吳師府 (已結業)

周六滿著興奮心情去試吳師傅手勢，主要吃蛇的菜式。但最後是非常失望，如果5分為最好，只有2分。每一味菜都有得彈為什麼？1） 冰鎮花膠 ： 以為師傅會用雞湯燴致花膠入味，但最後只有鹽水味 2）酥炸蛇丸 ： 其實就是鯪魚球，只是當中加了檸檬葉及果皮，超鹹， 吃不出蛇肉 3）椒鹽蛇條： 師傅說是水蛇從澳門運來，但沒有蛇味 ，切件偏大份，肉嚡，是急凍貨。4）蛇羹： 一樣用急凍水蛇肉嚡，無味 ，失望 ，從來未試過那麼差的蛇羹。5）炒桂花翅： 他用上翅皮，也有些魚翅，炒得偏濕、有魚腥味，冇蛋味 6）蛇汁菜膽雞： 100%冰鮮雞冇雞味。7） 古法羊腩煲 ： 第一不是羊腩， 是羊髀，肉偏瘦，肉鞋，沒有一般港式羊腩嘅風味，好像煲湯完出來湯渣。 8） 豉汁蒸盤龍膳：蛇肉不彈牙，偏林。總括：材料不新鮮 ，味道不值一提。$430 一位，超級不值。

因為公司尾牙，所以包咗呢間私房菜。本身以為家常便飯，估唔到看落簡單既野都幾考功夫。前菜呢個鮑魚好新鮮，好好味，配搭埋啲麻油青瓜，啱啱好。實情呢個胡椒豬肚湯既湯頭，因為覺得佢豬肚入面仲有隻雞，好神奇，所以影咗不過呢味餸真係好考功夫，呢間啲豬肚已預先處理好，洗得好乾淨，所以食起黎先够滋味同唔臭，連唔鍾意食內臟既我食都完全冇問題。最邪惡既肥豬肉黎啦～呢味無論凍食熱食~嗯…都好肥。但係，真係好好味，肥膏已經溶曬，啲瘦肉都好嫩滑，個汁用黎餸飯超正，有同事因為呢個食曬成碗飯。不過，食完要減減減😂😂😂呢味有影冇食到，因為嘛嘛地食蠔，不過見落幾大隻，賣相唔錯。呢個鱔都好入味，個汁較得啱啱好，可以鱔本身鮮味出黎。不過我食咗2舊就冇食，太多骨，'慘'親幾次個咀呢味餸不過不失，本人覺得帶子不是太新鮮，不過個腰果炒得啱啱好，唔會有油漬味。又一味好考功夫既餸-糯米鴨，入面配搭栗子&番薯，隻鴨腳同翼位，係冇骨架，啲鴨既肉汁完全冇阻擋地親密接觸啲糯米，好滿足。呢味都係不過不失，個鯪魚球好味，配搭胡椒又幾鮮甜。到尾聲，呢味冷盤芥菜，可以清走曬之前食既肥膩野，雖然佢望落好青，但估唔到佢係冇果隻芥菜既苦澀味，食落去好清甜

很久也沒有吃過私房菜，這次朋友介紹，就遠道而來。來這裏最好駕車，在同一條街已有停車場；火炭火車站行過來就要七分鐘左右。這裏吃飯一定要先訂枱，早兩個星期訂較為稱陣，因為只有那三張枱而已，全部大枱；所以最少要有六個人才可以來。除了要早訂枱之外，也要先說好吃甚麼東西，因為師傅一早預備好，到時也沒有額外材料為你加菜式。我們叫了一個 HKD310 的菜單，吃的主要是家常便飯，但吃手工及心機。環境很闊落，一定坐得舒服，也可以暢所欲言，不用和別人迫。茶壺很別緻，茶也很好喝，是六安來的，外邊不易找，老闆是在大埔的藥房買的，如有興趣不妨問一下。這是我們今晚吃的菜式：冰鎮鮑魚很有咬勁，但不會靱；而且配黑松露，味道特別，也很搭配；再配青瓜是一個完美的組合。酥酢生蠔也是我的至愛，鮮汁有鎖住，外軟內乾，而且有蠔香。豆腐也炸得好。豉汁蒸鱔不能說不好吃，我覺得還是可以的，只是我自己在家也可以做到一模一樣的味道，所以到這裏可以不叫這個。蝦是全日水準之作，蝦很彈牙而且很大隻，吃得每位同來的朋友都津津有味。雞腳螺頭湯感覺是淡了一點，不過不落味精就加了很多分數，我不介意。瑤柱白菜也很搭配。紅棗糕做得不會太甜，味道甘香。整體

