲有記得要上網book左先有得食嫁呵呵📲 繼續閱讀
(以上食評乃用戶個人意見 , 並不代表OpenRice之觀點。)