影片
以上資料只供參考, 請與餐廳確認詳情
【黃大仙區】【啟鑽醉和里】之前已經同大家去過一次鑽石山站隔離啟鑽苑食嘢，今次又係去嗰度，因為佢真係好近地鐵站，而且又有幾間唔係大集團嘅餐廳，都想同大家探討吓，咁下次去鑽石山嗰陣都可以多啲選擇。之前食咗一間新派茶記，正正常常，今次食隔幾個舖位嘅另一間嘢。佢似係一間大牌檔小廚嗰類，咁但係午市都係好似茶記咁經營，真香港人應該明我講緊邊類餐廳。之但係我又唔想叫佢哋啲炒粉麵飯，所以當我見到 $78 嘅「超級雜扒」就好吸引到我，有雞扒、豬扒、腸仔、太陽蛋，我選配薯條，而個汁就揀咗「咖哩汁」嘅。味道上都係茶記扒爐水準，冇咩突破。跟餐仲有「例湯」，中規中矩。嘢飲我加 $5 飲「凍奶茶」，都係正常茶記質素。埋單 $83，又唔算話好過份。講返轉頭，我應該係完全食唔中佢哋嘅撚手菜，公平啲講，就算講得一般啲，都唔完全代表呢間餐廳嘅水準。。。（地址：鑽石彩虹道235號啟鑽商場1樓104號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #foodpics #followforfollowback #love #eat #1am黃大仙區 #鑽石山 #啟鑽醉和里 #醉和里 #超級雜扒 #雞扒 #豬扒 #腸仔 #太陽蛋 #薯條 #例湯 #凍奶茶 #1am1745 #1ambackup
繼續閱讀
兩款四人套餐，一款$888，另一款$1088～ 我哋全部都要～$888 套餐瑪卡鮑魚竹絲雞盅（4盅）⭐️⭐️⭐️⭐️鮑魚都有湯羹咁大隻，一啲都唔細～ 每一盅裏面都真材實料，可以搵到烏絲雞杞子等各樣湯料，而且湯盅滾熱辣，係好好飲嘅老火湯👍🏻清蒸海上鮮⭐️⭐️⭐️鮮魚稱得上新鮮，魚肉滑得嚟算厚實～ 沾上蔥加豉油更加鮮～西芹花枝蝦球⭐️⭐️⭐️西芹細嫰，完全無渣，清新爽脆～ 花枝薄切有鑊氣～ 蝦球彈牙，但浸過梳打水，所以味道一般～鮮菠蘿咕嚕肉⭐️⭐️⭐️⭐️咕嚕肉唔肥，係軟腍嘅瘦排，啖啖肉掛晒汁都幾好食～擺盤特別，一睇就知菠蘿係新鮮菠蘿啦～海皇炒飯⭐️⭐️⭐️⭐️一上桌，炒飯香氣撲鼻湧出嚟～ 明明已經食到好飽，點都想食兩羹😂 炒飯粒粒分明，真係好香好食～ $1088套餐瑪卡鮑魚竹絲雞盅（4盅）⭐️⭐️⭐️⭐️同$888套餐嘅一樣，剛剛好夠八人分～瑤柱蛋白炒飯⭐️⭐️⭐️同海皇炒飯一樣，超有鑊氣～ 乾瑤柱絲香味完全融入飯粒 😋窩燒鮑魚⭐️⭐️⭐️⭐️鮑魚大個湯羹少少，炆得蠔油超級入味軟滑，唔知等咗幾耐呢？