69
2
0
電話號碼
98849802
營業時間
今日營業
12:00 - 15:00
18:00 - 23:00
星期一至日
12:00 - 15:00
18:00 - 23:00
付款方式
Visa Master 現金 銀聯
食評 (72)
等級3 2022-05-19
502 瀏覽
疫情終於放緩恢復堂食, 迫不及待book左夜晚精選2人前套餐,再訪都係咁好食!1. 一到餐廳坐低一陣,就上左前菜,係沙律同粟米,簡單又開胃。2. 黑松露蒸蛋:香滑嘅蒸蛋配上濃濃嘅黑松露香味,令人忍唔住食曬佢3. 跟住就開始海鮮之旅~香煎帶子配少少煙肉碎,帶子咬落去十分有口感,煎得恰到好處!4. 南非鮑魚:真係超大隻,仲新鮮識喐5. 連鱗炸金鯛: 上次來食師傅用左海膽醬,呢次用左冬陰功醬,好特別!食完之後個嘴會有少少麻,但都有驚喜。魚鱗炸得鬆脆,魚肉一如既往咁嫩滑,好味!6. 跟住就係主角龍蝦啦!生猛西澳龍蝦配上師傅精心調配嘅醬汁,加上新鮮彈牙嘅龍蝦肉,令人回味無窮。7. 見得多鵝肝多士, 師傅帶我地嘗試新菜式-焦糖芒果配鵝肝,出乎意料地合襯,芒果令本來會令人有D膩嘅鵝肝,新增了一股清新感!8.食左咁多海鮮,係時候食下日本A4和牛睇到個花紋就知道個牛有幾靚,煎完之後更是充滿和牛香味,入口即化。9.跟住我地食左炒飯,炒野菜,令我驚艷嘅係呢碗味增汁,加上新鮮龍蝦熬成,帶著海鮮嘅甜味,係我飲過最好味嘅味增湯!10. 整頓飯以焦糖多士配培茶/威士忌雪糕做結尾,威士忌雪糕好特別,焦糖多士依舊鬆脆可口 繼續閱讀
(以上食評乃用戶個人意見 , 並不代表OpenRice之觀點。)
等級4 2022-04-12
621 瀏覽
I love teppanyaki, but always feel like I shouldn't splurge so much. That's until I discovered this place...super good deal! Hole in the wall place that's easily missed as it's located near some car repair shops. The foie gras is creamy and dense, together with the pineapple, it creates a wonderful aftertaste. My favourite has to be the caramelised toast though! Tried making it at home once but it did not even come close to how tasty they make it here. The chef is also very friendly, and he pays attention to details. It was only my third visit and he already remembered my preferences. But remember don't park on the streets, basically guaranteed you will get a ticket 繼續閱讀
(以上食評乃用戶個人意見 , 並不代表OpenRice之觀點。)
等級3 2022-02-06
757 瀏覽
由於OpenRice有照片限制,依篇繼續介紹餘下嘅菜式。固定菜式嘅部份,香煎大蝦係其中一個非常期待嘅菜式。蝦超大隻,大約有手掌咁長,而每人大約有半隻蝦嘅份量,好滿足呢~ 廚師會即席係你面前表演去殼挑腸切開蝦肉,仲會用蝦膏煮埋醬汁,原汁原味食晒成隻蝦嘅精華,仲啖啖肉添~😛鮑魚都係類似,但係就每人可以食足一隻,同樣地廚師會將新鮮鮑魚即席喺你面前去殼,煎熟切好,加上佢哋製作嘅醬汁,同埋炸左啲菇增加口感~鮑魚非常厚肉,食完一隻即刻飽咗勁多呢😮‍💨 肉類方面,鵝肝好香但係都相對油膩嘅,佢有配一個蜜糖嘅醬汁😋 雖然係最佳嘅組合但真係好邪惡呀!! 牛肉係近橫膈膜嘅部位,比較重牛肉味,肉感多過油脂感覺,我幾中意呢😋食到呢度其實已經飽咗九成,終於嚟到依餐嘅尾聲,但係千其唔可以錯過炒飯,唔試過你唔知道原來沙律醬炒飯係咁好食㗎😂 炒豆芽同湯就中規中矩冇乜驚喜啦~甜品方面餐廳有兩款自家製嘅雪糕俾我哋揀,一款係柚子雪巴,另一款係芝麻雪糕。因為想食啲清新嘅味道所以揀咗柚子~另一個甜品亦都係我非常期待嘅item😋 仲被男朋友選為成餐飯最好食嘅項目🧐 牛油砂糖煎麵包!睇完師傅做之後,真係好想自己都返屋企煎黎食下~ 繼續閱讀