已經來過這間餐廳兩次，都是和朋友大夥兒一起前來晚飯，部分食物走懷舊路線，味道見仁見智，我覺得有些食物做得不錯，有些就不怎樣！湊巧最近有親人從外地回來，一心想帶他們來這私房菜一嚐。故此在三星期前已跟他們訂枱，負責的小姐本來都跟我溝通得不錯！亦已選定了其中一款套餐（之前也吃過這款套餐）但其中有兩款菜式希望可轉其他，而那位小姐亦同意了！後來因為住在外國的年輕人有些不太接受蒸蟠龍白鱔，故此希望換了斑腩（在OpenRice見過有人吃過）那位小姐隔了一天才回覆說師傅不會做更要求我馬上儘快回覆！我再一次詢問這個也是他們做過的菜式，為何不能做（希望再一次要求而矣）那位小姐馬上回覆不能配合更說要自行取消我的訂枱（這是那碼子的道理，枱是我訂的，我都沒有說要取消）我也馬上回覆她要和家人商量並會在當日作出決定！但那位小姐說已經取消我的訂枱，並已把枱給了其他人！我終於知道不是未能配合，只是我沒有她其他的客人那麼熟絡，這只不過是找個藉口把我的枱取消！！！

好友麵包超人問我有冇興趣去食私房菜？仲要去到火炭咁勺刁鑽連佢咁嘴尖都話要去試，真係要去會一會吳師府看看有咩真功夫先得！一班酒友相聚少不了酒山酒海，還有一半美酒未入鏡呢！ 私房菜內裏簡潔乾淨，而且樓底好高所以大家都坐得好舒服。 吳師傅除咗識煮餸原來仲識打拳㗎喎！！ 麻煩麵包超人為我哋安排這夜的晚宴，菜式全部都好合我胃口噢！ 打頭陣的是{白松露冰鎮鮑魚}，鮑魚聞落去確有松露香氣，吃下鮑魚質感十分淋滑，但咬口較弱我比較喜歡夠趙頭的質地，而味道則較為清爽，墊底的青瓜片爽脆清甜我更為喜愛。 {客家豆腐拼魚肝}豆腐炸得酥香可口，內裏的魚肉亦頗有鮮味，配合的龍躉魚肝車媽媽實在太怕腥了咬一口就吃不下！ {枝竹蝴蝶腩}即是豬肺的裙邊位置，平時想食都唔係咁容易買到㗎！豬肉檔要相熟才會留給客人，我就最鍾意用蘿蔔炆牛腩的方法炮製它，這兒用上有異曲同工之妙的枝竹去炆煮，出品都好淋身蝴蝶腩沒蘇味，而且枝竹都挺足味。 {金蒜雙豉蒸大鱔}味道調教得十分出色，甘香的雙豉唔會蓋過白鱔的鮮味，而且鱔身肥美肉厚質感十分彈牙，這夜吃了超

朋友介紹就黎試下，menu有好多選擇，最後揀左呢個餐，$380@位置 - 火炭工業區，算近地鐵站，行過去7分鐘左右。環境 - 裝潢簡約為主，入到去以為只有3檯左右，點知都有8檯😯，今晚都坐滿，好多黎慶祝生日... 都舒服光猛，有3部電視... 有4個廁所，乾淨整潔。一般私房菜都唔會有太多位，其實要控制quality，份量多會係個challenge... 不過今晚嘅唔好食，並唔係因為呢個問題...而係：1. 材料配搭問題 & 2. 材料質素問題...全晚最好味係*糯米鴨* 👍🏻👍🏻👍🏻- 的確入味、肉嫩，栗子又香，份量超夠，10個人食唔晒仲打包一盒走！最唔好味係*泰式菠蘿蝦* 👎🏻👎🏻👎🏻👎🏻👎🏻 - 椰汁底+九層塔+菠蘿+雪藏蝦+烏冬... 個汁黃黃地，唔知加左D咩...唔知係咪菠蘿汁... 九層塔9唔搭8，好在無落香茅，雪藏蝦更加唔洗講，完全無味，一D都唔鮮，食完口淡淡跟住好反胃...😖 又唔鮮、唔香、無味...跟住個*七彩炒帶子* 👎🏻👎🏻👎🏻👎🏻👎🏻 - 帶子話係刺身帶子，係好大粒，但係無味，又無鑊氣，連酒樓水準都無，點做私房菜啊？！😳*蟹盒* 👎🏻👎🏻👎🏻 - 其實都幾不知所謂

這次是我第一次食私房菜，今次是朋友推薦介紹。話明食私房菜當然要食平時在街外食唔到嘅餸啦。這餐私房菜果然在街外是食唔到的。由食材質素，師傅烹調技巧和心思都是做得很好而且沒有味精。價錢非常合理，我們四位都是每位$280 。非常超值抵食。所以邀請親朋戚有招待食晚飯是最好推介的私房菜。這間私房菜在每個季節都有三款不同菜單推介，所以如果經常去食都不會很快食厭。這間私房菜最出名菜式就是它的紅棗糕，跟街外一般的紅棗糕製造做法很不同。