菜底生菜，新鮮而且走過油，特別好食😋大班兩味-西蘭花炒球⭐️⭐️⭐️⭐️本來係食西芹嘅，但因為西芹菜式太多，所以廚房將西芹改成西蘭花，真係好識做生意～ 斑腩球大大嚿，又鮮又嫩，唔好食就奇～ 大班兩味-金銀蒜蒸頭腩⭐️⭐️⭐️金銀蒜蒸頭腩好大碟，食肉啜骨，魚肉好嫩滑～ 鍾意食魚，或者食魚好叻嘅人一定好鍾意～ 金巢海中寶⭐️⭐️⭐️味道同西芹花枝蝦球有啲似，所以冇乜特別～ 不過多咗腰果，所以勝在材料豐富，份量都多～ 燒汁薯仔牛柳粒⭐️⭐️⭐️⭐️係我全餐最期待嘅一碟菜式，鑊氣夠，香口惹味，絕對冇令我失望～薯仔經過油泡，特別香口！牛柳粒都超級入味，而且軟熟無渣～ 正呀👍🏻半隻鹽焗雞⭐️⭐️雞有雞味，肉質白滑軟腍，有少少黃油～ 體型都唔細，抵食👍🏻 但唔講唔知，以為係白切雞～ 感受唔到有鹽焗過😅食個全餐食到飽飽，但仲想繼續坐，繼續吹水啤一啤，追加多個椒鹽魷魚（花枝片）～椒鹽魷魚（花枝片）⭐️⭐️⭐️⭐️⭐️即叫即製，冇等好耐，仲好食到飛起🤩花枝片幼滑，炸皮薄得嚟酥脆，椒鹽鹹度適中～ 配住啤酒邊飲邊食，哇😇
繼續閱讀
今晚即興同老公，奶奶係屋企附近食冬至飯,連一向嘴刁嘅奶奶都非常滿意，環境舒服又乾淨。老闆娘同店員好有禮貌，絕對有下次⋯ 推介👍🏻砵仔雞蛋焗魚腸⋯老公大讚👍🏻🤤🤤原條麒麟海斑… 幾啱怕魚骨但想食魚嘅人金銀蛋上湯浸娃娃菜👍🏻⋯上湯浸菜清甜好好味👍🏻🤤炸子雞⋯ 皮脆入味掂呀👍🏻👍🏻🤤欖菜肉碎炒飯👍🏻👍🏻 推介黑馬卡鮑魚竹絲雞燉湯⋯ 黑馬卡湯有淡淡椰子清香加埋鮑魚真係好鬼好飲，非常推介😍😍🤤薑汁芝麻湯圓⋯掛住食唔記得影相.薑汁超正配埋芝麻湯圓一絕 😍😍🤤
繼續閱讀
12點幾嚟到啟鑽苑，好多餐廳都滿哂係呢間位置唔起眼多啲位，就入左去試下晏就覺得幾好味，夜晚就再入去食最驚西檸雞太乾太酸，但呢個岩岩好～調味岩岩好又夠淋～不過如果想食彈牙嘅就唔好揀了🤣份量都唔錯，食哂好飽（不過係兩個女仔，兩個佬就唔確定如果喺附近搵唔到位或者諗唔到想食咩可以嚟試下
繼續閱讀
訂枱食飯，慶祝爸爸生日，有鑊氣，新鮮美味，好味，這個是有冷氣的大排檔，正👍🏻美味海鮮餐，店鋪位置方便，鑽石山站，住在香港九龍新界的兄弟姊妹都好方便過來第一次食呢款魚，又幾肥美鮮味炸鮑魚，都香脆例湯夠味扇貝正常薑蔥炒蟹，夠味鑊氣重豉椒炒蜆入味這餐的海鮮菜餚確實讓人垂涎。薑蔥炒蟹和豉椒炒蜆都是傳統的中式海鮮菜餚，能夠帶出鑊氣和入味的風味。薑蔥炒蟹中的薑和蔥能夠增添菜餚的香氣，而豉椒炒蜆則是利用豆豉和辣椒的調味，讓蜆肉更加鮮美。總的來說，這餐的海鮮菜餚讓你留下了美好的印象，下次再品嚐更多不同風味的海鮮菜餚。
繼續閱讀