(以上食評乃用戶個人意見 , 並不代表OpenRice之觀點。)
老豆生日,特登book 左鐵板燒餐廳食飯。平時出面食鐵板燒都係有特定七至八道菜,依家竟然有Omakase 食。果然有驚喜,雖然人均千幾蚊,但食左咁多嘢都係值得。第一道菜: 用咗類似關東煮嘅手法,螺很清甜及彈牙,是一道不錯的前菜。第二道菜: 魚子蟹肉蟹肉Mixed with 蟹膏、令整道菜更香濃、魚子不會偏咸、兩者融入得好好。第三道菜: 帶子配瑤柱冬瓜汁生熟程度啱啱好,中間仲保留少少生,配埋紫蘇花,整體好夾,令道菜的味道更多層次。第四道菜: 處女蠔眼見蠔既身型咁細,以為會無乜肉。點知喜出望外,開咗蠔殻之後,入面係既蠔非常飽滿,很肥美。第五道菜: 甘鯛配酸菜魚汁師傅話選用甘鯛原因係油分相對較少,炸起上嚟會更脆。魚皮很香脆、魚肉很鮮嫩,配以酸菜魚汁,非常開胃。酸菜魚汁的味道很像出面的酸菜魚一樣,而且係濃縮版本,非常有驚喜。第六道菜: 西川象拔蚌配烏魚籽象拔蚌很鮮甜,配烏魚籽可以提升味道層次。第七道菜: 醬油漬八爪魚這道菜對比前幾道菜稍為遜色,某幾件八爪魚片比較韌,雖然師傅已經把它煮成半熟。第八道菜: 鮑魚配鮑魚肝醬這道菜真的令我非常驚喜,事關出面吃的鐵板燒通常一隻鮑魚分給幾個人吃,每個人只可以吃幾片。睇圖都知道鮑魚的size 非常大,但竟然是每個人吃一隻鮑魚。鮑魚煮得剛剛好,有咬口,配鮑魚肝醬可以真正品嚐鮑魚的鮮味。第九道菜: 紐西蘭鑽石蜆非常鮮甜大隻既鑽石蜆,配上日本酒牛油做個汁更能提升整道菜的味道。個汁非常好食,令我忍唔住都飲翻幾口。第十道菜: 吞拿魚腦天吞拿魚腦天是非常罕有的部位,腦天是吞拿魚頭頂的部份,脂肪較多,魚味很濃。員工建議嘅食法係同紫蘇葉一齊放入口,但我覺得可以第一口可以先品嘗魚肉,感受一下魚油嘅濃郁香味先,之後先同紫蘇葉一齊食。因為紫蘇葉嘅味道本身較濃,容易蓋過魚嘅味道。第十一道菜: 龍蝦新鮮嘅龍蝦其實都唔會難食,而呢一間就係即撈即煮,新鮮嘅程度大家可以想像得到。今次食嘅係澳洲龍蝦,肉質彈牙,廚師煮嘅生熟程度剛剛好。雖然做法傳統,醬汁係以牛油同埋蝦膏煮成,但往往就係最傳統方法最能帶出食材本身嘅鮮味。新鮮嘅蝦肉同埋濃郁嘅蝦膏真係配合得天衣無縫。第十二道菜: 鵝肝係煎嘅期間,鵝肝啲油不斷溢出,廚師就不斷清走d油。鵝肝這種比較膩的食物,廚師便配了比較清新的蘋果蓉,與半塊麵包,全部食材都很夾。第十三道菜: 宮崎牛和牛貴精不貴多,因為實在太多油😂但係好香既油脂,如果用嚟炒飯就一流第十四道菜: 沙律醬炒飯+炒野菜第一次食沙律醬鹹菜炒飯,幾特別,食落去又唔係太膩,但略認為飯有D硬。炒野菜較為遜色,味道不夠,炒得不香。第十五道菜: 龍蝦麵豉湯用剛剛的澳洲龍蝦煲湯,很濃蝦味,略咸了些,可送飯🙈第十六道菜: 多士+開心果雪糕未黎之前已經知道佢哋嘅焦糖多士係鎮店之寶,係呢個時候雖然已經飽到上心口,但都忍唔住食左幾片。焦香程度剛剛好,麵包上既焦糖真係令人不斷破戒。開心果雪糕都不錯,開心果味都幾出,平時好少會出面食到。總括而言,呢個價錢品嘗到咁多道菜真係算高性價比。出面好多時候嘅鐵板燒都係預設定某幾款菜式,好少可以食到咁多唔同種類嘅海鮮。大家不妨可以入到黎元朗都試吓呢一間。 繼續閱讀
(以上食評乃用戶個人意見 , 並不代表OpenRice之觀點。)
等級1 2021-08-23
1110 瀏覽
想book lunch已經一早full 晒Dinner照book,揀咗廚師發辨(Omakase)$1350一人。預早轉數快$500留位,當晚一坐低就比返現金$500你。即場仲叫咗兩支清酒🍶趁下熱鬧。坐定定等廚師逐樣整。每一項都係新鮮食材,海鮮貝類。當然一定相機食先啦!但open rice不能上載太多相,請各位親身去感受下。18:30-22:00 咁價錢係抵食。老公話辛苦搵錢食係有要求,下次等天氣涼,再嚟睇下有咩特別食材! 繼續閱讀
(以上食評乃用戶個人意見 , 並不代表OpenRice之觀點。)