3
0
2
港鐵中環站 D2 出口, 步行約8分鐘
繼續閱讀
電話號碼
26183832
營業時間
今日營業
07:30 - 17:30
星期一至六
07:30 - 17:30
星期日
全日休息
公眾假期
全日休息
以上資料只供參考, 請與餐廳確認詳情
今日真係又領教到香港食肆嘅服務質素。話說lunch 12:30左右，一個人去食飯，諗住簡簡單單，發現呢一間隱世嘅西式茶餐廳，諗住一試無妨，入到去餐廳一半滿都冇，lunch time竟然咁少人，心知不妙，中間兩張大長枱，每張有10個位，兩張大長枱一個客人都冇，側邊有幾個卡位是兩人或四人的，大概一半有人坐。因為冇人帶位嘅關係，自己坐低咗一個兩人嘅卡位，等咗一陣諗住落單，個阿姐行埋嚟，竟然同我講午飯時間卡位要俾兩個人，叫我坐大枱搭枱，我同阿姐講而家係咪有人等緊呢張枱?答案當然冇啦，但係阿姐話係老闆嘅規矩，叫我唔好令佢難做，於是我話我都唔想你難做，如果你真係有客嚟要坐，我就轉過去大枱俾返個卡位你，點知佢堅持話我一定要轉，我就同佢講你兩張大枱成20個位，一個人都冇，你真係擔心有人客入嚟會冇位坐？佢只係不斷重複喺餐廳規矩，又唔肯幫我落單，我嬲嬲地就話我來食飯唔係來受氣，既然你咁唔歡迎咁我唯有唔食啦，於是就走咗。事後諗返我都好慶幸冇去留低食，因為咁嘅服務態度，對佢哋嘅食物或者其他嘅嘢都唔敢寄予厚望。究竟係員工嘅問題，定係老闆嘅問題，我不得而知，唯有慨嘆一句，而家香港食肆的服務態度真係差咗咁多，完全唔諗客人同埋實際情況，淨係講規矩，想做得長都幾難。
繼續閱讀
大管后面。堅道𡚒興教会同七仔中間有一條樓梯落地牢.唔係經常喺呢度出入嘅人，唔一定知道這間餐廳。沒有招牌。樓梯口掛住個餐牌。廚師係一個年輕人.早餐午餐. 下午茶.晚餐都係他。收銀又是他。早餐$42雞扒麵+煙肉+肥子+多士公仔麵唔錯。雞扒皮脆。煙肉好味。午餐一般四個餐。菜式變化唔大。$55左右A:魚B:扒C:扒。D:焗飯。@味道唔錯。連續吃都可以。在這附近選擇唔多。價錢比較實惠。
繼續閱讀
叫左午餐C餐配沙律菜同紅湯落到去拎先話無哂沙律菜比左雜果沙律我大佬沙律菜係生菜雜果沙律係一堆罐頭生果加醬兩樣野差好遠你無唔緊要我打落黎落單個陣講聲我仲可以轉飯 意炒 茨菜求其塞啲野比我嬲到我成盒dum左-個泰式煎豬扒一開水汪汪紅湯打開半碗都無-成個餐咁樣收我54$仲要態度差打落去個陣已經係cut線落到去輕描淡寫講句無沙律菜換左雜果沙律問都唔問一聲我接唔接受或者轉唔轉其他真係唔值同埋無下次-大家去幫襯都小心啲睇清楚先好走
繼續閱讀
臥虎藏龍！大隱隱於市！這間茶餐廳「名閣」，位於半山堅道，一棟大廈的地庫，雖然在大街大巷，但又隱沒在其中，連外在的招牌都冇！就這樣才算隱世 ~其實茶記有幾特別 ? 又點解要介紹 ..... 1, 這間餐廳的 lunch 每天不同 , 菜式多樣化，夠特別 ~2, lunch包餐湯、主食 、餐飲，價錢平到你笑 , 而且夠大碟夠飽肚 ~香橙鴨胸拼蒜蓉燒青口 $54 : 個香橙汁的味道酸酸甜甜又夠香，真是頂呱呱；鴨胸肉質軟嫩有鴨味，煎得香 ; 蒜蓉燒青口，燒得火喉剛好，都食到有青口味 ~餐湯 : 意大利菜湯 , 飲到的味道算是港式 80 年代 西餐廳的菜湯的味道 , 懷舊的味道 ~餐飲-凍檸茶 : 正正常常茶餐廳凍檸茶的味道 ~本篇完 ~
繼續閱讀
2020年3月17日中午黎呢度食，第一次打算試下，好食嘅會日日黎。一入到去，間餐廳四分三係吉位，我地見到有幾張四人卡位都係坐左兩個人食緊飯。咁好自然我地都係揀四人卡位坐，特別係疫情之下，非必要都唔會坐埋一齊啦。點知個女人(唔知係咪老闆）話唔畀，要我地同其他人坐埋一堆，我地開到聲話想坐果個位，佢都話唔得，繼續指住另一個位。如果你間餐廳係滿客，要搭枱我可以理解，但係你四分三都係吉架嘛。仲要最少有三枱人都係兩個人坐四人卡位食緊飯，到我地兩個人坐就唔得？仲要依家肺炎咁嚴重，竟然要所有人坐埋一堆，有無搞錯？基於咁既情況，我地即刻離開唔食我建議大家唔好再去食，附近大把更好既餐廳
繼續閱讀