影片
本來計劃去另一間餐廳食午餐，但碰巧遇著休息沒開店，所以便在附近找餐廳，碰巧好似家燕隊長既阿姐熱烈地彈琴熱烈地唱鍋貼剛剛煎好煎滿，見成底剛煎好的鍋貼排得整整齊齊，所以坐底未落單就先上”5貼”：1️⃣ 生煎鮮肉鍋貼 $18 / 5隻【5.0/5.0 🌟🌟🌟🌟🌟】評語：眼見是每枱都點的招牌，剛煎起既鍋貼無得輸，外皮煎得金黃脆身，微焦帶油香，底部薄脆，咬開肉汁滿瀉，肉餡調味恰到好處，唔油膩。五隻分量啱晒二人分享食。2️⃣ 蔥油餅 $11【4.0/5.0 🌟🌟🌟🌟】評語：即煎、外酥內軟有咬口帶層次，蔥略少，帶微微蔥香與芝麻味，不會過咸過油，建議即食即享受。3️⃣ 酸辣雲吞 $46【4.5/5.0 🌟🌟🌟🌟✨】評語：滿滿的酸辣湯有豬肚絲、木耳絲、蛋花、筍絲等材料豐富，湯底酸辣平衡，酸度明亮、辣味後上。雲吞是菜肉雲吞，餛飩總共有6隻大大隻滑溜多汁有彈性，皮都沒有穿，餡料不是切得很碎的那種，咬落很有口感，手包的絕對不會比機打的差，性價比超高！4️⃣ 豬扒雞翼粗炒 $54【5.0/5.0 🌟🌟🌟🌟🌟】評語：另一超抵食之選，豬扒雞翼跟上海粗炒會分開上。粗炒有上海粗麵跟椰菜、肉絲、蔥絲一起炒，油香十足，麵條炒得乾身不黐底。豬扒雞翼現炸，先炸起比粗炒先上，外皮金黃酥脆，炸得火候剛好，色澤自然不過深，表層略帶粗糙感，入口脆卜卜又唔油膩。每件豬扒及雞翼炸得飽滿厚肉，肉質仍保持嫩滑多汁，粉漿貼身唔厚皮，成功鎖住肉汁。不要點$40的上海粗炒，因為豬扒雞翼粗炒會令你更滿足！5️⃣ 跟餐凍豆腐花 $11【4.0/5.0 🌟🌟🌟🌟】評語：跟餐可以加豆腐花/ 油菜/ 豆漿等，今次便加了凍豆腐花，上枱時滿滿的豆花，豆味濃但豆花偏粗，喜歡滑溜細緻的可能會不喜歡，但值得一提的是夠凍，加上微甜薑汁糖水一齊食很清爽透心涼，不會蓋過豆香，夏日消暑一流。若嫌不夠甜的話店家也很細心的另外給紅糖自己按需要加。📌 餐廳整潔、氣氛及服務店舖選址高樓底，令整體環境光潔明亮；阿姐夠親切主動，落單快手，出餐效率高，唔使等耐。特別加分係牆上寫着「傳承中華飲食文化」，睇得出對飲食的敬意與堅持、很有感！
繼續閱讀
好掛佢地嘅粢飯同鍋貼，所以都特別轉車過嚟食。加上甜豆漿又凍又大支先$15。👍🏻👍🏻👍🏻👍🏻👍🏻❤️❤️❤️❤️💋最好食係即叫即整粢飯，大大件好乾淨用clip wrap, 再一刀切兩份好易食。下星期都要去食多次
繼續閱讀
搵位度：🌟🌟🌟🌟🌟好食度：🌟🌟🌟抵食度：🌟🌟🌟🌟君户鍋貼，細細個已經聽過依個名啦，喺啲八方啊四海嚟香港之前呢我相信大家細個都係食呢間鍋貼大。九龍城呢間都算相對難搵，其實就隱藏咗係啦，最多泰國雜貨鋪一條街度。嚟到啊，一定係整返個鍋貼啊，圍起都仲係$4隻依個價錢相對都幾合理。粢飯都好耐冇食啦，都整咗一隻，上枱熱辣辣嗰種回憶嘅感覺返晒嚟。如果唔係叫飯麵呢，豆漿要散嗌，$14我就覺得好似唔係好抵囉，所以冇特別叫啦。
繼續閱讀