11
9
6
港鐵長沙灣站 B 出口, 步行約1分鐘 繼續閱讀
電話號碼
2204 1779
營業時間
今日營業
06:30-23:00
星期一至日
06:30-23:00
付款方式
現金
食評 (27)
等級4 2016-12-18
394 瀏覽
實習公司係長沙灣附近,有時夜晚返去會路過幸福商場就會去君日餐廳,尼一個商場既下午茶一般都係去到6點半(除左大家樂)但尼一間君日特別多野簡,所以習慣性既去尼一間我keep住幾次都簡左焗意粉,真係好惹味葡式豬扒焗意粉:好似食緊一個鹹的蛋撻,尼個就ok,不過芝士就好滿足沙爹豬扒焗意粉:尼個超級好味!沙爹濃味,加上焗芝士,我真係停不下來😍我估尼一碟卡路里1000咁上下,平時我都控制得很嚴格,但每次去君日,都會叫尼個!爆卡路里都無計,真係忍唔到囉總之實習期間去左幾次,印象幾好,係比較傳統香港茶餐廳,服務ok囉實習完左啦,唔知下次幾時再去長沙灣啦,不過君日都算係一個回憶吧 繼續閱讀
(以上食評乃用戶個人意見 , 並不代表OpenRice之觀點。)
等級1 2016-10-29
296 瀏覽
在附近上堂,諗住找個清靜點的地方食個快午餐,點知中伏了午餐: 咖啡牛肉飯……薯仔竟然是生的,超爽口收銀阿姐超惡死,是有點誤會,佢竟然番轉頭再話多你幾句。。。反而送外賣的阿伯很有禮貌👍👍 繼續閱讀
(以上食評乃用戶個人意見 , 並不代表OpenRice之觀點。)
等級1 2015-12-12
719 瀏覽
我今日去食lunch, 叫左C餐沙嗲牛肉炒河,得到既係類似豉椒肉片河既物體,於是我問個伙記,佢竟然答我話無錯係沙嗲牛肉河⋯仲叫我食下先,吾食過點知比錯喎⋯⋯有問題先換啦⋯又話自己未食過點知。有無攪錯呀,一睇就知吾係沙嗲啦!洗吾洗食過先知呀?仲要死口吾認!我都係客人,你好聲好氣話無沙嗲牛肉,換其他我可以接受。但點解要侮辱客人既智慧,夾硬話無錯呢?如果吾係朋友叫我算數,我就鬧爆個伙記,未見過咁差既服務態度!本來我食飯都吾多要求,服務差之餘味道一樣咁差。豉椒肉片河,肉片乸到無晒味,河粉黐住晒一舊舊,青椒得4、5片仔,個汁仲有皂水味!總之一個字:非常差!我生今世吾會再幫襯呢間野! 繼續閱讀
(以上食評乃用戶個人意見 , 並不代表OpenRice之觀點。)
等級1 2015-11-24
427 瀏覽
今日下晝同班同事去左君日食晏晝,因為唔係咁肚餓,所以叫左個常餐,香茅雞中翼面,為左對自己好啲,加錢轉出前一丁。點知,碗送到黎既時候見到啲湯係出前一丁既味噌湯,但啲面質一啲都唔似出前一丁,食落就更加肯定係普通公仔面冒充出前一丁。叫個侍應出來理論,又話啲面淋左啲,唔係出前一丁一定唔會有呢個味噌湯。講多兩講仲行左去唔理我。仲要食飽係度催命符,趕客走。以後都唔會再去呢間野食飯。 繼續閱讀
(以上食評乃用戶個人意見 , 並不代表OpenRice之觀點。)
等級1 2015-06-29
675 瀏覽
老老實實,君日餐廳坐落商場樓上最入位置,地利已欠,有時都不想幫襯大集團快餐店,想支持一下小店,行入兩步幫襯,但部分早餐的水準的確令街坊捨棄君日餐廳。一塊雞扒定成敗,君日的雞扒早餐賣29元,隔離大XX個餐賣26.5,但君日塊雞扒冇解凍求祈炸,成塊乾睜睜硬到成塊乾屍咁,油又多,人地大XX塊早餐雞扒肉嫩多汁又大塊。樓下賓X餐廳早餐雞扒都係炸的,但人地炸完皮是脆、入面的肉是嫩的!而且大大塊,唔似得君日塊疆屍雞扒。我已經不止一次同佢地講叫佢地改善下塊雞扒,但無用。講真,就算個人幾咁支持地區小店都好,都無理由一而再再而三虐待自己同作賤自己銀包。如果唔係頭兩間太多人無位,都唔會行到最入幫襯君日。 如果老闆真心想改善的話,朝早叫自已廚房整份雞扒,再比較一下隔離兩間餐廳的雞扒,就明白我這個街坊每次俾機會你地然後都中伏果種感受。 繼續閱讀
(以上食評乃用戶個人意見 , 並不代表OpenRice之觀點。)