最近有飲食雜誌介紹吳師父教人如何煮皮脆内嫩的鷄亦，不禁令人食指大動，要一試吳師父私房菜功力白松露冰鎮鮑魚，細細隻，但離奇地鮮甜，塾底的青瓜吸收了鮑魚的鮮味，非常開胃豉油皇煎蝦，蝦非常大隻，而且新鮮，煎得甘香回味炒桂花翅，考功夫菜式，炒得乾身爽口，非常惹味玉環堯桂甫，呢個比較一般，亦無私房菜特色，不過堯桂厚肉，食得出上等貨色古法蒸海魚，一個字，滑，控制得啱啱好糯米鴨，近似琵琶鴨，但無咁膩，壤入的咸蛋王絕對係精華，切開後甘香無比，影完相之後，十秒内已經被掃光呢個唔係我杯茶，不過聞到真係好香，朋友話入口真係即溶，但係就咸咗啲啲甜品係紅棗糕，賣相一般，但食落棗味濃郁，原來朋友一早知道好嘢，仲特別order咗多兩底take away室內擺設最獨特的就係有多幅吳師父的訪問及功夫相，非常有趣

跟朋友去食私房菜，估唔到會咁好味。一開始朋友話要去火炭食野，真係覺得好遠，但食完又覺得真係無去錯。冰鎮花膠有白松露香味，花膠爽脆煙韌，青瓜清脆爽口糯米鴨，鴨裝滿糯米，香甜栗子和鹹蛋黃。糯米飯入哂味，鴨去哂骨，之後用刀切開一件件就可以食，好惹味，好岩唔鐘意食骨既朋友食。花雕醉雞，雞有好香既花雕酒味，雞肉嫩滑，好入味杏汁豬肺湯，杏仁係新鮮即磨，所以杏仁味好重，豬肺清潔得乾淨，又夠新鮮。紅棗糕有好香紅棗味，唔會話好甜，沒有紅棗皮，食完都唔覺得膩。

母親節當天想跟家人食好D,所以一起去吳司傅晚膳，結果除了冰鎮鮑魚、糯米鴨，豉油煎蝦碌還可以外，其他菜式都令人大失所望，首先雞腳魚唇螺頭湯偷工減料，清澈如水如例湯水準。古法蒸海魚不新鮮魚腩部分又腥又苦，所謂海皇豆腐只是用日式蟹子加些少罐頭蟹肉碎舖在百福豆腐上十分搵笨，竹笙釀冬瓜也是無味無道，水準連家常菜式也不如。

師父經營私房菜數十年, 近期又有新攪作, 在火炭開了間私房菜, 取名吳師府, 認識吳師父手演藝是十年前師父還在長沙灣舊樓唐樓經營私房菜, 我記得第一次去吃蛇宴, 個人不喜歡味味皆蛇, 朋友們極力推介糯米鴨, 說得天花龍鳳, 即管又試吓的心態去了, 自此之後, 機乎每年最少有一至二次去比錢吳師父花, 由長沙灣到大埔, 再到現在的大圍新場, 沒停過。******************************新場比大埔寬廣, 大門入口處看得出裝潢擺設花過心思, 還放了一批陶瓷可愛小動物, 早到的朋友可以看看這, 看看那, 邊欣賞邊等人, 新場座位較大埔寬闊, 讓大家可以坐得舒服地享受美食。這是靚姐今晚為我們安排的雅座, 靚姐係師父多年拍檔,師父負責煮, 靚姐則主外, 負責招呼客人, 有時會同客人互串一番咁啦, 所以來這裡晚飯氣氛比較輕鬆。是日自家獨立餐單, 謝謝朋友安排今次的飯局, 同時亦謝謝靚姐滿足我地呢班多多要求煩人。冰鎮鮑魚這道菜式主角其實係底部的配菜 – 青瓜, 青瓜翠綠可人, 食落清脆爽口, 還帶點淡淡的麻香, 好食到不得了 , 外型靚仔討好, 鮑魚選用大連鮮鮑, 咬一口, 非常

這間位於火炭工廈內的半私房菜店最近成為我家的寵兒。在吃過一次之後隔了不久又再梅開二度，這個情況確是並不常見的....許多人都知道這兒的主理人是從前"和暢之風"及"和暢粥麵"的吳師傅。從前只試過他的粥麵，感覺是挺不俗的。今趟試了私房菜，發現水準是還可以....兩頓晚宴一口氣嚐了許多東西，而且有好幾款更是較為少見及有特色的古法老菜。對我這個"老"人家來講確是啱晒口味....松露海鮮薈驟耳聽來還以為是以一眾海鮮類如蝦及蟹肉等拼湊而成的大雜薈，但查實原來是一只只的冰鎮鮑魚件。鮑魚每隻件頭甚大，其肉質軟熟而邊位帶爽彈，論質感的確是相當不錯，不過很可惜地論味道可說是乏善足陳，甚至可說是一點味也嚐不出來的。若論美味程度相對上小弟反認為墊底的下了鹽處理過的爽口切片青瓜是更具吸引力，最重要是這些青瓜片入口是真的滲著頗突出的松露香，風味當然猶勝主角鮑魚了....椒鹽豆腐對個人而言是整頓飯較為失色的一道 ---- 不錯豆腐是十分的滑溜，但好處是僅此而已....首先小弟在碟底上找到了豆腐出水及油多的痕跡，在外觀上已是大打折扣了，其次豆腐外皮也是鹹得要命，似乎在調味上是失了手....杏汁豬肚湯習慣上一大碟湯渣先